European Union

Nato States

World Capitals

United Nations

Nordic Council

Asean

Global Leaders

Commonwealth

European Council

ICC

European Parliament

League of Arab states

Muhammadan States

Global rulers King president Primminsters

Asia

Europe

North America

South America

Australia

یورپی ریجن کی کرسچن  ریاست ڈنمارک سے عالمی  نیوزر سروس کا نام ہے

 اس نیوزر سروس کا اغاز محمد  کے شی لاند پوسٹ میں شایع ہوءے ۳۰ ستمبر ۲۰۰۵ کو بارہ تصویری  خاکون کردار کشی کے

 فوری  بعد 8 اکتوبر2005کو اردو زبان سے شروع ہوا

اور یہ انٹرنیشنل  ان لاہن اس وقت میری  دنیا میں نشریات کی ایک  دوڑ میں شامل ہے 

اگر اپ کے پاس ان لاہن کی سہولت موجود ہے تو اپ بھی اس ڈاہری میں   حصہ ڈال  سکتے ہیں

لیلی ناروے پاکستان کی تحصیل کھاریاں کے علاقہ  کا ناروے کی زبان میں  نام ہے جس  کا مطلب  چھوٹا ناروے

ای میل  Jeelanidk@live.dkہمارے  ساتھ رابطہ

عظیم کھاریاں

 کی ڈاہری

ناٹو

یورپی ممالک کی افواج ہے جس مین ستاہیس رکن ممالک شامل  ہیں امریکہ کنیڈا بحیرہ اوقیانوس کے ایک طرف اور باقی ۲۵ ممالک   یورپ میں واقع ہیں

 ناٹو کا فوجی  عہدہ امریکہ کے پاس اور سیاسی عہدہ یورپ کے پاس ہے اور اس وقت ڈنمارک کے سابق  پراءم منسٹر اندرس فوگ راسموسن ناٹو کے سیکرٹری جرنل ہیں

  گوریمنٹ ہے جس کاکیپٹل برسلز ہے جو بلجیم کا کیپٹل ہونے کے ساتھ ساتھ راہیل  ناٹو کا ہیڈ کوارٹر بھی ہے

یورپی کمشن یورپی یونین کی ایڈمنسٹریشن ہے

   یورپی پارلیمنٹ

یورپی  یونین کے رکن ممالک  کی پارلیمنٹ کا نام ہے

یورپی پارلمینٹ میں سیاسی گروپس کی تعداد ۸ چل رہی ہے

  یورپی کونسل

یورپی ممالک کا ایک  کلب ہے  جس میں روس سمیت   پنتالیس رکن  ممالک  ہیں پہلے اس کلب کارکن بنایاجاتا ہے اور پھر دیکھاجاتا ہے کہ یہ یورپی  یونین کے لہے  کیسا  ہے اسے   یونین میں شامل کیا جاءے یا نہ

نورڈیکس کونسل

نارتھ ایسٹرن ممالک کا کلب ہے جس میں ڈنمارک  سویڈن ناروے  فن لینڈ ایس لینڈ گرین لینڈ فری اءی شامل ہیں

یورپ کا رقبہ  ابادی

Countries and dependencies

[edit]De facto independent, breakaway and disputed states

پاکستان ایک بہت ہی

مشکل دور سے گزر رہا ہے

ایک طرف اس ریاست پر امریکہ یورپ کاسیکورٹی کونسل کے نام پر دباو چل رہاہےاور دوری طرف  اس ریاست کے  اسلامی لوگ خود کش حملے کر رہے ہیں یہ  ایک بہت ہی خطرناک صورتحال ہے

 افواج پولیس مشکلات کا شکارہے اور عسکری حملوں میں ناکام ہو گی تو اس ریاست میں قانون  ختم لوٹ مار کے ایک  دور کا اغاز ہو جاءے گا

قیام امن کی کوءی بھی امید نہی ہے جب تک  امریکہ یورپ کے پاس لکشمی ہے جنگ چلتی رہے گی

 جب  امریکہ یورپ کا خزانہ  خالی ہو گیا  محمد کے اسلحہ بردار ون کے دور کااغازہوجاءے

لیکن اس دور کے انےمیں ابھی بہت لمبا  عرصہ ہے

روس کے  لیڈر  ولادی میر پوتن اس بات کے  حق میں ہیں

 کہ عالمی سیاست کاتوازن امریکہ یورپ کے حق میں ہی رہنا چاہے یہ ارتھوڈیکس کرسچن ہیں

 لیکن قران کے پیغمبر محمد کے اسلحہ برداروں کی  سوچ مغرب سے مشرق کی طرف عالمی توازن کو منتقل کرنے پر ہے

 اور ان کو امریکہ  یورپ دشت گرد پکارتے ہیں چونکہ ان کی   سیاست امریکہ یورپ کی سوچ  کے خلاف ہے

اگر محمد کےاسلحہ بردارامریکہ یورپ کی  عالمی سیاست سے اتفاق کر لیں تو چوبیس گھنٹے کے اندراندر یہ سب  دشت گرد امریکہ یورپ کی نظر میں   مجاہدین  اسلام  ہو جاہیں گے

دشت گردی کے نام پر جو اس وقت جنگ جاری ہے اس کی یہ   ایک  عالمی تصویر ہے

May 19,2012

Urdu english newser

یہ بالکل سچ ہے اور سچ کے سوا کچھ نہیں ہے۔ وزیر خارجہ حنا ربانی کھر نے بالکل سچ کہا ”ہم 48 ملکوں کا مقابلہ نہیں کرسکتے“ جوایک واحد ملک بھارت کا مقابلہ نہ کر سکے وہ یقیناً اتنے ملکوں کا مقابلہ کیسے کر سکتا ہے۔ اس دلیل کے وزنی ہونے سے کون انکار کر سکتا ہے کہ جس ملک کی معیشت تباہ حال ہو وہ جنگ جیسی ”عیاشی“ یا مقابلے جیسے ”شوق“ کا متحمل کیسے ہو سکتا ہے۔ امریکیوں نے ڈالروں کی بھیک جھولی میں نہ ڈالی تو بجٹ نہیں بن سکے گا۔ یہ ڈالر تو پہلے بھی ملتے رہے، یہ بجٹ تو پہلے بھی بنتے رہے، عوام کو کیا ملا ہے؟ ٹیکسوں کی بھرمار، پٹرول، گیس اور بجلی کی قیمتوں میں اضافہ، مہنگائی، بیروزگاری، خودکشیاں، چوریاں، ڈاکے، دانشوری کی معراج کہ جذباتیت نہیں حقیقت پسندی سے کام لینا چاہئے اور یہ حقیقت پسندی کیا ہے کہ دشمنانِ محمد ﷺ کے آگے سرنگوں ہو جاو، خدا کے دشمن تو عیسائی، یہودی اور ہندو تک نہیں ہیں ساری دشمنی تو اس ہستی سے ہے جو خدا کے سچے پیغمبر ہیں۔ قریش مکہ بھی تو خدا کے دشمن نہیں تھے وقت کی سپر پاور تھے۔ محمد کے پیرو کار بھی حقیقت پسندی سے کام نہ لے سکے اور اس سپر پاور سے ٹکرا گئے شاید اس لئے کہ پاکستانی دانشور موجود نہیں تھے جو انہیں حقیقت پسندی کی راہ دکھا سکتے تب ہی تو تپتی ریت پر کوڑے کھاتے رہے۔ تلواروں، نیزوں سے جسم چھلنی کرواتے رہے، گھر سے بے گھر ہوتے رہے۔ ہائے کیسی ”نادانی“ وقت کی سپر پاور کے اتحادی بنتے کیسی عیش و آرام کی زندگی بسر کرتے، شعب ابی طالب میں تین سال کی مسلسل اذیتیں، ہاں یہ حقیقت پسندی سے انحراف کا ہی تو نتیجہ تھا ، اور کیا اسے ”غیر دانش مندی“ کا شاہکار نہ سمجھنا چاہئے کہ وقت کے جدید ترین اسلحہ سے لیس ایک لاکھ کے لشکر جرار کے مقابلے میں صرف دس ہزار، نہ پوری تلواریں، نیزے نہ تیر کمان، پھر یہ کیا تاریخ کا ایک اور غیردانشمندانہ عمل کا منظر ہے پوری عیسائی دنیا پر مشتمل نیٹو افواج (صلیبی) کے مقابلہ میں تنہا نکل کھڑے ہونا صلاح الدین ایوبی نے مصری قوم کو ”تورا بورا“ بنانے اور اسے پتھر کے دور میں پہنچانے کا بندوبست کر دیا تھا اور یہ تو بالکل عقل سے پیدل ترقی کے تصور سے نا آشنا (ترقی کا معیار لمبی کار، شاندار بنگلہ، کلب، فائیوسٹار ہوٹل میں گپ شپ، یورپ کے دورے، نیم برہنہ بہنوں، بیٹیوں کو ہولناک نگاہوں کا مرکز بنتے دیکھ کر فخر محسوس کرنا، بے حیائی اور فحاشی کو جدید کلچر کے نام پر اپنانا) طالبان، جنہیں نہ معیشت کی فکر نہ گلوبل ولیج کے تقاضوں کا خیال، دس سال ہو گئے 48 ملکوں کا مقابلہ کئے چلے جا رہے ہیں اس کے باوجود کہ نہ ایٹمی قوت ، نہ میزائل ٹیکنالوجی ، نہ لڑاکا طیارے، نہ جنگی بحری جہاز ، نہ ہیلی کاپٹر ، نہ لاکھوں کی تعداد میں بہترین تربیت یافتہ فوج مگر یہ کیا راز ہے کہ 48 ملکوں کی قوتِ قاہرہ کا رُخ پھیر دیا، لمحوں میں تنکوں کی طرح بہا کر لے جانے والا عسکری طوفان ان کے جذبہ حریت سے سر ٹکڑا کر رہ گیا۔ یہ راز مسلمان کے سب سے بڑے دشمن ابلیس نے پا لیا تھا کہ اس کی قوت کا راز اس کے جسم میں پوشیدہ روح محمد ہے اور اس کے کوہ و دامن میں آباد ” ملّا“ ہے۔ جبکہ طورخم سے اس جانب بھی یہ دونوں چیزیں اگرچہ موجود ہیں مگر سراسر نمائشی‘ گھروں میں دکانوں میں روضہ رسول کی خوبصورت تصاویر آویزاں، مساجد اور گلی محلوں میں رات گئے تک محافل میلاد ”غلامی رسول میں جان بھی قربان ہے“ کے نعرے ، بس ان کو ہی عشقِ رسول کے تقاضے سمجھ لیا گیا ہے۔ یہ کیسا عشقِ رسول ہے کہ محمد کے دشمنوں سے یارانے‘ محمد پر ایمان رکھنے والوں کے خلاف تعاون کے معاہدے؟ یہ نیٹو سپلائی کی بحالی کس کے خلاف ہے؟ کیا طالبان اللہ اور رسول کے دشمن ہیں؟ اگر جواب اثبات میں ہے تو نیٹو سپلائی ہی بحال نہ کی جائے طالبان کے خلاف اعلانِ جہاد بھی کیا جائے۔

حالات گواہ ہیں کہ وطن عزیز پاکستان ان دنوں دشمنوں کی شر انگیزیوں اور اپنوں کی کوتاہ اندیشیوں کے ہاتھوں تاریخ کے بدترین بحران میں گھرا ہوا ہے اور دن بدن یہ حالات بد سے بد تر ہوتے چلے جا رہے ہیں۔ کہیں سے کوئی خیر کی خبر سنائی نہیں دیتی ہر طرف تباہیوں اور بربادیوں کے مناظر دیکھنے کو ملتے ہیں۔
ملک بھر میں انتشار اور بدامنی کا یہ عالم ہے کہ شہر شہر کھلے عام بم دھماکے خودکش حملے اور ٹارگٹ کلنگ روز کا معمول بن چکے ہیں۔ ہر روز سینکڑوں لاشیں گرائی اور اٹھائی جاتی ہیں۔ لوگ اپنے پیاروں کو دفناتے دفناتے نڈھال ہو چکے ہیں لاقانونیت کی یہ صورت حال ہے کہ گھر بیٹھے لوگ محفوظ نہیں تو راہ چلتے کوئی کسی کو لوٹ لے‘ تو لوٹنے والا اسے اپنا حق سمجھتا ہے۔ ڈاکے‘ چوریاں بلکہ سینہ زوریاں اور لوٹ مار جیسی وارداتیں اب شاید حکومت کی نظریں جرم ہی نہیں رہیں۔ اور اس لئے وہ اسے ضرورت مندوں کی ضرورت سمجھ کر نظرانداز کر دیتے ہیں نہ پولیس حرکت میں آتی ہے۔ نہ معاشرہ شور مچاتا ہے تو محرومیوں کا یہ عالم ہے کہ ملک بھر میں بجلی ہے نہ گیس‘ صنعتوں کے چلتے پہیے جام ہو چکے ہیں۔ روزگار ہیں نہ نوکریاں‘ پڑھے لکھے نوجوان بڑی بڑی ڈگریاں لئے ملازمتوں کی تلاش میں سرگرداں پھرتے ہیں لیکن ملازمتیں عنقا ہو چکی ہیں۔ ایسے میں لوگ ایسا نہ کریں تو کیا کریں۔ اور پھر ملکی اور قومی معیشت کی تباہی و بدحالی اس مقام پر پہنچ چکی ہے کہ حکومت اپنے امور مملکت بھی ادھار پر چلا رہی ہے۔ قرضے بڑھتے جا رہے ہیں اور ریونیو سکڑنا اور سرکاری خزانہ اجڑتا چلا جا رہا ہے سرمایہ اور سرمایہ دار باہر سے تو کیا آئیں گے‘ ملک کے اندر سے سرمایہ اور سرمایہ دار باہر بھاگتے چلے جا رہے ہیں۔ جبکہ وزیروں اور مشیروں کی فوج ظفر موج پر مشتمل حکومت اور حکمران اس تباہی سے بے نیاز‘ شاہی اللوں تللوں میں مصروف دن رات حکمرانی کے مزے لوٹتے چلے جا رہے ہیں۔ جیسے۔
بابر بہ عیش کوش‘ عالم دوبارہ نیست
جبکہ عوام ملک کی بدترین مہنگائی کے عذاب میں گرفتار خود کشیاں کرنے پر مجبور ہیں۔ کہنے کو تو یہاں جمہوری حکومت ہے لیکن حقیقت میں نہ جمہوریت ہے نہ حکومت۔ حکومت کی رٹ حکمرانوں کی کرسی بچانے تک ہی محدود ہے۔ باقی ملک بھر میں جرائم کا دور دورہ ہے تو تخریب کاروں اور دہشت گردوں کی بے تاج حکمرانی‘ نفس نفس‘ نفس گرفتہ عوام حیران و پریشان ہوکر پوچھتے ہیں۔ کیا یہی وہ پاکستان ہے جس کا ہمارے بزرگوں نے آج سے 62 سال پہلے خواب دیکھا تھا اور اسے حاصل کرنے کیلئے لاکھوں جانوں کی قربانی دی تھی۔ ان کے مطابق تو یہ ملک دنیائے اسلام میں اسلام کا قلعہ بننا تھا۔ یہ قلعہ تو کیا بنا‘ یا کیا بنتا‘ اب یہ اپنے وجود کے بوجھ تلے کھڑا لڑکھڑا رہا ہے اور اہل پاکستان اس قدر مایوس اور دل شکستہ ہو چکے ہیں کہ وہ ملکی سیاست اور سیاست دانوں کے وجود تک سے ہی بیزار ہو چکے ہیں اور انکی نظر میں ملک کی تمام سیاسی جماعتیں‘ کاروباری لمیٹڈ کمپنیاں بن چکی ہیں۔ اور ان کے ساتھ صرف وہی لوگ اور خاندان جڑے ہوئے ہیں‘ جن کے ذاتی مفادات ان سے وابستہ ہیں۔ ملک و قوم کی قطعاً کسی کو پرواہ نہیں۔ تو نتیجتاً وہ ان سے یہاں تک منفرد ہو چکے ہیں کہ ان سے نجات پانے کیلئے دن رات اللہ تعالیٰ سے گڑ گڑا کر دعائیں مانگتے ہیں اور وہ ایسے کسی مسیحا کی تلاش میں ہیں‘ جو ان کے ان دکھوں کا مداوا کر سکے۔ تو اس عالم آس و یاس میں لامحالہ ان کی نظریں عمران خان پر مرکوز ہو کر رہ گئیں ہیں اور لوگ دیوانہ وار اس کی طرف کھچے چلے جا رہے ہیں۔
اب اس کی مقبولیت کا یہ عالم ہے کہ وہ ملک کے جس شہر میں جاتا ہے یا جلسہ کرتا ہے اسے دیکھنے اور سننے کےلئے لوگوں کا ایک ریکارڈ ساز غم غفیر اکٹھا ہو جاتا ہے۔ لوگ اسے سنتے اور اس کی باتوں پر یقین بھی کرتے ہیں اور یوں اہل نظر اسے عمران خان کے حق میں ایک ریفرنڈم قرار دے رہے ہیں۔ اس کا ادراک اس کے مخالفین کو بھی ہو چکا ہے لیکن وہ اس سے ”جیلسی“ میں مبتلا کھلے عام اعتراف نہیں کرتے۔ اور انہیں تو یہاں بھی پورا احساس ہو چکا ہے کہ قوم اب برداشت کی آخری حدوں تک پہنچ کر یہ فیصلہ کر چکی ہے کہ Enongh is eningh اور وہ ملک میں ایک بڑی تبدیلی کی شدت سے طلبگار ہے بلکہ انکی نظر میں یہ تبدیلی اب ناگزیر ہے جس کا نقیب عمران خان ہی ہو گا۔

محیی الدین بن احمد دین
یقینا جنوبی پنجاب بہت بڑی حقیقت ہے مگر پاکستان تو اس سے بھی بڑی حقیقت ہے۔ جنوبی پنجاب وہ خطہ زمین ہے جہاں کے نامور افراد ہمیشہ ہی اقتدار میں رہے ہیں یہ بڑے بڑے نام ماضی کی تاریخ ہیں۔ اگر جنوبی پنجاب کے عوام کے احساس محرومی کی بات ہوتی ہے تو سوال ہے کہ ان بڑے بڑے جنوبی پنجاب کے حکمرانوں نے ہی یہ احساس محرومی پیدا کیا ہوگا۔ عوام کا مسئلہ اور ضرورت صوبہ جنوبی پنجاب یا سرائیکی صوبہ ہرگز نہیں بلکہ یہ جاگیرداروں اور وڈیروں کی ضرورت ہے تاکہ وہ نئے صوبے میں بلاشرکت غیرے اقتدار پر قابض رہیں اور معصوم عوام کیلئے استعمار اور استحصال کی علامت بنے رہیں۔ کیا موجودہ وزیراعظم کا تعلق جنوبی پنجاب سے نہیں ہے؟ اس کے باوجود محرومی کی دہائی کتنی بڑی منفی سیاست ہے ؟ جنوبی پنجاب کی اصل ضرورت کاشتکاروں کو پانی کی فراہمی ہے اور پانی تو صرف کالا باغ ڈیم کے ذریعے ہی مل سکتا ہے۔ کالا باغ ڈیم جہاں پختون جنرل ایوب خان کے عہد میں ورلڈ بینک کے ماہرین کا مشورہ تھا وہاں ذوالفقار علی بھٹو کو بھی اس ڈیم پر ہرگز کبھی اعتراض نہ ہوا تھا۔ محترمہ بینظیر بھٹو تو ڈیم بنانے میں دلچسپی بھی رکھتی تھی مگر آہستہ آہستہ .... سندھ میں اگر پانی کی کمی ہے تو یہ پانی نمکین سمندر سے تونہیں آسکے گا بلکہ دریائے سندھ سے ہی اس کو منصوبہ بندی کے ذریعے فراہم کرنے کا قدم اٹھایاجاسکتا ہے۔ہم نہایت ادب سے گزارش کریں گے کہ صدر زرداری کے پاس جنوبی پنجاب اور سندھی عوام کی بھوک پیاس اور مفلسی کا ایک ہی علاج ہے کہ وہ اسفندر یارولی کو قائل کریں کہ جس طرح ولی باغ کی خواہش پر صوبہ سرحد کا نام خیبر پختون خواہ ہوگیا ہے اب ولی باغ جنوبی پنجاب اور سندھی عوام کے پانی کی ضرورتیں پورا کرنے کیلئے پارلیمانی ” ہاں“ کرے۔اگر صدر زرداری ترپ کا یہ پتہ کھیل لیں تو جنوبی پنجاب ہی کیا سینٹرل پنجاب سے بھی انہیں اگلے انتخابات میں بہت زیادہ ووٹ مل سکیں گے۔ صدر زرداری ولی باغ کو یہ بتا سکتے ہیں کہ ان کے صوبے کے جنوبی اضلاع کی زراعت کیلئے کالا باغ ڈیم سے نہر فراہم ہوسکتی ہے۔ یہ ہے اصل تحفہ اور عطیہ جو صدر زرداری اور پی پی پی کی طرف سے سندھی عوام اور جنوبی پنجاب کے معصوم اور مظلوم عوام کو خوش کرسکتا ہے ۔کیا صدر زرداری ولی باغ کو قائل کرنا پسند کریں گے ! ہمیں یقین ہے کہ اسفند یارولی صدر کے منہ سے نکلی ہوئی بات کا ’مان ‘رکھیں گے۔
ایک نجی ٹی وی پر سپیکر قومی اسمبلی محترمہ فہمیدہ مرزا نے جو بات چیت کی ہے اس سے وزیراعظم گیلانی کو بدستور وزیراعظم برقرار رکھنے کی سیاست پر کاری ضرب پڑی ہے۔ شائد ایوان صدر کی یہ دانش مندی ہوگی کہ وہ نیا وزیراعظم لے آئے۔بھلے سے یہ نیا وزیراعظم بھی وہ جنوبی پنجاب سے ہی کسی نئے مخدوم ہی کی صورت میں لے آئے جبکہ اپوزیشن راہنما نئے متفقہ وزیراعظم کی تجویز تو پہلے ہی دے چکے ہیں۔ اس اتفاق رائے تک پہنچنے کیلئے اگر نیا چیف الیکشن کمشنر غیر متنازعہ اور غیر جانبدار ہوتو اس عمل میں دیر نہیں کرنی چاہئے۔ نیا غیر جانبدار چیف الیکشن کمشنر صدر زرداری کی سیاست کیلئے بہت بڑی اخلاقی مدد فراہم کرے گا۔ غیر جانبدار اور پاکیزہ کردار کے اخلاقی سطح کے چیف الیکشن کمشنر کو سامنے لانے کی نیت تو کر لیں اگر نیت میں اخلاص ہوگا تو اپوزیشن اس عمل کو پایہ تکمیل تک پہنچانے میں ساتھی بھی بن جائے گا انشاءاللہ۔ اہل وطن سے اجتماعی توبہ اور استغفار کی استدعا کی ہے۔

اسرائیل کے وزیراعظم بےنجمن نیتن یاہو نے تقرےباً تےن سال سے قائم اپنی اتحادی حکومت تحلیل کرنے کا اعلان کرتے ہوئے اس سال ستمبر میں قبل از وقت انتخابات کرانے کا اعلان کیاہے جبکہ پروگرام کے مطابق اسرائےل کے قومی انتخابات چار سال بعد اگلے سال اکتوبرمیں ہونے تھے۔ اسرائےلی وزےراعظم بےنجمن نیتن یاہو نے گذشتہ دنوں اپنی پارٹی کے ارکان کو بتایا کہ ملک میں مزید ڈیڑھ سال تک غیر مستحکم صورتحال قائم رکھنے کے خلاف ہیں کیونکہ اس سے قومی معیشت‘ معاشرت اور سیکیورٹی کو نقصان پہنچ رہا ہے۔ ان کا دعویٰ تھا کہ کئی عشروں کے بعد ان کے عہد میں اسرائےل مےں ایک مستحکم حکومت قائم ہوئی تھی مگر اقتدارکے تےسرے سال کئی ایسے واقعات رونما ہوئے جن سے سیاسی استحکام اور سیکیورٹی کےلئے خطرات میں اضافہ ہوا ہے جو معاشرے اور معیشت کے لئے مسائل کا سبب بن سکتے ہےں۔ معےشت، معاشرت اورقومی سےکےورٹی کے پےش نظر قبل از وقت انتخابات کا اسرائےلی وزےراعظم کا اپنے وطن سے محبت کا عکاس اورجمہوریت رواےات کی پاسداری کا آئےنہ دارہے حالانکہ وہاں اس قسم کا کوئی مطالبہ اس شدومد سے نہےں کےاجارہا جس شدومد سے ےہ پاکستان مےں ہورہا ہے اورحکومتی اتحاد کے علاوہ ہر پارٹی فرےش مےنڈےٹ کی بات کررہی ہے۔ بات مزےد آگے بڑھانے سے قبل اسرائےل سے ہی آنے والی اےک اورخبر پر نظر ڈال لےتے ہےں اور وہ ےہ ہے کہ اسرائیل کی سپریم کورٹ نے حکومت کی اس درخواست پر اعتراض کیا ہے کہ مغربی کنارے کے مضافاتی علاقے میںغیر قانونی تعمےرات کو گرائے جانے کے حکم کی تعمیل کےلئے مزید وقت دیا جائے۔ایک رپورٹ میں بتایاگیاہے کہ حکومت نے یہ تسلیم کرلینے کے بعد کہ اس نے ایک فلسطینی کی پرائیویٹ زمین پر بلا اجازت پانچ عمارتیں تعمیر کی تھیں یکم مئی تک انہیں گرانے کی ذمہ داری ظاہر کردی تھی۔ بعد ازاں حکومت نے آبادکاروں کی طرف سے شدید دباﺅ اورآباد کارےہودےوں سے ہمدردی کے باعث عدالت میں یہ درخواست دائر کرنے کے بعد عمارتیں گرانے کا منصوبہ ملتوی کردیااورموقف اختےارکےاکہ وہ اس مقدمہ کو دوبارہ کھولنا چاہتی ہے۔ اسرائےلی سپریم کورٹ کے جج نے یہ رائے دی ہے کہ جب ریاست کوئی وعدہ کرتی ہے تو ہم اس وعدے کو پورا نہ کئے جانے کا ساتھ نہیں دے سکتے۔ اےک اےسی مملکت جس کے وجود کو ہم نے آج تک تسلےم نہےں کےا اور جو اپنے جارحانہ اورنسل پرستانہ عزائم کی تکمےل کےلئے ہر وہ بد سے بدترےن ہتھکنڈے استعمال کرنے کو جائز سمجھتی ہے اورجسے دنےا کی کوئی معاشرت درست قرارنہےں دےتی ۔ اےسی مملکت کا وزےراعظم اپنے معاشرہ کےلئے نہ صرف وہ اقدار متعےن کرتا دکھائی دےتا ہے جس کی جھلک بھی کبھی اس کے عمل سے دکھائی نہےں دی۔ اسے جمہورےت کی خوبصورتی کہئے ےا قسمت کی ستم ظرےفی کہ جو حالات اسرائےل مےں پےداہونے کا احتما ل ہے اور محض اس کے خدشہ کودورکرنے کےلئے وزےراعظم قبل ازوقت انتخابات کرانے کےلئے نہ صرف تےارہوگئے بلکہ عملی طورپر اس کا اعلان کرکے عوام سے رجوع کررہے ہےںوہی حالات پاکستان مےں حکومت کے قےام کے دوسرے سال ہی پےداہوگئے تھے اورصورتحال روزبروز ابترہوتی جارہی ہے لےکن اقتدارسے چمٹے رہنے کی ہوس نے تمام اخلاقی ، قانونی اورجمہوری رواےات کو پامال کرکے رکھ دےاہے۔اسرائےل مےں کوئی زرداری ےا گےلانی نہےں اور وہ معاشرہ کسی زرداری ےا گےلانی کو پنپنے کا موقع نہےں دےتاجس کی وجہ سے وہاں جمہورےت اپنی تمام تر رواےات کے ساتھ فروغ پذےردکھائی دےتی ہے۔ دوسری طرف اس کی عدلےہ نے صہیونےت کے تحفظ کی پاسداری کے باوجودےہ رےمارکس دے کر حکومت کا ساتھ دےنے سے انکارکردےا کہ رےاست کی وعدہ خلافی کا ساتھ نہےں دےاجاسکتا۔ ان حالات مےں ہمارے ارباب اقتدارکو اپنے کردارکاجائزہ لےنا چاہئے کہ وہ جمہورےت کے نام پر عوام سے کےاکےا انتقام لے رہے ہےں۔ معےشت، معاشرت اورقومی سےکےورٹی کےا پاکستان کے مسائل نہےں ہےںاورکےا پاکستان مےں حکمرانوں کی معاشےات کے علاوہ گذشتہ چار سالوں مےں کسی کی معاشےات نے ترقی کی ہے۔کےاہمارے حکمران اخلاقےات سے عاری ان اسرائےلی حکمرانوں سے گئے گذرے ہےں جو اپنے ملک کی معےشت، معاشرت اورقومی سےکےورٹی کی خرابی کے خدشہ کے پےش نظراقتدار چھوڑکرعوام سے فرےش مےنڈےٹ کےلئے رجوع کرنے چل پڑتے ہےں۔بدقسمتی سے پاکستان مےں جمہورےت کو خاندانی حکومتوں اورشخصی آمرےتوں کے قےام کا ذرےعہ سمجھ لےاگےااوراب عوام کو بھی اس خاندان پرستی سے نکل کرقوم پرستی کی طرف آناہوگاتاکہ کسی خاندان ےا فرد کی وفاداری کی بجائے پاکستان سے وفاداری کا حلف اٹھانے والے اس حلف سے غداری کی جرات نہ کرسکےں۔

آ ج وطن عزیز اور اس کے مکین کونسا ایسا بحران اور مشکل ہے جس میں مبتلا نہیں ہیں۔ مہنگائی اور بیروزگاری کا جادو سر چڑھ کر بول رہا ہے۔ گیس اور بجلی کی شدید قلت محض حکمرانوں کی نااہلی کی وجہ سے ہے۔ جس کے باعث یہاں گھر تاریک اور گھروں کے چولہے ٹھنڈے ہیں وہیں کاروبار ٹھپ ہو چکے ہیں۔ سفید پوش لوگوں کا بھرم قائم رکھنا ناممکن ہو گیا ہے۔ غریب خودکشیوں اور اپنی اولاد کو بیچنے پر مجبور ہیں۔ بجلی و گیس کی انتہا کی لوڈشیڈنگ پر ہی بس نہیں ان کے بل ان کی عدم فراہمی کے باوجود پہلے سے دو تین گنا زیادہ آتے ہیں۔ بڑے کاروبار بھی ٹھپ ہیں ان کے مالکان کے پاس سرمایہ تھا وہ سرمائے سمیت بیرون ممالک منتقل ہو گئے۔ غریب کہاں جائے؟ خودکشی کرکے اگلے جہان یا پھر حکمرانوں کی طرح لوٹ مار کو پیشہ بنا لے، ایسا بھی ہر کوئی نہیں کر سکتا ۔لوگ پہلے بھی حالات سے تنگ تھے آج کچھ زیادہ ہی ہیں۔ جن کو روٹی نہیں ملتی اپنے بچوں کی تعلیم و صحت کے اخراجات برداشت نہیں کر سکتے وہ حلال رزق کے لیے ہر طرح کی جستجو کرتے ہیں۔ 2006ءمیں ایک گیلپ سروے کیا گیا جس میں حالات سے تنگ 6فیصد پاکستانیوں نے روزگار کے لیے بیرون ملک جانے کی خواہش کا اظہار کیا۔ گذشتہ سال ان کی تعداد میں حیران کن اضافہ ہو چکا تھا۔ ایسے پاکستانیوں کی تعداد بڑھ کر تیس فیصدہو چکی تھی جو حکومتی پالیسیوں سے نالاں ہونے کے باعث ملک چھوڑنے پر تیار بیٹھے ہیں۔ اسی گیلپ سروے میں 80فیصد پاکستانیوں نے حکومت کو کرپٹ قرار دیا۔ باقی 20فیصد وہ ہوں گے جو چوروں کے ساتھ مل کر چوریاں کرتے ہیں۔ آج صورت وہ ہو چکی ہے جو فرانس کے خونی انقلاب کی بنیاد بنی تھی۔
وزیراعظم گیلانی ایک چند روز قبل برطانیہ کے دورے سے لوٹے ہیں ۔ دورے کے دوران سی این این کی خاتون اینکر پرسن بیکی اینڈرسن کو انٹرویو دیا ۔ اس نے سوال کیا کہ کرپشن سے تنگ آ کر دو تہائی لوگ پاکستانی چھوڑنا چاہتے ہیںاس پر وزیراعظم نے بڑی خودسری اور رعونت سے لبوں پر استہزائی مسکراہٹ بکھیرتے ہوئے جواب دیا۔پھر وہ چھوڑتے کیوں نہیں؟ان کو کس نے روکا ہے؟کیسا وزیرانہ جواب تھا! یہ وہ دو تہائی لوگ ہیں جو کوڑی کوڑی کو محتاج ہیں۔ یہ لوگ تو روٹی روزی کی تلاش میں ملک سے باہر جانے کے خواہش مند ہیں۔
تارکین وطن کی تعداد ڈیڑھ کروڑ ہے۔ یہ سالانہ 15ارب ڈالرز زرمبادلہ پاکستان بھجواتے ہیں۔ یہ اس امریکی امداد11ارب ڈالر سے ڈیڑھ گنا زیادہ ہے جو اب تک پاکستان کو ملی ہے جبکہ اوورسیز پاکستانی 15ارب ڈالر ہر سال بھجواتے ہیں۔ آج پاکستان کی معیشت اگر سانس لے رہی ہے تو زراعت کے بعد تارکین وطن کی طرف سے بھجوائی جانے والی رقوم ہیں۔ وزیراعظم کے رعونت آمیز رویے پر ہر اوورسیز پاکستانی صدمے سے دوچار ہے۔ میں یورپ سے ہوتا ہوا آج کل کینیڈا میں مقیم ہوں۔ مجھے یورپ‘ امریکہ‘ کینیڈا اور خلیجی ریاستوں سے سینکڑوں پاکستانیوں کے فون موصول ہوئے ہیں۔ وزیراعظم گیلانی کے اس بیان پر کہ یہ لوگ ملک چھوڑ کیوں نہیں جاتے پر سخت ناراضگی کا اظہار کر رہے ہیں۔ وہ کہتے ہیں کہ گیلانی سپریم کورٹ کے فیصلے کے بعد اقتدار سے چمٹ کر ڈی فیکٹو وزیراعظم بن چکے ہیں اب وہ ہمارے اعتماد کے قابل بھی نہیں رہے۔
سی این این کی اینکر پرسن بیکی اینڈرسن کو انٹرویو دیتے ہوئے ہمارے ڈی فیکٹو وزیراعظم نے انہیں وزیراعظم نہ ماننے والے اور کرپشن پر رونا پیٹنا اور واویلا کرنے والے پاکستانیوں کو پاکستان چھوڑنے کا مژدہ سنایا۔ انٹرویو کے درمیان وزیراعظم کافی بوکھلائے بوکھلائے نظر آتے تھے ایسا لگ رہا تھاکہ بین الاقوامی عدالتِ انصاف میں ان کی پیشی ہے جہاں پر انہیں سزا سنائی جا رہی ہے۔ یوسف رضا گیلانی اس انٹرویو کے بعد سیاسی اپاہج بن کر رہ گئے ہیں۔ وہ آنے والی سیاسی تنہائی سے پریشان ہیں 5سال اور30سیکنڈ کی سزا کاٹنے کے بعد سید یوسف رضا گیلانی کو خبر ہے کہ قید آخر قید ہوتی ہے۔ پہلی بار جب انہیں احتساب عدالت راولپنڈی کی جانب سے سزا سنائی گئی تو اس وقت کمرہ عدالت میں جہانگیر بدر، راجہ پرویز اشرف اور صدر مملکت جناب آصف علی زرداری جو احتساب عدالت پیشی پر آئے ہوئے تھے موجود تھے اور جج صاحب جب سزا سنانے لگے تو ہم سب یوسف رضا گیلانی سے اظہار یکجہتی کے لیے اٹھ کر کھڑے ہو گئے اور صدر مملکت نے ان کا دایاں بازو اور ”راقم“ نے ان کا بایاں ہاتھ اٹھا کر اوپر گیا اور اس موقع پر صدر مملکت جناب آصف علی زرداری نے کہا کہ جناب جج صاحب جس شخص کو آپ سزا سنانے لگے ہیں کل یہ اس ملک کا سربراہ بنے گا مگر وہ شخص جب سربراہ بنا تو مجرم بھی ٹھہرا۔ پاکستان پیپلزپارٹی کی اعلیٰ قیادت نے اگر سیاست کرنی یا پھر سیاست سے کنارا کشی کا ارادہ کر لیا ہے وگرنہ وہ یوسف رضا گیلانی جیسے سزا یافتہ مجرم کی اس قدر پشت پناہی نہ کرتے۔وزیراعظم اور ان کے کرپٹ رفقاءیہ چاہتے ہیں کہ ان کو کوئی روکنے ٹوکنے والا نہ ہو اور وہ اپنی من مانیاں کرتے پھریں:
”سُنجیاں ہو جان گلیاں تے وچ مرزا یار پھرے“
میں ایک بار پھر ان کو درخواست کروں گا کہ پیپلزپارٹی کو مکمل طور پر تباہ ہونے اور عوام میں غیر مقبول ہونے سے قبل استعفیٰ دے کر آئین، قانون اور انصاف کا بول بالا ہونے دیں۔
(مضمون نگار پرانے جیالے ہیں: ادارہ)

راولپنڈی میں کنٹونمنٹ بورڈ کے اہلکاروں نے مظاہرہ کرنیوالے خواجہ سراﺅں کو مار کر بھگا دیا۔
خواجہ سراﺅں نے یہ کیوں نہ کہا‘ کنٹونمنٹ بورڈ کے اہلکاروں سے کہ....
تاڑی مار اُڈا نہ باہو
اسی آپے ای اڈن ہارے ہو
بھلا خواجہ سرا جو فل میک اپ اور فیشن ایبل کپڑوں میں ملبوس بڑے ناز سے احتجاج کر رہے تھے‘ انہیں مار کر کیوں بھگا دیا۔ وہ تو احتجاجی ٹھمکے لگا رہے تھے۔ ڈرنا تو اس احتجاج سے چاہیے جو اندر ہی اندر ابل رہا ہے۔ یہ آتش فشاں جس روز پھٹ پڑا تو ہر طرف عوام کا لاوا ہی لاوا ٹھاٹھیں مارتا نظر آئیگا اور یہ خواجہ سرا قسم کا لاوا نہیں ہو گا۔ خواجہ سرا جب شیو بھی کرتے ہیں‘ آواز بھی مردانہ ہوتی ہے پھر عورتوں کا لباس ترک کرکے خود کو مردانہ لباس میں ملبوس کرکے خواجہ سرا‘ ہیجڑا اور خسرہ جیسے ناموں سے نجات کیوں نہیں پالیتے؟ کسی کے پاس ایکسرے مشین نہیں ہوتی کہ یہ شخص خواجہ سرا ہے‘ ویسے کوئی خواجہ سرا ہے تو کوئی نغمہ سرا اور کوئی امریکہ سرا....ع
ہمیں تو لوٹ لیا مل کے ان سراﺅں نے
کنٹونمنٹ بورڈ راولپنڈی کو خواجہ سراﺅں کی اداﺅں کو مان لینا چاہیے۔ ان پر اپنے اہلکار نہیں چھوڑنے چاہئیں۔ انہیں باندھ کے رکھنا چاہیے۔ خواجہ سراﺅں کو مارنا کوئی بہادری ہے‘ نہ کارِثواب۔
٭....٭....٭....٭
یوسف رضا گیلانی فرماتے ہیں: استعفیٰ کس کو دوں‘ عدالتی فیصلے میں نہیں لکھا مسلم لیگ نون یا سیاسی جماعتیں عملدرآمد کرائیں گی۔
گیلانی اب اتنے تو بے خبر نہیں کہ یہ بھی معلوم نہ ہو کہ استعفیٰ کس کو دینا ہے‘ استعفیٰ اس کو دیا جاتا ہے‘ جس نے حلف لیا ہوتا ہے۔ گویا قومی امانت قوم کے کسٹوڈین کو واپس کر دی جاتی ہے۔ باقی عدالتی فیصلہ‘ نامہ بنامِ یار تو ہوتا نہیں کہ اس میں جملہ تفصیلات درج ہوں اگر کسی کو ٹکٹ کلکٹر کہہ دے کہ آپ کے پاس ٹکٹ نہیں تو وہ خود ہی گاڑی سے اتر جاتا ہے اور باہر نکلنے کیلئے دروازہ بھی خود ہی کھولتا ہے۔ ریلوے ایکٹ میں تو اتنا لکھا ہوتا ہے کہ بغیر ٹکٹ ٹرین میں سفر کرنے کی اجازت نہیں۔ ایسا شخص عام زبان میں ”With out “کہلاتا ہے۔
یہ بات گیلانی صاحب کی سولہ آنے درست ہے کہ فیصلے میں یہ نہیں لکھا کہ اس پر عملدرآمد مسلم لیگ نون یا سیاسی جماعتیں کرائیں گی۔ البتہ اس میں شک نہیں کہ فیصلے پر عملدرآمد بھی خود گیلانی صاحب ہی کرائیں گے یا صدر صاحب یہ فریضہ انجام دینگے۔ بھلا مسلم لیگ نون اور سیاسی جماعتیں کون ہوتی ہیں کہ ان سے استعفیٰ لیں نہ ہی عدالت چاہتی ہے۔ عدالت تو بس اتنا کہتی ہے کہ دودھ میں اتنا پانی اور اتنا دودھ ہے‘ تو ظاہر ہے گوالے کو سزا دی جائیگی اور اسے ملاوٹ والا دودھ بیچنے کی اجازت نہ ہو گی۔
جملہ مثالوں سے واضح ہوا کہ گیلانی صاحب استعفیٰ کس کو دیں۔ اگر وہ یہ سمجھتے ہیں‘ ان کے اوپر کون ہے‘ جو ان سے استعفیٰ لے لے‘ تو براہ راست اللہ کی بارگاہ میں پیش کر دیں‘ اس سے بڑا تو کوئی نہیں۔
٭....٭....٭....٭
پاکستان تاجکستان سے ایک ہزار میگاواٹ بجلی لے گا۔ معاہدے پر دستخط ہو گئے۔ دوسری جانب بھارتی کابینہ نے ترکمانستان سے پاکستان افغانستان کے راستے گیس خریدنے کی منظوری دیدی۔
حکومت پاکستان کیلئے فیصلے بھارتی کابینہ کر رہی ہے‘ ظاہر ہے ہمارے ٹھیکیداروں نے ایک ٹھیکہ بھارت کو بھی بخشیش کر دیا۔ کیا یہ وطن حکمرانوں کا نہیں؟ آثار تو یہی بتاتے ہیں۔ بھارت جو پاکستان کیخلاف مذموم دشمنی پر مبنی شاعری کر رہا ہے اور وہ دانت پیس رہا ہے کہ کب موقع ملے اور وہ پاکستان کو کھا جائے۔ آج اسکے ساتھ تجارت‘ اسکی اکانومی کو بڑھاوا دینے کا عمل پاکستانی حکمران کھلے عام کر رہے ہیں اور اس سلسلے میں اپوزیشن بھی انکی ہی پوزیشن پر کھڑی ہے۔ شاید اس کا ”اپو“ کہیں کھو گیا ہے۔
جب ناک کو سیدھے سیدھے پکڑا جا سکتا ہے تو پیچھے سے ہاتھ لا کر پکڑنے کی کیا ضرورت ہے؟ ایران پاکستان کو سستی بجلی دینے کیلئے نہ صرف تیار ہے بلکہ اس نے پاکستانی سرحد تک لائن بھی بچھا دی ہے۔ لیکن انکل سام نے انکل ٹام کو روک رکھا ہے اور انکل ٹام نے کہہ دیا ہے کہ ایران سے سستی بجلی کی خریداری پر پابندی کھپے! چونکہ پاکستان کے پاس پیسہ ہی بڑا ہے‘ اس لئے وہ تاجکستان سے تریاق منگوانے کا بندوبست کر رہا ہے اور بھارت جیسے موذی مخالف کو بھی اجازت دیدی ہے کہ ترکمانستان سے گیس لو اور ہمارے سینے کے اوپر سے گزارو۔ اس لئے کہ پاکستان بینئے کو سہولتیں فراہم کرنے اور اپنے لوگوں کو رگڑا دینے کیلئے بنایا گیا۔ یہ بھارت کی طرف پشت کرکے ہاں ہاں کرنا چہ معنی دارد؟ آخر یہ آبیل مجھے مار پالیسی کیوں؟ اور اس پر طرہ یہ کہ....
اقتدار بھی عیاری اختلاف بھی عیاری
کیا مادر وطن سے راس آگئی غداری
٭....٭....٭....٭
لاہور میں 866 جوئے کے اڈے‘ پولیس افسران سرپرست بن گئے۔
ان جوا¿ خانوں کی بہار پورے شہر کے کونے کونے کو مہکا رہی ہے اور جوئے باز و سرپرست پولیس افسران کو مستی میں لہکا رہی ہے۔ جہاں جوئے کا بیوپار ہو گا‘ وہاں شراب و شباب پر بھی نکھار ہو گا۔ پھر تو یہ شہر نگاراں گناہ کے گھوڑے پر سوار ہو گا۔ آٹھ سو چھیاسٹھ جوا¿ خانے کا مطلب ہے کہ واقعی شہر پرآشوب بن چکا ہے اور یہ جوا¿ کھیلنے والے آخر داﺅ پر کیا کچھ نہ لگاتے ہونگے۔ اس سے پہلے کہ شہر کی آبرو داﺅ پر لگ جائے‘ حکومت پنجاب ان جوا¿ خانوں اور پولیس سرپرستوں کیخلاف کوئی دھانسو اقدام کرے ورنہ....
پھوڑا سا ساری رات جو پکتا رہے گا ” شہر“
تو صبح تک تو ہاتھ لگایا نہ جائے گا

چونکہ اظہار و بیان کی دنیا سے ہمارا بھی تعلق ہے اس لئے ہمیں معلوم ہے کہ انسان کو اسی وقت بات کہنے میں بڑی وقت ہوتی ہے جو زباں دل کی رفیق نہیں ہوتی دل کچھ اور محسوس کرتا ہے ،دل کے تقاضے کچھ اور ہوتے ہیں،دل کے مطالبے کچھ اور ہوتے ہیں مگر مصلحت کے اَن دیکھے جال میں جکڑی زباں کچھ اور کہنے پر مجبور ہوتی ہے۔
گزشتہ شب ہماری وزیر خارجہ حنا ربانی کھر بھی ایک ٹی وی پروگرام میں ایسی ہی کیفیت سے دوچار تھیں وہ جو کچھ کہہ رہی تھیں اس پر اُن کا دل کسی طرح گواہی نہیں دے رہا تھا۔وہ کہہ رہی تھیں کہ ایوانِ صدر میں منعقد ہونے والے حکومتی و عسکری اجلاس میں یہ طے پایا ہے کہ کوئی فیصلہ ملکی وقار،سالمیت اورخود مختاری کے خلاف نہیں ہوگا۔حنا ربانی کھر جب یہ کہہ رہی تھیں تو صاف محسوس کیاجاسکتا تھا کہ اُنکی بدن بولی (Body Language) اُنکے الفاظ کا ساتھ نہیں دے رہی تھی۔اُنکے الفاظ میں کوئی مفہوم نہیں تھا پارلیمنٹ نے مشترکہ طورپر یہ قرارداد منظورکی تھی کہ جب تک امریکہ سلالہ کے 24فوجی شہیدوں کے خون نا حق پر معافی نہیں مانگتا اور اُن کا خون بہاءادا نہیں کرتا اور جب تک ڈرون حملے بند نہیں کرتا اس وقت تک نیٹو سپلائی بحال نہیں کی جائیگی۔
امریکہ نے ہماری پارلیمانی قراردادوں کی منظوری کے بعد بڑی ڈھٹائی کا ثبوت دیا اور نہایت جارحانہ رویہ اختیار کرتے ہوئے کہا کہ وہ سلالہ کے شہیدوں کے خونِ ناحق پر معافی نہیں مانگے گا اور نہ ہی خون بہاءادا کرےگا اور نہ ہی ڈرون حملے بند کرےگا۔اب حنا ربانی کھر قوم کو بتائیں کہ اس امریکی جارحیت کے جواب میں ملکی وقار، سالمیت اور خود مختاری کا تقاضا کیا تھا؟ کیا اس کا تقاضا یہ تھا کہ اس امریکی رعونت کے جواب میں سرتسلیم خم کرلیاجائے۔
ہمارے حکمران جن کے زرخرید غلام ہیں وہ اپنے آقاﺅں سے جان کی امان مانگ کر اتنا تو عرض کر سکتے تھے کہ عالیجاہ! ہم نے پارلیمانی قراردادوں کی صورت میں اپنی قوم کی توقعات کے گراف کوخاص اونچا کردیا ہے۔اب اس گراف کو نیچا کرنے میں کچھ وقت ملے گا ہم نے تو روز اول سے آپ کا اقبال بلند کرنے کیلئے کوئی دقیقہ فرو گزاشت نہیں کیا۔ آپ ہماری مجبوریوں کا اتنا سا خیال تو رکھیے مگر یہ کہنے کی جرا¿ت ہماری اعلیٰ قیادت میں سے کسی کو بھی نہیں ہوئی۔
ایوانِ صدر میں ہونےوالی اعلیٰ سطحی میٹنگ میں وزیراعظم سید یوسف رضا گیلانی نے برطانوی وزیراعظم کی وساطت سے موصول ہونےوالے نیٹو ممالک کے پیغام سے آگاہ کیا جبکہ آرمی چیف نے اتحادی افواج کے کمانڈر جنرل جیمز ایلن سے ہونےوالی ملاقات کے بارے میں بتایا۔ ان دونوں ملاقاتوں کی روشنی میں ایوان صدر والے اعلیٰ سطحی اجلاس میں فیصلہ کیا گیا کہ دفاعی کمیٹی پارلیمانی قراردادوں کا جائزہ لے اور اُن قراردادوں کے دائرے میں رہتے ہوئے نیٹو سپلائی بحال کرنے کافیصلہ کرے۔
ہماری اعلیٰ قیادت نے اتنا تکلف بھی نہیں کیا کہ اپنی مجبوریاں بتا کر پارلیمنٹ یا پارلیمنٹ کی دفاعی کمیٹی سے نئی صورتحال کےمطابق کوئی اور قرارداد منظور کروائی جاتی۔ پارلیمانی قراردادوں میں کوئی ابہام نہیں اُن میں کوئی پیچیدگی نہیں اُن میں کوئی ایسا الجھاﺅ نہیں کہ جس کی وضاحت کی ضرورت ہو۔وہاں تو سیدھی سیدھی بات یہ کہی گئی ہے کہ جب تک امریکہ سلالہ کے شہیدوں کے بارے میں معافی نہیں مانگے گا اور جب تک ڈرون حملے بند نہیں کرےگا ہم نیٹو سپلائی لائن بحال نہیں کرینگے۔
پس پردہ کہانی یہ ہے کہ نیٹو کے سیکرٹری جنرل آندرے راسموسین نے چند روز پہلے دو ٹوک الفاظ میں یہ اعلان کیا تھا کہ اگر پاکستان نیٹو سپلائی بحال نہیں کرتا تو اسے شکاگو امن کانفرنس میں مدعو نہیں کیاجائےگا جب پاکستان نے ایوانِ صدر کے اجلاس سے پہلے نیٹو کو سپلائی کھول دینے کی یقین دہانی کرادی تو سیکرٹری جنرل نے صدر آصف علی زرداری کو ٹیلی فون پر شکاگو کانفرنس کے سربراہی اجلاس میں شرکت کی دعوت دیدی۔
اس ساری صورتحال سے یہ ثابت ہوگیا ہے کہ ہم اپنے معاملات کو بطریقِ احسن سلجھانے اور اپنے مسائل حل کرنے کی صلاحیت سے محروم ہوچکے ہیںاگر بالآخر ہم نے امریکہ کی گود میں ہی جا بیٹھنا تھا اور ہمیں ایک ڈیڑھ ارب امریکی ڈالروں کی اشد ضرورت تھی تو ہم مستقبل کے سارے اندازے لگا کر ایک ایسا طرزِ عمل اختیار کرتے جو ایک خود مختار نہ سہی کم از کم ایک سنجیدہ قوم کے شایان شان تو ہوتا۔ہم نے پارلیمانی قراردادوں اور دفاع پاکستان کونسل کے شہر شہر منعقد ہونےوالی کانفرنسوں کی قراردادوں سے قومی وقار اور قومی شان و شوکت کا ایک تاج محل تعمیر کرلیا تھا اور پھر یکا یک ہم نے کسی پارلیمنٹ کو اعتماد میں لیا نہ کسی دفاعی کونسل کے قائدین کی اشک شوئی کی ضرورت محسوس کی اور یوٹرن لیکر قوم کو مزید تشویش میں مبتلا کردیا۔
ہماری وزارتِ خارجہ کی یہ بھی ناکامی ہے کہ وہ امریکہ کو یہ بات بھی نہیں سمجھا سکی کہ صدر بارک اوباما افغانستان جا جا کر معافی مانگتے ہیںمگر ہمارے زخموںپر مرہم رکھنے کے بجائے اُن پر نمک پاشی کرنے کا کوئی موقع ہاتھ سے نہیں جانے دیتے۔
ہم اپنے آپ کو اگر ایک جرا¿ت مندقوم ثابت نہیں کرسکتے تو کم از کم اتنا تو ثابت کریں کہ ہم ایک سنجیدہ قوم ہیں۔ہم اپنے اچھے برے کو بخوبی سمجھتے ہیں ۔ہمیں معلوم ہوناچاہئے کہ ہمیں قومی جذبات کے گراف کو بھی اس حد تک ہی لے جاناچاہئے تھا۔
ہماری عسکری و حکومتی اعلیٰ قیادت نے اگر فیصلے خود کرنا ہوتے ہیں تو پھر پارلیمنٹ کو کانٹوں میں نہ گھسیٹا کریں اس طرح سے ملکی وقار پر بھی آنچ آتی ہے اور پارلیمنٹ کا وقار بھی مجروح ہوتا ہے۔ہمیں پہلے سے اپنی معاشی و سیاسی اور سفارتی حیثیت کا حقیقت پسندانہ اندازہ لگاناچاہئے اور ان ہی حقائق کی روشنی میں کوئی پارلیمانی قرارداد پاس کرنا چاہئے اور وزارت خارجہ کو اپنی کارکردگی بہتر بنانے کی طرف فوری توجہ دینا ہوگی۔ رہا یہ سوال کہ کیا حکومت نیٹو سپلائی بحال کرچکی ہے تو سیدھا سادا جواب یہ ہے کہ یقینا بحال کرچکی ہے۔

شاہد رشید صاحب کی کتاب ”مجید نظامی: اعتراف خدمت“ قوم کی جانب سے جناب مجید نظامی کی بےباک صحافتی خدمات کا واضح اعتراف ہے جو اس ملک میں بہت کم لوگوں کو نصیب ہے۔ الحمدللہ!
مجھ پر ان کی خصوصی نظر عنایت رہی ہے اور اسی حوالے سے میں ایک اہم بات کی جانب توجہ مبذول کرانا چاہتا ہوں جس کا تعلق نظریہ پاکستان سے ہے‘ جسے انہوں نے نہ صرف اجاگر کیا ہے بلکہ قوم کے دلوں میں ایسی سوچ اور فکر پیدا کی ہے جو قابل تحسین ہے۔ نظریہ پاکستان دراصل اس حقیقت کا اعتراف ہے کہ برصغیر کے مسلمانوں نے قائداعظم محمد علی جناح کی ولولہ انگیز قیادت اور علامہ محمد اقبال کے تصورات کی روشنی میں پاکستان حاصل کیا‘ جس پر اللہ تعالیٰ کی رحمتیں ہیں کیونکہ پاکستان 27 رمضان کے مبارک دن قائم ہوا۔ جب ملک کا ٹیلی کمیونیکیشن نظام عالمی نظام سے منسلک ہوا تو ہمیں 92 کا کوڈ نمبر ملا جس کے حروف ہمارے نبی کریم کے پاک نام سے موسوم ہیں اور یہی وجہ ہے کہ ہماری تمام تر کمزوریوں اور خامیوں کے باوجود قائم و دائم ہے۔ پاکستان کا قیام مشیت ایزدی کی تائید و نصرت سے عبارت ہے اور یہ کہنا بجا ہو گا کہ ہم نے ملک تو بنا لیا‘ یعنی مسجد تو تعمیر کر لی لیکن اسے آباد رکھنے کےلئے نمازیوں کی ضرورت کو اہمیت نہ دی۔ یہی سبب ہے کہ آج تک ہمارا ملک آباد نہ ہو سکا اور اتنے بڑے بڑے مسائل سے دوچار ہے۔ 14 فروری 1948ءسبی میں دربار سے خطاب کرتے ہوئے قائداعظم محمد علی جناح نے فرمایا: ہماری نجات کا واحد ذریعہ ان زریں اصولوں پر مشتمل ہے‘ ”ضابطہ¿ حیات“ پر عمل کرنا ہے جو قوانین ہمارے پیغمبر حضرت محمد مصطفی نے قائم کر دیئے ہیں۔“ اور ایک ہفتہ بعد 21 فروری 1948ءکو ملیر کینٹ میں خطاب کرتے ہوئے فرمایا: ”اب آپ کو اپنی سرزمین میں ”اسلامی جمہوریت“ معاشرتی انصاف اور اسلامی مساوات کے اصولوں کے احیاءاور فروغ کی پاسبانی کرنا ہے .... اخوت‘ مساوات اور اتحاد ہمارے دین‘ تمدن اور ثقافت کے بنیادی عناصر ہیں۔“ اور 26 مارچ 1948ءچٹاگانگ میں فرمایا: ”اتنا یقین سے کہہ سکتا ہوں کہ ہمارا (مقصد حیات“ اسلام کے بنیادی اصولوں پر مشتمل جمہوری نوعیت کا ہوگا۔ ان اصولوں کا اطلاق ہماری زندگی پر اسی طرح ہوگا۔“
قائداعظم نے دراصل بڑے الفاظ میں قوم کے ”نظریہ¿ حیات“ کی تشریح کی تھی جس کی وضاحت ہمارے آئین میں موجود ہے:
”ایک جمہوری نظام کے قیام کےلئے جدوجہد کرنا جس کی بنیادیں قرآن اور سنہ کے اصولوں پر قائم ہوں۔“
قوم کا ”نظریہ حیات“ مقدس سرمایہ ہے جس کے تحفظ کےلئے بڑی سے بڑی قربانی دینے کےلئے تیار رہنا قوم کی ذمہ داری ہے۔ اس نظریہ حیات کو National Purpose یا Raison d'etre کہتے ہیں‘ یعنی Reasons for Existence۔
ہمارے نظریہ حیات کے دو اجزا ہیں پہلا: ”جمہوری نظام“ ہے جو ہماری معاشی‘ معاشرتی اور اقتصادی ضرورتوں کی عکاسی کرتا ہے‘ اور دوسرا ”ہمارے دینی نظریات“ ہیں جو اس جمہوری نظام کی بنیاد ہیں۔ لہٰذا قومی نظریہ حیات کو مستحکم و مضبوط بنانے اور قومی سلامتی کے تقاضوں کو پورا کرنے کےلئے ضروری ہے کہ ہم پاکستانی ان دو باتوں پر ایمان بھی رکھیں اور صدق دل سے عمل بھی کریں لیکن افسوس کہ جس طرح سے ہم نے جمہوریت اور اسکے اصولوں کی تذلیل کی ہے اسکی مثال دنیا کے کسی اور ملک میں نہیں ملتی۔ لیکن زیادہ تکلیف دہ یہ حقیقت ہے کہ پاکستانی قوم ”بنیادی دینی تعلیم“ سے دور سے دور ہوتی جارہی ہے۔ ہماری اکثریت دین سے قطعاً نابلد ہے۔ یہی وجہ ہے کہ آج ہمارے ملک میں مرکز اور تین صوبوں میں سیکولرازم پر یقین رکھنے والی جماعتیں حکمران ہیں اور ایسے نظریات کا پرچار ہو رہا ہے جو ہمارے دین سے متصادم ہیں۔ اس برائی کا سبب یہ ہے کہ ہمارے سکولوں اور گھروں میں دین کی تعلیم برائے نام رہ گئی ہے اور وہ لوگ جو صرف دین کی تعلیم حاصل کرتے ہیں ملکی معاملات‘ اقتدار و سیاست سے الگ کر دیا گیا ہے۔ جو صرف احتجاج کرتے ہیں اور اعلامیہ جاری کرتے رہتے ہیں۔
میں نے اتنی لمبی تمہید باندھنے کی جرا¿ت اس لئے کی ہے کہ نظریہ پاکستان کے پلیٹ فارم سے قومی نظریہ حیات کی اہمیت و ضرورت اور اس پر عمل کرنے کےلئے ایک منظم تحریک چلانے کی ضرورت ہے تاکہ ان اسمبلیوں میں بیٹھے اپنے عوامی نمائندوں کو اس بات پر مجبور کر سکیں کہ ہمارے سکولوں میں بنیادی دینی تعلیم ایک لازمی مضمون کی حیثیت سے شامل کی جائے تاکہ ہر مسلمان بچے کو کم عمری میں یعنی اپنی زندگی کے ابتدائی دور میں ہی ”اپنی شناخت“ حاصل ہو جائے ورنہ جس کی اپنی کوئی شناخت نہ ہو وہ صرف روبوٹ کی طرح ہوتا ہے اور یہ روبوٹ نما انسان جب اعلیٰ عہدوں پر فائز ہوتے ہیں‘ تو خواہ وہ صدر ہوں‘ وزیراعظم یا چیف آف آرمی سٹاف تو وہ عمل اسی پروگرام پر کرےگا جو اس کے دماغ میں بھر دیاگیا ہو۔ ایسے روبوٹ نما حکمرانوں کے ہاتھوں قوم نے اس قدر دکھ اور مصائب جھیلے ہیں جن کے منفی اثرات کی وجہ سے ہماری قومی سوچ اور فکر دھندلاتی جارہی ہے‘ کثافت بڑھتی جارہی ہے‘ بے یقینی اور محرومیاں بھی انتہائی حدوں پر پہنچ چکی ہیں۔ نظریہ¿ پاکستان کی کوکھ سے قوم کا نظریہ¿ حیات جنم پاتا ہے جس کا احترام اور تقدس ہر پاکستانی پر لازم ہے‘ وہ پاکستانی ”جو دنیاوی تعلیم کےساتھ ساتھ بنیادی دینی تعلیم سے بھی بہرہ ور ہوں، وہی پاکستانی اس مملکت خداداد کو قائداعظم اور علامہ اقبال کے خوابوں کے مطابق آباد و شاد کر سکیں گے۔

اگر منشائے الٰہی یہ ہوتی کہ اشرف المخلوقات ” آدم“ مخلوقِ کامل بھی بنے تو نسل ِانسانی کے جّدِ امجد کو جنت سے نہ نکلنا پڑتا۔ یہ درست ہے کہ حضرت آدم ؑ میں قادر ِ مطلق نے اپنی روح پھونکی اور اسے اپنی تمام تر خصوصیات سے آشنائی کا شرف عطا کیا مگر یہ بھی درست ہے کہ خدائی صفات میں سے کوئی بھی صفت کامل طور پر انسان کو نہیں ملی۔ اور درست یہ بھی ہے کہ جب ذات ِباری نے آدم ؑ کو منع فرمایا کہ ” اس شجر کا پھل مت کھانا “ تو یہ بات منشائے الٰہی کا حصہ تھی کہ آدم ؑویسا ہی کریں جیسا کرنے سے انہیں منع کیا گیا تھا ¾ اور جیسا اگر وہ نہ کرتے تو نسل ِانسانی کا ٹھکانا یہ زمین نہ بنتی۔ اور انسانی تہذیب کی وہ طویل اور ختم نہ ہونے والی داستان شروع نہ ہوتی جس کا حصہ آج کا پاکستان بھی ہے‘ صدرآصف علی زرداری بھی ہیں‘ سید یوسف رضا گیلانی بھی ہیں‘ میاںنوازشریف بھی ہیں‘ جنرل اشفاق پرویز کیانی بھی ہیں‘ جسٹس افتخار محمد چوہدری بھی ہیں‘ جناب عمران خان بھی ہیں‘ جناب الطاف حسین بھی ہیں‘ مولانا فضل الرحمن بھی ہیں‘ خان اسفند یار ولی بھی ہیں اور وہ تمام ” صاحبان وصاحباتِ نفس “ بھی ہیں جن کے نام میں یہاں درج نہیں کرسکتا۔ ہماری کہانی حضرت آدم ؑ سے ہی شروع ہوتی ہے۔ یعنی انسان کے اس پہلے گناہ سے شروع ہوتی ہے جسے قادرِ مطلق نے معاف تو کردیا مگر جس کی سزا سے استثنیٰ نہ تو آدم ؑ کو حاصل ہوسکا اور نہ ہی نسل ِ آدم کو۔ اس بات کا مطلب یہ نہ لیا جائے کہ یہ زمین جو نسل ِآدم کی بستی قرار پائی یہاں زندگی بسر کرنا ایک سزا ہے۔ سزا جنت سے نکلنا تھا۔ اگر ہم جنت سے نہ نکلے ہوتے تو ہماری بداعمالیوں کی سزا کے طور پر اللہ تعالیٰ کو دوزخ بنانے کی ضرورت پیش نہ آتی۔ مگر جیسا کہ میںلکھ چکا ہوں ہمارا جنت سے نکلنا منشائے الٰہی تھا گویا دوزخ کا قائم ہونا بھی منشائے الٰہی تھا۔ اور یہ بات بھی منشائے الٰہی تھی کہ یہ دنیا ہمارے لئے امتحان گاہ بنے۔ یہاں ہم خیر و شر کی اس جنگ کے کردار بنیں جو منشائے الٰہی کا ایک حصہ تھی ¾ اور جس کا آغاز ابلیس اور باری تعالیٰ کے درمیان ہونے والے مکاملے سے ہوگیا تھا۔
میں نے یہ لمبی چوڑی تمہید اس لئے باندھی ہے کہ بات آگے بڑھانے سے پہلے میں اپنے قارئین پر یہ اٹل حققت واضح کردینا چاہتا ہوں کہ ” شجرِ ممنوعہ سے لے کر توہین عدالت کے جُرم کے ارتکاب تک کی کہانی “ منشائے الٰہی کا ہی حصہ ہے۔ قادرِ مطلق نے چاہا تو آدم ؑ اپنے خالق کی ہدایت بُھول گئے۔ خدا نے چاہا تو شیطان کو موقع ملا کہ آدم ؑکو بہکائے۔
اگر ایسا نہ ہوتا تو کرہ ِ ارض پر انسانی تہذیب کے جنم کی وہ عظیم داستان کیسے شروع ہوتی جس کے عظیم کرداروں میں ایک طرف حضرت نو ح ؑ ¾ حضرت ابراہیم ؑ ‘ حضرت یعقوب‘ حضرت موسیٰ ؑ ‘ حضرت داﺅد و ؑ‘ سلیمان ؑ اور حضرت عیسیٰ ؑ و دیگر پیغمبران برحق تھے اور دوسری طرف سکندراعظم ¾ جولیس سیزر‘ ہنی بال‘ اٹیلا‘ اور چنگیز خان وغیرہ جیسے فاتحین تھے جن کے گھوڑوں کی ٹاپوں کے سامنے زمین کی وسعتیں سمٹ گئیں؟ آپ یہ نہ سوچیں کہ اس عظیم داستان کا وہ باب میرے ذہن سے محو ہوگیا ہے جس کا آغاز 610ھ میں حضرت عبدالمطلب کے پوتے‘ حضرت عبداللہ کے فرزند‘ حضرت آمنہ کے لعل اور نسل انسانی کو راہ ِ ہدایت پر ڈالنے والی کی حتمی تہذیب کے معمار حضرت محمد پر کلامِ ِالٰہی کے نزول سے ہوا ¾ اور صدیوں کا طویل سفر طے کرنے کے بعد بھی کرہءارض کی تقدیر سے الگ نہیں کیا جاسکا۔ اس طویل باب کو اگر میں ایک الگ داستان قرار دوں تو بے جا نہیں ہوگا۔ میں حوالہ اس ضمن میں عصرِ حاضر کے چند ایسے محقّیقن کا دوں گا جن کا تعلق امتِ ِمحمدی سے بس اتنا ہے کہ انہوں نے اسے اپنی تحقیق اور اپنے مطالعے کا مضمون و موضوع بنایا۔ میں بات تھامس کارلائل اور واشنگٹن اِرونگ کی بھی کررہا ہوں ¾ اور ٹائن بی اور کیرن آرمسٹرانگ کی بھی۔
سب اس بات پر متفق ہیں کہ انسانی تاریخ نے جو کروٹ 610ھ میں لینی شروع کی اسکی مثال اور کوئی نہیں ملتی ¾ اور جس سفر کا آغاز 622ھ کی ایک تاریک شب کو مکہ سے ہوا اُس سفر کے بارے میں یہ کہنا نا درست نہیں ہوگا کہ اسکے نتیجے میں دنیا کی تاریخ فیصلہ کن طور پر تبدیل ہوگئی۔
یہاں میں اِس سفر کے اُن کرداروں میں سے کچھ کا ذکر کرنا ضروری سمجھتا ہوں جن کے کارناموں کے بغیر دنیا یہاں تک نہ پہنچتی جہاں تک پہنچی ہے۔ پہلے میں چاروں خلفائے راشدین کا ذکر کروں گا۔ پھر خالد بن ولید ؓ سے لے کر طارق بن زیاد اور امیر عبدالرحمان تک تمام اُن فاتحین کا ذکر کروں گا جن کے ” عزم ِ کشور کشائی “ کے سامنے کرہءارض کی وسعتیں اس طرح سمٹی تھیں جس طرح طوفانوں کے سامنے فضائیں سمٹتی ہیں۔ پھر میں فارابی‘ بُوعلی سینا‘ جابربن حیان‘ ابنِ رشد اور عمر خیام کا ذکر بھی کروںگا جن کے ” شوق ِ تحقیق‘ نے جدید سائنسی علوم کو جنم دیا۔ پھر میں حضرت امام غزالی ؒ‘ حضرت عبدالقادر گیلانی ؒ‘ حضرت علی ہجویری ؒ اور حضرت معین الدین چشتی کاذکر بھی کروں گا جن کی تلاشِ حق نے انسان کو روشنی کے نئے راستوں سے ہمکنار کرایا اور اس ضمن میں میں ان نجات دہندگان کا تذکرہ کرنا کیسے بھول سکتا ہوں جو تنزل و تذلیل کے ادوار میں روشنی کے مینار بن کر کبھی صلاح الدین ایوبی ؒکے نام سے‘ کبھی سلطان بیبرسؒ کے نام سے اور کبھی اقبال ؒ و جناح ؒ کے نام سے سامنے آئے؟ یہ طویل وعظیم داستان صرف بڑے ” ناموں “سے ہی نہیں بڑے کارناموں سے بھی بھری پڑی ہے۔
ہمارے وہ دانشور جو یہ سمجھتے ہیں کہ انسانی تہذیب کی ترقی کا آغاز نیوٹن اور آئنسٹائن سے ہوا انہیں چاہئے کہ کم ازکم دو کتابیں ضرور پڑھیں۔ ایک ٹم ویلیس مرفی کی تصنیف What Islam Did For Us )اسلام نے ہمیں کیا دیا ؟(۔ اور دوسری گراہم امی فُلر کی A World Without Islam )اگر دنیا میں اسلام نہ ہوتا(۔
فُلر نے اپنی کتاب میں یہ فرض کیا ہے کہ اگر حجاز میں حضرت محمد کا ظہور نہ ہوتا ¾ اور آپ کے جانشین آپ کی تعلیمات کا پرچم لے کر قیصر و کسریٰ کی تسخیر کےلئے نہ نکلتے تو کیا ہوتا۔ آج کی دنیا کیسی ہوتی ؟
مجھے احساس ہے کہ میں خیالات کے رو میں بہہ کر اپنے اصل موضوع سے ہٹتا جارہا ہوں مگر میرے اصل موضوع کا رشتہ اس داستان کےساتھ اتنا گہر ااور مضبوط ہے جس کا احاطہ میں نے مختصر طور پر کیا ہے کہ ان تمام باتوں کو سامنے لائے بغیر میں وہ بات پورے تیّقن اور زور کےساتھ شاید نہ کہہ پاتا جو کہنا چاہتا ہوں۔جس پاکستان میں ہم رہ رہے ہیں ¾جسے علامہ اقبال ؒنے سوچا تھا اور جسے قائداعظم ؒ نے سوچ کے مقام سے اٹھا کر حقیقت کا روپ دے دیا اور جس پر آج ایسے لوگ حکمران ہیں جن کے ” ناموں “ کا رشتہ تو ضرور ” ہماری تہذیب “ کےساتھ ہے مگر جن کے ”کارناموں“ پر ” ہماری تہذیب “ ندامت کے سوا اور کچھ محسوس نہیں کرسکتی.... یہ پاکستان محض ایک ملک نہیں‘ محض اٹھارہ کروڑ فرزندان و دختران ِآدم ؑکی بستی نہیں.... یہ پاکستان عہد ِ حاضر میں اس تاریخ ساز داستان کا تسلسل ہے جس کے دو نقطہ ہائے آغاز ہیں۔ ایک وہ رات جب آپ نے سفرِ ہجرت اختیار کیا اور ایک وہ دن جب میدان بدر میں ایک ہلالی نیزہ عمر و ہشام المعروف ابوجہل کے سینے میں پیوست ہوا اگر پاکستان اُ س نہ ختم ہونےوالی داستان کا امین نہیں تو کچھ بھی نہیں جو ریاستِ مدینہ کے قیام سے شروع ہوئی تھی۔جس طرح یہ دنیا آدم ؑ اور انکی آل واولاد کےلئے ایک آزمائش گاہ بنی ¾ اسی طرح پاکستان بھی دورِ حاضر میں آپ کے نام لیواﺅں کےلئے ایک آزمائش گاہ ہے۔ صرف ایک آزمائش ہی نہیں ¾ ایک چیلنج بھی ہے۔
جن حکمرانوں سے ہمیں آج سابقہ ہے وہ ہمارے حوصلوں اور ہمارے ولولوں کو پست کرنے کا باعث نہیں بننے چاہئیں۔ ہمیں یہ بات نہیں بھولنی چاہئے کہ صلاح الدین ایوبی ؒ سے پہلے مشرق وسطیٰ میں دور دور تک روشنی کی کوئی کرن دکھائی نہیں دیتی تھی۔ہر اندھیرا اپنے پیچھے روشنی لا رہا ہوتا ہے۔ آصف علی زرداری سیدیوسف رضا گیلانی‘ میاں برادران اور انکے تمام ہمنواﺅں کے پیچھے کیا آنےوالا ہے یہ ہم آج نہیں جانتے۔ مگر ہمیں یہ بات کبھی نہیں بھولنی چاہئے کہ دنیا کی تاریخ میں کوئی بھی سکرپٹ ایسا نہیں لکھا گیا جسے لکھنے والے قلم پر غیر مرئی ہاتھ قدرت یا منشائے الٰہی کا نہیں تھا۔جس منشائے الٰہی نے قیامِ پاکستان کا اہتمام پوری توانائیوں کےساتھ کیا تھا‘ وہ منشائے الٰہی اپنے قائم کردہ پاکستان کو طاغوتی طاقتوں کے شکنجے سے آزاد بھی ضرو ر کرائے گی۔
اور اس کام کےلئے فرشتے آسمانوں سے نہیں اتریں گے۔ قدرت یہ کام ہمارے ہی ہاتھوں سے انجام دلائے گی ۔ تاریخ میں ہمیشہ ایسا ہی ہوتا رہا ہے۔۔۔

قدرت نے پاکستان کو توانائی کے حصول کےلئے بے شمار خزانوں سے بہرہ ور کر رکھا ہے مگر بدقسمتی سے ہمارے نااہل حکمرانوں نے بیورو کریسی کی ریشہ دوانیوں کی وجہ سے اس عطیہ خداوندی کی کبھی قدر نہیں کی جس کا لازمی نتیجہ یہ ہے کہ آج ہم توانائی کے شدید بحران سے دوچار ہیں۔ 80فیصد صنعتیں بند ہونے سے لاکھوں مزدور اور ہنرمند بیروزگاری کا شکار ہو چکے ہیں۔ غریبوں کے گھروں کے چولہے گیس کی کمیابی اور غیراعلانیہ لوڈ شیڈنگ کے باعث ٹھنڈے پڑ چکے ہیں اور غریب افراد اپنے بچوں کو ہلاک کرنے کے بعد خود کشیاں کر رہے ہیں۔ توانائی کے بحران کی وجہ سے ملکی معیشت کو سالانہ 400ارب روپے کا نقصان ہو رہا ہے۔ اس وقت ہمیں بجلی کی ساڑھے پانچ ہزار میگا واٹ کمی کا سامنا ہے۔ دیہاتی علاقوں میں 16سے 20گھنٹے اور شہری علاقوں میں 12گھنٹے روزانہ کی لوڈ شیڈنگ جاری ہے۔ عوام شدید مایوسی کے عالم میں سڑکوں پر سراپا احتجاج بنے ہوئے ہیں مگر حکمرانوں کے کانوں پر جوں تک نہیں رینگتی ہے اور وہ اپنے اللوں تللوں میں پڑے ہوئے ہیں۔ کیونکہ انہیں طاقتور جنریٹرز کے ذریعے ائرکنڈیشننگ کی سہولت مل رہی ہے۔
نتھیا گلی اور مری میں ان کے اپنے بنگلے ہیں۔ جون، جولائی میں ویسے بھی لندن اور یورپی ممالک میں سیروسیاحت کےلئے چلے جائینگے۔ گرمی کے دوزخ میں لوڈ شیڈنگ عذاب تو غریبوں کےلئے ہے۔ اور اوپر سے مستزاد مہنگی بجلی پر زیادہ شرح سے ادائیگی اور ٹیکسوں کی ادائیگی کے علاوہ لائن لاسز اور بجلی کی چوری کی قیمت صارفین کو ادا کرنی ہو گی۔ مثلاً پشاور الیکٹرک کمپنی میں بجلی کی چوری 39 فیصد ہے۔ یعنی اگر عوام 100یونٹ بجلی استعمال کرینگے تو انہیں 139یونٹس کی ادائیگی کرنی ہو گی کیونکہ بجلی کی ترسیل میں جو بھی بجلی ضائع ہوتی ہے یا چوری ہوتی ہے واپڈا کے قانون کےمطابق اسکی ادائیگی صارف کرتا ہے۔
قارئین! پاکستان میں ہمارا توانائی کا شعبہ 50 فیصد گیس، 29فیصد تیل، 11فیصد پن بجلی اور 7.6 فیصد کوئلے اور نیوکلیئر انرجی پر مشتمل تھا۔ مگر بدقسمتی سے گذشتہ پانچ سالوں سے گیس پر توانائی کا انحصار 50 فیصد سے کم ہو کر 27فیصد رہ گیا ہے اور تیل پر انحصار 29 فیصد سے بڑھ کر 38فیصد ہو گیا اور کوئلہ پر انحصار 2.26 فیصد سے کم ہو کر 0.1فیصد رہ گیا ہے۔
اس وقت ہائیڈل اور تھرمل پاور کی پیداوار کا تناسب 30:70ہے۔ حالانکہ اس کو کم از کم 50:50ہونا چاہئے۔ پاکستان میں دستیاب ذرائع سے بجلی پیدا کرنے کی صلاحیت 18000میگا واٹ ہے جبکہ ہائیڈل سے ہم اس وقت 6500میگا واٹ سستی بجلی پیدا کر سکتے ہیں مگر پانی سٹور کرنے کی کمی اور تربیلا ڈیم اور منگلا ڈیم کی جھیلوں میں سلٹ کی وجہ سے ہم محض 5000 میگا واٹ بجلی پیدا کر رہے ہیں حالانکہ پاکستان کی آبی ذرائع سے 40ہزار میگاواٹ بجلی پیدا کی جا سکتی ہے اور اگر ہم تھرمل ذرائع کو چھوڑ دیں تو ہوا، کوئلہ، سورج اور پانی کے ذرائع سے سالانہ ایک لاکھ میگا واٹ بجلی پیدا کرنے کی استعداد رکھتے ہیں۔
پاکستان میں بجلی کی فی کس کھپت محض 15mbtu ہے جبکہ چین میں 54mbtu اور ملائشیا میں 104mbtu ہے مگر ہم پھر بھی صارفین کی طلب پوری کرنے سے قاصر ہیں حالانکہ ہمارے پاس 170بلین ٹن کے کوئلے کے ذخائر تھر میں موجود ہیں جن کی مجموعی مالیت 400ارب بیرل تیل کے برابر ہے ۔ حال ہی میں ڈاکٹر ثمر مبارک مند اور انکی ٹیم نے کوئلے کو گیس میں بدلنے کا کامیاب تجربہ کیا ہے جس کی پیداواری لاگت 4روپے فی یونٹ ہے۔ پیپکو کےمطابق 2030ءمیں پاکستان کی بجلی کی ضروریات آبادی کی تیز رفتار شرح سے بڑھنے کی وجہ سے ایک لاکھ میگا واٹ تک پہنچنے کا امکان ہے۔
پاکستان میں تھرمل ذرائع سے سترہ پرائیویٹ پاور پراجیکٹس (IPPS)، 6229میگا بجلی پیدا کرنے کی استطاعت رکھتے ہیں مگر وہ محض 4404میگا واٹ بجلی پیدا کر رہے ہیں جس کی بنیادی وجہ 360ارب روپے کا سرکلر ڈیٹ ہے جس میں روزانہ 2ارب کا اضافہ ہو رہا ہے۔ ہم پاکستان میں اس وقت کل گیس کی پیداوار کا 20.4فیصد بجلی بنانے پر استعمال کر رہے ہیں جبکہ 11.5فیصد سی این جی پر ضائع کر دیتے ہیں۔ پاکستان میں امیر طبقہ پچاس پچاس لاکھ کی گاڑیاں خرید کر اس میں گیس کٹ لگوا لیتے ہیں۔ سی این جی میں 85 فیصد گیس ضائع ہو جاتی ہے۔ (جاری)

قرآن پاک میں حق تعالیٰ کا ارشاد ہے: ”میری رحمت ہر شے پر چھائی ہوئی ہے“
”کہہ دو، اے میرے بندو! جنہوں نے اپنے اوپر زیادتی کی ہے۔ اللہ تعالیٰ کی رحمت سے مایوس نہ ہونا۔ بے شک اللہ تعالیٰ سارے گناہ بخش دیتا ہے۔ یقیناً وہ بخشنے والا مہربان ہے (39، 53) مزید فرمایا:
”بھلا کون ہے جو مضطرب کی دعا قبول کرتا ہے، جب وہ اسے پکارتا ہے اور (اس کی) تکلیف دور کرتا ہے (27، 62)
جن لوگوں نے کہا کہ ہمارا رب (آقا۔ پالنے والا) اللہ تعالیٰ ہے پھر اس پر قائم رہے۔ یقیناً ان پر ملائکہ نازل ہوتے ہیں (یہ پیغام لے کر) کہ نہ ڈرو اور نہ غم کھا¶ اور خوشخبری لو اس جنت کی جس کا تم سے وعدہ کیا گیا۔ ہم ہیں تمہارے سرپرست دنیا کی زندگی میں بھی اور آخرت میں بھی اور تمہارے لیے اس جنت میں وہ سب کچھ موجود ہے جن کی تمہارے جی خواہش کریں۔ نیز اس میں تمہارے لیے وہ سب کچھ ہے جو تم مانگو۔ یہ مہمانداری ہے۔ بخشنے والے (اور) مہربان (اللہ تعالیٰ) کی طرف سے۔“ ”اور جو کوئی برا عمل کرے یا اپنی جان پر ظلم کرے، پھر اللہ تعالیٰ سے معافی مانگے، وہ اللہ تعالیٰ کو معاف کر دینے والا مہربان پائے گا۔“ ”اور کون ہے جو بخشے گناہوں کو سوائے اللہ تعالیٰ کے (3۔ 135)
”اللہ تعالیٰ تمہیں عذاب دے کر کیا کرے گا۔ اگر تم شکر کرو اور ایمان لا¶ اور اللہ تعالیٰ قدردان (اور) خوب جاننے والا ہے (یعنی وہ ہر کسی کی چھوٹی نیکی کو بھی جانتا ہے اور اس کی قدر کرتا ہے)“
”اور نہ سستی کرو اور نہ غم کھا¶ تم ہی بلند (غالب) ہو اگر تم ایمان والے ہو۔ (3۔ 139)
یہ قرآن پاک کے ارشادات ہیں جس کے متعلق فرمایا.... ”اے لوگو! تحقیق آئی ہے تمہارے لیے نصیحت تمہارے پروردگار کی طرف سے یہ شفا ہے۔ اس کے لیے جو سینوں کے اندر ہے (یعنی نفسیاتی امراض) اور ہدایت اور رحمت ہے مومنوں کیلئے (10۔ 57)....
کسی کو اپنی عبادت پہ ہو غرور تو ہو
ہم ان کی وسعت رحمت پہ ناز کرتے ہیں
سورة الزحزف میں ارشاد فرمایا: ”اور تیرے رب کی رحمت ہر شے سے بہتر ہے۔ جسے وہ جمع کرتے ہیں۔“ (یہ آیہ 32) سورة الانعام میں دو بار فرمایا کہ اللہ تعالیٰ نے اپنے آپ پر رحمت کو لازم کر لیا ہے سورة مومن میں فرشتوں کی یہ دعا نقل فرمائی کہ ”اے ہمارے رب! تو نے اپنی رحمت اور علم سے ہر شے کو سما لیا ہے۔“ (آیہ 7) بالفاظ دیگر کائنات کی کوئی شے ایسی نہیں جو اللہ تعالیٰ کے علم اور رحمت سے باہر ہو۔“

شیخ محی الدین ابن عربی فصوص الحکم میں لکھتے ہیں:
”ایک رحمت خالص ہے، جیسے دنیا میں لذیذ اور پاکیزہ غذا۔ یہ حق تعالیٰ کے اسم الرحمٰن سے صادر ہوتی ہے، اس لئے عطائے رحمانی ہے۔ دوسری رحمت رنج سے مخلوط ہوتی ہے۔ جیسے کڑوی دوا پینا کہ اس کے پینے کے بعد صحت اور رحمت ہوتی ہے۔ یہ عطائے الہٰی ہے“....
”عطائے رحمانی ان آمیزشوں سے پاک ہوتی ہے جو اس حال میں بندہ کی طبیعت کے مخالف ہوں۔ یہ ان امور سے بھی پاک ہوتی ہے، جو غرض حاصل ہونے سے مانع ہوں۔ یہ رحمت ہر قسم کے نقصانات سے پاک ہے۔ کبھی حق تعالیٰ جل شانہ، اپنے اسم الواسع کے ذریعہ سے رحمت فرماتے ہیں۔ اس میں بندے کے اس وقت کے احوال کی مصلحتوں پر نظر ہوتی ہے۔
کبھی حق تعالیٰ اپنے اسم الوہاب کے ذریعہ سے رحمت فرماتے ہیں۔ یہ عطا صرف راحت کیلئے ہوتی ہے۔ جس پر یہ رحمت صادر ہوتی ہے وہ اس کے عوضانہ کے عمل کا مکلّف نہیں ہوتا۔ کبھی حق تعالیٰ اپنے اسم الحی کے واسطہ سے رحمت فرماتے ہیں۔ اس رحمت کے دوران (موقع) محل اور بندہ کے استحقاق پر نظر ہوتی ہے۔
کبھی بندہ پر حق تعالیٰ جل شانہ، اپنے اسم الغفار کی معرفت رحمت فرماتے ہیں۔ اس وقت بندہ کے احوال اور موقع کی مصلحت پر نظر ہوتی ہے۔ اگر وہ بندہ اس وقت ایسی حالت میں ہے جو قابل مواخذہ ہے، تو اللہ تعالیٰ اسے اس رحمت کے ذریعہ اس کی سزا سے بچا لیتے ہیں اور اگر وہ ایسی حالت میں ہے جو قابل سزا نہیں، تو اس رحمت کے ذریعہ اسے ایسی حالت میں گرنے سے بچا لیا جاتا ہے جو قابل سزا ہو۔ اس رحمت سے وہ بندہ گناہوں سے محفوظ ہو جاتا ہے۔
ان کے علاوہ اور رحمتیں بھی ہیں۔ ان سب کا خازن اللہ تعالیٰ ہے وہی انہیں اپنے بندوں پر اندازے کے مطابق معین فرماتا ہے۔
”سورہ الزخرف میں فرمایا:
”اور تیرے رب کی رحمت بہتر ہے اس سے جو وہ جمع کرتے ہیں۔“ (3: 157)
سورہ الانعام میں فرمایا:
”تمہارے رب نے اپنے اوپر رحمت کو لازم کر لیا ہے۔“
سورہ الاعراف میں فرمایا:
”اور میری رحمت ہر شے پر چھائی ہوئی ہے۔“

مکرمی! بجٹ کی آمد پر پنشنرز حضرات بھی وفاقی حکومت سے توقع کرتے ہیں کہ ان کے مطالبات کے حل کیلئے بھی اقدامات کئے جائیں گے خاص طور پر: -1 منجمد میڈیکل الاﺅنس میں خاطر خواہ اضافہ کے ساتھ اسے بحال کیا جائے اور اس میں ہر سال اضافہ یقینی بنایا جائے -2 پنشن کے کمیوٹیڈ پیریڈ کو پندرہ سال کی بجائے دس سال کیا جائے -3 پرانے اور نئے پنشنرز کے درمیان پنشن کے فرق کو ختم کیا جائے -4 سپریم کورٹ کے حکم کے تحت کمیوٹیڈ پورشن کی بحالی کے وقت گزشتہ پندرہ سالوں کے درمیان ہونے والے اضافہ جات شامل کئے جائیں۔ پنشن میں سو فیصد اضافہ کیا جائے۔ (عبدالحق، صدر پنجاب گورنمنٹ پنشنرز فرنٹ۔ 0323-4340836)
محسن پاکستان اور سیاست
مکرمی! ایک سیاسی جماعت محسن پاکستان جناب ڈاکٹر عبدالقدیر خان صاحب کو سیاست کے میدان میں لانے کی کوشش کر رہی ہے جناب ڈاکٹر صاحب پوری قوم کے غیر متنازعہ ہیرو ہیں جناب ڈاکٹر صاحب! آپ کسی تعلیمی یا صحت کے منصوبہ پر خدمت خلق کے لئے کام کا اعلان فرمائیں۔ اس وقت دکھی اور پریشان عوام کو سیاست کی نہیں خدمت خلق کی ضرورت ہے۔ پاکستانی سیاست کوئلوں کی دلالی کے سوا کچھ نہیں۔ (قاضی عبدالرﺅف معینی،محلہ شاہین پارک، لال پل مغلپورہ، لاہور)
زبان کا لطف
مکرمی!ڈاکٹر بابر اعوان نے اپنے ایک انٹرویو میں کہا ہے کہ میں نے عدلیہ کی توہین نہیں کی تھی بلکہ زبان کا لطف لینے کے لئے شعر پڑھا تھا۔حدیث شریف میں آتا ہے جو خاموش رہا وہ نجات پا گیا۔ (جامع ترمذی) ۔لہٰذا ہمیں زبان کا لطف لینے کی بجائے حدیثِ رسول ﷺ پر عمل کرتے ہوئے حق اور سچ کی بات کرنی چاہیے۔ (اویس حفیظ۔ شعبہ علومِ ابلاغیات پنجاب یونیورسٹی لاہور)

تیری آنکھوں کے اجالے یاد ہیں
پیار کے سارے حوالے یاد ہیں
عشق کا رستہ بڑا پُرخار ہے
آج بھی پیروں کے چھالے یاد ہیں
جن دنوں میں تم ہمارے ساتھ تھے
وہ سہانے دن نرالے یاد ہیں
جن حریفوں نے اسے بدظن کیا
ان کے چہرے دیکھے بھالے یاد ہیں
تیری آنکھوں سے جو پی لی تھی کبھی
مدھ بھرے سے وہ پیالے یاد ہیں
جب ملی تھی تیرے آنے کی خبر
اب بھی وہ لمحے نرالے یاد ہیں
ایک ہی تجھ پر غزل لکھی نہیں
سینکڑوں لکھے مقالے یاد ہیں
(شوکت علی ناشاد، پی او ،لڈن،وہاڑی۔ 0334-6034318)

مکرمی! اسلام میں پاکستان جیسے بے انصاف جمہوری نظام کی کوئی گنجائش نہیں۔ جہاں نیک شریف اور غریب لوگ MNA/MPA کا الیکشن نہیں لڑ سکتے۔ ایک امیدوار 69500 ووٹ لیتا ہے اور دوسرا 70,000 جبکہ پہلے امیدوار کے ساتھ نیک، قابل اور ایماندار لوگ زیادہ ہوتے ہیں مگر وہ ہار جاتا ہے۔ قرآن پاک میں ہے کہ ”فاسق اور متقی لوگ کبھی برابر نہیں ہو سکتے“۔ پاکستانی جمہوریت میں گدھا اور گھوڑا سب برابر ہیں۔ راقم جمہوریت کے خلاف نہیں بلکہ صحیح جمہوریت کا خواہشمند ہے۔ اسی مغربی جمہوریت کو فروغ دینے والے بھی یہاں موجود ہیں اور سارا نظام سرمائے کو اہمیت دیتا ہے انسان کو اہمیت نہیں دیتا۔ پاکستان میں چاہے جمہورےت ہو ےا آمرےت دور لٹےروں کا ہی رہا ہے۔ ہمےں سوچنا پڑے گا کہ آخر ہم مےں کےا خرابی ہے کہ ہمےں اےسے ہی حکمران ملتے ہے؟۔ (صغیر احمد نقی .... 0300-4805202)
یوم بے وفائی
مکرمی! اب نیٹو اور امریکی افواج کو کنٹینرز سپلائی کےلئے محض رسمی کارروائی کا اعلان باقی رہ گیا۔ عوام کا فرض ہے کہ نیٹو کا نشانہ بننے والے شہداءسے اظہار عقیدت کےلئے اس دن جس دن نیٹو سپلائی بحال ہو قوم سے حکومت کی بے وفائی کا دن قرار دے کر یوم بے وفائی منانا چاہئے۔ (علامہ محمد ارشد درویش .... 0324-4864001)
مقبرہ جہانگیر اداسی۔ ویرانی
مکرمی! اس وقت مقبرہ جہانگیر شاہدرہ لاہور اُداسی، ویرانی، یاسیت کے ڈیرے پر مشتمل ہے۔ وزیراعلیٰ پنجاب سے درخواست ہے کہ مقبرہ جہانگیر اور مقبرہ نور جہاں کی رونق کو دوبالا کرنے کےلئے اس کی ضروری مرمت کی طرف توجہ دیں۔ (غلام صمدانی .... اعوان ٹاﺅن لاہور)

مکرمی! دنیا میں ایک رواج بن گیاہے، حکومتیں ادارے شخصیات .... مصلحتوں کے نام لے کر کرداروں پر پردہ ڈالتے ہیں۔ کردار پر پردہ ڈالنے سے حقیقت چھپ نہیں سکتی۔ کبھی نہ کبھی ابھر آتی ہے۔
(رانا احتشام ربانی .... پوسٹ بکس نمبر 01، جی پی او اوکاڑہ)
سڑک کی فریاد
مکرمی! لاہور کی سڑک گلشنِ اقبال ملتان روڈ سے دبئی چوک تک تقریباً 2 کلومیٹر عرصہ دراز سے خراب ہے۔ وزیراعلیٰ صاحب براہ کرم اس فریادی سڑک کی تعمیر کا حکم بھی جاری فرما دیں۔ (ایک لاہوری)
تھرکول منصوبہ .... مظلوم قوم پر رحم کریں
مکرمی! ملک کے معروف سائنسدان ڈاکٹر ثمر مبارک نے دعویٰ کیا ہے کہ تھر میں موجود کوئلے کے ذخائر سے دس ہزار میگا واٹ بجلی سستے نرخوں پر اگلے 30 برس تک عوام کو 4 روپے فی یونٹ کے حساب سے مل سکتی ہے۔ بجلی کی بڑھتی ہوئی قیمتوں اور اس کی کمیابی نے عوام کو ذہنی مریض بنا دیا ہے۔ میری اپنے حکمرانوں سے گذارش ہے کہ خدارا قوم پر رحم کریں اور اس عوام دوست منصوبے کو مکمل طور پر قابلِ عمل بنانے کےلئے مطلوبہ فنڈز مہیا کریں۔ (ملک عظیم شوکت)

مکرمی! درود فارسی زبان کا لفظ ہے۔ عربی میں اس کےلئے صلوٰة کا لفظ آتا ہے۔ اس سے مراد سلامتی اور برکتیں ہیں۔ مکمل اور مسنون درد پاک درود ابراہیمی ہے۔ کم از کم اور چھوٹے سے چھوٹا درود پاک صلی اللہ علیہ و آلہ وسلم ہے جبکہ بعض مسلمان صلی اللہ علیہ وسلم تک محدود رکھتے ہیں جو کہ نامکمل ہے۔
(نور احمد نور پرنسپل .... بھنڈاری سکولز ایمن آباد)
کراچی کے حالات
مکرمی! پاکستان کی اقتصادی شہ رگ عروس البلاد کراچی کو وطن دشمن قوتوں سے ہر حال میں آزاد کروا کر اسے امن و آشتی کا گہوارہ بنانا ہوگا۔ کراچی کے حالات کو سازگار بنانے کی خاطر تمام سیاسی و مذہبی جماعتوں کی باقاعدہ اور بلاتاخیر گول میز کانفرنس طلب کرکے باہمی مشاورت کے ذریعے مستقل بنیادوں پر متفقہ لائحہ عمل مرتب کیا جائے اور اس ضمن میں ذاتی مفادات کو پس پشت ڈالکر قومی مفادات کو ترجیح دینا ہو گی۔
(ابو سعدیہ سعید جاوید علی شاہ .... 29/278 محلہ امام صاحب سیالکوٹ)
ہیپاٹائٹس کے مریضوں کو دشواری
مکرمی! ہیپاٹائٹس کنٹرول پروگرام کے تحت سرکاری ہسپتالوں میں پی سی آر ٹیسٹ کئے جاتے تھے۔ اب ہسپتالوں میں پی سی آر کٹس ختم ہو گئی ہیں جس سے ہیپاٹائٹس کے مریضوں کو شدید دشواری کا سامنا ہے۔ وزیراعلیٰ صاحب سے اپیل ہے کہ دوبارہ سرکاری ہسپتالوں میں پی سی آر ٹیسٹ کروانے کا بندوبست کیا جائے۔
(ملک محمد سلیم اختر بگی مسجد، تحصیل و ضلع ننکانہ صاحب ڈاکخانہ حسین آباد چک نمبر572 گ ب)

مکرمی!تقسیم ہند کے وقت لاہور ریزرو بنک میں تیس کے قریب مسلمان تھے جن میں سے اب صرف چار زندہ رہ گئے ہیں۔ نثار احمد ملک، فدا احمد کاردار، ضیاءالدین چوپڑا اور محمد شریف۔ ہم ریٹائرمنٹ کی زندگی گزار رہے ہیں۔ قائداعظم نے کرنسی محفوظ بنانے پر بنک ملازمین کو انعام کا مستحق قرار دیا تھا ہم زندہ رہ جانے والے چاروں ریٹائرڈ ملازمین گورنر سٹیٹ بنک آف پاکستان اور بورڈ آف ڈائریکٹرز سے مطالبہ کرتے ہیں کہ ہماری پنشن میں قائد اعظم کے کہے ہوئے الفاظ کے مطابق انعام کے طور پر پچاس فیصد اضافہ کیا جائے۔
(فدا احمد کاردار۔ 3قطب روڈ، لاہور۔ 37314332 )
بنک ملازمین کے اوقات کار کی طوالت
مکرمی! اگرچہ بنکوں کے اوقات کار صبح 7 بجے سے شام 5 بجے تک ہیں لیکن بنک ملازمین اپنے آپ کو اکثر اوقات شام 7 بجے تک کام میں مصروف رکھتے ہیں اور بعض اوقات اس سے زیادہ وقت بھی صرف کرتے ہیں۔گذارش ہے بنک کے اوقات کار کو عام پبلک کےلئے شام 5 بجے کی بجائے 4 بجے تک محدود کر دیا جائے۔ تاکہ آسانی سے بنک کو شام 5 بجے تک بند کیا جا سکے۔
(پروفیسر ڈاکٹر خلیل احمد .... ٹیکسٹائل انجینئرنگ ڈیپارٹمنٹ، دی یونیورسٹی آف فیصل آباد)
ویگنیں یا پنجرے؟
مکرمی! پنجاب کے کئی علاقوں کے مسافر مجبوراً اپنے سفر کےلئے ٹیوٹا سروس استعمال کرتے ہیں۔ ٹیوٹا گاڑی میں سفر کرنے والوں کو کئی مشکلات کا سامنا کرنا پڑتا ہے۔ ان گاڑیوں میں پاس شدہ مسافروں کی تعداد سے کہیں زیادہ سواریاں بٹھائی جاتی ہیں اور پھٹہ بھی لگایا جاتا ہے جس کی وجہ سے محسوس ہوتا ہے کہ مسافروں کو ایک ڈبے میں بند کر دیا گیا ہے۔ علاوہ ازیں اکثر ٹیوٹا گاڑیوں کے شیشے فکس ہوتے ہیں جو کھلتے نہیں‘ گرمیوں کے موسم میں ان گاڑیوں میں سانس لینا بھی دشوار ہو جاتا ہے۔ حکام اصلاح کی طرف توجہ فرمائیں۔
(حافظ محمد رفیق وڑائچ گکھڑوی، صدر سوشل ویلفیئر اکیڈمی گوجرانوالہ)

قومی پالیسیاں عوام کو مارنے والی نہیں ‘ معیشت کو مضبوط بنانے والی ہونی چاہئیں
قومی اقتصادی رابطہ کمیٹی نے نجی شعبے کو چار لاکھ ٹن چینی برآمد کرنے اور پٹرولیم مصنوعات کے نرخوں میں ہر پندرہ روز بعد ردوبدل کرنے کی منظوری دیدی۔ وفاقی وزیر خزانہ عبدالحفیظ شیخ کی زیر صدارت منعقدہ رابطہ کمیٹی کے اجلاس میں گیس ڈویلپمنٹ سیس پر جی ایس ٹی ختم کرنے کی بھی منظور دی گئی جبکہ لیکویڈ نیچرل گیس (ایل این جی) کی درآمد کیلئے ذیلی کمیٹی قائم کر دی گئی۔ ای سی سی نے نجی تھرمل پاور کمپنیوں کے واجبات کا مسئلہ حل کرنے کی بھی ہدایت کی۔
ویسے تو برامدات میں اضافہ ملکی معیشت کے استحکام کی علامت ہوتا ہے مگر یہ ہماری بدقسمتی ہے کہ ملک میں موجود انتہاءدرجے کی بدامنی‘ لاقانونیت اور بجلی‘ گیس کے جاری سنگین بحران کے باعث بیشتر صنعتیں اور پیداواری یونٹ بند ہونے سے ہماری برآمدات نہ ہونے کے برابر رہ گئی ہیں‘ نتیجتاً بھارت کو ہماری منڈیوں پر قابض ہونے کا آسان موقع مل گیا ہے جس کی درامدی منصوعات ہماری منڈیوں میں آنے سے ہماری صنعت عملاً تباہی کے دہانے تک جا پہنچی ہے۔ ہونا تو یہ چاہیے کہ ملک میں امن و امان کی صورتحال اور بجلی گیس کے بحران پر قابو پا کر قومی صنعتوں کے فروغ کی راہ ہموار کی جائے جس کیلئے سرمایہ کاروں کی حوصلہ افزائی بھی ضروری ہوتی ہے مگر حکمرانوں کی ناقص حکمتِ عملی کے نتیجہ میں ملک میں سرمایہ کاری کی صورتحال انتہائی ابتر ہو چکی ہے اور بیرونی سرمایہ کار تو کجا‘ ملکی سرمایہ کار بھی دل برداشتہ ہو کر اپنا کاروبار سمیٹتے ہوئے بیرون ملک منتقل ہو رہے ہیں جس سے قومی معیشت کو مزید دھچکا لگا ہے۔
اس فضا میں کوئی صنعت اپنی مصنوعات برآمد کرنے کے قابل ہوتی ہے تو اصولی طور پر اسکی حوصلہ افزائی اور ستائش کی جانی چاہیے مگر ہمارا تو سارا اقتصادی نظام ہی کرپشن‘ کک بیکس اور کمشن وصول کرنے کی لت میں ناکارہ ہو چکا ہے۔ چنانچہ ہمارے کسی صنعتی شعبے کی مصنوعات برآمد کی جاتی ہیں تو اس کا مقصد صنعت کے فروغ کے بجائے زیادہ سے زیادہ منافع‘ کمشن اور کک بیک وصول کرنے کا ہوتا ہے جس میں متعلقہ حکومتی‘ سرکاری مشینری برابر کی شریک ہے۔ برآمدات کا بنیادی اصول تو یہی ہے کہ پہلے متعلقہ مصنوعات کی ملک کے اندر ڈیمانڈ پوری کی جائے اور پھر ضرورت سے زیادہ مصنوعات برآمد کی جائیں جو زرمبادلہ میں اضافہ اور قومی معیشت میں استحکام کا باعث بن سکتی ہیں مگر ہمارے صنعت کاروں اور کاروباری طبقات کا مطمح نظر ملک اور عوام کو نہیں‘ صرف خود کو فائدہ پہنچانا ہے۔ بدقسمتی سے صنعت کاروں‘ شوگر مل مالکان اور ایکسپورٹ‘ امپورٹ کے کاروبار میں شامل طبقات کی اکثریت اقتدار کے ایوانوں میں بیٹھی ہے اور وہ چاہے حکومت میں ہوں یا اپوزیشن بینچوں پر‘ اپنی مصنوعات کے ذریعے زیادہ سے زیادہ فائدہ اٹھانے کیلئے منتخب ایوانوں میں ایکا کرلیتے ہیں اور ایک مافیا کی شکل اختیار کرکے اپنے مفادات کا تحفظ کرتے ہیں۔ ان میں موجود شوگر مافیا نے کبھی ملک اور عوام کے فائدے کا نہیں سوچا اور وہ اکثر چینی کی مصنوعی قلت پیدا کرکے چینی کے نرخوں میں من مانا اضافہ کرالیتے ہیں جن کے معاملہ میں عدالتیں بھی بے بس ہو جاتی ہیں جبکہ متعلقہ حکومتی انتظامی مشینری کی ملی بھگت سے چینی برآمد کرکے بھی دوطرفہ فائدہ حاصل کیا جاتا ہے۔ ایک تو چینی کی برآمد سے ملک میں چینی کی قلت پیدا کی جاتی ہے‘ جو شوگر مافیا کو اپنے چینی کے سٹاک مہنگے داموں مارکیٹ میں لا کر ناجائز منافع کمانے کا نادر موقع فراہم کرتی ہے جبکہ بعدازاں چینی کا بحران دور کرنے کے نام پر اپنی برآمد کی گئی سستی چینی مہنگے داموں درآمد کرنے کی اجازت لے لی جاتی ہے اور اس سے بھی شوگر مافیا اور پاکستان ٹریڈنگ کارپوریشن کے متعلقہ اہلکاروں کے وارے نیارے ہو جاتے ہیں۔
اس تناظر میں ای سی سی کی جانب سے چار لاکھ ٹن چینی برآمد کرنے کا فیصلہ بھی شوگر مافیا کو فائدہ پہنچانے والا ہی نظر آتا ہے۔ اس سے بڑا ظلم اور کیا ہو سکتا ہے کہ شوگر مافیا نے گزشتہ سال اپنی چینی کی ریکارڈ پیداوار ہونے کے باوجود عوام الناس کو اس کا فائدہ نہیں پہنچنے دیا اور چینی سستے داموں مارکیٹ میں لانے کے بجائے سٹاک کئے رکھی جو اب برآمد کرنے کی اجازت لے کر زیادہ سے زیادہ منافع کے حصول کی حکمت عملی طے کرلی گئی ہے۔ اگر یہی چینی کھلی مارکیٹ میں لائی گئی ہوتی تو مقابلے کی فضا میں اسکے نرخ کم ہوتے اور عوام کو فائدہ پہنچتا مگر شوگر مافیا کو عوام کے فائدے کے بجائے صرف اپنے منافع سے سروکار ہوتا ہے چنانچہ اب وہ سٹاک کی گئی چینی برامد کرکے منافع کمائیں گے جس کے بعد ملک میں چینی کی قلت پیدا ہوگی تو یہی چینی مہنگے داموں برامد کرکے مزید منافع کمایا جائیگا۔ ناجائز منافع کمانے کا یہ رجحان صرف چینی کی صنعت تک ہی محدود نہیں‘ مٹن‘ بیف‘ سبزیوں اور پھلوں کی برآمدات کے ذریعے بھی اسی طرح دوطرفہ ناجائز منافع کمایا جا رہا ہے‘ نتیجتاً عوام مہنگائی کی چکی میں پستے چلے جا رہے ہیں۔ اس وقت مارکیٹ میں اپنے ہی ملک میں دستیاب مٹن اور بیف بالترتیب 600 اور ساڑھے چار سو روپے کلو کے حساب سے فروخت ہو رہا ہے‘ اتنے مہنگے نرخوں کی اصل وجہ مٹن اور بیف کی عرب ریاستوں کو برآمد ہے کیونکہ جو نرخ برآمد کے مقرر کئے جاتے ہیں‘ اتنے ہی نرخ اپنی مارکیٹوں میں فروخت کے مقرر کر دیئے جاتے ہیں۔ اس سلسلہ میں جمعیت اہل قریش کی یہ تجویز بھی سامنے آچکی ہے کہ مٹن اور بیف کی برآمد بند کر دی جائے تو یہ آدھے نرخوں پر ہماری مارکیٹ میں دستیاب ہونگے۔ اگر اس معقول تجویز پر اب تک عمل نہیں کیا گیا تو صاف ظاہر ہے کہ ناجائز منافع خور بااثر طبقات اپنے فائدے کی خاطر عوام کے مفاد کا کوئی فیصلہ ہونے ہی نہیں دیتے۔
ہمارے لئے اس سے بڑا المیہ اور کیا ہو سکتا ہے کہ ہمارا اپنا پیدا کردہ جو کیلا بھارت میں 40 روپے درجن کے حساب سے دستیاب ہے‘ وہ ملک کے عوام کی قوتِ خرید سے باہر نکال کر ان کیلئے خواب و خیال بنا دیا گیا ہے۔ غریب آدمی دو سو روپے فی درجن کے حساب سے تو کیلا بطور دوائی بھی استعمال نہیں کر سکتا‘ یہی صورتحال سیب‘ کینو اور دیگر برآمد کئے جانیوالے پھلوں کی ہے جو بیرون ملک سستے نرخوں دستیاب ہیں مگر اپنے عوام کی پہنچ سے بھی دور کر دیئے گئے ہیں۔ درآمد برآمد کی وہی پالیسی کامیاب ہو سکتی ہے جس میں توازن موجود ہو‘ اگر ہمارے ملک میں ایسے سازگار حالات ہوں کہ ہماری مصنوعات کی ریل پیل ہو جائے جن کی ملکی ضروریات پوری ہونے کے بعد برآمد ہو گی تو اس سے عوام کو بھی فائدہ ہو گا اور قومی معیشت بھی مستحکم ہو گی جبکہ اس صورتحال میں بھارت یا کسی دوسرے ملک کو ہماری منڈیوں پر قابض ہونے کا موقع بھی نہیں ملے گا مگر ہمارا تو باوا آدم ہی نرالا ہے۔ یہاں بجلی‘ گیس کی قلت پیدا کرکے اور پٹرولیم مصنوعات میں آئے روز بے مہابا اضافہ کرکے قومی صنعتوں کو اپنے پاﺅں پر کھڑا ہونے کے قابل ہی نہیں چھوڑا گیا۔ قوم کے ساتھ اس سے بڑی سفاکی کا اور کیا مظاہرہ ہو سکتا ہے کہ عالمی مارکیٹ میں تو تیل کے نرخ بتدریج کم ہو رہے ہیں جس کا عوام کو سستا تیل فراہم کرکے فائدہ نہیں پہنچایا جا رہا مگر ہمارے حکمران ”مرے کو مارے شاہ مدار“ کے مصداق اب ہر پندرہ روز بعد پٹرولیم مصنوعات کے نرخ مقرر کرنے کی ٹھان چکے ہیں جو عالمی مارکیٹ کے نرخوں کے تناسب سے کم تو نہیں کئے جاتے البتہ جستیں بھرتے ہوئے ان میں اضافہ ضرور کیا جاتا ہے۔ موجودہ منتخب جمہوری حکومت کے اقتدار کے چار سال کے عرصے میں پٹرول کے نرخوں میں اب تک 45 روپے فی لٹر اضافہ ہوا ہے۔ اب ہر پندرہ روز بعد پٹرولیم مصنوعات کے نرخوں کا تعین کیا جائیگا تو بخوبی اندازہ لگایا جا سکتا ہے کہ پٹرول عام آدمی کی دسترس میں رہے گا بھی یا نہیں؟ جب حکمرانوں اور مراعات یافتہ طبقات نے عوام دشمن پالیسیاں ہی اختیار کرنا طے کر رکھا ہو تو انہیں آئندہ انتخابات میں پسے پسماندہ عوام سے کسی خیر کی توقع بھی نہیں رکھنی چاہیے اس لئے بہتر یہی ہے کہ درآمد برآمد کی پالیسی قومی معیشت مستحکم بنانے کے نکتہ نظر سے مرتب کی جائے نہ کہ اسے عوام کو مارنے کے ہتھیار کے طور پر استعمال کیا جائے۔
بُلٹ پروف گاڑیوں کی عیاشی
ندیم افضل چن کی زیر صدارت پبلک اکا¶نٹس کمیٹی کے اجلاس میں کابینہ ڈویژن آڈٹ اعتراضات پر غور کیا گیا۔ سیکرٹری کیبنٹ ڈویژن نرگس سیٹھی نے کمیٹی کو بتایا کہ 2006 میں وزیراعظم کی ہدایت پر 32 مرسڈیز اور دیگر بُلٹ پروف گاڑیاں خریدی گئیں۔ 60 کروڑ مالیت کی گاڑیاں کابینہ کے پاس ہیں۔ بلا امتیاز کوئی پارٹی حکومت میں ہے یا اپوزیشن میں سب کا ایک ہی مشترکہ نعرہ ملک و قوم کی خدمت اور غربت کا خاتمہ ہے۔ آج یہاں معاشرے میں ایک طبقہ مالا مال ہے تو اکثر کی حالت انتہائی دگرگوں ہے۔ غربت کے باعث خودکشیوں اور بچوں کو فروخت کرنے کی خبریں میڈیا میں نشر اور شائع ہوتی رہتی ہیں، بجائے اسکے کہ سیاستدان اور حکمران اپنے اخراجات کم کر کے غریب عوام کے زخموں پر مرہم رکھیں انہوں نے فضولیات میں اضافہ کر کے اخراجات مزید بڑھا لئے ہیں ایسے میں غریبوں کی حمایت کے نعرے کھوکھلے ثابت ہوتے ہیں۔ پی اے سی کو بتایا گیا کہ دو بُلٹ پروف گاڑیاں فوج اور باقی چیئرمین سینٹ، وزرائے اعلیٰ سرحد و بلوچستان، حنا ربانی، نواز شریف، چودھری شجاعت، رحمن ملک، اسفند یار ولی اور سپیکر خیبر پی کے، کے زیر استعمال ہیں، تین گاڑیاں وزیراعظم ہاﺅس میں کھڑی ہیں‘ دیگر گاڑیاں کہاں ہیں؟ اس بارے میں میڈیا کو کچھ نہیں بتایا گیا۔ تاہم جن کے پاس یہ گاڑیاں ہیں وہ اپنی ذاتی حیثیت میں بُلٹ پروف گاڑی خریدنے کی استعداد رکھتے ہیں پھر قومی سرمائے کا ضیاع کیوں؟ بتایا گیا ہے کہ ایک بُلٹ پروف گاڑی کی مرمت کے پیسوں سے 13 سو سی سی کی گاڑی خریدی جا سکتی ہے۔ محمد خان جونیجو نے اپنی وزارت عظمیٰ کے دور میں چھوٹی گاڑیوں کا رواج ڈالا تھا۔ ایک بُلٹ پروف گاڑی کی قیمت 8 کروڑ بتائی جاتی ہے۔ وزیراعظم، وزرائ، دیگر حکام اپنی شان و شوکت کے اظہار کےلئے قوم کا سرمایہ ضائع نہ کریں، یہ گاڑیاں ضرورت نہیں عیاشی ہے جس کا بحران کی دلدل میں دھنسا ہمارا ملک متحمل نہیں ہو سکتا۔ جونیجو مرحوم کی بچت سکیم اپنا کر یہ سرمایہ غربت کے خاتمے اور ملکی ترقی کےلئے بروئے کار لاتے ہوئے غریب دوست ہونے کا ثبوت دیں۔
رحمن ملک کو بھی توہین عدالت کا نوٹس
سپریم کورٹ نے سٹیل مل کرپشن کیس کا فیصلہ سناتے ہوئے ملزموں کی ضمانتیں منسوخ کر دیں اور چیئر مین نیب کو تحقیقات اپنی نگرانی میں کرنے کا حکم دیا ہے۔ کیس کے دوران عدالتی حکم کی عدم پیروی پر وزیر داخلہ رحمن ملک کو توہین عدالت کا نوٹس جاری کرکے ان سے دو ہفتے میں جواب طلب کیا گیا ہے۔وزیر اعظم یوسف رضا گیلانی کو توہین عدالت کیس میں سزا سنائی جا چکی ہے۔ بابر اعوان کا لائسنس توہین عدالت کے ایک دوسرے کیس میں معطل ہوا۔ اب وزیر داخلہ رحمن ملک کو توہین عدالت کا نوٹس ملا ہے۔ قبل ازیں نیب کے چیئر مین نیب کو بھی توہین عدالت کا نوٹس ملا تھا تاہم انہوں نے غیر مشروط معافی مانگ کر جان چھڑا لی۔ سٹیل مل کیس، 26 ارب روپے کی کرپشن کا کیس ہے۔ وزیر داخلہ کو قانونی طور پر مجرموں کو ان کے انجام تک پہنچانے کےلئے عدلیہ کےساتھ بھرپور تعاون کرنا چاہیے تھا لیکن انکے عدم تعاون کی وجہ سے ایک تو کیس طوالت اختیار کر گیا، دوسرا ملزموں کو تحفظ ملتا رہا۔ سیاسی بنیاد پر تقرریوں کے باعث یہاں پی آئی اے اور ریلوے ڈوبی وہیں سٹیل مل کا بھی کباڑہ ہو گیا۔ 26 ارب روپے کی کرپشن پر کوئی باشعور اپنی آنکھیں بند نہیں رکھ سکتا۔ عدلیہ اگر مجرموں کے پیٹ سے کرپشن کے اربوں روپے نکلوانا چاہتی ہے تو حکومت کو اسکے ساتھ تعاون کرنا چاہیے نہ کہ سرکشی کا رویہ اختیار کیا جائے۔ بہتر ہے کہ وزیر داخلہ رحمن ملک سپریم کورٹ سے توہین عدالت نوٹس پر غیر مشروط معافی مانگےں اور مجرموں کو انکے کیے کی سزا دلانے اور اربوں کی ریکوری کےلئے اپنا کردار ادا کریں۔
ڈاکٹر خلیل چشتی کی رہائی
بھات میں بیس سال قید رہنے والے پاکستانی سائنس دان خلیل چشتی رہائی کے بعد وطن واپس پہنچ گئے، پاک سر زمین پر پہنچتے ہی اسلام آباد ایئر پورٹ پر سجدہ ریز ہو گئے، خوشی آنسو بن کر جھلک پڑی۔ڈاکٹر خلیل چشتی عام پاکستانی نہیں بلکہ باعزت سائنس دان ہیں، بھارت نے ناکردہ گناہی کی سزا میں انکی زندگی کے بیس سال ضائع کر دیئے، وطن سے دور غیروں کی قید میں خلیل چشتی کے بیس سال کیسے گزرے ہونگے، پاکستان بھارتی دہشت گردوں اور قیدیوں کے ساتھ اچھا سلوک برتتا ہے، جب بھی بھارتی قیدی پاکستانی جیلوں سے رہائی پاتے ہیں وہ ہٹے کٹے ہوتے ہیں، لیکن پاکستانی قیدیوں کو ایمبولنس کے ذریعے سرحد پار سے لایا جاتا ہے، امن آشا کا راگ الاپنے والوں کو پاکستانی قیدیوں کی چور چور ہوتی ہڈیاں نظر کیوں نہیں آتیں؟ بھارتی جیلوں میں قید پاکستانی نظر کیوں نہیں آتے۔ خلیل چشتی نے بیس سال میں ملک کیلئے نہ جانے کیا خدمات سرانجام دینی تھیں، ان خدمات سے ملک کو محروم کرنے کا ذمہ دار کون ہے؟ کشمیریوں پر جاری بربریت عوام کو کیوں نہیں دکھائی جاتی، خواتین کی بیحرمتی، معصوم بچوں کا قتل عام کیا بھارت کی اس دہشت گردی کے بعد اسے موسٹ فیورٹ قرار دیا جا سکتا ہے، ہمارے حکمرانوں کو شاطر دشمن کے عزائم سامنے رکھتے ہوئے چوکنا رہنا ہو گا۔ خلیل چشتی کی رہائی کے بعد بھارت سربجیت سنگھ کی خیر سگالی رہائی کا مطالبہ کر رہا ہے جبکہ سربجیت سنگھ ایک دہشت گرد ہے اس نے پاکستان میں 13 بم دھماکے کئے ہوئے ہیں، اس لئے حکومت کو بھارتی دہشت گردوں کو رہا کرکے دوبارہ اپنے ملک کے خلاف انہیں کھل کھیلنے کا موقع نہیں دینا چاہیے، ڈاکٹر خلیل چشتی کی رہائی میں کردار ادا کرنےوالے تمام احباب کو مبارکباد ہو کہ انکی کوششیں ثمرآور ثابت ہوئی ہیں۔

ملک کی سلامتی کے نام پر کئے گئے خفیہ فیصلے
امریکی اخبار ”کرسچن سائنس مانیٹر“ نے اپنی خصوصی رپورٹ میں دعویٰ کیا ہے کہ پاکستان اور امریکہ کے مابین نیٹو سپلائی کی بحالی کا معاہدہ طے پا گیا ہے جس کے تحت پاکستان کے راستے سامان لے کر جانیوالے ہر ٹرالر یا ٹرک پر 1500 سے 1800 ڈالر ادا کئے جائینگے۔ اس طرح امریکہ روزانہ گزرنے والے 600 ٹرکوں کیلئے پاکستان کو ایک ملین ڈالر یومیہ ادا کریگا۔ اخبار کے مطابق پاکستان سلالہ چوکی پر حملے کے واقعہ پر امریکہ سے معافی اور ڈرون حملے بند کرنے کے مطالبات سے دستبردار ہو گیا ہے۔ اس معاہدے کے تحت پاکستان کو 365 ملین ڈالر سالانہ ادا کئے جائینگے۔ اخبار کے دعوے کے مطابق پاکستان اور امریکہ کے مابین یہ معاہدہ گزشتہ رات طے پایا ہے۔ اس سلسلہ میں امریکی قائم مقام نائب وزیر دفاع جارج لٹل نے گزشتہ روز واشنگٹن میں اپنی پریس کانفرنس میں توقع ظاہر کی کہ نیٹو سپلائی شکاگو کانفرنس سے قبل بحال ہو جائیگی۔ ”رائٹر“ کے بقول سپلائی روٹ کھولنا واشنگٹن اور اسلام آباد کے درمیان کشیدہ تعلقات کے حوالے سے بہت بڑا بریک تھرو ہو گا۔ دوسری جانب امریکی دفتر خارجہ کے ترجمان نے نیٹو سپلائی کی بحالی کے حوالے سے کسی قسم کی تفصیلات بتانے سے انکار کیا اور کہا کہ پاکستان نے نیٹو سپلائی کی بحالی کے حوالے سے کارآمد اور مثبت بیانات دیئے ہیں۔ یہاں یہ امر قابل ذکر ہے کہ امریکہ نے نیٹو سپلائی کی بحالی کی صورت میں پاکستان سے سیکورٹی کی بھی درخواست کی ہے۔ اگرچہ وزیر خارجہ حنا ربانی کھر نے ایک نجی ٹی وی کے پروگرام میں اس امر کا اعادہ کیا ہے کہ نیٹو سپلائی کی بحالی پارلیمانی قرارداد کے عین مطابق ہو گی جس میں امریکہ سے اولین تقاضا ڈرون حملے بند کرنے اور سلالہ چیک پوسٹ کے واقعہ پر معافی مانگنے کا ہی کیا گیا ہے تاہم وزیر خارجہ نے یہ کہہ کر نیٹو سپلائی کی ہر صورت بحالی کا عندیہ دے دیا ہے کہ سپلائی کھولنا پاکستان کے مفاد میں ہے جس پر اپوزیشن کے اعتراضات بے بنیاد ہیں۔ انکے بقول نیٹو سپلائی کی بحالی پاکستان اور امریکہ کا نہیں بلکہ نیٹو کے 50 ممالک کے ساتھ تعلقات کا مسئلہ ہے۔ انکی اس رجائیت پسندی کا تو کوئی جواب ہی نہیں کہ شکاگو کانفرنس میں شرکت کیلئے پاکستان کو غیرمشروط دعوت دی گئی ہے۔ جب شکاگو کانفرنس سے پہلے نیٹو سپلائی بحال کرنے کی شرط ہی تسلیم کرلی گئی تو اس کانفرنس میں شرکت کیلئے امریکہ کو پاکستان پر مزید شرائط عائد کرنے کی بھلا کیا ضرورت ہے۔ جب نیٹو کے سیکرٹری جنرل راسموسن نے پاکستان کو تنبیہہ کرتے ہوئے باور کرایا کہ نیٹو سپلائی بحال نہ کی گئی تو پاکستان کو نیٹو سربراہی شکاگو کانفرنس میں مدعو نہیں کیا جائیگا‘ اس وقت وزیر خارجہ وزیراعظم گیلانی کے ہمراہ برطانیہ کے دورے پر تھیں جبکہ اس دورے کی تکمیل کے ساتھ ہی وزیراعظم اور وزیر خارجہ کی زبانی یہ واضح عندیہ ملنے لگا کہ پاکستان نیٹو سپلائی بحال کرنے پر آمادہ ہو چکا ہے جبکہ وزیراعظم کے ملک واپس آتے ہی نیٹو سپلائی کی بحالی کا معاملہ وفاقی کابینہ کی دفاعی کمیٹی میں پیش کردیا گیا۔ اگر حکومت نیٹو سپلائی کی پارلیمانی قرارداد کی روشنی میں بحالی پر آمادہ ہوتی تو یہ معاملہ وفاقی کابینہ کی دفاعی کمیٹی کے روبرو کبھی پیش نہ کیا جاتا بلکہ امریکہ سے پارلیمانی قرارداد میں موجود شرائط تسلیم کرائی جاتیں جبکہ اب نیٹو سپلائی کی بحالی کا فیصلہ کرتے ہوئے پارلیمانی قومی سلامتی کمیٹی کی سفارشات کو درخوراعتناءہی نہیں سمجھا گیا۔ ان سفارشات کی بھی ابھی پارلیمنٹ میں توثیق ہونی ہے مگر پارلیمنٹ میں گزشتہ پانچ ماہ سے جاری اس عمل کو بلڈوز کرتے ہوئے صرف وفاقی کابینہ کی دفاعی کمیٹی پر تکیہ کرلیا گیا جس کے فیصلوں کی گزشتہ روز وفاقی کابینہ نے توثیق بھی کردی ہے اور عسکری قیادتوں کی جانب سے بھی عندیہ دےدیا گیا ہے کہ نیٹو سپلائی پر حکومت کا ہر فیصلہ قابل قبول ہو گا‘ اس سے صاف ظاہر ہے کہ نیٹو سپلائی کی بحالی کیلئے امریکہ سے قومی سلامتی کی پارلیمانی کمیٹی کی سفارشات منوانا ضروری نہیں گردانا گیا جس سے بادی النظر میں امریکی اخبار کا دعویٰ بھی درست نظر آتا ہے۔
قوم کیلئے سب سے زیادہ یہ تشویش ناک صورتحال ہے کہ حکمران قومی سلامتی سے متعلق کسی معاملہ پر اسے اعتماد میں لینا بھی مناسب نہیں سمجھتے اور اسے نیٹو سپلائی کی بحالی کے فیصلہ کی اطلاع بھی بیرونی ذرائع سے ملتی ہے۔ ویسے تو قوم کی نمائندہ پارلیمنٹ کی بالادستی کے ڈھنڈورے پیٹے جاتے ہیں اور اپنی اہلیت نااہلیت کے فیصلہ کیلئے بھی پارلیمنٹ کو مجاز فورم قرار دیا جاتا ہے مگر جب پارلیمنٹ کی بالادستی تسلیم کرانے کا وقت آتا ہے تو حکمرانوں کو پارلیمنٹ کا وجود کہیں نظر ہی نہیں آتا۔ اب محض کیبنٹ کمیٹی کے ذریعہ نیٹو سپلائی کی بحالی کا فیصلہ کرکے درحقیقت پارلیمنٹ کو بے وقعت بنایا گیا ہے۔ پہلے ڈرون حملوں اور ایبٹ آباد اپریشن کیخلاف پارلیمنٹ کی متفقہ قراردادوں پر خود بھی عمل نہ کیا گیا اور ان قراردادوں کی منظوری کے ساتھ ہی امریکہ نے ڈرون حملے کئے تو اس پر رسمی احتجاج کی زحمت بھی گوارا نہ کرکے پارلیمنٹ کی کم مائیگی پر مہر تصدیق ثبت کی گئی جبکہ اب پارلیمانی کمیٹی کی سفارشات کو یکسر نظرانداز کرکے کابینہ کے ذریعے نیٹو سپلائی کی بحالی کا فیصلہ کرنا پارلیمنٹ کو خود ہی بے وقعت ثابت کرنے کے مترادف ہے۔
وزیر خارجہ سرخوشی کے ساتھ شکاگو کانفرنس میں شرکت کیلئے پاکستان کو دی گئی غیرمشروط دعوت کی اہمیت جتا رہی ہیں جن سے بادی النظر میں یہی محسوس ہوتا ہے کہ اس دعوت نامے کی خاطر ہی نیٹو سپلائی کی غیرمشروط اور فوری بحالی کا معرکہ مارا گیا ہے جبکہ امریکہ فی کنٹینر 18 سو ڈالر درحقیقت ان کنٹینروں کو پاکستان سے بحفاظت گزار کر افغانستان پہنچانے کے معاوضے کے طور پر ادا کریگا۔ یہ طرفہ تماشہ ہے کہ گزشتہ آٹھ سال سے نیٹو کنٹینروں کی آمد و رفت سے ہماری ہائی وے اور دوسری سڑکوں کی تباہی کی صورت میں جو اربوں روپے کا نقصان ہوا اسکی بھی کوئی تلافی نہیں اور اب جو مزید نقصان ہو گا‘ اسکے ازالہ کیلئے بھی پارلیمانی کمیٹی کی سفارشات میں رکھی گئی شرط کو درخوراعتناءنہیں سمجھا گیا چنانچہ اس حکمت عملی کو امریکہ کے ساتھ ہمارے حکمرانوں کے یکطرفہ عشق سے ہی تعبیر کیا جا سکتا ہے جس میں مبتلا ہو کر حکمرانوں کو قومی مفادات اور قومی سلامتی کا احساس ہے نہ قومی جذبات کی پاسداری۔ اگر یہی فیصلہ کرنا تھا تو اسے آبرومندی کے ساتھ اس وقت ہی طے کرلیا جاتا جب امریکہ نیٹو سپلائی کی بحالی کیلئے منت سماجت بھی کر رہا تھا اور سلالہ حملے پر معافی مانگنے کو بھی آمادہ تھا‘ اس وقت تو پارلیمنٹ کی بالادستی کا راگ الاپتے ہوئے امریکہ کو یہ باور کرایا جاتا رہا کہ اب نیٹو سپلائی کے بارے میں پارلیمنٹ ہی فیصلہ کریگی مگر اب جب امریکہ جارحانہ انداز میں ڈرون حملے جاری رکھنے کا بھی اعلان کر رہا ہے اور سلالہ حملے پر معافی مانگنا بھی اپنی توہین سمجھ رہا ہے تو ہماری حکومتی عسکری قیادتوں نے ہم مشورہ ہو کر نیٹو سپلائی غیرمشروط بحال کرنے کا فیصلہ کرلیا ہے۔ کیا یہ فہم و بصیرت کا فقدان ہے یا اس فیصلے کے ساتھ اپنا کوئی مفاد وابستہ ہے؟ قوم کو یقینًا اب تمام سوالات کا جواب چاہیے‘ اگر قوم کو مطمئن کئے بغیر نیٹو سپلائی بحال کی گئی تو اس سے خدانخواستہ عوام کا جمہوری عمل میں ایمان مزید کمزور ہونے کا خدشہ ہے۔ اس وقت حکومت سے باہر کم و بیش تمام دینی سیاسی جماعتیں نیٹو سپلائی کی بحالی کے فیصلہ کو مسترد کرتے ہوئے مزاحمت پر آمادہ ہیں جبکہ طالبان کی جانب سے بھی اعلان کردیا گیا ہے کہ نیٹو سپلائی بحال ہوئی تو وہ کنٹینروں کوپاکستانی سڑکوں پر نشانہ بنائیں گے۔ اس سے بخوبی اندازہ لگایا جا سکتا ہے کہ نیٹو سپلائی کی بحالی کی صورت میں پاکستان کی سرزمین میدان کارزار بن جائیگی اور ملک پھر بدترین بدامنی کی لپیٹ میں آجائیگا۔چنانچہ ہماری دھرتی عمل اور ردعمل کا اکھاڑہ بن کر ہاتھیوں کی لڑائی میں تہس نہس ہو جائیگی۔ حکومتی اور عسکری قیادتوں کو اس بارے میں قوم کے سامنے یقیناً جوابدہ ہونا پڑیگا کہ ملک کی آزادی‘ خودمختاری اور سلامتی کے تحفظ کا تقاضا کیا اس طرح نبھایا جاتا ہے؟ اس صورتحال میں بہتر یہی ہے کہ نیٹو سپلائی کے بارے میں حکومتی‘ عسکری حلقوں میں جو بھی کھچڑی پک رہی ہے‘ اس سے قوم کو مکمل آگاہ کیا جائے اور جلدبازی میں ایسا کوئی قدم نہ اٹھایا جائے جو ملک کی سلامتی کیلئے خطرناک ثابت ہو سکتا ہو۔
ایک اور بجلی بم ۔ وزیر بھی پریشان
حکومت کی طرف سے بجلی کی قیمت میں ایک روپیہ 25 پیسے فی یونٹ اضافہ کر دیا گیا جس کا اطلاق بعد بھی فوری طورپر ہو گا۔
حکومت اپنی آئینی مدت کے چار سال مکمل کرنے کے بعد پانچویں سال میں داخل ہو چکی ہے۔ بجلی کی لوڈشیڈنگ کے حوالے سے اس حکومت کا آج بھی م¶قف یہ ہے کہ اسے یہ بحران ورثے میں ملا۔ موجودہ حکومت کو آخر بجلی کا بحران دور کرنے کےلئے مزید کتنی مدت درکار ہے؟ جبکہ اسکی آئینی مدت محض چند ماہ رہ گئی ہے۔ میڈیا میں نشر اور شائع ہونےوالی رپورٹوں اور متعلقہ شعبوں کے ماہرین کےمطابق پاکستان میں بجلی پیدا کرنے کی صلاحیت ملکی ضروریات سے ہزار ڈیڑھ ہزار میگا واٹ زیادہ ہے لیکن کہیں پلانٹ خراب ہے تو کہیں نجی پاور کمپنیوں کو ادائیگیاں نہیں ہو رہیں۔ عوام مشتعل ہو کر سڑکوں پر آتے ہیں تو حکومت نجی کمپنیوں کو ان کے بقایا جات کی قسط جاری کر دیتی ہے جس سے چند دن کے ریلیف کے بعد پھر سے تکلیف دہ لوڈشیڈنگ شروع ہو جاتی ہے۔ عوام کو ایک طرف بجلی کی 20، 20 گھنٹے تک بندش کا سامنا رہتا ہے اور اوپر سے بجلی کی قیمتیں اس حد تک بڑھا دی گئی ہیں کہ چند گھنٹے بجلی کی فراہمی کا بل بھی سوہانِ روح بن جاتا ہے‘ اب جبکہ الیکشن سر پر ہیں حکومت کو عوام کے ریلیف کےلئے کچھ اقدامات کرنے چاہئیں اسکے برعکس عوام کش پالیسیاں بروئے کار لائی جا رہی ہیں۔ بجلی کی قیمتوں میں اضافے پر خود وزراءبھی کابینہ کے اجلاس میں برہم پائے گئے کہ بجلی بحران پر قابو نہ پایا گیا تو ووٹ کیسے لیں گے۔ لگتا ہے کہ ایک بااثر حکومتی گروپ کو عوام کا احساس ہے نہ اپنے وزراءاور منتخب نمائندوں کا۔ وہ شاید باقی چند ماہ کی مدت کو بھی غنیمت جان کر لوٹ مار میں مصروف ہے۔ جن وزراءنے توانائی بحران پر قابو پانے کی بات کی ایسی سوچ کے حامل ارکان انکے ساتھ مل کر لوٹ مار کرنے اور عوام دشمن پالیسیاں نافذ کرنےوالے بااثر گروپ کا راستہ روکنے کی کوشش کریں۔ صدر اور وزیراعظم کو بھی نوٹس لینا چاہئے اور سوچنا چاہئے کہ ایسے اقدامات سے انکی پارٹی الیکشن میں کیا منہ لےکر جائےگی۔
بہبود آبادی کے برہم ملازمین کا سیکرٹیریٹ پر دھاوا
محکمہ بہبود آبادی کے ملازمین احتجاج کرتے ہوئے سیکرٹیریٹ کے اندر گھس گئے اور چیف سیکرٹری کے دفتر پر ہلا بول دیا۔ پولیس نے لاٹھی چارج کردیا‘ تشدد کے دوران ایک پولیس اہلکار بھی ہلاک ہو گیا۔ اسے کہتے ہیں‘ سرخ سگنل جو آنیوالے خطرے کی پیشگی اطلاع دیتا ہے۔ تنخواہیں بڑھانے کیلئے محکمہ بہبود آبادی کے ملازمین نے احتجاج کیا‘ اور پہلی بار ایسا ہوا کہ مظاہرین پنجاب حکومت کے سیکرٹیریٹ میں داخل ہو کر چیف سیکرٹری کے کمرے میں گھس گئے۔ پولیس اور سیکورٹی اہلکاروں نے روکنے کی بڑی کوشش کی لیکن اپنے رزق کی کشادگی کیلئے احتجاجی مظاہرین کا ہجوم سیل بلا بن کر چیف سیکرٹری کی میز تک پہنچ گیا۔ ان ملازمین نے یہ بتا دیا ہے کہ غریب محروم لوگ ظلم و زیادتی کیخلاف حکومتی مشینری میں بھی داخل ہو سکتے ہیں۔ ظاہر ہے یہ مظاہرین مرنے مارنے کیلئے تیار تھے۔ قوم کو اس مقام پر نہ لے جایا جائے کہ یہ انسانوں کا اژدہام بڑھتے بڑھتے‘ مرکزی حکومت کے ایوانوں پر بھی دھاوا بول دے۔ پنجاب سیکرٹیریٹ میں احتجاجی جلوس کا داخل ہونا اور پولیس و سیکورٹی ذمہ داران کا بے بس ہو جانا‘ یہ ظاہر کرنے کیلئے کافی ہے کہ مہنگائی‘ کم تنخواہوں‘ لوڈشیڈنگ کے مارے ہوئے لوگ تنگ آمد بجنگ آمد پر نہ اتر آئیں۔ ان ملازمین نے سلسلے کا آغاز کر دیا ہے‘ دیکھئے! اب یہ کہاں تک پہنچے۔ اس لئے حکمران صوبوں کے ہوں یا مرکز کے‘ کچھ مداوا کریں عوامی مسائل کا‘ وگرنہ اس ملک میں حالات جس نہج پر چل نکلے ہیں‘ وہ کسی خونیں انقلاب کا پیش خیمہ بھی بن سکتے ہیں۔ آج کی کمر توڑ مہنگائی میں چھوٹے ملازمین کا زندگی سے ناطہ جوڑے رکھنا محال ہوتا جا رہا ہے اس لئے لوگوں کا اب مزید بہت کڑا امتحان نہ لیا جائے۔ ملازمین‘ پنشنرز کو اتنا تو دیا جائے کہ وہ اس منہ زور مہنگائی کا مقابلہ کر سکیں۔ جب انسان اپنے حکمرانوں کے ہاتھوں موت کے دہانے تک پہنچ جائیں تو ان سے کچھ بھی بعید نہیں ہوتا۔ یہ سانحہ ایک الارم ہے حکمرانوں کیلئے کہ وہ اب راہ راست پر آجائیں۔ بصورت دیگر عوام الناس سیلاب کی مانند ہوتے ہیں اور سیلاب اپنا راستہ خود بنا لیتا ہے‘ اسے کسی لیڈر کی ضرورت نہیں ہوتی۔ یہ امر افسوسناک ہے کہ تنخواہوں میں اضافے کیلئے احتجاج کرنیوالے محکمہ بہبود آبادی کے ملازمین کی اشک شوئی کے بجائے 153 ملازمین کو جیل بھیج دیا گیا اور انسداد دہشت گردی ایکٹ کےمطابق 173 کیخلاف 302 کا مقدمہ درج کرلیا گیا ہے۔ اگر یہی علاج ہے حکومت کے پاس اس احتجاج کا تو اس کا مزید شدید ردعمل سامنے آئیگا۔ حکومت کو آمرانہ کے بجائے جمہوری طرز عمل اختیار کرنا چاہیے جو ملازمین سیکریٹریٹ میں داخل ہو گئے تھے ‘ وہ کس قدر مجبور ہونگے۔ اس بات کا ادراک بہرصورت حکومت کو کرنا چاہیے۔

ہمارے حکمران امریکہ کے ہاتھوں بار بار اپنی ہتک کیوں برداشت کرتے ہیں؟
وائٹ ہاﺅس نے کل 20 مئی کو شکاگو کانفرنس کے موقع پر امریکی صدر باراک اوبامہ کی افغان صدر کرزئی سے ملاقات کے شیڈول کی تصدیق کرتے ہوئے باور کرایا ہے کہ شکاگو کانفرنس کے موقع پر اوبامہ کی صدر پاکستان آصف علی زرداری سے کسی باضابطہ ملاقات کا کوئی امکان نہیں اور نہ ہی صدر زرداری سے ملاقات اوبامہ کے شکاگو کانفرنس والے شیڈول میں شامل ہے۔ اس سلسلہ میں امریکی قومی سلامتی کے مشیر ٹوم ڈونیلون نے بھی تصدیق کی کہ صدر اوبامہ اتوار کو افغان صدر کرزئی سے ملاقات کر رہے ہیں۔ اے ایف پی کی رپورٹ کے مطابق شکاگو میں منعقد ہونیوالی نیٹو سربراہی کانفرنس کو اس بار نیٹو سپلائی کے حوالے سے اہم مسئلے کا سامنا کرنا پڑیگا۔ اس سلسلہ میں امریکی پینٹاگون کے ترجمان نے بتایا کہ نیٹو سپلائی کے حوالے سے پاکستان سے مذاکرات جاری ہیں تاہم وہ سپلائی کے عوض طے پانے والے معاوضے کی تفصیلات ظاہر نہیں کر سکتے۔ امریکی محکمہ خارجہ کی ترجمان وکٹوریہ نولینڈ کے بقول نیٹو سپلائی پر طے شدہ معاملات کے حوالے سے پاکستان اور امریکہ کے مذاکرات منظر عام پر نہیں لائے جا سکتے۔ دوسری جانب ایساف کمانڈر جنرل جان ایلن نے بھی تصدیق کی ہے کہ پاکستان کی جانب سے نیٹو سپلائی بحال کرنے کی تیاری کی جا رہی ہے۔ انکے بقول نیٹو سپلائی بند ہونے سے ایساف کے مشن کو خاص فرق نہیں پڑا۔
یہ حقیقت تو پوری دنیا پر منکشف ہو چکی ہے کہ پاکستان نے امریکہ کو نیٹو سپلائی بحال کرنے کا یقین دلا دیا ہے جبکہ اس یقین دہانی کے بعد ہی نیٹو کے سیکرٹری جنرل راسموسن کی جانب سے صدر زرداری سے ٹیلی فونک رابطہ کرکے انہیں شکاگو کانفرنس میں شمولیت کی دعوت دی گئی جس سے اس تاثر کو تقویت ملتی ہے کہ صدر زرداری کی شکاگو کانفرنس میں اس توقع پر شمولیت کیلئے ہی ملکی اور قومی سلامتی کی پرواہ کئے بغیر یکایک نیٹو سپلائی بحال کرنے کا فیصلہ کیا گیا ہے کہ وہاں انکی امریکی صدر اوبامہ سے بھی ملاقات ہو جائیگی۔ اس سلسلہ میں قومی سلامتی کی پارلیمانی کمیٹی کی مرتب کردہ سفارشات کو پیش نظر رکھنا بھی ضروری نہ سمجھا گیا۔ یہ انتہائی افسوسناک صورتحال ہے کہ سابق کمانڈو جرنیلی صدر مشرف نے امریکی وزیر دفاع کولن پاول کی ایک ٹیلی فونک کال پر ڈھیر ہو کر اس خطے میں امریکی فرنٹ لائن اتحادی کا کردار قبول کرلیا جبکہ اب پاکستان کو شکاگو کانفرنس میں مدعو نہ کرنے کی دھمکی پر ملکی اور قومی مفادات کو پس پشت ڈالتے ہوئے امریکہ کو نیٹو کی سپلائی بحال کرنے کا یقین دلا دیا گیا ہے۔ اسکے برعکس اپنے فرنٹ لائن اتحادی کے ساتھ امریکہ کا رویہ اتنا شرمناک ہے کہ وہ صدر پاکستان کو اپنے کٹھ پتلی افغان صدر کرزئی جتنی اہمیت بھی دینے کو تیار نہیں۔ پرائی آگ میں کود کر قربانیاں ہم نے دی ہیں‘ اپنی معیشت کو تباہی کے دہانے پر ہم نے پہنچایا ہے‘ اپنی دھرتی کو اپنے معصوم و بے گناہ شہریوں کے خون سے ہم نے رنگین کیا ہے‘ امریکی مفادات کی خاطر ڈرون حملوں اور دہشت گردی کی صورت میں جاری بدامنی ہم نے مول لی ہے‘ ملک کی سرحدوں کو سنگین خطرات سے ہم نے دوچار کیا ہے‘ مگر امریکی مہربانیوں کی بارش ہمارے دشمن بھارت اور ہماری سالمیت کےخلاف کارروائیوں کیلئے اس دشمن کو اپنی زمینی سہولت فراہم کرنےوالے افغانستان پر برس رہی ہے۔ گزشتہ سال اوبامہ اپنے شیڈولڈ دورے پر بھارت آئے اور منموہن کو دنیا کا ابھرتا ہوا لیڈر قرار دیکر بھارت کے ساتھ ایٹمی دفاعی تعاون کے مختلف معاہدے کرکے پاکستان کی سالمیت کو مزید خطرات سے دوچار کیا اور اپنے اس فرنٹ لائن اتحادی کو ایک آنکھ دیکھنا بھی گوارا نہ کیا جبکہ اس ماہ کے آغاز میں اوبامہ اسامہ بن لان کیخلاف ایبٹ آباد اپریشن کو کیش کرانے کیلئے اچانک کابل آدھمکے‘ کرزئی سے اگلے دس سال کے تعاون کے معاہدے کئے اور پاکستان کی جانب دیکھے بغیر واپس امریکہ چلے گئے۔ ایسی بے اعتنائی پر تو ہمارے حکمرانوں کو ملکی اور قومی مفادات کو پیش نظر رکھتے ہوئے امریکہ سے فاصلہ بڑھا لینا چاہیے تھا اور اسے پاکستان کی سٹریٹجیکل اہمیت کا احساس دلانے کی خاطر نیٹو سپلائی کی طرح امریکی فرنٹ لائن اتحادی کا کردار بھی معطل کر دینا چاہیے تھا تاکہ اسکے ہوش ٹھکانے آتے اور وہ ہمارے ساتھ بھی بھارت اور افغانستان جیسے معاملات طے کرنے پر مجبور ہوتا مگر ہماری قیادتوں کی جانب سے تو ہزیمتوں کا سفر آگے بڑھانے میں کوئی کسر نہیں چھوڑی گئی۔ دنیا کو تاثر یہ دیا گیا کہ نیٹو سپلائی اب پارلیمنٹ کے حتمی فیصلے پر ہی بحال ہو گی مگر سپلائی بحال کرنے کا یکایک فیصلہ کرتے وقت پارلیمنٹ کے ربر سٹیمپ ہونے کا ثبوت فراہم کر دیا گیا۔
ہمارے اس فدویانہ طرز عمل سے امریکہ کا دفاعی پوزیشن سے جارحانہ پوزیشن پر آنا فطری امر تھا۔ چنانچہ اس نے ہماری آزادی اور خودمختاری کی پرواہ کی نہ پارلیمنٹ کی منظور کردہ متفقہ قراردادوں کو درخور اعتناءسمجھا۔ ڈرون حملے بھی جاری رکھے اور ہمیں یہ بھی باور کرانا ضروری سمجھا کہ امریکی سلامتی کی خاطر یہ حملے جاری رکھے جائینگے۔ صرف یہی نہیں‘ ڈومور“ کے تقاضے بھی بڑھا دیئے گئے اور امریکی کانگریس کو بھی پاکستان پر پابندیوں کیلئے متحرک کر دیا گیا۔ جب ہماری جانب سے یہ تاثر ملے گا کہ امریکی امداد کے بغیر ہمارا بجٹ نہیں بن سکے گا تو امریکہ ہماری اس مجبوری کو اپنے حق میں استعمال کرنے میں بھی حق بجانب ہو گا چنانچہ اس نے پاکستان پر نیٹو سپلائی کی بحالی کیلئے بلیک میلنگ کے انداز میں دباﺅ بڑھانا شروع کر دیا اور شکاگو کانفرنس میں مدعو نہ کرنے کی اس انداز میں دھمکی دی جیسے اس کانفرنس میں شرکت کے بغیر ہمارا گزارا ہی نہیں ہو سکے گا۔ اسکے برعکس ہمارے لئے امریکی بے اعتنائی کا یہ عالم ہے کہ ہماری جانب سے نیٹو سپلائی کی بحالی کی فدویانہ یقین دہانی کے باوجود اوبامہ صدر زرداری سے رسماً ہاتھ ملانے کے بھی روادار نہیں اور شکاگو کانفرنس کے موقع پر اوبامہ کی کرزئی سے ملاقات کا شیڈول جاری کرتے ہوئے یہ باور کرانا بھی ضروری سمجھا گیا ہے کہ صدر زرداری سے ملاقات اوبامہ کے شیڈول میں قطعاً شامل نہیں۔ صرف اس پر ہی اکتفا نہیں کیا گیا بلکہ امریکی اخبار واشنگٹن پوسٹ کی رپورٹ کے مطابق نیٹو سپلائی بحال ہونے کے بعد امریکہ کی جانب سے پاکستان کیلئے کولیشن سپورٹ فنڈ معطل کرنے کا بھی عندیہ دیدیا گیا ہے۔ گزشتہ روز امریکی کانگریس میں تو پاکستان کی امداد نیٹو سپلائی کی بحالی کے ساتھ مشروط کرنے کا بل بھی منظور کرلیا گیا ہے۔ اس طرح امریکہ ہمارے خلاف ہر وہ اقدام اٹھانے پر آمادہ نظر آتا ہے جس سے ہماری غیرت و خودداری مجروح ہو سکتی ہو۔
اس تناظر میں اصولی طور پر تو پاکستان کی حکومتی عسکری قیادتوں کو ملکی سلامتی کے تقاضوں کو پیش نظر رکھتے ہوئے نہ صرف نیٹو کی سپلائی بند رکھنی چاہیے تھی بلکہ نیٹو سربراہی شکاگو کانفرنس کا بھی بون کانفرنس کی طرح بائیکاٹ کردیا جاتا جس کانفرنس میں ہماری سلامتی کے معاملات کے بجائے امریکی سلامتی کی خاطر اقدامات اٹھانا طے کیا جا رہا ہو‘ اس میں ہمیں شریک ہونے کی ویسے ہی کوئی ضرورت نہیں جبکہ اوبامہ کی قربت اور خوشنودی کی خاطر اس کانفرنس میں شمولیت کے جتن کئے گئے ہیں تو اوبامہ کی جانب سے خود ہی ہمارے حکمرانوں کی یہ خوش فہمی دور کردی گئی ہے۔ اب پاکستان اس کانفرنس میں مظلوم کے بجائے ملزم کی حیثیت سے شریک ہو گا تو ہماری مزید جگ ہنسائی ہو گی۔ ہمارے حکمرانوں کو آخر ایسی کیا مجبوری لاحق ہے کہ امریکہ کی خوشنودی کی خاطر وہ ملکی اور قومی سلامتی کے تقاضوں کی بھی پرواہ نہیں کر رہے۔ عوام دوست بجٹ بنانے کی خاطر کیا وہ قومی مفادات سمیت غیرت و حمیت کی ساری لٹیا ڈبونے کو بھی تیار ہو چکے ہیں؟ یہ صورتحال تو انہیں آئندہ انتخابات میں عوام سے مزید دور لے جا سکتی ہے‘ اس لئے بہتر یہی ہے کہ اپنے اقتدار کے بجائے حکمران ملک کو بچانے کی فکر کریں۔ اگر قوم میں یہ تاثر پختہ ہو گیا کہ موجودہ حکمرانوں کے ہاتھوں ملکی سلامتی اور قومی مفادات محفوظ نہیں تو پھر اس کا خمیازہ انہیں سخت عوامی ردعمل کی صورت میں اگلے انتخابات میں بھگتنا پڑےگا جبکہ وہ امریکہ کے سامنے جرا¿ت انکار کا مظاہرہ کرکے قوم میں سرخرو ہو سکتے ہیں۔
بھارت ڈیم بنا کر آبی جنگ کی بنیاد رکھ رہا ہے
بھارت پاکستان کو بنجر بنانے کی منصوبہ بندی مکمل کر رہا ہے جس کے تحت وہ پاکستان کے 3 دریا¶ں پر سات ڈیم بنانے کی حکمتِ عملی کو جنگی بنیادوں پر آخری شکل دے چکا ہے اور اس منصوبے کیلئے اقوام متحدہ کے ترقیاتی فنڈ سے 10 سال کیلئے 700 ملین ڈالر سے زائد کا قرضہ بھی حاصل کر رہا ہے۔ 19 ستمبر 1960ءکو پاکستان اور بھارت کے مابین ورلڈ بنک کی زیر نگرانی طے پانے والا سندھ طاس معاہدہ ایک بین الاقوامی معاہدہ ہے لیکن بھارت مسلسل اسے پامال کر رہا ہے اور اب اقوام متحدہ کی آشیرباد سے پاکستان کیخلاف گھنا¶نے کھیل کی منصوبہ بندی کر کے دریائے سندھ، جہلم اور چناب پر 7 ڈیم بنانے کےلئے جنگی بنیادوں پر کام شروع کرنےوالا ہے جبکہ اقوام متحدہ سے فنڈز حاصل کرنے کے بعد بھارت پاکستان کے تمام تر قانونی راستے بھی بند کر دےگا کیونکہ اس منصوبے کو قانونی حیثیت مل جائےگی، اس سے قبل بھارت دریائے چناب پر 11 ڈیم مکمل کر چکا ہے جبکہ 24 ڈیموں پر کام شروع ہے۔ دریائے جہلم پر 54 ڈیموں میں سے 23 مکمل کر چکا ہے۔ دریائے سندھ پر 14 چھوٹے ڈیم بھی بنا چکا ہے جبکہ 2014ءتک تمام ڈیم مکمل کرنے کا ٹارگٹ بھی دیا گیا ہے۔ بھارتی سپریم کورٹ نے 2016ءتک تمام دریا¶ں کو لنک کرنے کا آرڈر بھی جاری کر رکھا ہے جس کے بعد بھارت پاکستان کا ایک ایک قطرہ پانی بند کر سکتا ہے۔ بھارت اب آبی دہشت گردی پر اتر آیا ہے جبکہ ہمارے حکمران شُتر مرغ کی طرح ریت میں سر دبائے بیٹھے ہیں، ہمیں تو بھارتی آبی جنگ کا توڑ کرنا چاہیے تھا لیکن ہم ریلوے کو چلانے کےلئے اسی دشمن سے کرائے پر 50 انجن لے رہے ہیں، فی انجن کرایہ فی گھنٹہ 1500 سو روپے ازلی دشمنی کے خزانے میں جائےگا۔ انجن چلیں یا نہ چلیں بھارت ان 50 انجنوں کا ایک مہینے کا 5 کروڑ 40 لاکھ روپے کرایہ وصول کرتا رہےگا۔ اس منصوبے میں کمیشن کس کے اکا¶نٹ میں جائیگا۔یہ راز بھی جلد سامنے آ جائےگا۔ بھارت اپنے مفادات کےلئے ہمیں بھوکا پیاسا مارنے پر تُلا ہوا ہے جبکہ ہم اس سے انجن اور بجلی لے کر اسے موٹا تازہ کرنے کیلئے کمک پہنچا رہے ہیں۔ کیا یہ اپنے گھر کو آگ لگانے کے مترادف نہیں ہے۔ بھارتی انجن بھی رینٹل پاور کی طرح ثابت ہونگے جب تک سرحدی گاندھی کے جانشین ریلوے کے ساتھ چمٹے رہیں گے تب تک اس کا برق رفتار چلنا ایک خواب سے کم نہیں ہو گا لہٰذا غلام بلور کو فی الفور اس عہدے سے ہٹایا جائے تاکہ ریلوے کو بچایا جا سکے۔
جنوبی پنجاب کیلئے کمیٹی کی تشکیل
وزیراعظم نے صوبہ جنوبی پنجاب کیلئے چار رکنی کمیٹی تشکیل دیدی۔ صغریٰ امام مخدوم شہاب الدین بھی رکن ہونگے۔ کمیٹی ایک ہفتے میں عملی اقدامات تجویز کریگی۔ ایک نیا صوبہ‘ پنجاب میں سے کشید کرکے بنانا اور طریق کار کی ترتیب کو پس پشت ڈال کر براہ راست پارلیمنٹ کا چار رکنی تشکیل دینا‘ خلاف قانون و قاعدہ ہے۔ پنجاب اسمبلی کی قرارداد کےمطابق قومی اسمبلی جنوبی پنجاب کی قرارداد منظور کریگی‘ اسکے بعد یہ معاملہ سینٹ میں جائیگا۔ جب وہاں سے بھی منظوری مل جائیگی تب جا کر پارلیمنٹ کوئی پارٹی تشکیل دینے کی مجاز ہو گی اور وہ نئے صوبے کے خدوخال واضح کریگی۔ اول تو ملک کو صوبستان بننے کی راہ پر ڈالنا نہیں چاہیے۔ اگر ایسا ہی کرنا ہے تو پھر جو قاعدہ قانون ہے‘ اسکے مطابق ہی چلنا چاہیے۔ ایک نئے صوبے کا مطلب ہے‘ ایک نیا سیٹ اپ جس میں وہ سب کچھ ہو گا جو پہلے سے صوبہ پنجاب میں موجود ہے۔ گویا ایک خطیر رقم نئے صوبے کی تشکیل پر خرچ ہو گی بلکہ یہ اخراجات مسلسل ہوتے رہیں گے۔ اگر یہی رقم بہاولپور سمیت جنوبی پنجاب کی فلاح و بہبود پر خرچ کی جاتی تو وہاں کے لوگوں کی تقدیر سنور جاتی۔ مگر افسوس کہ قومی پیسے کے ضیاع کا احساس ہی جاتا رہا اور ایک ہی رٹ کہ جنوبی پنجاب الگ صوبہ بنایا جائے کیونکہ ایسا چاہنے والوں کو بڑی جلدی ہے اب جبکہ پنجاب اسمبلی نے اسکی منظوری دیدی ہے تو قومی اسمبلی میں بھی محب وطن ارکان کو یہ بات اٹھانی چاہیے کہ نئے صوبوں سے ملک صوبستان بن جائیگا اور بلاوجہ کے اخراجات کے سوا کوئی عوامی مفاد حاصل نہیں ہو گا‘ اسی طرح سینٹ کے ارکان کو بھی اس بدعت کیخلاف آواز بلند کرنی چاہیے۔ بہرحال جنوبی پنجاب کیلئے ایک چار رکنی کمیٹی تشکیل دینا قبل از وقت ہے۔ پہلے جمہوری ایوانوں سے منظوری آجائے تب ایسی کوئی کمیٹی بنانی چاہیے۔
احتساب ناگزیر‘ مگر بلاامتیاز
قومی احتساب بیورو (نیب) کے ترجمان ایڈیشنل ڈائریکٹر ظفر اقبال نے کہا ہے کہ وزارت داخلہ رحمان ملک کی طرف سے نواز شریف کےخلاف بھیجے گئے منی لانڈرنگ ریفر نس کی تحقیقات شروع کر دی ہے۔ ان کا کہنا تھا نیب نے وفاقی وزیر راجہ پرویز اشرف اور دو سابق وزراءکے نام ای سی ایل میں شامل کرنے کی سفارش کی تھی مگر ابھی تک عملدرآمد نہیں ہوا۔ قومی خزانے میں موجود ایک ایک پیسہ قوم کی امانت ہے‘ اس میں جس نے بھی اور جب بھی خیانت کی‘ اس سے پائی پائی کی وصولی ذمہ دار اداروں کے کندھوں پر فرض ہے۔ لوٹ مار کرنیوالوں کیخلاف بلاامتیاز انکی پوزیشن کے کارروائی ہونی چاہیے لیکن کسی کیخلاف بھی کارروائی کے دوران انتقام کا شائبہ ہو اور نہ ہی کسی کو رعایت ملنی چاہیے۔ میاں نواز شریف نے کہا ہے کہ حکومت کو انکے سندھ جانے اور وزیراعظم گیلانی کو سزا یافتہ کہنے کی تکلیف ہے اسلئے نیب کو انتقامی کارروائیوں پر لگایا دیا گیا۔ موجودہ حالات میں نیب کو اپنی غیرجانبدارانہ حیثیت برقرار رکھنے کی اور باور کرانے کی اشد ضرورت ہے۔ اسکے ترجمان نے اعتراف کیا ہے کہ ایک وفاقی وزیر کا نام ای سی ایل میں ڈالنے کی سفارش پر عملدرآمد نہیں ہوا۔ اس سے نیب کی حکومتی نظر میں اہمیت کا بخوبی اندازہ لگایا جا سکتا ہے۔ حکومت نیب کے ذریعے جس طرح کا احتساب کرانا چاہتی ہے‘ اس سے ایک تماشا لگ جائیگا جس سے پاکستان کی جنگ ہنسائی ہو گی۔ غیرجانبدارانہ احتساب کیلئے نیب کے چیئرمین اور دیگر عہدیداروں کا غیرجانبدار اور اچھی شہرت کا حامل ہونے کےساتھ ساتھ بااختیار ہونا بھی ضروری ہے۔

معاشی بدحالی اپنے عروج پر ہے تازہ ترین اعداد و شمار کے مطابق بجٹ سپورٹ کےلئے گزشتہ سال کے مقابلے میں 142 فی صد کا اضافہ ہوا ہے حکومتی شاہ خرچیوں کے نتیجے میں یکم جولائی سے 6 اپریل تک ایک ہزار 14 ارب روپے کے قرضے لئے گئے۔ نیز تقریباً پچھلے نو ماہ کے عرصے میں پرائیویٹ بنکوں سے 700 ارب اور مرکزی بنک سے 304 ارب روپے کا قرضہ لیا گیا مزید برآں پچھلے 8 ماہ کے دوران مقامی حکومتی قرضوں پر سود کی ادائیگی 484 ارب روپے سے زیادہ ہوئی اور کمرشل بنکوں سے لئے گئے قرضوں کی شرح سود میں اضافے کی بنا پر افراط زر میں بے انتہا اضافہ دیکھنے میں آیا ہے۔
لیکن ناگفتہ بہ معاشی صورتحال کے باوجود نئے وزرا کابینہ میں شامل کئے گئے ہیں۔ ان وزراءکو کھپانے کی غرض سے ایسے ایسے نئے محکمہ دیئے گئے ہیں جو کہ ناصرف غیر ضروری ہیں بلکہ ان کا قومی ترقی یا ملکی خوش حالی سے دور کا بھی واسطہ نہیں ہے اور ظاہر ہے ان تمام وزرا کی تنخواہوں الاﺅنسز اور باقی اخراجات کا بوجھ غریب عوام پر ڈالا جا ئے گا جو پہلے ہی بھوک اور افلاس کے باعث اپنے بچے بیچ رہے ہیں اور خود کشیاں کر رہے ہیں۔ اس سلسلے میں معلوم نہیں "Minister of "climate change" یعنی وزارت تبدیلی موسم یعنی ”پولیٹیکل افیئرز“ سیاسی معاملات اور "National regulations and services" یعنی قومی ضوابط کیا ہیں اور وہ کیا خدمات سرانجام دی گئیں تمام وزارتوں کے فرائض اور دائرہ کار کے بارہ میں کوئی Vebsite بھی موجود نہیں۔
اس وقت مجموعی صورت حال یہ ہے کہ کل35 وزرا اور17 وزرائے مملکت 4 مشیر اور 5 خصوصی معاون برائے وزیراعظم ہیں لیکن بات یہیں ختم نہیں ہوتی اس کے علاوہ درجنوں اور وفاقی وزیر کا درجہ رکھتے ہیں اور ان تمام کے بارے میں کچھ علم نہیں کہ وہ تنخواہ اور دیگر مراعات کے حصول کے علاوہ اور کیا فرائض انجام دیتے ہیں۔
قارئین! کسی بھی ملک کی معاشی صورتحال اس کی ترقی اور بقا پر براہ راست اثر انداز ہوتی ہے ملکی معیشت اس وقت بے حد ناگفتہ بہ ہے جس کی بڑی وجہ حکومت کی نا قص منصوبہ بندی اور شاہ خرچیاں ہیں۔ ضرورت اس امر کی ہے کہ تمام غیر ضروری اور غیر ترقیاتی اخراجات کو فور اً ختم کیا جائے وزرا اور مشیروں کی تعداد کو منا سب سطح پر لایا جائے اور ان کی تنخواہوں اور مراعات پر نظر ثانی کی جائے ملکی معیشت کو مکمل تباہی سے بچانے کےلئے حکومت کو مشکل اور ناخوشگوار فیصلے کرنے ہوں گے کیونکہ ہمارا ملک اس وقت دشمنوں کے نرغے میں ہے اور معاشی کمزوری ملکی دفاعی صلاحیت پر براہ راست اثر انداز ہوتی ہے۔

نیٹو سپلائی کی بحالی کے لئے ایک ڈیل ہوئی ہے۔ ایک طرف امریکہ اور نیٹو ممالک ہیں۔ دوسری طرف پاکستانی حکومت سیاسی جماعتیں یعنی پوری سیاسی قیادت ہے اور عسکری قیادت بھی ہے۔ تو پھر یہ ڈیل نہیں ہے گرانڈیل ہے۔ اس میں ہر ایک کا حصہ ہے۔ حصہ بڑا ذومعنی لفظ ہے مگر بامعنی نہیں ہے اور بے معنی بھی نہیں ہے۔ اب تک بحالی کا معاملہ بظاہر نہیں ہو رہا تھا تو یہ بھی ڈیل ہی کا حصہ تھا۔ یہاں تک بھی باتیں ہوئیں کہ سلالہ چیک پوسٹ پر حملہ بھی کسی انڈر سٹینڈنگ کا نتیجہ تھا۔ ورنہ نیٹو فورسز کوئی بے وقوف نہیں۔ یہ حملہ سوچ سمجھ کر جان بوجھ کر کیا گیا۔ نیٹو فورسز کا سرحدی خلاف ورزی اور پھر خاص طور پر پاکستان کی چیک پوسٹ پر حملہ۔ حملہ بھی ایسا کہ 24 فوجی شہید کر دئیے گئے اور وہ چپ چاپ مر گئے کوئی حرکت بھی نہ کی۔ حملہ آوروں کو بار بار پیغام دیا گیا۔ مگر انہوں نے پرواہ نہ کی۔ دو اڑھائی گھنٹے کی کارروائی میں ہماری طرف سے کوئی کارروائی نہیں ہوئی۔ ایک گولی بھی نہیں چلائی گئی۔ کیا جنرل کیانی بتائیں گے کہ فورسز پر دو اڑھائی گھنٹے کے حملے میں بھی کارروائی نہیں ہوئی تو اس کا کیا مطلب ہے؟ ایبٹ آباد میں بھی دو اڑھائی گھنٹے کی امریکی کارروائی ہوئی تھی۔ آئی ایس آئی کے چیف جنرل پاشا کا اس حوالے سے رویہ قوم کے لئے عجیب تھا۔ سیاسی اور عسکری قیادت دونوں نے قوم کو پریشان کر دیا۔
نیٹو سپلائی پر پابندی لگانے کی کیا ضرورت تھی؟ بدقسمت قوم اس سے بڑی بڑی بدنامیاں اور ناکامیاں پھر سے برداشت کر چکی ہے۔ اب صبر کرنے کا بھی کوئی فائدہ نہیں رہا۔ میرے خیال میں اس ضرب المثل کے لئے برمحل صورتحال اس سے بڑھ کر کیا ہو گی۔ کہ ہم نے سو گنڈھے (پیاز) بھی کھائے اور........۔ قوم سے یہی کہا گیا کہ ہم قومی مفاد اور قومی غیرت پر کوئی سمجھوتہ نہیں کریں گے۔ مجھے بتایا جائے کہ اب تک حکومتی سیاسی قیادت نے کوئی ایسا سمجھوتہ کیا ہے۔ ہم نے سقوط مشرقی پاکستان کی ذلت بھی قبول کر لی۔ اس میں سیاسی اور قومی قیادت برابر کی شریک تھی۔
معذرت کے ساتھ عرض کروں گا کہ قوم صدر زرداری، وزیراعظم گیلانی، نوازشریف، عمران خان، اسفندیار ولی، مولانا فضل الرحمن، الطاف حسین اور سب چھوٹے بڑے حکمرانوں اور سیاستدانوں سے تو مایوس ہے۔ اب جنرل کیانی سے بھی مایوس ہے۔ جنرل اسلم بیگ جس انداز میں جنرل درانی پر الزام لگا رہے ہیں اور وہ جنرل اسلم بیگ پر۔ اب جرنیلوں کی الزام بازی سیاستدانوں کی الزام بازی کی طرح بن گئی ہے۔
کتنے شرم کا مقام ہے کہ ابھی کچھ دیر پہلے شکاگو کانفرنس میں نہ بلانے کی امریکی دھمکیاں آ رہی تھیں۔ اب یہ دعوت مل گئی ہے اور صدر زرداری نے بھی قبول کر لی ہے۔ اس دعوت میں ایک عداوت بھی ہے۔ اس پر غور کرنے کا موقع صدر زرداری کے پاس کہاں ہے۔ ہمارے کسی صدر وزیراعظم کسی حکمران جرنیل اور سیاستدان کی طرف سے کبھی اس جرات کا اظہار نہیں ہوا جس سے قوم کو عزت مندی ملتی اور تاریخ بھی سرخرو ہوتی۔ صدر زرداری کیوں شکاگو کانفرنس میں جانے سے انکار کریں۔ دعوت ملنے کے باوجود انکار ان کو زندہ کر دیتا پھر سارے اقرار ان کے قدموں میں ڈھیر ہو جاتے۔ مگر ہمارے حکمران خود ڈھیر ہونے کے لئے ہر وقت تیار ہوتے ہیں۔ شکاگو کانفرنس کا دعوت نامہ بھی ڈیل کا حصہ ہے شاید؟
خدا کی قسم کوئی بھی وزیراعظم اور صدر ہوتا وہ یہی کرتا جو کیا جا رہا ہے۔ وزارت عظمٰی کے لئے بالکل تیار لوگ بھی اب جو کچھ کہہ رہے ہیں۔ وہ بھی فرینڈلی اپوزیشن اور امریکی غلامی کے سوا کچھ نہیں۔ عمران خاں نوازشریف بھارت سے تجارت کے لئے بھی امریکی اشارے پر نثار ہو رہے ہیں۔ نیٹو سپلائی کی بحالی تو معاملہ ہی امریکہ کا ہے۔ کوئی سیاستدان حکمران اور جرنیل ایسا نہیں ہے جو امریکہ کی ذرا سی مخالفت برداشت کر سکے۔ کوئی بیان ہی دے سکے جو امریکی پالیسی کے خلاف ہو۔ قائد حزب اختلاف چودھری نثار کہتا ہے کہ نیٹو سپلائی کی بحالی شرمناک ہے۔ کسی صورت بھی قبول نہیں کی جائے گی۔ حالانکہ پارلیمنٹ نے مشروط بحالی کے لئے جو قرارداد منظور کی ہے۔ اس پر چودھری نثار کے دستخط موجود ہیں۔ غیر مشروط بحالی کے لئے بھی سب متفق ہیں۔ یہ سب نورا کشتی ہے اور فرینڈلی اپوزیشن کی ادائیں ہیں۔ کچھ کج ادائی بھی ہے۔ ظفر اقبال جھگڑا کو ڈھنگ سے جھگڑا کرنا بھی نہیں آتا وہ نیٹو سپلائی کے لئے پاکستانی حکومت پر اعتراض کر رہا ہے۔ وہ اپنے لیڈر سے پوچھ کر بتائے کہ کیا وہ امریکہ کے لئے کوئی ایسی بات بھی کر سکتے ہیں جس میں اعتراض کا شائبہ بھی ہو۔ امریکہ عراق جنگ کے لئے نوازشریف نے امریکہ کا ساتھ دیا تھا جبکہ ساری قوم امریکہ کے خلاف تھی۔ ایٹمی دھماکوں کی بات بار بار کی جاتی ہے۔ دھماکے تو مجید نظامی کی دھمکی کے نتیجے میں ہوئے۔ ورنہ ہر کوئی کہتا ہے کہ نوازشریف ایٹمی دھماکوں کے خلاف تھے۔ جس ملک بھارت کے خلاف یہ ایٹمی دھماکے ہوئے تھے۔ اس کے ساتھ امریکی اشارے پر دوستی کے لئے نوازشریف اپنی حد سے بھی باہر نکلے جا رہے ہیں۔ لگتا ہے کہ ایٹمی دھماکے انہوں نے بھارت کے خلاف نہیں کئے تھے؟
نیٹو سپلائی کی بندش صرف فائدے کے لئے تھی۔ اب کنٹینر کے حساب سے کرایہ مقرر ہو گا۔ اس کے ساتھ امریکہ نے سکیورٹی کی ذمہ داری بھی ہم پر تھوپ دی ہے۔ میرا خیال ہے کہ سکیورٹی کے اخراجات کرائے سے زیادہ ہونگے۔ امریکہ کا فائدہ ہی فائدہ ہے۔ اور ہم پھر نقصان میں ہونگے۔ امریکیوں کی خدمت میں اب یہ بھی اضافہ ہو جائے گا ہماری حیثیت صرف راہداری کی ہو گی۔ امریکہ نیٹو فورسز اور بھارت کی راہداری۔ اس ”تجارت“ میں ہمارا صرف خسارہ ہو گا۔ دفاع پاکستان کونسل والے اور طالبان اعلانیہ دھمکی دے رہے ہیں۔ کنٹینرز پر حملے طالبان کریں گے اور دفاع پاکستان کونسل والے کنٹینر کے آگے لیٹ جائیں گے۔ جنرل حمید گل اور منور حسن سڑک پر لیٹے ہوئے ہوں تو کسی کی جرات ہے کہ کنٹینر ان پر چڑھا دے۔ لوگوں کی سکیورٹی اس کے بعد تو بالکل معدوم ہو جائے گی۔ دہشت گردوں کے لئے کھلی چھٹی ہو گی۔ وہ جہاں چاہیں گے جب چاہیں گے دھماکے کریں گے۔ حملے کریں گے۔
نوازشریف سے ملنے بھارتی وزیراعظم واجپائی واہگہ کے راستے آیا تھا۔ تب سے یہ طے ہو گیا تھا کہ پاکستان ایک راہداری ہے اور واہگہ اس کا ایک دروازہ ہو گا۔ یہ خبر نہ تھی کہ کئی دروازے ہونگے۔ ہم نے یہ دروازے بھارت اور امریکہ کے لئے کھلے چھوڑے ہوئے ہیں۔

جناب رحمن ملک ایک بار پھربڑی بڑی بڑھکیں مارتے آسمانِ عمل پر دَل بادل کی طرح چھا گئے ! اورچھاتے ہی چھاجوں برس پڑے! اُن کا فرمانا تھا، ’نواز شریف بیان دینے سے پہلے پرانی یادیں ضرور تازہ کر لیا کریں! اُنہیں پرانی باتیں یاد نہیں رہ پاتیں! میں اُنہیں یاد دلاتا ہوں کہ میثاقِ جمہوریت پر نون لیگ نے نہیں بلکہ پاکستان پیپلز پارٹی نے عمل کرکے دکھایا ہے!‘
جنابِ رحمن ملک کی زبانی میثاقِ جمہوریت کی یہ کہانی سن کر ہمیں احساس ہوا کہ شاید ہم بھی حافظے کی خرابی کا شکار ہو چکے ہیں! کیونکہ جہاں تک ہمیں یاد پڑتا ہے! میثاقِ جمہوریت کے ساتھ سارا کھلواڑ تنہا پاکستان پیپلز پارٹی کے ’سر کا سہرا‘رہا ہے! اور پاکستان پیپلز پارٹی اپنی ہر ’وعدہ خلافی‘ پریہی کہتے سنی گئی تھی کہ اُس نے صرف ’وعدہ‘ ہی ، تو، کیا تھا، قرآن یا حدیث کا کوئی سبق ،تو، نہیں دُوہرایاتھا!ہمارا خیال ہے کہ ہمارے ساتھ ساتھ جنابِ رحمن ملک کا حافظہ بھی جواب دے گیا ہے! ورنہ ،وہ جنابِ بابر اعوان کا سا لب و لہجہ اپنانے سے پہلے ضرور سوچ لیتے کہ یہ لب و لہجہ آدمی کے لئے کسی طورزیادہ سودمند ثابت نہیں ہوتا! خاص طور پر اگر اُس کے منصوبے ذرا سے بھی طویل المیعاد ہوں! جنابِ بابر اعوان کے مقاصد مختصر ترین مدّت میں زیادہ سے زیادہ فوائد حاصل کرنے تک محدود تھے! اور وہ اس باب میں کامیاب قرار پا گئے ہیں! رہ گیاجنابِ رحمن ملک کے خلاف توہین عدالت کے ارتکاب کا معاملہ،تو، اُنہیں جناب ِبابر اعوان کی جانب سے فردِ جرم عائد کرنے کے فیصلے کے خلاف اپیل واپس لے لینے کی خبر سے بہت کچھ سیکھ لینا چاہیے!کیونکہ جنابِ بابر اعوان آئین اور قانون اُن سے کہیں بہتر طور پر جانتے اور سمجھتے ہیں!
ایک ایسے دَور میں جبکہ اتحادی حکومت ہر روز عوام پر ایک خودکش حملہ کرنے میں مصروف ہو! اور ہر ماہ بجلی کی قیمت میں کسی نہ کسی نوع کے نوَبہ نوَ اضافے کے اعلان میں مشغول ہو! ایسے میں جنابِ رحمن ملک یہ شور و غوغا مچاکر، کون سا ایسا مقصد حاصل کر لیں گے؟ جسے کسی اور طرح حاصل نہ کیا جاسکتا ہو! اگر وہ مہنگائی اور بے روزگاری کے ستائے ہوئے غریب عوام کے دِلوں میں اپنے لئے کوئی جگہ نکال لینے کی غرض سے بول پڑے ہیں، تو، ہم اُنہیں بتا سکتے ہیں کہ غریب عوام کے دِلوں میں کم از کم جنابِ رحمن ملک کے لئے کوئی گنجائش نکلنا! نہ کبھی ممکن تھی! نہ ہے! نہ ہو سکے گی! ہم، تو، یہاں تک کہہ سکتے ہیں کہ اگر پاکستان پیپلز پارٹی ہمیں غلط ثابت کرنے کے لئے اپنی پارٹی ٹکٹ پر جنابِ رحمن ملک کے لئے لاڑکانہ میں بھی انتخاب لڑنے کا انتظام کر لیں، تو، بھی اہلِ لاڑکانہ اُن کی ضمانت ضبط کروا دینے سے کم تر انتقامی کارروائی پر راضی نہیں ہو سکیں گے!
جنابِ رحمن ملک ، جنابِ بابر اعوان کے تعاقب میں بہت تیز رفتاری کے ساتھ آگے بڑھ رہے ہیں! اُنہیں اندازہ ہی نہیں کہ یہ راستہ اپنے پیچ و خم میں کتنی کھائیاں لئے ’زمیں آراستہ‘ ہے! شاعر، مصور، سابق وزیر خارجہ اور پاکستان تحریک انصاف کے راہ نما سردار آصف احمد علی کا فرمانا ہے کہ جنابِ آصف علی زرداری نے میدانِ سیاست میں قدم رنجا ہوتے ہی جتنے بھی ’گل‘ کھلائے ،وہ کسی سے ڈھکے چھپے نہیں! انہوں نے ایوانِ صدر میں ’درآمد‘ ہوتے ہی مسلم لیگ نون سے کیے ہوئے تمام وعدے ’برآمد‘ کر دیئے! کیونکہ اُن کا مطلب نکل چکا تھا! جنابِ آصف احمد علی کا یہ بیان پڑھنے کے بعد ہم سوچ میں پڑے ہیں کہ جنابِ رحمن ملک سے اُنہیںکیا کام آن پڑا تھا؟ کہ بنائے نہیں بن پا رہا! اور وہ ابھی تک اُن کی ناک کا بال بنے چلے آ رہے ہیں!
ہم نہیں جانتے کہ جنابِ نواز شریف نے کبھی جنابِ رحمن ملک کے کسی بیان پرکبھی کوئی رَدِّعمل دیا یا، نہیں ؟ ہم اس باب میں یادداشت گنوا بیٹھے ہیں! کیونکہ ہمیں جنابِ رحمن ملک کا ہر بیان سنتے اور پڑھتے وقت یہی احساس ہوتا ہے کہ’ یہ معاملہ ،تو، طے ہو گیا ! ‘مگر اگلے دن معلوم ہوتا ہے کہ ’معاملہ ،تو، وہیں کا وہیں ہے!‘کراچی میں برپا ہونے والے ہر ہنگامے کے دوران جنابِ رحمن ملک کا بیان گونجا اور لگا کہ ہر طرف امن کا چرچا ہونے میں صرف چند گھنٹے باقی رہ گئے ہیں! مگر ، ہر بار وہ چند گھنٹے ، دنوں، ہفتوں اور پھر مہینوں پر پھیلتے چلے گئے! ہماری سمجھ میں نہیں آ رہا کہ وہ ’لیاری‘ کے بعد ’جنابِ نواز شریف‘ پر کیوں چڑھ دوڑے ہیں؟ شاید وہ جنابِ نواز شریف پر گرج برس کر وہ فوائد حاصل کرنے نکل کھڑے ہوئے ہیں، جو ، وہ لیاری میں حاصل نہیں کر سکے! یہ گھن گرج شاید اُن کی اس واضح ناکامی پر ’گاڑھے دھوئیں کا دبیز پردہ‘ڈال لینے کی ایک کوشش ہو،تو، ہو! ورنہ، اس آن، اس بیان کی نہ ،تو، کوئی ضرورت تھی! اور نہ ہی کوئی اہمیت! مگر، وہ ،جو کہتے ہیں، رموزِ مملکت ِ خویش، خسرواںداند، تو، کچھ ایسا غلط نہیں کہتے!

امریکہ میں جرائم کی شرح میں تیزی سے اضافہ ہو رہا ہے۔ ڈاکے اور چوریوں کے واقعات تشویشناک صورت اختیار کرتے جا رہے ہیں۔ بیروزگاری اور مالی بحران کی وجہ سے دن دہاڑے چوریاں ہو رہی ہیں۔ امریکہ اندر باہر سے غیر محفوظ ہوتا جا رہا ہے۔ جرائم پیشہ افراد گھروں سے نقدی، زیورات اور الیکٹرانک اشیاءچوری کر کے فوری طور پر آن لائن فروخت کر دیتے ہیں تا کہ پولیس کی پہنچ سے آزاد رہیں اور یہاں کی پولیس ”بھی“ چوریاں بازیاب کرانے میں اکثر ناکام رہتی ہے۔ پاکستانیوں کے گھروں میں بھی چوری کے کئی واقعات سُن رہے ہیں۔ ایک سکیورٹی گارڈ نے خبردار کیا کہ تم لوگ زیورات بنک میں رکھا کرو۔ جرائم پیشہ افراد کو علم ہے کہ دیسی خواتین سونا پہننے کی شوقین ہیں لہٰذا انڈین اور پاکستانیوں کے گھروں میں چوری کے واقعات میں اضافہ کی بڑی وجہ سونا ہے، دوسری وجہ کیش ہے، اس ملک میں بھی خاص طور پر نیویارک میں ٹیکس چوروں کی خاصی تعداد آباد ہے جو کیش پر بزنس کرتی ہے اور بینکوں کی بجائے گھروں میں چھپا کر رکھتی ہے۔ چور بھیدی ہو گئے ہیں۔ پولیس کا کہنا ہے کہ چور ایک خاص قسم کے آلہ کی مدد سے گھروں میں زیورات کا پتہ لگا لیتے ہیں۔ کچھ تو بیروزگاری کا سبب ہے اور کچھ مذہبی تعصب ہے۔ ایک پاکستانی نے بتایا کہ اس کے گھر سے نہ صرف زیورات اور نقدی غائب ہوئی بلکہ شیلف میں رکھے قرآن پاک اور اسلامی کتب کے اوراق بھی زمین پر پھٹے پڑے تھے، تسبیحوں کے دھاگے بھی توڑ دئیے گئے، پورے کمرے میں دانے بکھرے ہوئے تھے۔ پولیس سے جب اس جنونیت کا سبب جاننا چاہا تو اس نے اس فعل کو تعصب قرار دینے سے انکار کر دیا اور اسلامی کتب کے اوراق پھاڑنے کی وجہ یہ بتائی کہ کچھ لوگ مذہبی کتابوں میں کیش چھپاتے ہیں۔ پولیس نے بتایا کہ چور سب سے پہلے ماسٹر بیڈ روم میں داخل ہوتے ہیں اور وہاں کی ہر چیز کو توڑ پھوڑ دیتے ہیں لیکن آلہ موجود ہو تو جہاں سونا رکھا ہے سب سے پہلے اس جگہ کی تلاشی لیتے ہیں۔ ایک اور پاکستانی خاتون نے بتایا کہ وہ اپنے زیورات کا باکس باتھ روم میں نہانے والے ٹب کی ایک خفیہ ٹائل کے نیچے چھپا کر رکھتی تھی مگر چور آئے اور اس آلہ کی مدد سے انہوں نے وہاں سے بھی زیور نکال لیا۔ امریکہ سے باہر ڈاکے ڈالنے والے پہلے اپنے گھر کی خبر لیں۔ جنگجو دہشت گردوں کو مارنے والے اپنے ملک میں ایک معمولی چوری بھی بازیاب کرانے میں ناکام ہیں۔ امریکہ میں بھی جرائم کی بڑھتی ہوئی شرح سے مجرموں کی حوصلہ افزائی ہو رہی ہے اور اگر اس ملک میں بھی یہ سلسلہ یونہی جاری رہا تو لوگ محنت مزدوری سے باغی ہو جائیں گے اور پڑھا لکھا نوجوان طبقہ بھی جرائم پیشہ بن جائے گا۔ اس ملک میں ہائی سکول تک کی تعلیم مفت ہے مگر کالج کی تعلیم بے حد مہنگی ہے اور جب مہنگی ڈگری حاصل کرکے بھی با عزت روزگار نہ مل سکے تو امیر ترین ملک کے لوگ بھی چور اور ڈاکو بننے پر مجبور ہو جاتے ہیں۔ صدر اوباما بھی معیشت کو کاندھا دینے میں ناکام رہے۔ پاکستان کو نیٹو سپلائی کی اربوں ڈالروں کی اُجرت دینے والا امریکہ پہلے اپنے لوگوں کو مزدوری مہیا کرے۔ پاکستان کو امداد دینے والا چوہدری پہلے اپنے ملک کے مہذب بھکاریوں کو تو روزگار مہیا کرے۔ وائٹ ہاﺅس نے صدر اوباما اور ان کی فیملی کے اثاثہ جات جاری کئے، جس کے مطابق مشعل اوباما کے اثاثہ جات کی مالیت 8.3 ملین ڈالرز ہیں مشعل اوباما کے مشترکہ اثاثے 12 ملین ڈالرز ہیں۔ امریکہ کا صدر ٹیکس بھی ادا کرتا ہے اور کرپٹ بھی نہیں مگر اس کا شمار بھی امریکہ کے امیر ترین افراد میں ہوتا ہے لہٰذا غریب اور بیروزگار عوام کے مسائل کو ان کی جگہ پر بیٹھ کر محسوس نہیں کر سکتا۔ دہشت گردی کے خلاف جنگ کو پاکستان کے شمالی علاقوں تک پھیلانے کے منصوبے رکھنے والا پہلے اپنی گلیوں کے چوروں کی خبر لے۔ پُرامن شہری اندرون و بیرون دہشت گردی سے خوفزدہ ہیں۔ امریکہ کے صدارتی الیکشن میں اس بار دہشت گردی کے خلاف جنگ کو زیادہ اہمیت حاصل نہیں رہی۔2004ءالیکشن اسی بنیاد پر لڑا گیا لیکن امریکی معیشت کی نازک صورتحال نے عوام کی سوچ بدل دی ہے۔ معیشت جب ایک بار زوال کا شکار ہو جائے تو اس کا بحران سے نکلنا مشکل ہو جاتا ہے بالخصوص دوسرے ممالک کو دبانے اور ان پر تسلط قائم رکھنے کی پالیسی ملکوں کو کنگال کر دیتی ہے۔ صدر اوباما معاشی بحران پر قابو پانے میں ناکام رہے اور دہشت گردی کے خلاف جنگ میں بھی شکست کا سامنا کرنا پڑا۔ جب ناﺅ ڈوبنے پر آئے تو ہمسفر لہریں ہی دھوکہ دیتی ہیں۔ صدر اوباما وار آن ٹیرر اور اکانومی کے مسائل سے نکل نہیں پائے تھے کہ ہم جنس پرستوں میں شادیوں کی حمایت گلے پڑ گئی۔ ہم جنس مردوں کی شادی کی حمایت نے صدر اوباما کو مشکل میں ڈال دیا ہے۔ اگرچہ نائب صدر جوبائیڈن قوم سے معافی مانگ چکے ہیں کہ ان کی حکومت نے یہ حمایت عوام کے جذبات کے پیش نظر کی تھی مگر ان کی معافی مسترد کر دی گئی ہے۔ امریکہ کا مذہبی اور متعصب طبقہ خاص طور پر ری بپلکن پارٹی کو اوباما کی مخالفت کا ایک اور جواز ہاتھ لگ گیا ہے۔ ایک پول سروے کے مطابق امریکہ کی اکثریت اوباما کے ”گے میرج“ بیان کو ایک سیاسی فیصلہ سمجھتی ہے مگر اس غیر اخلاقی فعل کی حمایت سے جہاں امریکہ کا مذہبی طبقہ نالاں ہے، وہاں امریکہ کے مسلمان بھی صدر اوباما سے بدظن ہو گئے ہیں۔ یہ فیصلہ 2012 کے الیکشن پر منفی اثرات مرتب کر ے گا۔ ’گے میرج‘ اور ’ابارشن‘ جیسے متنازعہ ایشوز انتخابات پر اثر انداز ہوتے ہیں۔ اوباما متعدد بار کہہ چکے ہیں کہ وہ کیتھولک مذہب کے ماننے والے ہیں، اس کے باوجود بعض حلقے انہیں مسلمان سمجھتے ہیں۔ ایک امریکی سروے کے مطابق چھ میں سے ایک امریکی شہری اوباما کو مسلمان سمجھتا ہے جبکہ کیتھولک عقیدت مندوں کی اکثریت اوباما کی حمایت کرتی ہے۔ صدر اوباما وار آن ٹیرر کا حامی نہ تھا مگر میاں نواز شریف کی طرح وہ بھی سیاسی حالات کا رخ دیکھ کر راستے تبدیل کرنے پر مجبور ہو جاتا ہے اور جب مجبوریاں کمزوریاں بن جائیں توعوام بددل ہی نہیں بدظن بھی ہو جاتے ہیں۔

بی سی سی آئی نے انڈین پریمیئر لیگ میں میچ فکسنگ سکینڈل میں ملوث پانچ بھارتی کھلاڑیوں کو معطل کرکے کرپشن میں مبینہ طور پر ملوث کھلاڑیوں پر کرکٹ کے دروازے بند کر دیئے ہیں اور اس واقعے کی تحقیقات کے لئے انکوائری کمیٹی بھی تشکیل دے دی ہے۔ بھارتی ٹی وی چینل کے سٹنگ آپریشن میں آئی پی ایل کا وہ مکروہ چہرہ دکھایا ہے جسے ایک عرصے تک چھیایا جاتا رہا ہے۔ کرکٹ جسے شرفا کا کھیل کہا جاتا ہے اور اس کھیل میں تیزی سے پھیلتی ہوئی کرپشن اور کھلاڑیوں کی طرف سے پیسوں کے عوض غیر معیاری کارکردگی کا مظاہرہ کرنا سپاٹ فکسنگ میں ملوث ہونا اور پھر سب سے بڑھ کر یہ کہ پیسے کے لئے میچ کے نتیجے تک کو بدلنے کے لئے ڈیل کر لینے کے واقعات نے ”گیم آف جینٹلمین“ کی سپرٹ کو ناقابل تلافی نقصان پہنچایا ہے۔ حالیہ واقعہ اسی سلسلے کی ایک کڑی بھی ہے اگر ہم ماضی میں جھانکیں تو کرکٹ میں میچ فکسنگ کے واقعات جب جب رونما ہوئے سب کے تانے بانے بھارت سے جا ملتے ہیں۔ بات ہنسی کرونیئے، اظہرالدین، ہرشل گبز، مارون سیموئلز کی ہو یا پھر دیگر نامور کھلاڑیوں کی مشکوک سرگرمیوں کی تمام واقعات میں بھارت کے جوا مافیا سے تعلق رکھنے والے افراد کا ذکر ملتا ہے۔ حتی کہ ہمارے تین پاکستانی کھلاڑی سلمان بٹ، آصف اور عامر بھی بھارتی جوا مافیا کی سازش کا شکار ہوا ہے۔ حالیہ تنازع سے یہ خبر بھی سامنے آئی ہے کہ بھارت میں جوئے کی لعنت صرف آئی پی ایل تک ہی محدود نہیں ہے بلکہ یہ وبا ڈومیسٹک کرکٹ تک پھیلی ہوئی ہے اور تیزی سے کھیل کے حسن کو گہنا رہی ہے۔ آئی پی ایل اور اس جیسی دیگر ٹوئنٹی ٹوئنٹی کے حوالے سے پی سی بی کے سابق چیئرمین اعجاز بٹ کا کہنا ہے کہ دنیا بھر میں سب سے زیادہ فکسنگ اس طرز کے مقابلوں میں ہوتی ہے جب کہ کرکٹ بورڈ کے ایک اور سابق چیئرمین شہریار خان بھارت کو جوئے کا گڑھ قرار دے چکے ہیں۔ سابق کپتان راشد لطیف نے تو کہا ہے کہ ہر جگہ فکسنگ ہو رہی ہے۔ اس ساری صورتحال میں آئی سی سی کا کردار خاصا مشکوک ہوتا جا رہا ہے اور تسلسل سے میچ فکسنگ کے واقعات منظر عام پر آنے کے بعد انٹرنیشنل کرکٹ کونسل کے اینٹی کرپشن یونٹ کے کردار پر سوالیہ نشان لگ گیا ہے۔ سرفراز نواز کے مطابق آئی سی سی کا اینٹی کرکٹ یونٹ پیسے کا ضیاع ہے۔ حالیہ تنازع میں ایک مرتبہ پھر آئی سی سی خاموش تماشائی بنا نظر آتا ہے باوجود اس کے کہ انڈین پریمیئر لیگ آئی سی سی کا منظور شدہ ٹورنامنٹ ہے اس میں وسیع پیمانے پر مالی عبن اور میچ فکسنگ کے واقعات کی وجہ سے پوری دنیا میں کرکٹ کے معاملات اور نظم ونسق چلانے والے ادارے پر انگلیاں اٹھ رہی ہیں ایک مرتبہ پھر یہ بحث جاری ہے کہ بھارت کے معاملے میں آئی سی سی اتنی کمزور کیوں نظر آتی ہے۔ بھارت کو جوئے میچ فکسنگ، سپاٹ فکسنگ اور جوا مافیا کا چیمپئن کہا جاتا ہے۔ کرکٹ کی اصل روح کو خراب کرنے، شائقین کے جذبات کو مجروح کرنے اور کھلاڑیوں کو بے ایمان بنانے میں بھارت کے لوگوں کا ایک بڑا حصہ ہے۔ آئی پی ایل کے سابق کمشنر للٹ مودی کے دور میں ہونے والی مبینہ کرپشن کے باوجود آج بھی ”جوا لیگ“ جاری و ساری ہے۔ پاکستان کرکٹ بورڈ کو اس سارے معاملے میں بڑی احتیاط سے کام لینا ہو گا۔کیونکہ سیالکوٹ سٹالینز کی ٹیم نے چیمپئنز لیگ میں شرکت کے لئے بھارت جانا ہے۔ وہاں پاکستانی کھلاڑیوں کو بھانسنے کے لئے ”جرائم پیشہ“ بھارتیوں نے جال بچھا رکھے ہوں گے۔ کھلاڑیوں کو بھی باخبر، محتاط اور ہوشیار رہنا ہو گا اس کے ساتھ ساتھ ٹیم انتظامیہ کو بھی آنکھیں کھلی رکھنا ہوں گی۔ ہماری رائے میں تو کرکٹ بورڈ کو سیالکوٹ سٹالینز کی ٹیم کو بھارت بھیجنے سے ہی انکار کر دینا چاہئے۔

میاں عمران مسعود ایک طویل عرصے کے بعد اخبارات کے صفحات پر جلوہ گر ہوئے، تو، ہم دل تھام کے رہ گئے! کیا کمال کا انسان ! کس کمال کے عہد کی پاس داری میں مبتلا ہے! جنابِ عمران مسعود آج بھی قاف لیگ کے ساتھ ہیں! جبکہ وہ اُن ’وژنری‘سیاسی راہ نماﺅں میں سے ایک ہیں، جنہیں پاکستان مسلم لیگ نون کا اثاثہ ہونا چاہیے تھا! مگر کیا کیجیے کہ پنجاب کے سابق وزیرِ تعلیم ابھی تک ’پرویز الٰہی یونیورسٹی‘ میں ’زیرِ تعلیم‘ ہیں! اور سیاست کے وُہ گرُ عملی طور پر برتے جاتے دیکھ رہے ہیں، جنہیں آنے والے دِن کبھی اچھے لفظوں میں یاد نہیں کرسکیں گے! اور جنابِ عمران مسعود کے ساتھ ساتھ جنابِ پرویز الٰہی کے کام بھی نہیں آ سکیں گے!
حضرتِ پرویز مشرف کے بعد جنابِ شجاعت حسین اور جنابِ پرویز الٰہی کا حضرتِ آصف علی زرداری کے ساتھ تال میل سیاست گری کی انتہائی پرانی روایت کی تکرار ہے!سیانوں کا کہنا تھا کہ اگر اپنا وجود خطرے میں پڑ جائے، تو، ’دشمن کے دشمن ‘کے گھر میں پناہ لے لینے میں کوئی ہرج نہیں رہ جاتا ! لیکن ہم نے یاروں کو اپنا وجود خطرے میں دیکھ کر خود دشمن کے گھر میں بھی پناہ لیتے دیکھا! جنابِ نواز شریف کے دوسرے دَور میں واپڈا کا ڈوبتا جہاز بچانے کے لئے فوج کی طلبی کے بعد اخبارات کے صفحات پر ’بجلی چوری‘ کے سلسلے میں اتنے بڑے بڑے نام اُچھالے جاتے دیکھے گئے کہ قوم کا کلیجہ منہ کو آنے لگا! واپڈا کا ڈوبتا جہاز ،تو، متلاطم پانیوں سے صحیح سلامت نکال لیا گیا! مگر قومی سیاست اِنہی پانیوں میں ڈبو دی گئی! حضرتِ پرویز مشرف نے ایوانِ اقتدار جا سنبھالا، تو، اُن کی ’دائن‘ حکومت کی سربلندی کے لئے انہی بجلی چوری میں ملوث کیے گئے ’خائن‘ سیاست دانوں کی فوجِ ظفر موج طلب کرلی گئی! اور یوں سیاست گری کی پرانی روایت کے تسلسل میں ’ڈاہڈے دے ستیں وی سو‘پر عمل کرتے ہوئے یار لوگ جان بچانے کے لئے خود اُسی کے گھر میں گوشہ گیر ہو گئے، جس کی زور آوری سے اُن کی اپنی نیک نامی خطرے میں پڑ رہی تھی!
پاکستان مسلم لیگ قاف کے مرکزی راہ نما اور سینئر وفاقی وزیر جنابِ پرویز الٰہی نے لاہور میں مرکزی سینئر نائب صدر محترمہ سلطانہ گل کے ساتھ ایک ملاقات کے دوران میاں عمران مسعود، محترمہ آسیہ منیر، محترمہ آصفہ عمران اور دوسرے زعماءسے گفتگو کرتے ہوئے کہا کہ کارکن ہر سیاسی پارٹی کا قیمتی اثاثہ ہوا کرتے ہیں! 2008ءکے انتخابات پاکستان مسلم لیگ قاف نے ایک اہم قومی جماعت کے طور پر اپنا کردار بخوبی ادا کیا اور ہر قومی مسئلے پر بروقت آواز بلند کی! تاکہ قومی مفادات کی نگہبانی کی جا سکے! اُنہوں نے فرمایا: آج ہمارے کارکن مخلص ہیں! اور انہوں نے تمام تر مشکلات اور انتقامی کارروائیوں کا سامنا ڈٹ کے کر دکھایا ہے! اِنہی مخلص کارکنوں کی بدولت آج پاکستان مسلم لیگ قاف کا جھنڈا شہر شہر اور گاﺅں گاﺅں لہرا رہا ہے!
ایسا ہوا کرتا ہے! اگر پنجاب میں حالات سازگار نہ رہیں،تو، وفاقی حکومت میں شمولیت اختیار کرکے حالات نیم سازگار کر لئے جاتے ہیں! لیکن، یہاں ،یہ بات سوچنے اور سمجھنے کی دعوت ضروردیتی نظر آتی ہے کہ کسی سیاسی پارٹی کے وجود پر اتنی کاری ضرب نہیں لگانا چاہیے کہ اُسے اپنے وجود کے تحفظ کے لئے دوسری کاری ضرب سے بچنے کے لئے ’دشمن کے دشمن‘سے دوستی نہ کرنا پڑ جائے! مگر، ہمارے ہاں ایسی باتیں کون سوچتا ہے! ہم لوگ اپنی حیاتِ مستعار میں ہر چیز ہمیشہ کے لئے حاصل کر لینا چاہتے ہیں! اور بھول جاتے ہیں کہ اس فانی دُنیا میں کوئی چیز کسی کے پاس کبھی ہمیشہ نہیں رہ پاتی! یہ بات حضرتِ پرویز مشرف کی سمجھ میں ابھی تک نہیں آ پائی ہے ! اور وہ بار بار وطن واپسی کے اعلانات کرتے دکھائی دیتے ہیں!
ہمارے پیر سائیں حضرت سید یوسف رضا گیلانی بھی اپنی دانست میں پاکستان پر ہمیشہ کے لئے قابض ہو چکے ہیں! حتیٰ کہ اُنہوں نے لندن میں یہ بھی کہہ دیا ہے کہ جسے ’حکومت کی مطلق العنانی‘، ’بد عنوانی‘، ’عمومی بے اعتمادی‘ اور’لوڈشیڈنگ‘اچھی نہیں لگتی! اور وہ پاکستان چھوڑنا چاہتا ہے، تو، اُسے پاکستان چھوڑ دینا چاہیے!اپنی غلط روی پر اتنے اعتماد کا اظہار شاید ہی کبھی کسی نے کیا ہو! یوں، تو، جنابِ پرویز الٰہی نے بھی اپنی غلط روی پر کبھی عدم اعتماد کا اظہار نہیں کیا! مگر وہ ہمارے پیر سائیں حضرتِ سید یوسف رضا گیلانی جیسی بات کبھی پیدا نہیں کر سکے!
بڑھائی شیخ نے داڑھی ہزار سن کی سی
مگر وہ بات کہاں ؟ مولوی مدن کی سی

سکندر بی اے ایک غیر معروف شخصیت تھے۔ آج مجھے وہ کیوں یاد آئے۔ میں لیپ ٹاپ تقسیم کرنے کی کسی تقریب میں نہیں گیا یہ فلاحی سکیم بھی ہو گی مگر اسے بالکل سیاسی اور انتخابی تقریب بنانے کی کوشش کی گئی ہے۔ اس کی تعریف اور تنقید برابر برابر ہوئی ہے۔
لیپ ٹاپ تقسیم کرنے کی تقریب علامہ اقبال میڈیکل کالج لاہور میں ہوئی۔ ڈاکٹر جاوید اکرم کے کہنے پر میں سرکاری تقریبات میں بھی چلا جاتا ہوں۔
شہباز شریف مجید نظامی صاحب کےلئے پچاس سالہ ادارت کی شاندار تقریب میں نہ آئے۔ چودھری شجاعت آ گئے اور مجید نظامی کو زبردست خراج تحسین پیش کیا۔ کوئی سیاسی محبت میں یقین رکھتا ہے تو دکھ ہوتا ہے۔
علامہ اقبال میڈیکل کالج میں لیپ ٹاپ کی شاندار تقریب میں شہباز شریف نہ آئے۔ اس کے باوجود طلبہ کے جذبوں ولولوں اور گرم جوشیوں میں کمی نہ آئی۔ ایک میلے کا سماں تھا۔ پاکستان کی محبت نوجوانوں کے دلوں میں بھری ہوئی ہے۔ مجید نظامی کی قیادت میں نظریہ پاکستان ٹرسٹ کی خدمات بہت قابل ذکر ہیں۔ وہ علامہ اقبال کالج میں بھی آتے رہتے ہیں۔ ڈاکٹر جاوید اکرم اپنے کالج کو علامہ اقبال کے ساتھ پوری طرح منسوب کرنا چاہتے ہیں کالج کے ساتھ جناح ہسپتال کو بھی محمد علی جناح قائداعظم کے نام کے حوالے سے اسم بامسمہ بنایا جا رہا ہے۔ دونوں اداروں کا قیام شہید بے نظیر بھٹو کے زمانے میں ہوا۔ بعد میں چودھری پرویز الٰہی اور شہباز شریف نے بھی بہت معرکہ آرائی کی۔ جب سے ڈاکٹر جاوید اکرم یہاں کے پرنسپل اور چیف ایگزیکٹو ہوئے ہیں تو بہت تاریخی کام ہوئے ہیں۔ طلبہ و طالبات میں علامہ اقبال اور قائداعظم محمد علی جناح کی محبت بھی پوری طرح موجزن ہے۔ کالج میگزین ”شاہین“ کے افتتاح پر سہیل احمد عزیزی نے بہت بھرپور اور مزیدار خطاب کیا۔ یہاں کئی طالبات نے بھی اپنے نام کے ساتھ شاہین کا اضافہ کیا ہوا ہے۔ جناح ہسپتال کے ایم ایس بھی ڈاکٹر افضل شاہین ہیں۔ درویش آدمی ہیں اور ڈاکٹر جاوید اکرم کی قیادت میں سرگرم ہیں۔ ایم ایس میو ہسپتال ڈاکٹر زاہد پرویز اور ڈاکٹر حافظ اعجاز بھی تقریب میں موجود تھے۔
لیپ ٹاپ کی تقریب میں ڈسپلن جوش و خروش اور جذباتی مناظر دیکھنے میں آئے۔ جن کو لیپ ٹاپ نہیں ملے تھے وہ زیادہ جذبے میں تھے۔ خواجہ سعد رفیق پرویز رشید سلمان رفیق نے پنجاب حکومت کی بھرپور نمائندگی کی۔ بڑی اچھی تقریریں ہوئیں۔ حاضرین کو بالکل محسوس نہیں ہوا کہ شہباز شریف تشریف نہیں لائے۔ ان کی سیاسی مجبوریاں عین موقعے پر آڑے آ جاتی ہیں۔ مختلف اداروں میں جن بچوں کو لیپ ٹاپ ملے ہیں وہ ابھی تک اس سے فائدہ نہیں اٹھا سکے۔ ڈاکٹر جاوید اکرم نے اس سلسلے میں بچوں کے لئے باقاعدہ ٹریننگ کا اہتمام کیا ہے۔
مہمان جب سٹیج پر پہنچے تو حاضرین کے ساتھ مل کر گایا ”تم ہو پاکستان۔ چھو لو آسمان“۔ وہاں سب لوگ پورا پاکستان لگ رہے تھے۔ اور ایسا سماں تھا کہ آسمان خود جھک آیا تھا۔ آرزوﺅں کا آسمان تو دل میں ہوتا ہے۔ میرا ایک شعر ہے
میرے دل کی سرزمیں پر آسماں موجود ہے
ٹوٹے پھوٹے اس مکان میں لامکاں موجود ہے
”دل دل پاکستان“ سے بھی زیادہ دل کو چھونے والا نغمہ ہے۔ ”چھو لو آسمان۔ تم ہو پاکستان“ نوجوانوں کو گارڈ آف آنر پیش کیا گیا۔ یہ بچے جنرل مشرف سے زیادہ مستحق ہیں۔ وہ پاکستان سے باہر چلا گیا۔ یہ پاکستان کے اندر جا رہے ہیں۔ طالب علم باسط اور صدف نے بہت اچھی کمپیئرنگ کی اور ولولہ انگیز ماحول بنایا۔ سب طلبہ و طالبات کے کندھوں پر بیج لگا تھا۔ کل کے قائد۔ یہی طلبہ ہیں۔ ہمارے حکمرانوں سیاستدانوں نے انہیں قیدی کب سے بنا لیا ہے۔ ڈپٹی سیکرٹری ہائر ایجوکیشن کاشف فراز نے بہت دل سے تمام معاملات میں حصہ لیا۔
پرویز رشید نے کہا کہ ہماری تقریبات میں پاکستان کے پرچم ہوتے ہیں۔ ایک جھنڈی مجھے بھی کسی طالبہ نے لا کے دے دی اور میں مسلسل اُسے لہراتا رہا۔ جن بچوں بچیوں کو لیپ ٹاپ نہ ملے تھے وہ زیادہ جوش میں تھے۔ یہی میرٹ ہے ورنہ بڑے بڑے گھپلوں کی خبریں بھی آ رہی ہیں۔ بے نظیر انکم سپورٹ کے لئے فرزانہ راجہ کا کمال ہے کہ اس حوالے سے کوئی سکینڈل سامنے نہیں آیا۔ لوگ بے نظیر بھٹو اور فرزانہ راجہ کو دعائیں دیتے ہیں۔ ڈاکٹر جاوید اکرم ہر معاملے میں میرٹ اور انصاف کا خیال رکھتے ہیں۔ میں نے کم کم کسی استاد سے طالب علموں کی اتنی محبت اس زمانے میں دیکھی ہے۔ وہ صحت کے شعبے میں ایک غنیمت شخص ہیں جب بھی کوئی بحران آتا ہے تو سب کو صرف جاوید اکرم یاد آتا ہے۔
اس کے علاوہ جہاں جہاں لیپ ٹاپ تقسیم ہوئے ہیں وہ تقریب مکمل طور پر سیاسی اور انتخابی تقریب بن کے رہ جاتی ہے۔ برادرم وصی شاہ نے کھل کر اس کی وضاحت کی ہے۔ ایک غیر جانبدار سیاسی محقق دوست حذیفہ رحمان نے ایک جامع رپورٹ شائع کی ہے۔ اس طرف بھی پنجاب حکومت کو توجہ دینی چاہئے۔ دو روپے کی روٹی، دانش سکول اور لیپ ٹاپ کی افادیت بھی ہو گی مگر اس سے صوبے میں ترقیاتی کاموں کے لئے بہت کچھ کیا جا سکتا تھا۔ جب تک نظام نہیں بدلے گا کام نہیں چلے گا۔ اجتماعی بہبود کے کاموں میں میرٹ کی خلاف ورزی بدعنوانی اور ناراضگیوں کا سلسلہ ختم نہیں ہوتا تو دوررس نتائج نکلیں گے۔ وژن اور مشن کی یکجائی سے یکتائی پیدا ہو گی۔ طالب علموں کو لیپ ٹاپ اور ٹیچرز کو صرف لالی پاپ۔ اس سے وہ تعلیمی ماحول پیدا نہ ہو گا جو مفید ہوتا ہے۔ استادوں کی چند ہزار تنخواہ بڑھانے کے لئے مظاہرے پر مجبور ٹیچر اور لیڈی ٹیچرز کو جس طرح ذلیل کیا گیا۔ شرم سے سر جھُک گیا ہے۔
سکندر بی اے کے ذکر سے معاشی معاشرتی اور سیاسی سماجی تلخیوں کو زائل کرنا چاہتا ہوں۔ آج ان کی برسی ہے۔ وہ بستر مرگ پر تھے اور اس وقت مرے نہیں تھے جب تک میں ان کی خدمت میں نہ پہنچا تھا وہ بہت محبت کرنے والے آدمی تھے۔ وہ غیر معروف آدمی تھے۔ درویش اور دل کے بڑے آدمی تھے۔ ساری عمر جدوجہد کی۔ انہوں نے اس زمانے میں بی اے کیا تھا۔ جب ایسے چند لوگ تھے اور وہ سکندر بی اے کے نام سے پکارے جاتے تھے۔ ایسے لوگ ہمارے بدقسمت معاشرے میں زیادہ ہونا چاہئے جو اپنے کام سے کام رکھتے ہوں۔ بڑے بڑے لوگوں کے لئے لکھا جاتا ہے۔ مگر یہ لوگ بھی ہماری تاریخ کا حصہ ہیں۔ یہ گمنام ہوتے ہیں مگر ناکام نہیں ہوتے۔ عام لوگ انہیں نہیں جانتے۔ نامور حکیم آفتاب قرشی نے اپنی کتاب کاروان شوق میں ان کے لئے پورا ایک مضمون لکھا ہے۔ وہ قائداعظم کے سکیورٹی گارڈ بھی تھے۔ وہ اعتبار اور پیار کے قابل تھے۔ انہیں مجید نظامی نے نوازشریف کے ساتھ تحریک پاکستان کے ورکر کے طور پر گولڈ میڈل سے نوازا۔ دلدار بھٹی نے اسے پروگرام میں بلایا۔ ان کے بیٹے وحید زمان، جاوید، پرویز، طارق، سعید اور خورشید ساتھ تھے۔ میں انہیں سلام نیاز پیش کرتا ہوں۔

امریکی کانگریس کے بھارت نواز ارکان نے پاکستان کے خلاف خبث باطن کا مظاہرہ کرتے ہوئے کہا ہے کہ پاکستان ”اندھا کنواں“ ہے اسے مزید امداد نہ دی جائے وہ پہلے ہی اربوں ڈالر کا حساب نہیں دے رہا۔ امریکی کانگرس کے ارکان نے تو پاکستان کے خلاف زہر اگلا ہے لیکن ہمیں اس بات کا جائزہ ضرور لینا چاہئے کہ ہمیں امریکی ڈالروں کی جو لت پڑ گئی ہے اس سے کس طرح جان چھڑائی جا سکتی ہے؟ امریکی سی آئی اے کی فیکٹ ”بک“ پر بتایا گیا ہے کہ دسمبر 2011ءتک پاکستان 61.38 ارب ڈالر کے قرضوں میں جھگڑا ہوا ہے۔ سی آئی اے کے مطابق افغانستان پر گزشتہ برس صرف1ارب 82 کروڑ ڈالر کا غیر ملکی قرضہ واجب الادا ہے۔ پاکستان‘ امریکہ‘ چین اور مغربی ممالک سے جو امداد لیتا رہا ہے وہ بھی اربوں ڈالر کی تھی۔ کئی ملکوں نے پاکستان کے ذمہ واجب الادا قرضوں کو گرانٹ میں بھی بدلا لیکن اس کے باوجود پاکستانی قوم کا بال بال قرضوں میں جھکڑا ہوا ہے۔
کچھ عرصہ پہلے ایک مسلمان پڑوسی ملک کے سفارتکار نے جو اپنے سفارت خانہ میں اکنامک قونصلر تھا‘ راقم سے استفسار کیا کہ جب میں پاکستان کے بارے میں یہ پڑھتا تھا کہ اس نے اربوں ڈالر کے غیر ملکی قرضے لئے ہیں تو میرا خیال تھا کہ ان قرضوں سے پاکستان نے شاندار ترقی کی ہوگی لیکن جب سے میری پاکستان میں پوسٹنگ ہوئی ہے اور میں نے گھوم پھر کر دیکھا ہے تو مجھے حیرت ہوئی کہ پاکستان نے اربوں ڈالر کے جو قرضے لئے ہیں وہ کہاں گئے؟ کیا وہ پاکستان کی تعمیر وترقی پر خرچ نہیں ہوئے؟۔ سفارت کارنے کہا کہ آپ کا ملک توانائی کے بحران کا شکار ہے‘ بڑے شہروں کے علاوہ پاکستان کا انفراسٹرکچر انتہائی بوسیدہ ہے۔ صحت اور تعلیم کے شعبوں میں مجھے کوئی قابل ذکر ترقی نظر نہیں آتی۔ یہ اربوں ڈالر کہاں گئے۔ میرے پاس اس سفارت کار کے سوال کا کوئی تسلی بخش جواب نہیں تھا۔ دل ہی دل میں اپنے آپ سے میں کہہ ہا تھا ان قرضوں کا بیشتر حصہ ہڑپ کر لیا گیا ہے یہ کئی ہزار یا شاید کئی لاکھ لوگوں کی جیبوں میں چلا گیا اور انہوںن ے اسے بیرونی بینکوں میں پہنچا دیا لیکن پاکستان کا کچھ نہ بنا۔ پاکستان کے بعض علاقوں میں پسماندگی کو دیکھ کر دل آزودہ ہو جاتا ہے کہ اکیسویں صدی میں جب پاکستان کے اردگرد کے ممالک معاشی اعتبار سے کہاں سے کہاں پہنچ گئے ہیں پاکستان کے حالات خراب تر ہوتے جا رہے ہیں۔
عالمی بنک نے پچھلے دنوں اپنی رپورٹ میں بتایا ہے کہ پاکستان کے پاس گیس کے جو مجموعی ذخائر ہیں وہ 54 کھرب کیوبک فٹ ہیں لیکن ان میں سے ابھی تک 9 کھرب کیوبک فٹ گیس پاکستان نے استعمالی ہی نہیں کی۔ عالمی بنک کے مطابق پاکستان میں اب تک 937 ملین بیرل تیل کی دریافت ہوئی ہے جس میں سے پاکستان نے 354 ملین بیرل تیل کو ابھی استعمال نہیں کیا۔ رپورٹ کے مطابق پاکستان کے پاس سندھ کے صحرا میں 185 ارب ٹن کوئلے کے ذخائر ہیں جن سے استفادہ نہیں کیا گیا۔ عالمی بنک کی رپورٹ کے مطابق پاکستان پانی سے 40 ہزار میگا واٹ بجلی پیدا کر سکتا ہے لیکن وہ پانی کو استعمال نہیں کر رہا۔
پاکستان کی معیشت کا تنقیدی جائزہ لینے والوں کا کہنا ہے کہ پاکستان کی قیادت نے پاکستان کے وسائل کو استعمال کر کے معاشی ترقی کرنے کی بجائے شروع سے ہی کشکول اٹھا لیا تھا۔ کیوں کہ مانگ کر بجٹ بنانا اور ضروریات پوری کرنا آسان تھا۔ اپنے وسائل کو بروئے کار لانا محنت طلب کام تھا۔ یہاں شروع سے یہ رحجان رہا ہے کہ امریکہ‘مغربی ملکوں اور چین اوردوسرے دوست ممالک سے مانگ کر ضروریات پوری کر لی جائیں۔ اپنے وسائل کو بروئے کار لانے کو کبھی ترجیح نہیں دی گئی۔
کچھ عرصہ پہلے امریکہ نے جنوبی ایشیاءکے ملکوں کے ساتھ پچاس اور ساٹھ کی دہائی میں اپنے تعلقات کے بارے میں دستاویزات کو ”ڈی کلاسی فائی“ کیا ہے ان دستاویزات کے مطالعہ سے پتہ چلتا ہے کہ لیاقت علی خان کے دورہ امریکہ کے فوراً بعد سے پاکستان نے معاشی اور فوجی امداد کے لئے امریکہ پر تکیہ کر لیا تھا ”فارن ریلیشنز آف دی یونائیٹڈ سٹیٹس ۔ جنوبی ایشیائ“ میں ایسے سینکڑوں خطوط شامل ہیں جن میں کبھی پاکستان امریکہ سے فوجی ہتھیار مانلگ ہا ہے اور کبھی بجٹ کے لئے فنڈز مانگ رہا ہے۔ ڈی کلاسیفائی کئے گئے ان خطوط اور دستاویزات کو پڑھ کر احساس ہوتا ہے کہ پچاس کی دہائی سے لے کر اب تک ہم امریکہ سے مانگتے آئے ہیں۔ کبھی فوجی امداداور کبھی معاشی امداد
ہمارے کئی لیڈروں نے ”کشکول توڑنے اور اپنے وسائل پر بھروسہ کرنے کے نعرے لگائے ہیں لیکن یہ نعرے صرف نعرے ہی رہے عملاً کچھ نہ ہوسکا۔ اس کی وجہ شاید وہ ہڈ حرام قسم کے لوگ ہیں جو سیاسی قیادت کو قرض اور امداد لینے کا آسان راستہ دکھاتے ہیں اور اسے یہ نہیں بتاتے کہ خود انحصاری کا قدرے شکل راستہ اختیار کرکے ہم پاکستان کو مقروض بننے سے روک سکتے ہیں ۔ اگر محنت اور سادگی کو اپنالیں تو پھر ہمیں کسی کو بھی ”اندھا کنواں“ کہنے کی جرا¿ت نہیں ہوگی۔ افسوس یہ ہے کہ ”اندھا کنواں“ ایسا توہین آمیز لقب پانے کے بعد بھی اس وقت ہمارے حکمرانوں کی پوری کوشش ہے کہ امریکہ سے ڈالر مل جائیں تو بحٹ بنانا آسان ہوگا اور امریکی ڈالر ان کی انتخابی حکمت عملی کا بھی ایک اہم جز ہوں گے ۔

اپنی اپنی سوچ اور طرز فکر کی بات ہے کچھ لوگوں کے نزدیک بے آسرا اور بے رنگ بیوگی سے بیسوا کا رنگین اور شب زدہ جیون بہتر ہوتا ہے اور کچھ کے خیال میں بیوہ کی پاکباز و باوقار زندگی انسانیت کا حسن۔ تحریک پاکستان کے زمانے میں دو قول بہت مشہور ہوئے تھے ایک بلبل ہند کہلائی جانے والی مشہور کانگریسی رہنما سروجنی نائیڈو کا قائداعظم کے بارے میں کہ ’’جناح وہ شخص ہے جسے کسی بھی قیمت پر بھی نہیں خریدا جا سکتا‘‘ دوسرا قائداعظم کا باچا خان کے لیے کہ ’’وہ دو منزلہ شخص جس کی اوپری منزل ہمیشہ کرائے کے لیے خالی رہتی ہے‘‘ وہ ماضی کی باتیں ہیں اور تاریخ کا حصّہ جب شخصی طور پہ بالائی منزلیں کرائے پہ مل جاتی تھیں لیکن زمینی منزل پہ تب بھی قبضہ اصل مالکان اور رہائشیوں کا ہی بر قرار رہتا تھا۔ اب بدلتے وقت نے سارے پیمانے بدل دیے ہیں۔ علامہ اقبال نے غلام قدر روہیلہ کے لیے کہا تھا ’’روہیلہ کس قدر ظالم، جفا پیشہ ستمگر تھا‘‘ لیکن پھر اسی روہیلہ سردار کی زبان سے یہ حقیقت بھی آشکارا کرادی تھی ’’کہ غیرت نام تھا جس کا گئی تیمور کے گھر سے‘‘ غیرت سو جائے تو کبھی نہ کبھی جاگ اٹھتی ہے لیکن جب ایک بار بک جائے تو عمر رفتہ کی طرح پھر نہیں واپس نہیں آتی، لٹی ہوئی عصمت اور ٹوٹے آئینے کی کیا قدر و قیمت، ویسے بھی جب باڑ ہی کھیت کو کھانے لگے تو کیسی فصل اور کہاں کا گندم کیسا جو۔ سلالہ چوکی کے سانحے کے بعد ہماری پارلیمنٹ جس کے جمہوری منتخب وزیر اعظم حال ہی میں دورہ برطانیہ میں سی این این کو دیے گئے اپنے انٹرویو میں جمہوریت اور کرپشن کو ہم معنی قرار دے چکے ہیں اور 33 فیصد پاکستانیوں کو ملک کے ناگفتہ بہ حالات سے بیزار ہونے پر ملک چھوڑنے کا خواہشمند ہونے کی بات پہ اپنی خوشدلی اور کوئی روک ٹوک نہ ہونے کا مژدہ جانفرا سنا چکے ہیں۔ اسی پارلیمنٹ نے اپنی گزشتہ قراردادوں کی پامالی کے باوصف بڑے حوصلے اور بلند آہنگ کے ساتھ نیٹو سپلائی کھولنے کے لیے تین بنیادی شرائط عائد کی تھیں 1- ڈرون حملوں کی بندش 2- امریکہ کی طرف سے معذرت 3- سپلائی کے ٹرانسپورٹ پہ معاوضہ، متبادل روٹ کے استعمال پہ آنے والی لاگت اور تاخیر کو پیش نظر رکھتے ہوئے تیسری شرط امریکہ اور اس کے اتحادیوں کے لیے انتہائی معقول اور سستا سودا تھا۔ امریکی معذرت بھی لگی لپٹی ہو ہی جاتی، اصل رکاوٹ ڈرون حملوں پہ امریکا کا اصرار اور غیر لچکدار موقف تھا۔ نیٹو کے جنرل سیکریٹری نے ہفتہ بھر پہلے دھمکی دی تھی کہ اگر نیٹو کی سپلائی بحال نہ کی تو شکاگو کانفرنس میں شرکت کا اعزاز ہمیں نصیب ہوگا نہ ہی مالی امداد کی چھتری ہمارے سر پہ رہے گی، اس سے پہلے امریکی افواج کے سربراہ جو یقینا ہمارے سیاسی اور فوجی سربراہوں سے زیادہ باخبر ہوتے ہیں انہوں نے یہ اطلاع دے دی تھی کہ ہمارا یار وفا شعار مئی کے وسط تک کھلے دل اور پھیلے ہوئے ہاتھ کے ساتھ اپنی شاہراہیں نیٹو کنٹینرز سے پامال ہونے کے لیے کھول دے گا۔ ابھی ہماری کوئی ایک شرط بھی پوری نہیں ہوئی اور اشک شوئی کا سامان ہوا بھی نہ تھا کہ اچانک ہمارے ارباب حکومت پہ القاء ہوا کہ ہم دنیا کے 48 ملکوں کے خلاف صف آرا ہیں اور جس سپلائی لائن کی بندش قومی غیرت اور مفادات کے عین مطابق تھی اب اس کی فوری بحالی ملک کی بقا اور قوم کی حیات کے لیے ناگزیر ہے۔ پھر یکایک نیٹو کی طرف سے زبانی طور پہ ہی غیر مشروط طور شرکت کا سندیسہ بھی آ گیا وہ بھی ان کے نام نہیں جن کی زبان خود کو سربراہ حکومت کہتے نہیں تھکتی بلکہ صدر کے نام جو خود پہ بے اختیار اور نمائشی ہونے کی تہمت لگاتے رہتے ہیں۔ شاید تثلیث کے فرزندوں کے لیے روح القدس کا پیغام آ گیا ہو جو ان کے قلب و نظر کو بدل گیا۔ کرسچین سائنس مانیٹر امریکا کا بڑا ہی معتبر جریدہ ہے اور اس نے ہماری حثیت کو یوں طشت از بام کیا ہے کہ پاکستان کی قیمت 365 ملین ڈالرز سالانہ ہے اور واشگٹن پوسٹ نے نیٹو کنٹینرز کی نقل و حرکت کی صورت میں لوٹ مار کے حصّہ دار عسکری اداروں، پولیس اور حکومت کی نشان دہی کی ہے۔ ہمیشہ اپنے عوام کو بیخبر رکھنے والے اقتدار کے مراکز اور ان کے ترجمان تواتر سے یہ راگ الاپ رہے ہیں کہ ابھی اس ضمن میں کوئی فیصلہ نہیں ہوا جبکہ ٹھیک اسی دوران امریکی وزارت خارجہ کا ترجمان ان کے منہ پہ طمانچہ مارنے کے مصداق یہ اعلان کر رہا ہے کہ سمجھوتہ ہو چکا ہے لیکن اس کی تفصیل منظر عام پہ نہیں لائی جا سکتیں۔ سیدھی اور سچی بات یہ ہے کہ ہم ہمیشہ کرائے کے لیے دستیاب رہتے ہیں بات صرف معاوضہ کی ہوتی ہے ورنہ اٹک کا پل اور درّہ خیبر پار کرنے والے ہوں یا بحیرہ عرب کے کی لہروں پہ سوار ہو کر آنے اور ہمارے ساحلوں پہ لنگر انداز ہونے والے غیر ملکی ہوں ہم ان کی شاہراہ اور بار باربرداری کا ذریعہ ہیں۔ جب کہ اس بار تو ہمیں حفاظت و چوکیداری کا فریضہ انجام دیتے ہوئے صرف فاٹا ہی میں نہیں بلکہ کراچی سے طورخم اور چمن تک اپنی وفاؤں کو ثابت کرنے کے لیے پھر سے اپنے ہی لوگوں کو فتح کرنا ہوگا۔ اور وہ دانشور جو آمد نہیں بلکہ آورد پہ قلم کو رواں رکھتے ہیں کسی نے چڑیا کا گھونسلہ سر پہ سجا رکھا ہے اور کسی کے خبر رساں کرگس ہیں یہ باور کرانے کی کوشش کر رہے ہیں کہ اگر شکاگو کانفرنس میں شرکت کا رتبہ بلند نہ ملا تو مستقبل میں افغانستان میں ہمارا کردار فسخ کر دیا جائے گا۔ یہ وہ جھوٹ کا طومار ہے جس کی کوئی اساس نہیں، ہمیں افغانستان میں اپنے کردار کی اتنی ضرورت نہیں جتنی قابض سامراجیوں کو وہاں ہمارے کردار کی ہے۔ سکندر اعظم سے لے کر آج تک افغانستان کے ہر قضیہ میں فیصلہ کن کردار پاکستان کے قبائلی علاقوں کا رہا ہے، برطانیہ ہو یا روس اور امریکہ، جب بھی بات افغانستان کی ہو پاکستان ان کی ضرورت ہے اور اس کے سوا ان کے پاس کوئی متبادل نہیں، ان کی دم توڑتی معیشت پاکستانی معاونت کی اس سے زیادہ محتاج ہے جتنے ہم ان کی امداد کے۔ اور جہاں تک اس بودی دلیل کا تعلق ہے کہ سپلائی غیر فوجی اور غیر اسلحی سازو سامان کی ہوگی تو یہ بھی بتا دیا جائے کہ اس کی چیکنگ کہاں اور کون سا محکمہ کرے گا۔ دوسرے یہ رعایت کتنے سال کے لیے ہوگی اور اس سمجھوتے کی شقیں کیا ہیں جس کا ذکر امریکی محکمہ خارجہ نے کیا ہے لیکن تفصیل بتانے سے انکار کر دیا ہے مزید یہ کہ اس کے فریق دونوں ممالک کے فوجی اکابر ہیں یا سیاسی شاطر؟؟

امریکا نے پاکستان کو دھمکی دی ہے اور کہا ہے یہ آخری موقع ہے ناٹو سپلائی بحال کر دو ورنہ کسی بھی ممکنہ ردعمل کے لیے تیار ہو جائو جس میں عالمی پابندیاں بھی شامل ہیں۔پہلے تو امریکا نے قومی سلامتی کمیٹی کی سفارشات جو کہ پارلیمنٹ میں پیش کی گئی تھیں ان پر سفارتی کوششیں کیں پھر ہر کینٹینرپر معاوضہ دینے کی بھی بات ہوئی جو اس سے قبل بغیر چیکنگ اور بغیر معاوضے کے کراچی کی بند رگاہ سے افغانستان تک ہماری سٹرکیں تباہ کرتے ہوئے جاتے تھے اور بڑی تعداد میں گم بھی ہو گئے اس طرح نہ جانے کتنا اسلحہ ہمارے ملک میں پھیلا دیا گیا۔اب بات آخری دھمکی تک آن پہنچی۔ قومی سلامتی کمیٹی نے دوسری باتوں کے علاوہ سلالہ پوسٹ پرپاکستان کے 24 فوجیوں کی ہلاکت پر امریکا سے معافی کے لیے کہا تھا تو امریکا نے صا ف انکار کردیا ۔۔۔کیا غلاموں کو آقا سے معافی کی جرات ہو سکتی ہے جس سے کیری لوگر بل کے تحت امداد لے رہے ہو وہ تو تمہیں حکم دے گا اور کہے گا اس کی تعمیل کرو کہاں‘کی معافی۔۔۔امریکا توپہلے ہی اعلان کر چکا ہے کہ ڈرون حملے جاری رہیں گے،سی آئی اے اور ایف بی آئی کی سرگرمیاں جاری رہیں گی۔ امریکا اپنے فوجیوںکو نصاب میں مکہ و مدینہ کو نشانہ بنانے کی ترغیب دے رہا ہے۔ موجودہ فوجی قیادت نے امریکا کی براہ راست کوئی بات نہیں کی۔ امریکا سے غیر قانونی ویزوں پر آئے ہوئے بہت سے لوگوں کو ملک سے نکال بھی دیا امریکیوں کی ملک میں آسانی سے چلت پھرت پر پابندی بھی لگائی مگر مشرف کی غلطی کو درست کرنے کے لیے بہت وقت چاہیے۔ اخباری خبر کے مطابق فوجی قیادت نے سیاسی لوگوں پر یہ معاملہ چھوڑ دیا ہے ۔سیاسی لوگوں کی اپنی مجبوریاں ہیں۔ بجٹ پیش کرنا ہے اور خزانہ شاہ خرچیوں اور کرپشن کی وجہ سے خالی پڑا ہوا ہے ناٹو سپلائی کھولنے سے پیسے آئیں گے بجٹ بنے گا واہ واہ ہو گی چاہے ملک کو فروخت ہی کر دیا جائے ۔ جماعت اسلامی نے جس وقت کیری لوگر بل کے تحت امداد لی جا رہی تھی اس وقت بھی ملک گیر ریفرنڈم کروا کے حکومت کو خبردار کیا تھا کہ امریکا امداد دے گا تو قوم کے خلاف اقدام کرنے کا بھی کہے گا جو حکومت کو معاہدے کے تحت کرنے پڑیںگے اس لیے کیری لوگر بل نامنظور کرتے ہیں۔اس وقت اللہ نے پاکستان کو موقع دیا ہے کہ یہود ونصاریٰ کی سازشوں سے کنارا کش ہو جائیں اپنے پڑوسی مسلمان ملک کے خلاف کسی بھی سازش کا حصہ نہ بنیں اپنے لوگوں سے لڑنا چھوڑ دیں ان لوگوں سے مذاکرات کریں اور صلح صفائی کا راستہ نکالیں افغان قوم سے معافی مانگیں آئندہ ان کے خلاف امریکا؍ ناٹو کے ساتھ تعاون نہ کرنے کا اعلان کریں صرف فوجی سامان واپس لے جانے کا معاہدہ کریںاس طرح پوری قوم حکومت کا ساتھ دے گی۔دو دفعہ پارلیمنٹ کی قرادادیں،آل پارٹیز کانفرنس کی سفارشات حکومت کی حمایت کے لیے موجود ہیں قوم کی طرف سے اس سے زیادہ کیا حمایت ہو سکتی ہے۔ اُدھر دفاع پاکستان کونسل کی اسٹیئرنگ کمیٹی کا اجلاس لاہور میں ہوا ہے دفاع پاکستان کونسل نے پہلے سے اعلان کر دیا ہے کہ پورے پاکستان میں ناٹو سپلائی کو روکنے کی کال دیں گے پاکستان کی شاہرائوں پر جگہ جگہ رکاوٹیں کھڑی کی جائیں گی اور ہر حالت میں ناٹوسپلائی اپنے مسلمان ملک کے خلاف نہیں جانے دی جائے گی تحریک انصاف نے بھی اعتراض کیا ہے ۔ اگر خدانخواستہ ناٹو سپلائی کھول دی گئی تو خدشہ ہے کہ ملک میںمزید خو ن خرابہ ہو گا‘ خود کش حملے ہوںگے مزید نقصان ہو گا جس امداد کے عوض ناٹو سپلائی کھولی جائے گی اس سے زیادہ نقصان ہونے کے خدشات ہیںپھر جن کے خلاف ناٹو سپلائی کھولنے سے تباہی ہو گی وہ ہمیں پھولوں کے ہار تو نہیں بھیجیں گے ان کی طرف سے شدید ردعمل ہو گا جو ہمارا ملک برداشت نہیں کر سکتا اس لیے ہماری مقتدر لوگوں سے گزارش ہے کہ وہ قوم کا ساتھ دیں اور ناٹو سپلائی بحال نہ کریں کہیں قوم تیونس ،مصر،لیبیا،مراکش اور شام کے لوگوں کے نقش قدم پر نہ چل پڑے جو کہ ملک کے لیے نقصان دہ ہو ۔اللہ ہمارے ملک کی حفاطت فرمائے آمین۔

28 فروری 1985ء پاکستانی سیاست میں جوہری تبدیلی لانے والا دن تھا۔ اس دن حیدرآباد میں میاں محمد شوکت ہی نہیں ، کراچی میں محمود اعظم فاروقی جو ضیاء دور میں چند ماہ وفاقی وزیر بھی رہے تھے اور جو ایوب خان کے دور سے کراچی سے اسمبلیوں میں جماعت اسلامی کی رہنمائی کررہے تھے ، اور سید منور حسن بھی جنہوں نے 1977ء کے ان انتخابات میں جو بن کھلے مرجھا گئے تھے۔ پاکستان میں سب سے زیادہ ووٹ حاصل کیے تھے۔ 1979ء میں ہونے والے بلدیاتی انتخابات میں جماعت اسلامی نے کراچی سے اپنا میئر(عبدالستار افغانی) منتخب کرانے میں کامیابی حاصل کی تھی اور1983میں افغانی صاحب دوبارہ بھی اس منصب کے لیے منتخب ہوئے تھے۔ اس میں بھی کوئی شبہ نہیں کہ افغانی صاحب نے ایک طویل عرصے سے نظر انداز کردہ کراچی میں جو بے شمار بلدیاتی مسائل کا شکار تھا، نہ صرف بے شمار ترقیاتی کام کرائے بلکہ کراچی کے اپنے وسائل میںا ضافہ کرکے اسے اپنے پیروں پر کھڑ ا کرنے اور صوبائی اور مرکزی حکومتوں کی محتاجی سے آزاد کرانے کی کوشش کی تھی۔ جس کا فائدہ سیاسی طور پر جماعت اسلامی کو ہونا چاہیئے تھا جو نہیں ہوا۔ لیکن حیرت انگیز طور پر عبدالستار افغانی صاحب میئر ہوتے ہوئے بھی قومی اسمبلی کا الیکشن ہار گئے تھے۔ اس کے برعکس حیدرآباد میں 1979ء میں منتخب ہونے والے میئر وصی مظہر ندوی قومی اسمبلی اور 1983ء میں وصی مظہر ندوی کو شکست دے کر میئر بننے والے احد یوسف صوبائی اسمبلی کے لیے منتخب ہوگئے۔ صرف جماعت اسلامی ہی نہیں 1985ء میں جے یو پی بھی وہ کامیابیاں نہ سمیٹ سکی جو اپنے ماضی کی بنیاد پر اسے سمیٹنی چاہیے تھیں۔ اگر ہم اس کے اسباب کا جائزہ لیں تو اندازہ ہوگا کہ اس میں تین عوامل کار فرما تھے۔ پہلا، پیپلز پارٹی اور سندھی قوم پرست، دوسرا، مہاجر قوم پرست اور مخالفین جماعت، تیسرا ضیاء الحق اور ان کے رفقائ۔ 1971ء سے پیپلز پارٹی سمیت سندھ کی تمام قوم پرست جماعتوں کی طرف سے جماعت اسلامی پر مختلف الزامات لگائے جارہے تھے۔ جن میں فوج سے ملی بھگت کرکے مشرقی پاکستان میں بنگالیوں کے قتل عام کا الزام سب سے نمایاں تھا۔ 1977ء میں مارشل لاء کا نفاذ اور پھر 1979ء میں ذوالفقار علی بھٹو کو پھانسی کا دیا جانا، الزامات کی فہرست میں ایک اور اضافہ تھا۔ حالانکہ حقیقت یہ تھی کہ بھٹو کے دور میں اختیار کی جانے والی پالیسیوں کا چاہے وہ تعلیمی اداروں کو قومیانے کا عمل ہو‘ چاہے کوٹہ سسٹم کا نفاذ۔ مزدور دشمن پالیسیاں ہوں یا اردو زبان کو قومی زبان کے طور پرنافذ نہ کرنا اور سندھ میں عملًا سندھی کو صوبائی زبان کے طور پر نافذ کرنا ہو۔ لسانی عصبیت اور صوبائیت کا فروغ ہو یا محصورین مشرقی پاکستان کے مسئلہ پر ٹال مٹول کی پالیسی اختیار کرنا۔ان پالیسیوں سے وہ علاقے سب سے زیادہ متاثر ہوئے جہاں جماعت اسلامی کا ووٹ بینک تھا۔ ایک مشکل یہ تھی کہ جماعت کے لیے ایک قومی جماعت کے طور پر ان پالیسیوں پر ایک حد سے زیادہ تنقید کرناممکن نہیں تھا کیوں کہ اس کے نتیجے میں اس پر بھٹو صاحب کی پالیسیوں سے مستفید ہونے والوں کی طرف سے تعصب کا الزام لگایا جاسکتا تھا۔ اس صورتحال میں جنوبی سندھ میںمہاجر قوم پرستوں کے لیے تعصب کی فصل بونا آسان ہوگیا جو ایک طرف سستی نعرہ بازی کے ذریعے لوگوں کی توجہ اپنی طرف مبذول کرنا چاہتے تھے دوسری طرف اس صورتحال کو جماعت اسلامی کا راستہ روکنے کے لیے استعمال کرنا چاہتے تھے۔ سوال کیا جاتا تھا کہ آخر جماعت اسلامی نے عوام کے لیے کیا ہی کیا ہے۔ اس مقصد کے جماعت اسلامی کے تین وزراء کی ضیاء الحق کی کابینہ میں نو ماہ کی شمولیت کو جماعت اسلامی کے اقتدار کی دلیل کے طور پر استعمال کیا جاتا تھا۔ یہ الزام لگانے والے بھی جانتے تھے کہ اس نو ماہ کے عرصے کے سوا نہ تو کبھی جماعت اسلامی صوبائی یا مرکزی حکومت میں شامل رہی ہے نہ ہی جنوبی سندھ کے لوگوں نے اسے کبھی کراچی یا حیدرآباد کی تمام نشستیں سونپیں ۔ تیسرا عامل ضیاء الحق اور ان کے رفقاء تھے۔ ضیاء الحق نے ایک تحریک کا فائدہ اٹھا کر مارشل لا نافذ کیا تھا جو انتخابی دھاندلی کے خلاف شروع ہوئی تھی لیکن جس نے جلد ہی ’’تحریک نظام مصطفیٰ‘‘ کا روپ دھار لیا تھا۔ پی پی مخالفوں کو یہ امید ہوگئی تھی کہ پی این اے اس ملک میں اسلام کا فلاح و خیر کا نظام قائم کرلے گی جس کے نتیجے میں عام آدمی کی زندگی میں مثبت تبدیلی آسکے گی۔ اس تحریک کی قیادت جمعیت علماء اسلام کے مفتی محمود کررہے تھے جب کہ اس کے جنرل سیکریٹری پروفیسر عبدالغفور احمد تھے جن کا تعلق جماعت اسلامی سے ہے۔ ان حالات میں ضیاء الحق نے اقتدار سنبھالتے ہی اگرنظام مصطفیٰ کی بات کی تو چاہے وہ اس کے لیے کتنا ہی سنجیدہ کیوں نہ ہوں، یہی سمجھاگیا کہ یہ رنگ انہوں نے عوام کا رنگ دیکھ کر اختیار کیا ہے۔ بعد ازاں نفاذ اسلام کے لیے ان کی غیر سنجیدگی اور کھوکھلے اقدامات سے اندازہ ہوا کہ شاید حقیقت یہی تھی ۔ پی این اے کے لیے نفاذ اسلام کی باتیں کرنے والے اس جرنیل کا ساتھ نہ دینا آسان نہیں تھا۔ اس نے جرنیل کے اقدامات کو معاشرے میں قابل قبول بنانے کے لیے عوامی تائید مہیا کرنے کی ذمہ داری پوری کرنے کے لیے اس کا ساتھ دینے کافیصلہ کیا ۔ لیکن جرنیل نے 1979ء میں بھٹو کو پھانسی دینے کے بعد پی این اے سے جان چھڑالی۔ لیکن جرنیل ضیاء الحق مقدر کا سکندر تھا۔ 1979ء کے اواخر میں جب ملک کی تمام سیاسی قوتیں اس کے خلاف متحد ہورہی تھی، روس نے اپنی فوجیں افغانستان میںد اخل کردیں ۔ یہ خطرہ سر پر منڈلانے لگا کہ کمیونسٹ روس ایک قدم کابل میںرکھنے کے بعد دوسرا پشاور اور تیسرا کراچی میں رکھے گا۔ کچھ لوگ روس کے استقبال کی تیاریاں کرنے لگے اور کچھ اس کا راستہ روکنے کی ۔ جماعت اسلامی نے حکومت کی افغان پالیسی کی حمایت کا فیصلہ کیا۔ اب فوج کی حکمرانی کی وجہ سے اسے آپ فوج کی حمایت کہیں یا فوج کا چیف ہونے کی وجہ سے ضیاء الحق کی حمایت۔حقیقت یہ ہے کہ 1979ء میں اختیار کردہ پالیسی ایوان صدر میں تشکیل دی گئی تھی اور اس پر سول بیورو کریسی کے ذریعے ہی عمل کرایا گیا تھا۔ 1985ء تک پہنچتے پہنچتے افغانستان میں روس کی شکست کے آثار واضح ہوگئے تھے۔ درّے کی بندوقوں اور مقامی مجاہدین کے بل بوتے پر شروع ہونے والے جہاد کو پاکستان کی حمایت حاصل ہوئی تو یہ مستحکم ہونا شروع ہوگیا ۔ جماعت اسلامی پاکستان میں اس جہاد کی سب سے بڑی پشتیبان تھی۔ اس کے بھیجے گئے مجاہدین افغانستان میں برسر پیکار گلبدین حکمت یار کے ساتھ وابستہ تھے۔ حکمت یار افغانستان میں سب سے بڑی مزاحمتی تحریک منظم کرچکے تھے۔ جب امریکا نے روس سے ویت نام کی ہزیمت کا بدلہ لینے اور اپنے مفادات کی حفاظت کے لیے افغان مجاہدین کا ساتھ دینے کافیصلہ کیا تو ضیاء الحق نے یہ امداد حکومت پاکستان کے ذریعے مہیا کرنے پر زور دیا۔ یہ وہ زمانہ تھا جب امریکی سفیر طور خم کی سرحد پر اللہ اکبر کے نعرے لگاتے تھے۔ امریکی صدر حکمت یار کی میزبانی کی خواہش کرتااور حکمت یار کے انکار کے بعد اس کی بیٹیاں اسے ذاتی طور پر غیر سرکاری حیثیت میںناشتے کی دعوت دیتیں تھیں۔ افغانستان سے روس کی پسپائی کے آثار دیکھتے ہی ضیاء الحق نے جماعت اسلامی اور امریکا نے حکمت یار سے جان چھڑانے کا فیصلہ کرلیا۔ امریکا کا خیال تھا کہ حکمت یار افغانستان میں امریکی مفادات کے محافظ نہیں بنیںگے۔ ضیاء الحق کا خیال تھا کہ حکمت یار کی کامیابیاں پاکستان میں جماعت اسلامی کو فائدہ پہنچائیں گی۔ ہر چند کہ جماعت اسلامی نے ضیاء الحق کے صدارتی ریفرنڈم میں ضیاء الحق کی حمایت کی تھی لیکن وہ جانتے تھے کہ نہ صرف پروفیسر عبدالغفور احمد بلکہ پوری کراچی جماعت ضیاء الحق کے خلاف ہارڈ لائنز اختیار کرنا چاہتی تھی۔ پاکستان کے سب سے بڑے شہر کراچی میں 1979ء اور 1983ء میں جماعت اسلامی کے میئر عبدالستار افغانی میئر منتخب ہوئے تھے جو ضیاء الحق اور ان کے مارشل لا پر کھلی تنقید کرتے تھے۔ ان حالات میں ضیاء الحق کے لیے کراچی سے عبدالستار افغانی ، محمود اعظم فاروقی اور سید منور حسن کی کامیابی برداشت کرنا ممکن نہیں تھا۔ ان کی کامیابی صرف ضیاء الحق ہی نہیں امریکا کو بھی گوارا نہیں تھی۔ جو افغانستان میںجہاد کی معجزاتی کامیابی اور حکمت یاراور جماعت اسلامی کی بے مثال تنظیم کو اپنے مستقبل کے عزائم کی راہ میں مزاحم دیکھ رہا تھا۔ ضیاء الحق کے مفادات تو محدود تھے لیکن امریکا کو پاکستان خصوصاً جنوبی سندھ میں ایسی سیاسی قوت کی تلاش تھی جو پاکستان سے بھی بیزار ہو اور اسلام سے بھی۔28 فروری 1985ء کو یقینا امریکا کو کراچی میں امکانات کے نئے درکھلتے محسوس ہوئے ہوں گے۔(جاری ہے)

نہ جانے صدر آصف علی زرداری ناٹو کی سربراہ کانفرنس میں شکاگو جانے کے لیے اتنے بے تاب کیوں ہیں کہ اس کے لیے انہوں نے افغانستان میں تعینات ناٹو کی افواج کی پاکستان کے راستے رسد کی بحالی کے بارے میں امریکا، برطانیہ اور ناٹو کے مطالبے اور دباؤ کے سامنے گھٹنے ٹیک دیے ہیں، جب کہ ان 17مطالبات میں سے ایک مطالبہ بھی تسلیم نہیں کیا گیا جو پاکستان کی پارلیمنٹ نے ناٹو کی رسد کی بحالی اور امریکا کے ساتھ تعلقات کی نئی بنیادوں کے بارے میں 12 اپریل کو اپنی قرارداد میں پیش کیے تھے۔ قرارداد کے مطالبات میں 2 مطالبے بے حد اہم ہیں۔ اول: پاکستان میں امریکی ڈرون حملے فی الفور بند کیے جائیں، اور دوم: پاکستان میں سلالہ کی چوکی پر حملے کے بارے میں امریکا غیر مشروط معافی مانگے جس میں پاکستان کے 24 فوجی افسر اور جوان جاں بحق ہوئے تھے۔ نومبر2011ء میں سلالہ کے حملے کے بعد ناٹو کی رسد بند کرنے کے فیصلے کو فوج، پارلیمنٹ اور عوام کی بھرپور حمایت حاصل تھی، کیونکہ پاکستان کی خودمختاری اور حاکمیت کو یوں پارہ پارہ کرنے کے جواب میں یہ اقدام قومی خودداری کا اظہار قرار دیا گیا تھا۔ یہ بات سخت باعث تعجب ہے کہ پچھلے 6ماہ کے شدید دباؤ اور کشیدگی کا مقابلہ کرنے کے بعد اچانک پاکستان یوں ڈھیر ہو گیا۔اس ماہ کے اوایل میں توہین عدالت کے جرم میں پاکستان کے سزایافتہ وزیر اعظم گیلانی کے لندن کے دورہ تک پاکستان اس مسئلہ پر اپنے موقف میں اٹل تھا جب کہ ناٹو کے سیکریٹری جنرل راسموسن کی طرف سے کھلاکھلم یہ دھمکی دی جارہی تھی کہ اگر پاکستا ن نے ناٹو کی رسد پر اپنا موقف نہ بدلا تو شکاگو کی سربراہ کانفرنس میں صدر زرداری کو دعوت نہیں دی جائے گی۔ لیکن دس ڈاوننگ اسٹریٹ کی ملاقات میں برطانوی وزیر اعظم ڈیوڈ کیمرون نے کیا ایسا جادو کیا کہ دوسرے ہی دن انہوں نے اور ان کی وزیر خارجہ نے ناٹو کی رسد کی بحالی کی حمایت شروع کردی۔ڈاوننگ اسٹریٹ کی ملاقات کے فوراً بعد اسلام آباد میں پاکستانی فوج کے سربراہ جنرل کیانی سے افغانستان میں ناٹو کی افواج کے کمانڈر اور افغانستان کی فوج کے سربراہ نے طویل مذاکرات کیے ان مذاکرات میں کیا سودا طے پایا اس کے بارے میں جمہوریت کے علم بردارپاکستانی حکمرانوں نے خاموشی کے کواڑ بھیڑ دیے ہیںاور امریکا نے بھی صاف انکار کر دیا ہے کہ وہ اس راز پر سے پردہ نہیں اٹھائے گا۔ یہی وجہ ہے کہ یہ اندیشے ظاہر کیے جا رہے ہیں کہ اسلام آباد کے ان مذاکرات میں اسی انداز کے خفیہ سمجھوتے طے پائے ہیں جس طرح جون 2003میں کیمپ ڈیوڈ میں جارج بش اور پرویز مشرف کے درمیان طے پائے تھے۔ یہ بات بے حد اہم ہے کہ یوسف رضا گیلانی کی طرف سے ناٹو کی رسد کی بحالی کی حمایت کے اعلان اور اسلام آباد کے سہ فریقی مذاکرات کے فوراً بعد ناٹو کے سیکریٹری جنرل نے صدر زرداری کو شکاگو کانفرنس میں شرکت کی دعوت دی ہے۔ ناٹو کی رسد کی بحالی کے سلسلہ میں پاکستانی حکمرانوں کی اچانک قلابازی کے بارے میں باخبر مبصروں کا کہنا ہے کہ اس کی بنیادی وجہ ملک کی معیشت کی تباہ کن صورت حال ہے۔ اس وقت پاکستان اس قابل نہیں کہ امریکا کی موعودہ ڈیڑھ ارب ڈالر کی مالی امداد کے بغیر اپنا بجٹ تیار کر سکے۔ بتایا جاتا ہے کہ امریکا ناٹو کی رسد کی بحالی کے لیے 365 ملین ڈالر سالانہ معاوضہ ادا کرنے کے لیے تیار ہے جس سے بجٹ کی تیاری میں تو مدد مل جائے گی لیکن 29جون تک پاکستان کو اپنے واجب الادا قرضہ کی مد میں IMFکو526 ملین ڈالر کی رقم ادا کرنی ہے۔IMF نے پاکستان پر یہ واضح کر دیا ہے کہ اس کی موجودہ سنگین مالی صورت حال کے پیش نظر اسے کسی نئے قرضہ کی امید نہیں رکھنی چاہیے۔ پاکستان کو اس بحران سے نکالنے کے لیے امریکا کی امداد کی اشد ضرورت ہے کیونکہ وہیIMF کو اس کے لیے آمادہ کر سکتا ہے اور اسی مقصد کے لیے پاکستان نے امریکا کو رام کرنے کی کوشش کی ہے جس کے نتیجہ میں بتایا جاتا ہے کہ امریکا نے پاکستان کی مدد کے عوض اپنی شرائط تسلیم کرا لی ہیں جن میں سر فہرست شمالی وزیرستان میں حقانی گروپ کے خلاف بڑے پیمانے پر فوجی کارروائی ہے جس کے لیے امریکا ایک عرصہ سے دباؤ ڈال رہا ہے۔ اسی کے ساتھ امریکا نے یہ شرط بھی منوا لی ہے کہ پاکستان میں طالبان کے امیر ملا عمر اور القاعدہ کے موجودہ قائد ایمن الظواہری کی تلاش اور ان دونوں تنظیموں کی سپاہ کے خلاف امریکا اور پاکستان مشترکہ فوجی کارروائی کریں گے۔ اسی کے ساتھ امریکا پاکستان سے یہ یقین دہانی بھی حاصل کرنے میں کامیاب رہا ہے کہ پاکستان کے انٹیلی جنس ادارے کوئی ایسے اقدامات نہیں کریں گے جن سے القاعدہ یا طالبان سے روابط کے بارے میں شبہات پیدا ہوں۔ بیشتر مبصرین کی رائے ہے کہ صدر زرداری کو پہلے انکار اور پھر ناٹو کی رسد کی بحالی کے فیصلہ کے بعد دعوت دینے کے پیش نظر اس کا امکان نہیں کہ دو روزہ شکاگو سربراہ کانفرنس میں ان کو اپنا موقف پیش کرنے کا موقع مل سکے گا اوران کے موقف پر سنجیدگی سے غور کیا جائے گا۔ پھر یہ سوال بھی کیا جارہا ہے کہ اس کانفرنس میں اہم مسئلہ اگلے 10 برس کے دوران ناٹو کے رول اور مقاصد کا زیر غور آئے گا اور اس پر غور کیا جائے گا کہ ناٹو کے ممبر ممالک کے علاقہ اور عوام کی سلامتی کا کس طرح تحفظ کیا جائے اور پوری دنیا میں ناٹو کے نیٹ ورک کو کس طرح مضبوط کیا جائے، تو صدر زرداری کا ان مسائل سے نہ تو تعلق ہے اور نہ وہ اس سلسلہ میں تجاویز پیش کرنے کے اہل یا مجاز ہیں۔ افغانستان کے سلسلہ میں شکاگو کانفرنس میں سب سے اہم مسئلہ فوجی اخراجات میں ناٹو کے ممبر ممالک کے مالی پیمان کا زیر بحث آئے گا۔ امریکا کو توقع ہے افغانستان میں فوج کی تربیت وغیر ہ کے لیے 4ارب 10کڑوڑ ڈالر کا خرچ آئے گا اور اسے امید ہے کہ ناٹو کے اتحادی اس میں 500ملین ڈالر کا حصہ ادا کریں گے۔ اس مسئلہ کا ظاہر ہے پاکستان سے کوئی تعلق نہیں۔ اس صورت حال میں مبصرین کا خیال ہے کہ شکاگو کانفرنس میں صدر زرداری کی شرکت بے معنی اور بے سود ثابت ہوگی۔ اگر صدر زرداری افغانستان سے ناٹو کی افواج کی 2014میں موعودہ واپسی کے بعد افغانستان میں پاکستان کے رول کے بارے میں اس کانفرنس میں مسئلہ اٹھانے کی کوشش کریں گے تو اس امر کے پیش نظر انہیں زیادہ کامیابی حاصل نہ ہو سکے گی کہ3 بڑے ممالک چین، روس اور ہندوستان جن کے افغانستان میں گہرے مفادات وابستہ ہیں وہ اس کانفرنس میں شرکت نہیں کر رہے ہیں۔ چین افغانستان کو ہر سال تقریبا ً23ملین ڈالر امداد دے رہا ہے اور ہندوستان نے اس سے کہیں زیادہ امداد دی ہے جو 750 ملین ڈالر کے لگ بھگ بنتی ہے۔ ہندوستان اور افغانستان کے درمیان 2011میں اسٹریٹجک شراکت کا معاہدہ ہوا ہے اور ہندوستان افغان فوج اور پولس کو تربیت دے رہا ہے۔ اس کے علاوہ ہندوستان افغانستان اہم شاہراہوں کی تعمیر میں مدد دے رہا ہے۔ظاہر ہے کہ ان تینوں ممالک کی عدم شرکت کی صورت میں اس مسئلہ پر بامقصد بحث ممکن نہیں۔ پاکستان کی طرف سے یہ دلیل پیش کی جارہی ہے کہ شکاگو کانفرنس میں افغانستان کے بارے میں اہم فیصلے کیے جائیں گے لہذا پاکستان کی شمولیت لازمی ہے لیکن اس کانفرنس کے انعقاد سے پہلے ہی اہم فیصلے کر لیے گئے ہیں اور کانفرنس میں محض رسمی طور پر ان فیصلوں کا اعلان کیا جائے گا۔ اس صورت حال کے پیش نظر مبصرین کی یہ سمجھ میں نہیں آتا کہ آخر صدر زرداری اس کانفرنس میں شرکت کے لیے کیوں بے تاب ہیں؟کیا وہ امریکیوں سے پس پردہ کوئی معاہدہ کرنا چاہتے ہیں یا وہ صرف صدر اوباما سے ہاتھ ملانے اور دوسرے سربراہوں کے ساتھ بیٹھنے کے لیے شکاگو جانا چاہتے ہیں جس پر عوام کا بے تحاشا پیسہ خرچ ہوگا۔

ٹی ایس ایلیٹ نے کہا ہے کہ بعض لوگ محنت کے نتیجے میں صرف پسینہ پسینہ ہوکر رہ جاتے ہیں۔ ایلیٹ کی اس بات کا مطلب یہ ہے کہ محنت کسی نتیجے کے لیے کی جاتی ہے لیکن بعض لوگوں کی محنت سے پسینے کے سوا کچھ حاصل نہیں ہوتا۔ ایلیٹ کا یہ قول پاکستان کی سیاست پر پوری طرح منطبق ہوتا ہے۔ اس کی وجہ یہ ہے کہ پاکستان کی سیاست کولہو کے بیل کا منظر پیش کررہی ہے۔ کولہو کا بیل صبح سے شام تک سفرکرتا ہے۔ مگر اس کا سفر ایک دائرے میں ہوتا ہے چنانچہ وہ صبح سے شام تک چلتا ہے۔ تاہم اس کے باوجود کہیں نہیں پہنچ پاتا۔ لیکن بیل کی محنت سے تیل پیدا ہوتا ہے اس کے برعکس پاکستانی سیاست کی محنت سے صرف ’’تکرار‘‘ یا Repetition پیدا ہوتی ہے اور تکرار سے صرف پسینہ ہی نہیں کئی اور بلائیں بھی جنم لیتی ہیں۔ لیکن سوال یہ ہے کہ پاکستان کی سیاست کے تناظر میں تکرار کا مفہوم کیا ہے۔ اور اس سے ہماری سیاست میں کیا مسائل پیدا ہوتے ہیں؟۔ جنرل ایوب خان ملک کے پہلے فوجی آمر تھے۔ ان کا اصرار تھا کہ سیاست دانوں نے سیاسی عدم استحکام کو اس سطح پر پہنچا دیا ہے کہ ملک کی بقاء وسلامتی خطرے میں پڑگئی ہے چنانچہ فوج کو مجبوراً اقتدار سنبھالنا پڑا ہے۔ جنرل ایوب خان کی اس پوزیشن کو دیکھ کر خیال آتا تھا جنرل ایوب کا دور فوجی آمریت کا پہلا اور آخری دور ہوگا۔ لیکن یہ ایک خام خیالی تھی۔ جنرل ایوب کی فوجی آمریت سے ملک میں فوجی آمریت کی تکرار نمودار ہوئی۔ جنرل ایوب کے خلاف تحریک شروع ہوئی اور جنرل ایوب خود فوج کے لیے بوجھ بن گئے تو انہوں نے اقتدار ایک اور جرنیل جنرل یحییٰ کے حوالے کردیا۔ جنرل یحییٰ کے زمانے میں ملک دوٹکڑے ہوگیا لیکن یہ ہولناک تجربہ بھی ملک میں مارشل لا کی تکرار کی راہ نہ روک سکا اور جنرل یحییٰ کے بعد جنرل ضیاء الحق ملک کے سیاسی افق پر طلوع ہوگئے اور جنرل ضیاء الحق کے بعد جنرل پرویز مشرف کا عہد بھی ملک کا مقدر بن کر رہا۔ یہ ایک سطح پر چہروں کی تکرار تھی۔ دوسری سطح پر تجزیے کی تکرار تھی۔ تیسری سطح پر غلطی کی تکرار تھی۔ اس تکرار نے خود فوجی آمریت کے معیار کو پست سے پست تر کردیا۔ جنرل ایوب کی شخصی اہلیت فوجی آمروں میں سب سے زیادہ تھی۔ وہ امریکا کے وفادار تھے مگر انہیں اپنی عزت کا بھی خیال تھا چنانچہ انہوں نے ایک کتاب لکھ کر یہ بتانے کی کوشش کی کہ ہم امریکا کے دوست ہیں اس کے غلام نہیں ہیں۔ انہوں نے ملک چلانے کے لیے فوجی آمریت کی تاریخ کی بہترین کابینہ منتخب کی۔ انہوں نے ملک کی صنعتی ترقی کی بنیاد رکھی۔ جنرل ضیاء الحق کا دور بھی اگرچہ جنرل ایوب کی طرح دس سال پر محیط تھا اور ملک پر ان کی گرفت بھی مضبوط تھی لیکن جنرل ضیاء الحق کی شخصی اہلیت جنرل ایوب سے کم تھی۔ چنانچہ ان کے دور میں جنرل ایوب کے عہد سے کہیں زیادہ مسائل پیدا ہوئے۔ البتہ امریکا کے معاملے میں ان کا ریکارڈ جنرل ایوب سے بہتر تھا اور یہی بات ان کے طیارے کی تباہی کا سبب بن گئی۔ جنرل پرویزمشرف کا دور فوجی آمریت کے زوال کی انتہا تھا۔ جنرل ایوب امریکا کے سامنے سرجھکائے کھڑے تھے تو جنرل پرویز امریکا کے آگے سجدہ ریز تھے۔ جنرل ایوب کی کابینہ کو دس میں سے 7 اور جنرل ضیاء الحق کی کابینہ کو دس میں سے چھ نمبر دیے جائیں گے تو جنرل پرویزمشرف کی کابینہ دس میں چار نمبرون کی مستحق قرار پائے گی۔ جنرل ایوب اور جنرل ضیاء پر اعتراضات کی نوعیت اجتماعی تھی اور جنرل پرویز پر اعتراضات کی نوعیت بیشتر شخصی تھی۔ جنرل ایوب خان اور جنرل ضیاء الحق دونوں نے فوج کے ادارے کو بدنام کیا لیکن یہ ’’اعزاز‘‘ جنرل پرویز ہی کے حصے میں آیا کہ ان کے دور میں فوجیوں کو ہدایت کی گئی کہ وہ وردی پہن کر آبادیوں میں نہ جائیں۔ جنرل پرویز نے فوجی آمریت کو اتنا بدنام کیا کہ آصف علی زرداری کی پانچ سالہ تباہ کن حکومت بھی کسی نئی فوجی آمریت کی راہ ہموار نہیں کرسکی۔ فوجی آمروں کے ذکر خیر میں جنرل یحییٰ کے حوالے کی عدم موجودگی کا ایک سبب یہ ہے کہ جنرل یحییٰ کا دور اقتدار صرف تین سال ہے۔ ان کے ذکر سے گریز کی دوسری اور زیادہ بنیادی وجہ یہ ہے کہ ان کی شخصیت پر گفتگو صرف شخصی حوالوں ہی سے ممکن ہے۔ سول حکمرانوں میں بھی تکرار کے عنصر کو پوری طرح کارفرما دیکھا جاسکتا ہے۔ قائد اعظم کے بعد ملک میں ذوالفقار علی بھٹو کو جیسی پذیرائی حاصل ہوئی اس کی مثال نہیں ملتی۔ لیکن بھٹو صاحب کی سیاسی شخصیت فوجی آمریت کی ٹکسال سے برآمد ہوئی تھی۔ البتہ عالمی حالات پر ان کی نظرگہری تھی۔ وہ فن خطابت سے ایک حد تک آگاہ تھے۔ ان کا مطالعہ اچھا خاصا تھا۔ بھٹو صاحب کے بعد جو سول حکمران اقتدار میں آئے وہ بھٹو صاحب کے بنائے ہوئے دائرے کو توڑ کر نیا دائرہ نہ بنا سکے البتہ ان کا شخصی معیار سیاسی تجربے کی تکرار کی وجہ سے گرتا چلا گیا ہے۔ بے نظیر بھٹو ذوالفقار علی بھٹو کی بیٹی تھیں‘ اس کے سوا ان میں اور بھٹو صاحب میں کوئی قدر مشترک نہ تھی۔ میاں نواز شریف اگرچہ دائیں بازو کے سیاست دان ہیں مگر گہرائی میں تجزیہ کیا جائے تو وہ بے نظیربھٹو کے ’’جڑواں بھائی‘‘ نظر آتے ہیں۔ البتہ ان کی شخصی اہلیت بے نظیر بھٹو سے بھی کم ہے۔ بے نظیر بھٹو بہرحال سیاست دان ہونے کا تاثرہ دینے میں کامیاب تھیں لیکن میاں صاحب آج بھی تاجر زیادہ لگتے ہیں۔ سیاست دان کم محسوس ہوتے ہیں۔ آصف علی زرداری سیاسی تجربے کی تکرار کا تلخ ترین تجربہ ہیں۔ قومی سیاست میں ان کا درجہ میاں نوازشریف سے بھی کم ہے۔ میاں نواز شریف کم ازکم تاجر تو نظر آتے ہیں۔ مگر آصف علی زرداری کو تو تاجر بھی نہیں کہا جاسکتا۔ سوال یہ ہے کہ پاکستانی سیاست میں تکرار کا یہ عنصر کہاں سے آتا ہے؟ پاکستانی سیاست کا بنیادی مسئلہ مفاد پرستی ہے۔ فوجی آمر جس چیزکو ’’قومی مفاد‘‘ کہہ کر مارشل لا لگاتے رہے ہیں وہ اپنی اصل میں شخصی یا گروہی مفاد ہوتا ہے اور شخصی مفاد کا مسئلہ یہ ہے کہ وہ دائیں اور بائیں بازو سیکولر اور مذہبی اور فوجی وغیرفوجی کے فرق کو مٹا کر سب کو ایک ہی سانچے میں ڈھال دیتا ہے۔ قرۃ العین حیدر نے اپنے ناول آخر شب کے ہمسفر میں بنگال کی کمیونسٹ تحریک کے آغاز اور انجام کا بے مثال مطالعہ پیش کیا ہے۔ انہوں نے دکھایا ہے کہ کمیونسٹ تحریک کے کارکن کے جوش وجذبے کے ساتھ دن رات ایک کیے ہوئے ہیں۔ وہ شہروں میں ہی نہیں جنگلوں میں بھی کام کررہے ہیں انقلاب کی آرزو نے مرد و زن کی تفریق کو فنا کردیا ہے۔ لیکن یہ کمیونسٹ تحریک کا آغاز ہے۔ اس تحریک کا انجام یہ ہے کہ ماضی کے انقلابی عام سیاست دان بن کر رہ گئے ہیں اور انہیں انقلاب کے بجائے وہ سب چیزیں عزیز ہوگئی ہیں جن کے خلاف وہ کبھی انقلاب برپا کرنا چاہتے تھے۔ تاریخ کا مطالعہ بتاتا ہے کہ یہ صرف عقیدے اور نظریے کی حکومت ہے جو سیاست ہی کو نہیں پوری زندگی کو تکرار کی بے معنویت‘ بدصورتی اور تھکا دینے والی یکسانیت سے نجات دلاتی ہے۔ پاکستان کی سیاست جب تک مفاد پرستی کے چنگل سے آزاد نہیں ہوگی اور خود کو عقیدے اور نظریے کی قوت اور حسن وجمال سے وابستہ نہیں کرے گی اس میں ایسے لوگ پیدا ہوتے رہیں گے جو دائیں بائیں کیا تذکیر وتانیث کے فرق کے باوجود ایک جیسے ہوں گے۔

دفترخارجہ کے ترجمان نے تصدیق کردی ہے کہ صدرپاکستان آصف علی زرداری شکاگومیں منعقدہونے والے ناٹوکے سربراہی اجلاس میں شرکت کریں گے۔ 20 اور21 مئی کو امریکی شہرشکاگومیں ناٹوکا سربراہی اجلاس منعقدہورہاہے اس اجلاس میں شرکت کے لیے صدر پاکستان آصف علی زرداری کو آخری مرحلے میں دعوت دی گئی ہے۔ 2004ءمیں امریکا نے پاکستان کو ”نان ناٹو“ اتحادی قراردے کر اس ادارے کی ذیلی رکنیت دی تھی‘ شکاگوکانفرنس میں آصف علی زرداری کی شرکت کا فیصلہ آخری مرحلے پرہواہے دوروزقبل ناٹو کے سیکرٹری جنرل آندرے فوگ راسموسین نے فون کرکے صدرآصف علی زرداری کو شکاگوکانفرنس میں شرکت کی دعوت دی اورکابینہ نے فوری طورپر اس دعوت کی منظوری دے دی۔ صدرآصف علی زرداری کو شکاگوکانفرنس میں شرکت کی دعوت دینے سے قبل ناٹو کے سیکرٹری جنرل نے پریس کانفرنس کرتے ہوئے کہاتھا کہ جب ہم نے پاکستان کو شکاگوکانفرنس میں شرکت کی دعوت ہی نہیں دی ہے تو پاکستان کی شرکت یا عدم شرکت کا کیا سوال پیداہوتاہے‘ انہوں نے کہاتھا کہ شکاگوکانفرنس میں افغانستان کے مستقبل کے بارے میں فیصلے کیے جائیں گے اورپاکستان نے ناٹو کی افواج کے لیے زمینی راستے سے رسدبندکی ہوئی ہے تو اس حالت میں پاکستان کوکیوں دعوت دیں۔ حالانکہ شکاگوکانفرنس میں پاکستان کی شرکت امریکا اورناٹو ممالک کی مجبوری ہے۔ اس لیے کہ افغانستان کی جنگ کی کامیابی پاکستان سے مشروط ہے۔ 6 ماہ سے پاکستان نے ناٹو کی رسدبندکی ہوئی تھی‘ جس کی وجہ سے پاکستان اورامریکا میں کشیدگی تھی۔ پاکستان 6 ماہ سے امریکی دباوکا مقابلہ کررہاتھا۔ پاکستان کی عسکری اور سیاسی قیادت نے یہ مسئلہ پارلیمان کے اوپر چھوڑدیاتھا۔ خودامریکی قیادت بھی یہ کہہ رہی تھی کہ ہم پاکستان کی پارلیمان کی رائے کا احترام کریں گے۔12 اپریل کو پارلیمنٹ میں 17 رکنی قرارداد پیش کی گئی جس کے دونکات اہم تھے جن میں سلالہ حملے پر امریکی معافی اورڈرون حملوں کی بندش ۔ قراردادمیں یہ نکتہ بھی شامل تھا کہ خارجہ پالیسی کی نئی شرائط کے لیے مذاکرات کرتے ہوئے پاکستان کی آزادی اورخودمختاری کا لحاظ رکھاجائے گا۔ قراردادکی منظوری کے بعد امریکیوں کی جانب سے دھمکی کا سلسلہ بڑھ گیا۔ امریکی صدرکے خصوصی ایلچی مارک گراسمین اپریل کے آخرمیں پاکستان کے دورے پر تشریف لائے وہ بھی انتظارکررہے تھے کہ پاکستانی پارلیمنٹ کی خصوصی کمیٹی امریکا کے ساتھ تعلقات پرنظرثانی کے لیے اپنی مشق مکمل کرلے اور کوئی دستاویزتیارہوجائے۔ مارک گراسمین کے ساتھ محکمہ خارجہ اور محکمہ دفاع یعنی پینٹاگان کے ساتھ سی آئی اے کا وفد بھی تھا لیکن ان کے دورہ پاکستان کو ناکام قراردیاگیا کیونکہ وہ بھی ناٹوکی سپلائی کی بحالی کی منظوری لینے میں کامیاب نہیں ہوسکے تھے۔ وزیراعظم گیلانی کے دورہ برطانیہ تک بھی صورتحال یہ تھی ناٹوکے سیکرٹری جنرل کھلم کھلا پاکستان کو یہ دھمکی دے رہے تھے کہ اگرناٹوکی سپلائی نہیں کھولی گئی تو شکاگو سربراہ کانفرنس میں صدر آصف علی زرداری کو دعوت نہیں دی جائے گی۔ خود ناٹواورامریکی صدرکی پوزیشن یہ ہے کہ مئی میں اسامہ بن لادن کی موت کے اعلان کے ایک سال بعد بھی امریکی صدر بارک اوباما نے افغانستان کا دورہ اچانک‘ غیراعلانیہ اورخفیہ کیا ۔امریکی عوام سے خطاب کیا تاکہ یہ تاثر دے سکیں کہ وہ افغانستان کے محاذکے فاتح ہیں‘لیکن ان کے افغانستان سے نکلتے ہی طالبان نے کابل میں جو حملے کیے اس نے دنیا کی سب سے بڑی سپرپاورکی افغانستان میں ”فتح“کی حقیقت بتادی۔ امریکی عوام میں افغانستان کی جنگ کی حمایت صرف 23 فیصد رہ گئی ہے۔ اس کے اثرات امریکی کانگریس پربھی پڑ رہے ہیں‘ دوسری طرف شکاگوکانفرنس اورناٹو کا حال یہ ہے کہ فرانس میں صدارتی انتخابات میں سارکوزی کی شکست اور فرانسواہالینڈ کی فتح کے بعد ناٹو پریورپی ممالک کا افغانستان سے انخلاکا دباو بڑھ جائے گا۔ شکاگوکانفرنس کے خلاف امریکا اوریورپ کے بائیں بازوکے عناصرمظاہرے کا پروگرام بھی بنارہے ہیں اس صورتحال میں ہمارے حکمران محض چند دنوں میں پارلیمان کی قراردادکو نظرانداز کرکے امریکا کے آگے ڈھے گئے ہیں ۔ اس کا سبب صرف یہ ہے کہ صدرآصف علی زرداری امریکی صدر اوباما سے ملاقات کرنا ملک وقوم کی عزت وحمیت سے زیادہ سمجھتے تھے خود امریکی صدربارک اوباماکی نظرمیں صدرآصف علی زرداری کی حیثیت یہ ہے کہ شکاگو کانفرنس میں صدرآصف علی زرداری کی بارک اوباما سے باقاعدہ ملاقات کا کوئی نظام الاوقات موجود نہیں ہے۔ صدرآصف علی زرداری اوربارک اوباما کی ملاقات کے بارے میں واشنگٹن میں ایک صحافی نے وہائٹ ہاوس کی نیشنل سیکورٹی کے مشیر ٹام ڈونیلن سے خصوصی طورپر سوال کیاکہ شکاگوکانفرنس کے موقع پر اوباما اور زرداری کی ملاقات ہوگی تو جواب میں امریکی قومی سلامتی کے مشیرنے جواب دیاکہ شکاگو کانفرنس میں 61 سربراہان مملکت افغانستان کے مسئلے پرغورکے لیے جمع ہوں گے اس لیے دونوں کے درمیان باضابطہ باہمی ملاقات کا کوئی پروگرام نہیں ہے ۔ کتنی حیرت انگیزبات ہے کہ عالمی سیاست افغانستان سے منسلک ہوگئی ہے امریکی افغانستان کی شکست کی ذمہ داری پاکستان پرعائد کرتے ہیں۔ دونوں ممالک اس جنگ میں ایک دوسرے کو شراکت دارقراردیتے ہیں افغانستان کی امریکی جنگ میں پاکستان کا ”تعاون“ کلیدی اہمیت رکھتاہے‘ لیکن صدرپاکستان آصف علی زرداری کے لیے کانفرنس کے موقع پر امریکی صدر کے ساتھ باضابطہ ملاقات کا کوئی نظام الاوقات موجود نہیں جبکہ افغانستان کے صدر حامدکرزئی سے ملاقات کا پروگرام موجود ہے۔ شکاگوکانفرنس میں اگلے دس برس کے لیے افغانستان میں ناٹو کے مستقبل کا سوال زیربحث آئے گا۔ افغانستان کا مسئلہ صرف افغانستان سے منسلک نہیں ہے۔اب سوال یہ ہے کہ اس میں پاکستان کا کیا کردار ہے ۔؟ اس کا مطلب صرف یہ ہے کہ فیصلہ کرنے والے اداروں میں صدرآصف علی زرداری‘ وزیراعظم گیلانی اورپوری پارلیمنٹ شامل نہیں ہے۔ پاکستان کے معاملات کو کنٹرول کرنے کے لیے امریکا کے تیسرے درجے کے اہلکار ہی کافی ہیں۔ اس کی مثال وزیراعظم گیلانی کے دورہ لندن سے بھی ظاہرہے۔ دودن کا یہ دورہ برطانوی وزیراعظم سے صرف 2 گھنٹے کی ملاقات کے لیے کیاگیاتھا اور اس دورے کا نتیجہ یہ نکلا کہ 6 مہینے تک امریکی اوریورپی دباو کے آگے حکومت پاکستان ڈھیر ہوگئی۔ اس کے بعد کیا نئے سمجھوتے یا سودے ہوئے ہیں ان کے اوپر پردہ پڑا ہوا ہے۔ امریکیوں نے بھی پردہ ڈالاہواہے اورپاکستانی حکمرانوں نے بھی۔ سارے فیصلے ہوچکے ہیں‘ اس کے باوجود یہ سوال موجود ہے کہ امریکیوں کی اتنی خدمت کرنے کے باوجودبارک اوباما کے لیے آصف زرداری کے ساتھ دس منٹ کی باضابطہ ملاقات کابھی شیڈول کیوں موجود نہیں ہے۔ جبکہ سابق صدرجنرل پرویز مشرف اپنی پالیسی کا جواز بڑے فخرسے کہہ کر پیش کیاکرتے تھے کہ میں جس وقت چاہوں امریکی صدر بش سے بات کرسکتاہوں۔ امریکیوں کی جانب سے نظراندازکیے جانے کے باوجود صدرآصف علی زرداری کی شکاگوکانفرنس میں جانے کی بے چینی یہ ظاہرکرتی ہے کہ امریکیوں سے پس پردہ کوئی اورخفیہ سمجھوتہ بھی ممکن ہے۔ آصف علی زرداری کی موجودہ حکومت کنڈولیزارائس‘ رچرڈباوچر‘جان کیری‘ جوبائیڈن اورامریکی سفیراین ڈبلیوپیٹرسن نے قائم کروائی تھی۔ امریکیوں نے پاکستانی سیاست کے تمام فریقوں کو موجودہ حکومت کی پشت پرکھڑاکیا۔ موجودہ حکومت ان چاربرسوں میں سیاسی دھچکوں کا شکاررہی لیکن امریکی ضمانت کی وجہ سے حکومت کو 2013ءتک کوئی خطرہ نہیں ہے۔ کیا انہیں نئے سمجھوتے کرنے کے لیے شکاگوجانے کی بے چینی ہے۔

وال اسٹریٹ پر قبضہ کرو تحریک Occupy Wall Street Movement کے بارے میں یہ تاثر عام ہے کہ اس کا کوئی رہنما نہیں ہے اور نہ ہی اس کے کوئی منتظمین ہیں۔ یہ تو ایک عوامی تحریک ہے جو پسے ہوئے عوام کی صفوں سے اٹھی ہے اور ازخود عوام احتجاج کے لیے اٹھ کھڑے ہوئے ہیں۔ اپنے گزشتہ کالم میں ہی ہم دیکھ چکے ہیں کہ ایسا کچھ نہیں ہے۔ اس کے باقاعدہ منتظمین موجود ہیں جو کہ اس کے تمام ایونٹس کا انتظام و انصرام کرتے ہیں۔ اب انہی منتظمین نے اعلان کیا ہے کہ وہ 20 ‘21 مئی میں ناٹو کے ہونے والے اجلاس کا گھیراو¿ کریں گے۔ اس کے تحت جو پروگرام جاری ہوا ہے پہلے اس کو ملاحظہ کرتے ہیں۔ Occupy Wall Street کی باضابطہ ویب سائٹ پر کہا گیا ہے کہ یہ ایک ایسی تحریک ہے جو کسی رہنما کے بغیر جاری و ساری ہے اور اس کو چلانے والے بہار عرب کی تحریک سے متاثر ہوکر اسی جیسے انقلابات کو لانے کے متمنی ہیں۔ 20‘ 21 مئی کو شگاگو میں ناٹو کا اجلاس ہورہا ہے۔ وہ تمام افراد اور این جی اوز جو ناٹو کے ایجنڈے کے خلاف ہیں ان کو گرانٹ پارک، شگاگو میں ہونے والے عظیم عوامی مارچ میں شرکت کی دعوت دی جاتی ہے۔اس عظیم عوامی مارچ و اجتماع کو پیپلز سمٹ Peoples Summti کا نام دیا گیا ہے جس کا آغاز18 مئی کو ہوگا۔ یہاں تک تو بات پھر بھی مبہم سی ہے۔ اس سے آگے ملاحظہ کیجئے کہ شگاگو تک دوسرے شہروں و مقامات سے آنے والوں کے لیے فری بس سروس کا اہتمام کیا گیا ہے۔ اس بس سروس سے آنے والوں کو راستے میں مفت کھانا و ریفریشمنٹ فراہم کیا جائے گا جبکہ شگاگو میں قیام کے دوران بھی ان کو مفت طعام و قیام کی سہولتیں فراہم کی جائیں گی۔ اس کے لیے گرانٹ پارک میں خیمے و کیمپ لگانے کا ٹھیکہ دے دیا گیا ہے۔ ویب سائٹ کے مطابق یہ بسیں نیویارک سے 17 مئی کو روانہ ہوں گی جبکہ دیگر شہروں کے لیے وقت مسافت کے لحاظ سے بتایا جائے گا۔ فی الحال جن شہروںکے نام دیے گئے ہیں جہاں سے بسیں روانہ ہوں گی وہ یہ ہیں۔ نیویارک سٹی، واشنگٹن، بوسٹن، پراویڈنس، برلنگٹن، سالیم، فلاڈلفیا، اٹلانٹا، آک لینڈ، لاس اینجلس، سان فرانسسکو اور پورٹ لینڈ۔ جبکہ دیگر شہروں سے بھی گروپ لانے پر کام ہورہا ہے۔ ذرا یہ انتظام و انصرام دیکھیے۔ کیا یہ کام خود عوام کرسکتی ہے۔ نہیں جناب اس کے لیے ایک بڑی منتظم قوت درکار ہے۔ پاکستان میں جماعت اسلامی، جمعیت علماءاسلام اور متحدہ قومی مومنٹ کے علاوہ کس میں دم خم ہے کہ وہ اس جیسا انتظام و انصرام بہ خوبی کرسکے۔ یہ کام تو کوئی حکومت بھی نہیں کرسکتی۔ اب ان کے اخراجات کا اندازہ لگائیے اور سر دھنیے یہ تو تھیں منطقی باتیں۔ اب مزید انکشافات دیکھئے Occupy Wall Street کا URL address جو دیا گیا ہے وہ یہ ہے http://15october.net۔ جب اس کی تحقیق کی گئی تو پتہ چلا کہ یہ address تو Lucis Trust کے نام پر رجسٹرڈ ہے جس کا اصل نام تو لوسیفر ٹرسٹ ہے۔ یہ الومیناتی تنظیم کی ایک آرگنائزیشن ہے۔ یہ کسی مس Paulina Arcos کے نام پر رجسٹرڈ ہے اوراس ویب سائٹ کا کاروباری پتا جو دیا گیا ہے وہ یہ ہے۔ 866 United Nations Plaza، Suite 516، New York, New York 10017۔بعد میں جب یہ شور و غوغااٹھا تو اس Domain کا پتا تبدیل کردیا گیااور اب یہ DomainsByProxy.com کے تحت رجسٹرڈ تھا اور اس کا پتہScottsdale ، اریزونا کا ہے۔ پہلا پتا اقوام متحدہ کی بلڈنگ میں واقع لوسی ٹرسٹ کا تھا جس کے گورباچوف بھی رکن ہیں۔ عالمی سازش کاروں کے لیے روس میں ان کی خدمات سے کون واقف نہیں۔ بعد میں یہ اریزونا میں تبدیل کردیا گیا۔ اس کو رجسٹر کروانے والی پاو¿لینا کراس اقوام متحدہ میں ایکواڈور کے مندوب ایڈمز کی اہلیہ ہیں۔ اس سراغ کے سارے ڈانڈے وال اسٹریٹ پر جاکر ہی ملتے ہیں جہاں پر دنیا کے طاقتور ترین افراد اور پاور بروکر جیسا کہ سوروس ہیں براجمان ہیں۔ آخر اس تحریک کا منشاءکیا ہے۔ اس تحریک کو چلانے والے کہتے ہیں کہ دنیا بھر پر صرف ایک فیصد لوگ حکومت کررہے ہیں جبکہ 99 فیصد غربت کی چکی میں پس رہے ہیں۔ اصولی طور پر تو یہ بالکل ٹھیک بات ہے۔ ان 99فیصد کے مرض کے علاج کے لیے جو دوا تجویز ہورہی ہے وہ ہولناک ہے۔ یہ لوگ ایک نیا ٹیکس لگانے کی بات کرتے ہیں جس کو رابن ہڈ ٹیکس کا نام دیتے ہیں۔ رابن ہڈ ایک علامت ہے کہ ہم امیروں سے لوٹ کر غریبوں کی امداد کریں گے۔ مگر یہ مجوزہ رابن ہڈ ٹیکس ہے کیا۔ اس کے تحت اقوام متحدہ پوری دنیا میں ایک ٹیکس وصول کرے جو تمام بین الاقوامی ٹرانزیکشن پر وصول کیا جائے۔ یہ ٹیکس شروع میں انتہائی کم ترین شرح پر ہوگا مگر تب بھی اس سے اربوں ڈالر کی آمدنی ہوگی۔ مگر یہاں پر آمدنی کا ذکر نہیں ہے۔ ایک مقتدر ریاست کا کیا وظیفہ ہوتا ہے۔ وہ ٹیکس وصول کرتی ہی، کرنسی جاری کرتی ہے اور دفاع کے لیے فوج رکھتی ہے۔ باقی کام تو صوبائی حکومتیں اور مقامی حکومتیں کرتی ہیں۔ لیجئے اقوام متحدہ نے ٹیکس وصول کرنا شروع کردیا، ناٹو کی صورت میں پہلے سے ہی عالمی فوج موجود ہے اس میں مزید توسیع کردی جائے گی اور رہی کرنسی۔ آپ شاید آئی ایم ایف کو بھول گئے۔ اس کی کرنسی کو عالمی زر مبادلہ کا درجہ دینے پر پہلے سے ہی کام جاری ہے۔ تو جناب اس وال اسٹریٹ قبضہ کرو تحریک کے ذریعے آپ کتنی آسانی سے ایک عالمگیر حکومت میں داخل ہوگئے۔ یہی ان سازش کاروں کا منتہا و مقصود ہے۔ شیطان کے ان پجاریوں سے اور ان کی سازشوں سے خبردار رہیے اور آس پاس والوںکو بھی کیجیے۔ یہ آپ پر فرض ہے۔ ہشیار باش۔

پاکستان کی عدالت عالیہ نے ملزم کو کٹہرے میں کھڑا ہونے کی ہدایت کی اورچند فقروں میں اسے مجرم قراردیتے ہوئے سزاسنادی۔ یہ مجرم اپنے جرم کی سزا سننے کے بعد ہتھکڑی لگواکرجیل جانے کی بجائے اسی کٹہرے میں اپنی سزابھگت کر رہا بھی ہوگیا۔ لیکن اس رہائی کی باوجود اس کی پیشانی پر ملک کی اعلیٰ ترین عدالت کی دی گئی سزاکے بعد ”سزایافتہ مجرم“کا داغ لگ گیا۔ عدالت نے اپنے مختصرفیصلے میں علامتی سزاکے داغ کے ساتھ ساتھ عملی سزاکی جانب اشارہ بھی دے دیا۔ یعنی ”سزایافتہ“ مجرم ہونے کے باعث عوامی نمائندگی کے لیے درکارقانونی معیارپرپورانہ اترنے کی وجہ سے پانچ سال تک عوامی نمائندگی کے لیے نااہل۔ گویا اس فیصلے کے تحت سید یوسف رضا گیلانی نامی سزایافتہ مجرم نہ انتخاب میں حصہ لے سکتاہے‘نہ عوامی ووٹوں سے منتخب ہونے کے باوجود اسمبلی کا ممبر رہ سکتاہے اورنہ وزیراعظم بن سکتاہے۔ اگر وہ اسمبلی کاممبر اور وزیراعظم تھا بھی تو اب سزایافتہ مجرم ہونے کے باعث نہ صرف اس کی اسمبلی کی رکنیت بلکہ اس رکنیت کے بل پر حاصل کردہ وزارت عظمیٰ کا استحقاق بھی ختم ہوگیا۔ اعلیٰ عدالت کے فیصلے کے بعد سیدیوسف رضا گیلانی کو مجرموں کے کٹہرے سے نکل کر سینہ تان کر وزیراعظم کے دفترکی بجائے مجرموں کی طرح سرجھکاکر اپنی آبائی گدی کا رخ کرنا چاہیے تھا۔ لیکن سیدیوسف رضا گیلانی کوئی عام مجرم نہیں۔ یہ پاکستان کے واحد متفقہ طورپر منتخب وزیراعظم ہیں۔ ان کا انتخاب بھی عدالت عالیہ کی بجائے جمہور کامرہون منت ہے۔ یہ اور بات ہے کہ یہ منتخب نمائندگان اور ان پرمشتمل قومی اسمبلی اپنے وجودکے لیے اسی آئین کی محتاج ہے جس آئین نے ہی اپنی تعبیروتفسیرکا حق بھی عدالتوں کو دیاہے اور اس آئین کی خلاف ورزی پرسزاکا اختیاربھی عدالتوں کے ہی پاس ہے۔ لیکن پاکستان کی تمام ترتاریخ اس امرکی گواہ ہے کہ پاکستانی عدالتوں نے آئین کی تعبیروتفسیرکو نہ اپنا حق اور نہ ہی اس پرعمل درآمد کی ذمہ داری کو ایسا فرض سمجھاہے جس فرض کی ادائیگی کے بغیر ان کاجوازہی باقی نہیں رہتا۔ قیام پاکستان کے بعد اعلیٰ عدالتوں نے پہلے ہی امتحان میں اپنے حق کوگورنر جنرل غلام محمدکی انتظامی قوت کے سپردکرتے ہوئے اس حق سے دستبرداری کا جو راستہ اختیارکیا تھا اس کے غبارمیں عدلیہ کا ادارہ تو باقی رہ گیاہے لیکن اس ادارے سے وابستہ انصاف کا تصورگم ہوگیا۔ آئینی حوالوں سے تمام ترفیصلے عدالتوں کی بجائے حکومتی ایوانوں میں ہونے لگے۔ وہ عدالتیں جو صرف اورصرف انصاف پر مبنی فیصلوں کی بنیاد پرتمام تر معاشرے کی قوت کو اپنے قلم کی نوک میں سمیٹے ہوتی ہیں وہی عدالتیں انصاف کی بجائے کبھی ذاتی مفادتو کبھی ذاتی مجبوریوں اورکبھی ملکی مفادتو کبھی وقتی مجبوریوں کے بوجھ تلے اجتماعی معاملات میں اس حدتک لاتعلق ہوگئیں کہ ان کے وجودوعدم کا فرق ہی غائب ہوگیا۔ لیکن قانون فطرت جس تغیروتبدل کے اصول پر قائم ہے اسی اصولوں کے تحت ہی ایک فرد واحد‘ چیف جسٹس افتخاراحمد چوہدری نے اپنے حق کو حاصل کرنے کے لیے اپنے وقت کی انتظامی قوت کو عین اس وقت للکاراجب اس قوت کے آگے قوت کے تمام مراکزسربسجودہوچکے تھے۔ فرد واحد کے حرف انکارنے ملک وقوم کی اس اخلاقی قوت کو ان کی پشت پرکھڑاکردیاجس قوت کا ماضی میں عدلیہ کو اداک ہی نہیں تھا۔ اسی قوت کے بل پر ایک فرد نے نہ صرف عدلیہ کو آزادی وخودمختاری کی راہ پر ڈالابلکہ ملک وقوم کو پرویزمشرف جیسی لعنت سے نجات بھی دلائی۔ اس عوامی قوت کی اثرانگیزی کا نتیجہ تویہی ہونا چاہیے تھاکہ اسی قوت کی پشت پناہی کے بل پر عدلیہ ان تمام قوتوں کے مقابل آہنی دیواربن کرکھڑی ہوجاتی جن کے خوف نے اسے ماضی میں عضوِ معطل بنایا ہواتھا۔ لیکن اپنی پشت پر تمام ترعوامی قوت کے باوجود انجانے خدشات وخطرات نے عدلیہ کو بھی دوٹوک فیصلوں سے روکے رکھاتو کبھی فیصلے دیے جانے کے باوجود ان پرعمل درآمد سے بے نیاز رکھا۔ آزادوخودمختارعدلیہ کا یہی رویہ سید یوسف رضا گیلانی کے فخریہ اقرارجرم کے باوجود انہیں دی جانے والی سزامیں بھی نظر آرہا ہے۔ طویل جدوجہد اورقربانیوں کے باعث عوامی قوت کی حامل عدالت نے ملکی تاریخ میں پہلی مرتبہ آئین کی تعبیروتشریح کا حق استعمال کرکے اپنے ہونے کا ثبوت تو بے شک دے دیاہے۔ لیکن اس مرتبہ بھی عدالت نے اقراری جرم کو عملی سزادینے کی بجائے ”علامتی“ سزاسناکر اس کی تعبیروتشریح کا فریضہ اسی انتظامیہ کے حوالے کردیاہے جس کے منتظم اعلیٰ کو مجرموں کے کٹہرے میں کھڑاکرکے سزایافتہ قرار دیا گیا ہے۔ سچ ہے کہ عدالتی فیصلوں پرعمل درآمد کی قوت انتظامیہ کے پاس ہوتی ہے۔ لیکن انتظامیہ کی قوت آسمان سے نہیں اسی زمین سے نموپاتی ہے۔ انتظامیہ اسی معاشرے اور انہی لوگوں کی اجتماعی قوت کامرکز ہوتی ہے جن کی خدمت کا دعویٰ کرکے وہ حق حکمرانی حاصل کرتے ہیں۔ حکومتی قوت اپنی مرکزیت کے باوجود عوام پرجائزوناجائز حکمرانی کا تسلسل عوامی برداشت کی حدتک جاری رکھ سکتی ہے۔ اس حقیقت کا موجودہ عدلیہ سے زیادہ شاہدکون ہوگا کہ اس ملک کی اصل قوت عوام ہیں۔ وہی عوامی قوت جس نے پولیس ‘ نوکرشاہی اورفوج کی مجموعی قوت کے مرکز پرویزمشرف کو ملک سے فرارہونے پرمجبورکردیا۔ مشرف جیسے ڈراونے اورگھناونے کردارکے مقابلے میں یوسف رضاگیلانی یا آصف علی زرداری جیسے اداکار کیاحیثیت رکھتے ہیں۔ اک حرف انکارکی بدولت پاکستانی عوام نے ملک کے ایک سے دوسرے سرے تک چیف جسٹس افتخارچوہدری کی راہ میں محبتوں اور عقیدتوں کے پھول بچھاکر اس حقیقت کا حتمی اعلان کردیا تھا کہ ان کی اجتماعی قوت کا اصل امین کون ہے۔ لیکن بدقسمتی سے عدالت عالیہ نے اب تک کیے گئے تمام فیصلوں میں پاکستانی عوام کو انصاف کی امانت لوٹانے کی بجائے اپنے فیصلوں کا مدارس نظام کو بچانے پر رکھاہواہے جس گلے سڑے نظام کے تعفن نے وطن عزیزکی فضا کو روزاول سے آلودہ کیا ہوا ہے۔ وہ نظام جس کی بنیاد اخلاقیات کی بجائے قوت پررکھی ہوئی ہے۔ وہ قوت جس نے گلی کوچے کی ابتدا سے لے کر اسلام آباد کی انتہا تک کو اپنی گرفت میں لیاہواہے۔ وہ قوت جو بھیڑیے کو اپنا پیٹ بھرنے کے لیے بکری کی چیرپھاڑکا حق عطاکرتی ہے۔ وہ حیوانی اختیارجس کا سب سے پہلا شکار انسانی اقدارہیں۔ وہ اقدارجن کو قدموں تلے روندے بغیر قوت کی حکمرانی قائم ہی نہیں ہوسکتی۔ پاکستان میں اسی قوت کی حکمرانی ہے۔ اس حیوانی قوت سے نجات حاصل کرنے کے لیے عدلیہ سے جو امیدیں وابستہ کی گئی تھیں وہ اب مایوسی میں ڈھلتی جارہی ہیں۔ایک کے بعد ایک مایوسی کے بعد پاکستانی قوم کو جان جانا چاہیے کہ وطن عزیز پرمسلط شیطانی قوت سے نجات کا واحد راستہ وہی ہے جس پر چلنے کے عہد پر انہیں یہ خطہ زمین عطاکیاگیاتھا۔

غیر جماعتی انتخابات کو ابھی دو ماہ ہی ہوئے تھے کہ ایک حادثے کے نتیجے میں کراچی بھڑک اٹھا۔ 15اپریل 1985کا سورج طلوع ہوا تو کراچی کی زندگی معمول کے مطابق تھی۔ لیکن شام ہوتے ہوتے کراچی کو ایک ایسی آگ نے لپیٹ میں لے لیا جو 27برس گزرنے کے باوجود بجھنے کا نام نہیں لے رہی۔ سرسید گرلز کالج کی طالبہ بشریٰ زیدی اپنی بہن نجمیٰ زیدی اور دیگر لڑکیوں کے ساتھ سڑک کراس کررہی تھیں کہ ایک تیز رفتار کوچ کی زد میں آگئیں۔ کہا جاتا ہے کہ ایک ہی روٹ کی دو بسیں ایک دوسرے سے آگے نکلنے لیے کوشاں تھیں ۔ اس دوڑ میں ڈرائیور سڑک کراس کرتی لڑکیوں کو بس کی زد میں آنے سے نہ بچا سکا۔ بشری زیدی اسپتال لے جاتے ہوئے راستے میں دم توڑ گئی۔ اس کی بہن نجمی زیدی اور دیگر چار لڑکیوں کو عباسی شہید اسپتال لے جایا گیا اور ان کی جان بچالی گئی۔ حادثے کا شکار ہونے والی بس کو موقع پر آگ لگا دی گئی جب کہ ڈرائیور فرار ہونے میں کامیاب ہوگیا۔یہ کراچی کی تاریخ کا پہلا حادثة نہیں تھا ۔ لیکن اس سے پہلے کسی حادثے پر ایسا رد عمل نہیں ہوا تھا۔ سرسید گرلز کالج ایک انتہائی مصروف چوراہے پر واقع ہے۔ اس علاقے کے مکینوں کا ایک عرصے سے مطالبہ تھا کہ کالج کی طالبات کے لیے ایک اوور ہیڈ برج بنایا جائے تاکہ پیدل چلنے والے بھی سہولت سے سڑک کراس کرسکیں اور ٹریفک بھی روانی سے چلتا رہے لیکن یہ مطالبہ نوکر شاہی کے روایتی سرخ فیتے کی نذر ہورہا تھا۔ حادثے کے فورا بعد کالج کی طالبات نے جو مظاہرہ کرنا شروع کیا وہ صوبائی حکومت کی اسی نااہلی کے خلاف تھا لیکن جلد ہی اے پی ایم ایس او کے طلبہ نے معاملہ اپنے ہاتھ میں لے لیا اور پٹھانوں کے خلاف اشتعال انگیز تقریریں شروع کردیں۔ آناً فاناً گاڑیاں نذر آتش کی جانے لگیں۔ پولیس نے پہلے آنسو گیس برسائی پھر فائرنگ شروع ہوگئی۔ اس ہنگامہ آرائی میں 10افراد ہلاک ہوگئے۔ فسادات ناظم آباد سے اورنگی اور لیاقت آباد تک پھیل گئے۔ مختلف علاقوںمیں پٹھانوں کے گھر، ہوٹل اور لکڑی کی ٹالیںنذرآتش کی جانے لگیں۔ ناظم آباد کے ایک پریس پر پٹھانوں کے خلاف اشتعال انگیز ہینڈبل چھپوایا گیا اور شام تک اہل کراچی تک پہنچا دیا گیا۔ پٹھانوں نے جواباً اورنگی ٹاون میں بہاریوں پر حملے شروع کردیے۔ ان کی دکانوں کو آگ لگائی گئی۔ مکانات پر حملے کیے گئے۔ یہ فساد دو دن تک پوری شدت سے چلتا رہا۔ آرمی کی مداخلت سے قبل ہی سرکاری اطلاعات کے مطابق 50کے قریب افراد ہلاک اور 300زخمی ہوگئے۔ جبکہ غیر سرکاری اعداد و شمار ان سے کہیں زیادہ تھے ۔ مذکورہ بس کا ڈرائیور گرفتار کرلیا گیا۔ پہلے کہا گیا کہ اس کا تعلق آزاد کشمیر سے ہے بعد میںا سے پنجابی قرار دیاگیا۔ ایک بات بہرحال طے ہوگئی کہ یہ ڈرائیور پٹھان نہیں تھا۔ گرفتار فرد پر دس سال تک مقدمہ چلتا رہا۔ لیکن اسے سزائے موت نہیں ہوسکی۔ آج 27برس گذرنے کے بعد بھی اس سوال کا جواب کسی کے پاس نہیں ہے کہ آخر15اپریل 1985ءکو ایک ٹریفک حادثیپر اتنا بڑا رد عمل کیسے ہوگیا۔ حادثہ میں ملوث بس کا نذر آتش کرنا تو سمجھ میں آتا ہے لیکن اس سے زیادہ جو کچھ ہوا اسے کسی طور پر فطری رد عمل نہین کہا جاسکتا۔ سوال یہ ہے کہ طالبات پر آنسو گیس برسانے اور طلبہ پرپولیس کی فائرنگ کا کیا جواز تھا۔ سوال یہ بھی ہے کہ ایم کیو ایم کا رد عمل پولیس کے بجائے جس نے 10افراد مارے تھے ، بس ڈرائیور کے خلاف کیوں تھا جس کی بس کی زد میں آکر ایک لڑکی ہلاک ہوگئی تھی۔ سوال یہ بھی ہے کہ جب ڈرائیور بھاگ گیا تھا تو یہ کیسے طے کرلیا گیا کہ وہ لازماً پٹھان ہی ہوگا۔ اگر وہ پٹھان تھا تب بھی دیگر پٹھانوں کا جن کی بسیں جلائی گئیں‘ گھروں پر حملے کیے گئے‘ ہوٹل جلا دیئے گئے آخر کیا قصور تھا۔ سوال یہ بھی ہے کہ اگلے برسوں میں ایم کیو ایم خود اقتدار میں آگئی ۔ اس نے کراچی کی سڑکوں پر دندناتی ”قاتل بسوں“ کو قابو میںلانے کے لیے کیا کیا۔ مقصد بشریٰ زیدی سے اظہار ہمدردی تھا تو کوئی مجھے بتائے کہ آج بشریٰ زیدی کا خاندان کہاں ہے۔ ہاں اگر مقصد نفرت کی سیاست کو فروغ دینا تھا تو بے شک وہ مقصد حاصل ہوگیا۔ 31اکتوبر1986ءکو حیدرآباد میں ایم کیو ایم کا جلسہ ہونا تھا۔ صبح سے کراچی سے قافلوں کی حیدرآباد آمد جاری تھی۔ اس دن کراچی میں ،بلوچ کالونی کے قریب ریلوے کراسنگ پر ایک بس حادثے کا شکار ہوئی جس میں ایک درجن افراد ہلاک ہوگئے۔ اس حادثے کے بعد ایم کیو ایم کے کارکنوں نے بسوں اور پٹھانوں کی املاک کو آگ لگانا شروع کردیا۔ حیدرآباد کے جلسے میں شرکت کے لیے ایم کیو ایم کا کارکن چونکہ پہلے ہی سے سڑکوں پر تھا لہذا رد عمل کی رفتار توقع سے تیز تر تھی۔ سہہ پہر کے لگ بھگ جب ایم کیو ایم کے پرچموں سے سجی بسیں پٹھانوں کے علاقے سہراب گوٹھ سے گزرنے لگیں تو ان پر اندھا دھند فائرنگ کی گئی 6افراد موقع پر ہلاک ہوگئے۔ یہ بسیں زخمیوں کو لے کر حیدرآباد پہنچیں تو آگ لگ گئی ۔ ان بسوں میں سوار مسلح افراد نے پٹھان کالونی اور سول اسپتال کیقرب و جوار میں پٹھانوں پر فائرنگاور ہوٹلوں اور دکانوں کو آگ لگانے کا سلسلہ شروع کردیا۔ رات11بجے کرفیو نافذ کردیا گیا۔ الطاف حسین اور ان کے رفقاءواپسی کے سفر کے دوران حراست میں لے لیے گئے۔ اس حادثے پر بھی کئی سوالیہ نشان ہیںجن کا جواب آج تک نہیںمل سکا۔ پہلا سوال تو یہ ہے کہ ریلوے پھاٹک والے کی غلطی سے ہونے والے بس حادثے کے ردعمل میں پٹھانوں، ان کی بسوں اور املا ک کو کیوں نقصان پہنچا یا گیا۔ دوسرا سوال یہ ہے کہ ایم کیو ایم کے کارکنوں کو ایک اعلان شدہ جلسے میں حیدرآباد جانے کے لیے سہراب گوٹھ سے گزرنا تھا جہاں پٹھانوں کی بڑی آبادی ہے جو روایتی طور پر مسلح بھی ہے اور جس کا صبح سے ہونے والی کاروائیوں پر مشتعل ہونا بھی یقینی بات تھیتوآخر شہری انتظامیہ نے ایم کیو ایم کے قافلوں کے وہاں سے بحفاظت گزرنے کا کیا انتظام کیا تھا۔ تیسری بات یہ کہ جب وہاں تصادم ہوگیا اور ایم کیو ایم کے کارکنوں کی ہلاکتیں ہوگئیں تو ان بسوں میں سوار ایم کیو ایم کیمسلح افراد کو حیدرآباد پہنچنے سے قبل غیر مسلح کیوںنہیںکیا گیا اور یہاں موجود پٹھانوں کوالطاف حسین کے جلسے کیہزاروں شرکاءکے اشتعال اور رد عمل سے بچانے کے لیے ،کوئی انتظام کیوںنہیںکیا گیا۔31اکتوبر کے ان واقعات کے رد عمل نے نومبر میںبھی کراچی اور حیدرآباد کو اپنی لپیٹ میں لیے رکھا۔(جاری ہی)

افغانستان میں قابض ناٹو اور امریکی فوجوںکو پاکستان کے راستے اسلحہ اور سامان خورو نوش کی سپلائی موجودہ حکومت کے لیے پرویز مشرف کا ترکہ ہے۔پرویز مشرف کی فوجی حکمرانی کے دنوں میں پاکستان عالمی ذمہ داریوں کا بوجھ اُٹھا کر ایک بھنور میں پھنسنے پر مجبور ہوا ۔پرویز مشرف اقتدار سے اچانک رخصت ہوگئے تو الجھے ہوئے معاملات اورمسائل کی یہ ٹوکری سویلین حکومت کے سر پر رکھ دی گئی۔پرویز مشرف امریکا کے احسانات کے بوجھ تلے اس طرح دبے ہوئے نہیں تھے جس صورت حال کا سامنا سویلین حکومت کو کر کرنا پڑا۔این آر اوایک ایسا احسان اور اندھا اختیار تھا جس کا امریکیوں نے بے رحمی سے استعمال کرکے موجودہ سویلین حکومت کو دیوار سے لگائے رکھا۔اس حکومت نے پرویز مشرف کی پالیسی میں تبدیلی کی سنجیدہ کوشش ہی نہیں اگر کبھی ایسی کوشش ہوئی بھی تو اس کے پیچھے عوام ،سیاسی جماعتوں اور فوج کا دباو تھا۔پرویز مشرف حکومت اور امریکا کے درمیان کیا ڈیل تھی ؟ان کے فوجی اور سیاسی ساتھی اس سے قطعی بے خبر تھے۔حیرت یہ ہے کہ پرویز مشرف کی صدارت میں ہونے والے کور کمانڈرز اجلاسوں میں اگر یہ بنیادی معاملات زیربحث نہیں آتے تھے تو پھر کیا موسم اور کھانوں پر بات ہوا کرتی تھی ؟قاف لیگ کے لوگ اتحادی تھے یا مزارع کہ جن کو کبھی علم ہی نہیں ہوسکا کہ ان کا ”باس“ ایک بڑی طاقت سے کیا عہد وپیماں کر رہا ہی؟۔یا تو پرویز مشرف کے فوجی اور سیاسی ساتھی واقعی اندر خانے پکنے والی کھچڑی سے بے خبر تھے یا پھر مشرف کے جانے کے بعد وہ خود کو بے خبر ثابت کرنے کی اداکاری کر رہے ہیں۔ ہر دو صورتوں میں مشرف دور میں پاکستان ”قومِ فروختند و چہ ارزاں فروختند“ کی تصویر بن کر رہ گیا۔امریکا نے افغانستان پر قبضہ کیا تو وہ اس ملک کے نفع و نقصان میں شراکت دار بن بیٹھا ۔اس نے کابل انتظامیہ اور قابض افواج کے علاقوں میں تعمیر و ترقی اور سیکورٹی کا ذمہ اپنے سر لے لیا۔جبکہ پاکستان کے ساتھ اس کا تعلق مخمصوں کی چادر میں لپٹ کر رہ گیا۔امریکا پاکستان میں قابض بھی تھا لیکن وہ اعلانیہ اپنی حیثیت سے انکاری بھی تھا۔وہ بیک وقت پاکستان کا مرض بھی تھا علاج بھی۔ایک طرف اس کی فورسز ،کمانڈوز،تکنیکی ماہرین ،سفارت کاروں اور کنٹریکٹرز کے روپ میں ،شمسی ائر بیس اور ناٹو سپلائی کی صورت میں اس ملک کے وسائل ،اس کی ہواوں ،فضاوں اور شاہراوں سے مستفید بھی ہو رہی تھیں دوسری طرف امریکا پاکستان کاگری ہوئی معیشت کو سنبھالا دینے سے صاف انکاری ہوگیا۔اس طرح امریکا اور اس کی جنگ کے بارے میں پاکستان کا مخمصہ بڑھتا چلا گیا۔پاکستان میں پہلے سے موجودیہ سوچ تقویت پکڑنے لگی کہ امریکا ،پاکستان کے علاج نہیںعارضہ ہے اور اس کی جنگ کوئلوں کی دلالی کے سوا کچھ نہیں۔چار پانچ برس پہلے پرائیویٹ ٹی وی چینلز پر بیٹھے اینکرز اور دانشور انگریزی لہجے میں اس سوچ کا مذاق اُڑایا کرتے تھے کہ یہ پاکستان کی نہیں امریکا کی جنگ ہے۔اب جبکہ ہر دوسرا آدمی یہ تسلیم کر ہاہے کہ پاکستان نے پرائی آگ میں اپنے ہاتھ اور منہ جھلسا دیا ہے تو ان میں اکثر خود ہی مذاق بن کر منظر سے غائب ہو چکے ہیں۔مفت میں فروخت ہوجانے کی اس سے بڑی مثال اور کیا ہوگی کہ دس برس سے افغانستا ن میں امریکا اور ناٹو فوجوں کی ستر فیصد رسد کا انحصا ر پاکستان پر تھا لیکن وزیر خارجہ حنا ربانی کھر کا کہنا ہے ان گزرگاہوں کی مد میں ایک روپیہ تک وصول نہیں کیاگیا۔امریکیوں نے پرویز مشرف کو محض خیمے میں اونٹ کا سر داخل کرنے کی اجازت کے لیے استعمال کیا۔مشرف نے بھی اسی حدتک ڈرون حملوں سے ناٹو رسد تک محض اونٹ کو خیمے میں سر داخل کرنے کی اجازت دی لیکن اونٹ نے بعد میں خیمہ ہی سر پر اُٹھا لیا اور سویلین حکومت چونکہ ماضی کے عہدو پیماں سے بے خبر بھی تھی اور این آر او کے باعث دفاعی پوزیشن میں بھی اس لیے وہ خیمے کو سر پر اُٹھانے سے روک نہ سکی۔چھ ہزار میل لمبا سپلائی روٹ جہاں ناٹو اور امریکی قبضے کے لیے رگِ جاں کی شکل اختیار کر گیا وہیں اس طویل سفر نے ایک بڑے کاروبار ی صنعت کی شکل بھی اختیار کر لی۔اس سے ایک عام آدمی کے ساتھ طاقتور لوگوں کاکاروبار وابستہ ہو گیا۔ کراچی شپ یارڈ جہاں بحری جہازوں سے سامان اتارا جاتاتھا ،کنٹینر کا مالک،ڈرائیور،ٹرک ہوٹل کا مالک،پٹرول پمپ کا مالک،اسمگلر اور مال لوٹنے والا طبقہ اور اسے مارکیٹ تک پہنچانے والا ہاتھ یہ تو اس صنعت سے وابستہ ظاہر ی اور کمزرو کردار ہیں۔اصل دنیا پردے کے پیچھے ہے اس میں کون کون شامل ہے کسی کو معلوم نہیں۔ سپریم کورٹ میں زیر سماعت کنٹینر کیس اس پوشیدہ دنیا کی ایک معمولی سی جھلک دکھانے کے لیے کافی ہے۔ناٹو سپلائی لائن کی بندش سے میڈیا صرف دو ہی کرداروں کو متاثر دکھاتا ہے وہ ہیں امریکی اور ناٹو فوجی اور ٹرک ڈرائیور۔یہ حالات کی مکمل تصویر نہیں ۔حالات کی تصویر اس صنعت سے وابستہ پس پردہ اور طاقتور کرداروںکے بغیر مکمل ہی نہیں ہوتی۔سلالہ چیک پوسٹ پر امریکی حملہ غلطی نہیں تھا البتہ اس کے نتیجے میں ناٹو سپلائی کی بندش کا فیصلہ جال پر غلطی سے پڑنے والا پاوں تھا۔ہر گرزتے لمحے یہ پاوں اس جال میں پھنستا اور الجھتا ہی چلا گیا۔پاکستان کی جانب سے فوجی حکام ،سویلین حکومت،پارلیمنٹ ،دفاعی کمیٹی تھی تو امریکا کی جانب سے ہر روز ایک نئی دھمکی ،نئی پھلجڑی ،نیا شگوفہ۔یوں چھ ماہ چشم زدن میں گزر گئے۔امریکا خطے میں جن سرگرمیوں میں ملوث تھا اس کا نتیجہ اسے بخوبی معلو م تھا یعنی پاکستان کے ساتھ ہر گزرتے دن کے ساتھ بڑھتی ہوئی کشیدگی ۔اسی ندیشے کے تحت امریکا نے افغانستان کے لیے رسد کا پاکستان پر انحصار کم کرنے کی کوششیں پہلے ہی شروع کر رکھی تھیں۔انہی کوششوں کا نتیجہ یہ ہے کہ اب امریکا کا پاکستان پر انحصار ستر فیصد سے گھٹ کر تیس فیصد رہ گیاہے۔لیکن یہ امریکا کے لیے ایک ایسا جبر تھا جس سے کسی طو ر مفر نہ تھا۔امریکیوں کے بس میں ہوتا تو وہ یہ تیس فیصد انحصار بھی ختم کرکے صدام حسین اور احمد ی نژاد کی طرح پاکستان کو اپنے کھلے نشانے پر رکھ لیتے ۔وہ پاکستان کے راستوں کا کلی متبادل کبھی تلاش نہ کر سکے اس لیے انہوں نے پاکستان ہی سے کام چلانے کا جبر قبول کیے رکھا۔ناٹو سپلائی کی بحالی نوشتہ دیوار تھی لیکن اصل سوال تھا قیمت کیا لگے لگی؟اب اطلاعات یہ ہیں قیمت لگ تو گئی مگر حسب روایت کم ہی لگی۔ایک امریکی اخبار کے مطابق امریکا اور ناٹو پاکستان کو فی ٹرک اٹھارہ سو ڈالر معاوضہ ادا کریںاور یوں مجموعی رقم دس لاکھ ڈالر روزانہ اور365 ملین ڈالر سالانہ بنتی ہے۔اس کے عوض امریکا پاکستان سے ناٹو کنٹینروں کی مکمل حفاظت چاہتا ہے۔چونکہ افغانستان میں سب سے زیادہ فوج ایک لاکھ تیس ہزار امریکا کی ہے اس لیے ان اخراجات کا بڑا حصہ امریکا کو ہی ادا کرنا پڑے گا۔اس سپلائی لائن کی بحالی کے امریکا اور ناٹو کے فوجی ہی بلک نہیں رہے بلکہ اس صنعت سے وابستہ پوشیدہ پاکستانی کردار بھی تڑپ رہے ہیں۔”دونوں طرف ہے آگ برابر لگی ہوئی ہے “یہ کیفیت ناٹو سپلائی کی بحالی کے معاملے کو” صبح ہوئی یا شام ہوئی “کے مقام تک لانے کا بنیادی سبب بن گئی ہے۔

اس سے پہلے کس نے پرواکی ہے جو اب وفاقی کابینہ پرواکرے گی۔ اس لیے ناٹو سپلائی کی بحالی کے حوالے سے صاف کہہ دیا کہ غیرمقبول فیصلے کی پروانہیں۔ اچانک سب سے پہلے پاکستان کی جگہ خطے نے لے لی ہے اور وفاقی کابینہ سے خطاب کرتے ہوئے وزیراعظم نے کہاکہ اپنے مفادات کے ساتھ ساتھ خطے کے مفادات کوبھی دیکھناہوگا۔ امریکا سے تعلقات نازک مرحلے میں ہیں۔ اگلے دن کہنے لگے کہ ناٹو سپلائی پرمذاکرات جاری ہیں امریکا کچھ نہیں بتارہا تو ہم کیوں بتائیں۔ انہوں نے وہ تمام وضاحتیں شروع کردیں جن کی ضرورت نہیں تھی لیکن انہیں پتاہے کہ پاکستان بھرکے عوام یہی سوالات کررہے ہیں چنانچہ وزیراعظم نے کہاکہ ناٹو نے شکاگوکانفرنس میں غیرمشروط دعوت دی ہے۔ ہم نے تمام اداروں کو ناٹو سپلائی سے متعلق مذاکرات جلد مکمل کرنے کی ہدایت کردی ہے۔ اب دیکھیں بھٹو صاحب کو پرواتھی اس بات کی کہ ملک ٹوٹتاہے تو ٹوٹ جائے پروانہیں۔ جنرل ضیاءالحق کو پرواتھی اس بات کی کہ ملک کے سارے ادارے تباہ ہوجائیں لسانیت علاقائیت فروغ پاجائے۔ سیاسی جماعتیں کمزورہوجائیں امریکی اثرورسوخ اس ملک میں بڑھ جائے۔ مجاہدین لڑجائیں۔ انہوں نے کہاکہ پروانہیں‘ بے نظیربھٹو نے راجیوکی آمد پرکشمیرہاوس کے بورڈ اتروائے سکھوں کی فہرستیں بھارت کے حوالے کردیں اورکہا پروانہیں۔ نوازشریف نے ایٹمی دھماکاتو کردیالیکن پھر سارا نظام اپنے اقتدار اور اپنی طاقت کے لیے الٹ پلٹ کر رکھ دیا ۔ کیونکہ دوتہائی اکثریت تھی اس لیے کہا پروانہیں لیکن جنرل پرویزنے انہیں الٹ کر رکھ دیا اورکہا پروا نہیں اورغیرمقبول فیصلے کرنے میں انتہاکردی بلکہ انتہا سے بھی گزرگئے۔ ملک بیچا‘غیرت بیچی‘ قوم کی بیٹی عافیہ کو حوالے کیا۔ پاکستان کے اہم حساس مقامات غیروں کے حوالے کیے‘ جہادکشمیرسے روگردانی کی‘ایٹمی پروگرام کا رول بیک کرنے میں کوئی کسر نہیں چھوڑی ڈاکٹرقدیرکو رسواکیا عدالتی نظام لپیٹ دیا۔ باربارآئین معطل کیا۔ اور ہردفعہ کہتے اسے پروا نہیں۔ ان کا ایمان تھا ڈالرآنے چاہئیں عزت کی پروا نہیں۔ ہماری موجودہ حکومت ان ہی ذوالفقارعلی بھٹو کی پارٹی کی ہے جو ملک توڑکرکہتے تھے کہ اللہ کا شکرہے پاکستان بچالیا۔ پروانہیں۔ اب اگرسارے ملک کے احتجاج اورمطالبہ کے برخلاف ناٹوسپلائی بحال کردی توکیا ہوا پروانہیں....ڈالرآنے چاہئیں ۔ عزت کی پروانہیں.... کسی زمانے میں کراچی کے حوالے سے بھی اسی قسم کا مقولہ زبان زدعام تھا۔ جس کے آخرمیں کہاجاتاہے کہ ....یعنی عزت کا خیال نہ کرنا منی آرڈربھیجے جانا۔ تو اب بھی ایسا ہی لگ رہاہے۔ ہمارے حکمران عزت وغیرہ کو خاطرمیں نہیں لاتے اور ڈالرکے منی آرڈرکے منتظررہتے ہیں۔ یہ لوگ خطے کے مفادات کی بات کررہے ہیں جن کی وجہ سے خطہ مسائل کا شکارہوگیاہے۔ ہاں وزیراعظم نے فرمایاہے کہ امریکا نہیں بتارہا تو ہم کیوں بتائیں ‘توہم کم ازکم وزیراعظم کو بتادیتے ہیں کہ امریکا سب کچھ بتارہاہے اور سب کو بتارہاہے۔ امریکی میڈیا نے بتایاہے کہ پاکستان سلالہ حملے پر معافی کے مطالبہ سے دستبردار ہوگیا ہے۔اور شکاگوکانفرنس سے پہلے بحال ہوجائے گی۔ یہی وہ بات ہے جس کی وزیراعظم وضاحت کررہے ہیں کہ شکاگو کانفرنس میں غیرمشروط بلالیا گیاہے۔ امریکی میڈیا ہوا میں نہیں چھوڑتا کچھ ہوتاہے اس کو آگے بڑھاتاہے کم ازکم ٹیسٹ کیس کے طورپر چنانچہ ابھی بتادیاگیا ہے کہ روزانہ آنے اورجانے والے ٹرکوں کی تعداد600 ہوگی۔ ہرٹرک کا 18 سو ڈالرمعاوضہ دیاجائے گا۔ پاکستان ٹرکوں کو سیکورٹی فراہم کرے گا۔ اورواشنگٹن پوسٹ نے پاک فوج کو قابو میں رکھنے کے لیے یہ خبرجاری کی ہے کہ 30 فیصد ناٹو آئل ٹینکربزنس پر بالواسطہ پاک فوج کا کنٹرول ہے۔ یہ بھی بتایا گیاہے کہ پاکستان بہت زیادہ ٹیرف وصول کرے گا۔ اب آئیے اس جانب جوکہاجارہاہے کہ ابھی فیصلہ نہیں ہوا۔ ابھی تو مذاکرات جاری ہیں۔ اس کا اوراپنے ملک کی منڈیوں کا احوال دیکھ کر اندازہ لگائیں۔ ٹیٹرا پیک دودھ پر دس روپے فی لیٹر بڑھ گئے ہیں۔ خشک دودھ بھی مہنگا ہوگیاہے۔ کراچی سے اوپریعنی پختونخوا تک جانے والے ٹرانسپورٹرزنے کرائے بڑھادیے ہیں۔ عام کنٹینراور ٹرالر بھی مہنگاہوگیاہے۔ جب ناٹو والوں کو 18 ہزار ڈالرفی ٹرالرملیں گے تو اندازہ کریں اندر کیا ہوگا ۔ صرف کپڑے اورخشک دودھ ہوگا۔ کیا صرف پیمپرز کی اتنی قیمت دی جائے گی۔ صرف دوائیں اور خوراک ؟.... نہیں .... یہ بہت بڑا سوال ہے۔ کون فائدہ اٹھائے گا اورکون نقصان خطے کا کیاہوگا....یہ تو آنے والے بھگتیں گے موجودہ حکمرانوں کو یہ کہہ کر جنرل پرویزکی طرح نکل جائیں گی....کہ پروانہیں۔

اسلام آباد  ) پاکستان نے امریکی کنٹینرز کو افغانستان جانے کی اجازت دے دی‘ 4 کنٹینرز امریکی سفارتخانے کا سامان لے کر طور خم کے راستے کابل پہنچ گئے ہیں۔غیر ملکی خبر رساں ادارے کے مطابق پاکستان نے 6 ماہ میں پہلی مرتبہ امریکی ٹرکوں کو افغانستان جانے کی اجازت دی۔ امریکا کے 4 کنٹینرز طور خم کے راستے کابل میں سفارتخانے پہنچ گئے ۔ امریکی سفارتخانے کے لیے سامان کراچی کی بندرگاہ پر اترا تھا۔ امریکی سفارتخانے کا کہنا ہے کہ کنٹینرز میں دفتری سامان تھا اور اس کا ناٹو سپلائی سے کوئی تعلق نہیں۔ ناٹو سپلائی کی بندش کے بعد امریکی سفارتخانے کے 3 سو ٹرک پاکستان میں پھنس گئے تھے۔ امریکی اہلکاروں نے نام خفیہ رکھنے کی شرط پر بتایا ہے کہ آئندہ چند روز میں مزید ٹرک افغانستان روانہ ہوں گے۔نجی ٹی وی کے مطابق ترجمان امریکی سفارت خانے کا کہنا تھاکہ امریکی سفارتی مشنز کے لیے بھیجے گئے سامان میں کمپیوٹر اور دیگر آلات شامل ہیں اور یہ ڈپلومیٹک شپمنٹ کراچی سے بھیجی گئی تھی اور سفارتی سامان کا تعلق ناٹو سپلائی سے نہیں ہے ۔ ترجمان نے مزید کہا کہ ناٹو سپلائی روٹ ابھی بند ہے۔ پشاور کے راستے جو کارگو کابل گیا ہے وہ معمول کا حصہ ہے۔

کراچی) سندھ بھر میں ہم خیال جماعتوں اور بااثر شخصیات سے رابطے کے لیے کمیٹی قائم کی گئی مسلم لیگ ن کی کوآرڈینیشن کمیٹی کا پہلا اجلاس جمعہ کو سابق وزیر اعلیٰ سندھ لیاقت جتوئی کی زیرصدارت ان کی رہائش گاہ پر منعقد ہوا ۔اجلاس کے بعد پریس کانفرنس سے خطاب کرتے ہوئے لیاقت جتوئی نے کہا کہ مسلم لیگ (ن) کی کوآرڈینیشن کمیٹی سندھ میں مسلم لیگ (ن) میں شمولیت کیلئے لوگوں اور جماعتوں سے رابطے کررہی ہی، کوآرڈینیشن کمیٹی کا اجلاس ہر ہفتہ منعقدہوگا۔ سندھ میں پیپلزپارٹی کی حکومت مسلم لیگ میں شامل ہونے والے افراد کو حراساں کررہی ہے ۔عوام پیپلز پارٹی سے پوچھتے ہیں کہ ملک میں ادارے تباہ ہورہے ہیں، قتل وغارت گری کے واقعات ہورہے ہیں، مہنگائی اور بیروزگاری میں اضافہ ہورہا ہے اس کی روک تھام کے لیے ساڑھے 4سال میں حکومت نے کون سے اقدامات کیے ہیں؟ ۔ آئندہ انتخابات میں (ن) لیگ کی کامیابی یقینی ہے ،اقتدار میں آکر بے روزگاری کا خاتمہ اور امن وامان کی صورتحال بہتر بنائیں گے ۔ متحدہ قومی موومنٹ اپنے اوپر لگے داغ دھو لے تو ان سے بھی بات چیت کی جائے گی ۔مہاجر صوبے کی چاکنگ کی مذمت کرتے ہیں۔ سندھ میں 2 قوموں کو آپس میں لڑا کر خون ریزی کرانے کی سازش ہے ۔ انہوں نے مطالبہ کیا کہ آزاد الیکشن کمیشن کی نگرانی میں انتخابات کرائے جائیں ۔انہوں نے چیف جسٹس سے مطالبہ کیا کہ سندھ میں بورڈ آف ریونیو کی زمینوں کو سستے داموں خریدنے کا از خود نوٹس لیں، بورڈ آف ریونیو کی زمینوں کو سستے داموں خریدنے میں صدر زرداری کے منہ بولے بھائی مظفر اویس ٹپی ملوث ہیں۔ کالا باغ ڈیم کے حوالے سے میںسندھ کے لوگوں کے ساتھ ہوں۔جب پیپلز پارٹی کے ہاتھ سے اقتدار جا رہا ہوتا ہے تو وہ قوم پرست تنظیم بن جاتی ہے ۔

خار،پشاور) باجوڑا یجنسی میں امن کمیٹی کے رضاکاروں پر نامعلوم افراد کی فائرنگ سے ایک رضاکار جاں بحق اور 2شدید زخمی ہوگئے۔ جمعہ کو سیکورٹی ذرائع کے مطابق باجوڑایجنسی کی تحصیل مہمند میں امن کمیٹی کے رضاکار معمول کے گشت پر تھے کہ کہ نامعلوم افراد نے ان پر اندھا دھندفائرنگ کر دی، فائرنگ کی زد میں آکر امن کمیٹی کا ایک رضاکار موقع پر جاں بحق جبکہ دو شدید زخمی ہوگئے۔ زخمیوں کو ایجنسی ہیڈکوارٹراسپتال خار منتقل کردیا گیا۔ واقع کے بعد فورسز نے علاقے کو گھیرے میں لے کر سرچ آپریشن شروع کردیا۔ علاوہ ازیں پشاور کے نواحی علاقہ متھرا میں3 بوری بند لاشیں برآمد کر لی گئیں۔ جمعہ کو پولیس کے مطابق لاشیں متھرا میں ڈاگ لارکے مقام پر پھینکی گئی تھیں جنھیں مقامی افراد کی اطلاع پر پولیس نے تحویل میں لے لیا۔تینوں نوجوانوں کی نعشوں پر تشدد کے نشانات واضح ہیں۔

-فیصل آباد)فیصل آباد میں اسکول کے ہیڈ ماسٹر کے مبینہ ناروا سلوک سے دلبراشتہ ہو کر خود کو آگ لگانے والا چھٹی جماعت کا طالب علم اسپتال میں دم توڑ گیا۔ بیٹے کی انتقال کی خبر سن کر ماں صدمے سے بے ہوش ہوگئی۔

کراچی)مہاجر تحریک کے چیئرمین ڈاکٹر سلیم حیدر نے کہا ہے کہ مہاجر صوبہ کی جدوجہد آئینی‘قانونی اور جمہوری طریقوں سے چلائی جائے گی۔ماضی کی طرح مہاجر تحریک کو دہشت گرد ثابت کرنے کی ہر کوشش کی مزاحمت کریں گے۔مہاجر صوبہ بناو¿ تحریک کو بدنام کرنے کے لیے حکومت مہاجر لبریشن آرمی ‘مہاجر اسکواڈ جیسے جھوٹے اور بے بنیاد ناموں سے خبریں شائع کرا رہی ہے۔مہاجر صوبے کی پرامن جدوجہد کو دہشت گردی کے راستے پر نا ڈالا جائے۔ڈاکٹر سلیم حیدر نے اپنے ایک بیان میں کہا کہ میں اعلان کرتا ہوں کہ مہاجر صوبہ مہم اور صوبہ بناو¿ تحریک کا کسی قسم کی دہشت گرد ی اورمہاجرلبریشنآرمی سے کوئی تعلق نہیں ہے‘مہاجرصوبے کی جدوجہد پاکستان اور وفاق کے دائرے میں رہ کر لڑی جارہی ہے۔ہم دلیل‘ ثبوت اور حقائق کی بنیاد پر سندھ میں مہاجر صوبہ کا مطالبہ کررہے ہیں۔ حکومت کو مشورہ دیاہے کہ وہ سندھ میں تصادم سے بچنے کے لیے مہاجر صوبہ کے مطالبے پر مذاکرات کا راستہ اختیار کرکے منفی بیانات بند کرے ۔

لاہور) لاہور ہائی کورٹ نے حج پالیسی پر پورا اترنے والے ٹور آپریٹرز کوعازمین کی بکنگ جاری رکھنے کی اجازت دے دی اور حج کوٹہ کے بارے میں وزارت حج سی25مئی تک تفصیلی جواب طلب کرلیا۔لاہور ہائی کورٹ کے روبرو مختلف نجی حج آپریٹروں کی جانب سے دائر درخواستوںمیں مو¿قف اختیار کیا گیا کہ وزارت مذہبی امور سپریم کورٹ کے حکم کے باوجود درخواست گزاروں کے حج کوٹہ کی درخواستوںپر فیصلہ نہیں کررہی، رجسٹرڈ حج آپریٹروں کی جانب سے شہرام سرور ایڈووکیٹ نے عدالت کو بتایا کہ حج پالیسی 2012ءکے معیار پر پورا اترنے والے آپریٹرز قانون کے مطابق عازمین کی بکنگ کررہے ہیں، لیکن اس کیس کی وجہ سے عازمین کی بکنگ متاثر ہورہی ہے جس پر ہائی کورٹ نے ہدایت کی کہ حج پالیسی کے معیار پر پورا اترنے والے حج ٹور آپریٹر اپنی بکنگ جاری رکھ سکتے ہیں۔ عدالت نئے حج آپریٹروں کی رجسٹریشن اور کوٹہ کے حوالے سے وزارت مذہبی امور سے 25مئی کو تفصیلی جواب طلب کرلیا۔

اسلام آباد ) حکومت نے ڈی جی تعلیم راجا عاطف کیانی کو ان کے عہدے سے ہٹا دیا ہے انہیں ان کے عہدے سے ہٹانے کے لیے عدالت نے دس روز کی مہلت تھی راجا عاطف کیانی وفاقی وزیر راجا پرویز اشرف کے داماد ہیں جمعہ کو ایک رٹ پیٹیشن کی سماعت کے دوران سپریم کورٹ نے ڈی جی فیڈرل ڈائریکٹوری کو عہدے سے ہٹانے کیلئے 10 روز کی مہلت دے دی عدالت میں اس حوالے سے ایک رٹ درخواست دائر کی گئی تھی درخواست گزار شہناز اے ریاض پیش ہوئیں جنہوں نے بتایا کہ عدالتی احکامات کے باوجود ان کے ساتھ ناانصافی ہو رہی ہے وہ ڈی جی کے عہدے کی واحد اہل افسر ہیں لیکن ان کو سائیڈ لائن کردیا گیاہے چیف جسٹس نے کہا کہ یہ شخص ڈی جی کے عہدے کا اہل نہیں ¾ صرف تھرڈ ڈویژن کو کس طرح ڈی جی لگا یا جاسکتاہے ۔

اسلام آباد)سپریم کورٹ نے ڈی جی فیڈرل ڈائریکٹوریٹ کے میرٹ کیخلاف تقرر کے حوالے سے مقدمے کی سماعت کے دوران حکومت کو ڈی جی فیڈرل ڈائریکٹوریٹ کو عہدے سے ہٹانے کیلئے 10روز کی مہلت دے دی ،متعلقہ سیکرٹری کو مذکورہ پوسٹ پر کسی اہل شخص کی تعیناتی کی ہدایت۔ عدالت نے قراردیاکہ وفاقی دارالحکومت کے دو اہم ترین تعلیمی اداروں کا سربراہ ایک تھرڈ ڈویژن بی اے پاس شخص کو لگا نا افسوس ناک ہے جو خود پرائیویٹ اسکولوں میں شراکت دار ہے۔ جمعہ کوچیف جسٹس کی سربراہی میں عدالت عظمیٰ کے 3رکنی بنچ نے کیس کی سماعت کی۔اس موقع پرعدالت کے روبرودرخواست گزار شہناز اے ریاض پیش ہوئیں جنہوں نے بتایا کہ عدالتی احکامات کے باوجود ان کے ساتھ ناانصافی ہو رہی ہے وہ ڈی جی کے عہدے کی واحد اہل افسر ہیںلیکن ان کو سائیڈ لائن کردیا گیاہے۔ عدالت نے ریکارڈ کا جا ئزہ لیا توپتہ چلاکہ موجودہ ڈی جی نے تھرڈ ڈویژن میں بی اے کیاہے جس پر چیف جسٹس نے کہا کہ یہ شخص ڈی جی کے عہدے کا اہل نہیں ¾ صرف تھرڈ ڈویژن کو کس طرح ڈی جی لگا یا جاسکتاہے ۔جسٹس جواد ایس خواجہ نے کہاکہ کیا ملک میں لائق افسران کاقحط الرجال ہے کہ ایک تھرڈ ڈویژن کو ڈی جی بنایا رکھا ہے اور دو اہم عہدے ان کو دیے گئے ہیں سیکرٹری کیڈنییقین دلایا کہ وہ راجہ عاطف کیانی کو ایک دو روز میںہی ہٹاکرنئے ڈی جی کے تقرر کے لیے سمری بھجوادیںگے ۔عدالت نے سیکرٹری کیڈکو10روز کی مہلت دیتے ہوئے مزیدسماعت ملتوی کردی ۔

وڈھ) جمعیت علما اسلام کے مرکزی رہنما سابق رکن قومی اسمبلی حافظ حسین احمد نے کہا ہے کہ ماضی کے امریکا مخالف قوم پرستوں کو دعو ت دیتے ہیں کہ وہ آئین اور امریکا کیخلاف جدوجہد میں ہمارا ساتھ دیں۔ ایٹمی قوت ہونے کے باوجود ناٹو سپلائی کے لیے عالمی دباو¿ کو برداشت کرنا سمجھ سے بالاتر ہے۔ ناٹو سپلائی کیلئے گوادر پورٹ کی پیشکش قابل مذمت ہے۔ نواب رئیسانی کو وزیر اعلیٰ اس لیے نہیں بنایا گیا تھا کہ وہ غیروں کے مفادات کے لیے کام کریں ۔ناٹو سپلائی روٹ کی بحالی سے جو آگ کے شعلے بھڑک اٹھے گی تو اس آگ کو بجھانے کیلئے آئی جی ایف سی اور کورکمانڈر بلوچستان کو ہی آنا پڑے گا۔بلوچستان میں اغوا برائے تاوان اور مسخ شدہ لاشیں گرانے میں حکومتی ادارے براہ راست ملوث ہیں۔ اگر یہی ادارے چاہیں تو حالات کی بہتری ممکن ہوسکتی ہے۔ ” آن لائن“ سے خصوصی گفتگو کرتے ہوئے انہوں نیکہا کہ گوادر سے ناٹو سپلائی کی بحالی کے حوالے سوال کا جواب دیتے ہوئے انہوں نے کہا کہ نواب رئیسانی کی جانب سے ناٹو کے لیے گوادر کی پیشکش قابل مذمت ہے۔ انہیں وزیر اعلیٰ اس لیے نہیں بنایا گیا تھا۔ ناٹو سپلائی کی بحالی کیلئے حکمرانوں کا یہ کہنا ہے کہ عالمی دباو¿ بہت زیادہ ہے ایٹمی قوت ہونے کے باوجود اس طرح خوف کا شکار سمجھ سے بالاتر ہے۔ جتنا امریکی دباو¿ ایران اور جنوبی کوریا پر ہے شاید ہم پر اس قدر نہیں، لیکن اس کے باوجود ہمارے حکمران خوفزدہ ہیں۔ حکمران ڈالرز کی خاطر پارلیمنٹ کے فیصلوں کو سبوتاڑ کرتے ہوئے شہداءسلالہ کو بھولنا چاہتے ہیں، لیکن ہم ایسا ہونے نہیں دیں گے۔ جہاں تک امریکی معافی کی بات ہے تو یہ طے ہے کہ امریکی صدر آئندہ الیکشن میں اپنے ووٹ کو متاثر کرنے کی خاطر معافی نہیں مانگ ۔ زمانہ طالب علمی کے دوران ہمیں یاد ہے کہ قوم پرست جماعتوں کے دوست امریکا سے نفرت کا اظہار کرتے اور وال چاکنگ پر امریکا مخالف نعرے لکھتے نظر آتے تھے۔ انہیں کہتے ہیں کہ وہ اپنے اسی مو¿قف پر رہتے ہوئے ہمارے ساتھ متحد ہوجائیں ۔

اسلام آباد) قومی اسمبلی کی قائمہ کمیٹی برائے ریاستی و سرحدی امورسیفران نے وزارت خزانہ کو ہدایت کی ہے کہ فاٹا میں مختلف محکموں کے لیے2 ہزار اسامیوں کی جلد منظوری دی جائے۔ دہشت گردوں کے خلاف جنگ سے ملنے والی امداد میں فاٹا سیکرٹریٹ کو اولیت دی جائے۔ اجلاس میں ن لیگ کے ارکان نے مخصوص نشستوں پر نامزد پارلیمنٹیرین کے فنڈز سے مکمل ہونے والے منصوبوں کی شفاف انکوائری کا مطالبہ کردیا۔ کمیٹی کا اجلاس جمعہ کو وزارت سیفران میں چیئرمین کمیٹی ساجد حسین طوری کی زیر صدارت منعقد ہوا۔اجلاس میں انجینئر شوکت اللہ وزیر سیفران‘ سیکرٹری سیفران اور ایڈیشنل سیکرٹری فاٹا سیکرٹریٹ سمیت دیگر اراکین نے شرکت کی۔ کمیٹی کو بتایا گیا کہ فاٹا کی تمام تحصیلوں کے لیے فنانس ڈویژن نے ایک ہزار اسامیاں منظور کی ہیں جبکہ2 ہزاراسامیاں التوا کاشکار ہیں۔کمیٹی نے وزارت خزانہ کو ہدایت کی کہ باقی ماندہ 2 ہزاراسامیاں جلد منظور کی جائیں۔کمیٹی کو بتایا گیا کہ دہشت گردی کے خلاف جنگ میں متاثر ہونے والے گھروں کی تعمیر نو پر 2 ارب روپے خرچ کیے جائیں گے۔ کمیٹی میں انکشاف ہوا کہ فاٹا کی50 فیصد اسکولوں میں بیت الخلا اور پینے کے پانی کی سہولت موجود نہیں ہے جس پر کمیٹی نے شدید برہمی کا اظہار کرتے ہوئے ہدایت کی کہ تعلیم اور صحت کی سہولتوں میں بہتری لائی جائے۔

چمن ) پشتونخوا ملی عوامی پارٹی کے صوبائی صدر عثمان خان کاکڑ نے کہا ہے کہ بلوچستان کو تقسیم کرکے پشتونوں کے لیے جنوبی پشتونخوا کے نام سے الگ صوبہ تشکیل دیا جائے۔ چمن میں پشتونخوا ملی عوامی پارٹی کے تحت منعقدہ جلسے سے خطاب کرتے ہوئے صوبائی صدر عثمان خان کاکڑ نے کہا کہ بلوچستان کے پشتون اب مزید تیسرے درجے کا شہری بن کر نہیں رہ سکتے۔ صوبے کے انتظامی امور اور ترقیاتی وسائل میں پشتونوں کے ساتھ ناانصافی برداشت نہیں کی جائے گی۔ صوبے کا وزیراعلیٰ اگر بلوچ ہے تو گورنر پشتون ہونا چاہیے۔ انہوں نے کہا کہ پشتونوں کے لیے الگ صوبے کی تحریک چمن سے چل پڑی ہے جو بہت جلد انجام کو پہنچے گی۔ انہوں نے افغانستان میں بیرونی مداخلت کو فوری طور پربند کرنے کا مطالبہ کیا اور ملکی استحکام کے لیے تمام قومیتوں کو برابری کی بنیاد پر حقوق دینے کا مطالبہ کیا۔

لاہور)لاہور ہائیکورٹ کے جسٹس شاہد حمید ڈار نے حافظ آبادکے ایس ایچ اوجمیل قیصرکی سخت سرزنش کرتے ہوئے قراردیاکہ تم اور تمہارے افسران نے عدالت کاحکم نہ ماننے کی قسم کھا رکھی ہی،کیے پر شرمندگی نہیں اور عدالت میں آرام سے کھڑے ہو،تمہیں شرم نہیں آتی اپنی آنکھیں جھکا کر کھڑے ہو۔درخواست گزارخاتون منصورہ بی بی نے مو¿قف اختیارکیا کہ اس نے اپنے بیٹے عاشق حسین کی پولیس کے حبس بے جا سے برآمدگی کے لیے درخواست دائر کی جس پر عدالتی بیلف نے برآمد کرکے عدالت میں پیش کیا۔فاضل عدالت نے برآمدگی کے بعد بیل پر رہا کردیا لیکن کمرہ عدالت سے باہر آتے ہی پولیس نے اسے دوباہ گرفتارکرلیا، جس پر ہائیکورٹ میں توہین عدالت رٹ دائرکی گئی۔ فاضل عدالت نے عاشق حسین کو رہا کرنے کا حکم جاری کرتے ہوئے ایس ایچ اوحافظ آباد کو توہین عدالت کا نوٹس جاری کردیا۔

-اسلام آباد  )سپریم کورٹ آف پاکستان کی جانب سے میمو گیٹ اسکینڈل کے لیے تشکیل دیے گئے 3 رکنی اعلیٰ عدالتی کمیشن نے اپنی تحقیقات مکمل کرتے ہوئے اعلان کیا ہے کہ کمیشن آئندہ کھلی سماعت نہیں کرے جبکہ حسین حقانی کے وکلا نے کمیشن کا بائیکاٹ کرتے ہوئے مو¿قف اختیار کیا کہ کمیشن تحقیقات کے بجائے حسین حقانی کے خلاف شواہد جمع کر رہا ہے ۔ جمعہ کو میمو کمیشن کا اجلاس جسٹس فائز عیسیٰ کی سربراہی میں اسلام آباد ہائیکورٹ میں ہوا ۔ سماعت مکمل کرنے کے بعد جسٹس فائز عیسیٰ نے اعلان کیا کہ کمیشن آئندہ کوئی اوپن سماعت نہیں کرے گا صرف ایک سماعت ہوگی جس میں دفتر خارجہ کے حکام سے حسین حقانی کے ہاتھوں استعمال ہونے والے خفیہ فنڈز کے بارے میں سوالات کے جوابات حاصل کیے جائیں گے ‘کمیشن اب اپنی مفصل تحقیقاتی رپورٹ سپریم کورٹ میں جمع کرائے گا اور عدالت عظمیٰ میمو گیٹ اسکینڈل کے حوالے سے پاکستان مسلم لیگ ن کے سربراہ میاں نواز شریف اور دیگر کی جانب سے دائر مقدمات کی سماعت کر کے فیصلہ سنائے گا ۔ جمعہ کو میمو کمیشن نے سماعت شروع کی تو سیکرٹری کمیشن راجا جواد نے میمو کیس کے مرکزی کردار منصور اعجاز کے کمپیوٹر اور بلیک بیری سیٹ کی تجزیاتی (فارنزک ) رپورٹ پیش کی اور سیکرٹری کمیشن نے اپنا بیان ریکارڈ کرایا ۔ کمیشن نے جواد عباس کی جانب سے پیش کی گئی رپورٹس اور ان کے بیان کو ریکارڈ کا حصہ بنالیا ہے ۔میمو کمیشن کے سیکرٹری نے 22 دستاویزات پیش کی جن سے یہ ظاہر ہوتا ہے کہ منصور اعجاز کی جانب سے جو بھی پیغامات حسین حقانی کو بھیجے گئے وہ درست ہیں ۔دوسری جانب سیکرٹری نے اپنیرپورٹ میں بتایا کہ منصور اعجاز کے بلیک بیری کے فارنزک معاینہ کے لیی8کمپنیوں سے رابطہ کیا گیا تاہم معیار جانچنے کے بعد بہتر اور کم قیمت والی کمپنی کو منتخب کیا گیا‘معاینہ کے لیے منصوراعجاز اور حسین حقانی دونوں کو نوٹس بھیجا گیا‘کمپنی کے 2 ماہرین نے میری موجودگی میں موبائل پی ایچ ایس کا تجزیہ کیا‘ معاینے کے دوران پاکستانی ہائی کمیشن نے مداخلت نہیں کی جبکہ حسین حقانی کے وکیل زاہد بخاری نے میڈیا سے بات چیت کرتے ہوئے کہا کہ حسین حقانی کی طرف سے پیش کردہ دستاویزات کو ریکارڈ کا حصہ نہیں بنایا گیاجس سے انصاف کے تقاضے مجروح ہوئے ہیں۔زاہد بخاری نے کہا کہ کمیشن کی کارروائی پر تفصیلی اعتراضات سپریم کورٹ کے روبرو پیش کیے جائیں گے۔ اس موقع پر منصور اعجاز کے وکیل اکرم شیخ نے کہا کہ حسین حقانی کے وکیل زاہد بخاری میڈیا پر بیان دے رہے ہیں کہ اجلاس کا بائیکاٹ کریں گے جبکہ ان کے مو¿کل کمیشن سے مکمل تعاون کر رہے ہیں‘جس پر جسٹس فائز عیسی نے کہا کہ میڈیا رپورٹس پر نہ جائیں‘ حقانی کی درخواست نہیں آئی۔

لاہور/قصور//////مسلم لیگ (ن) کے صدر اور سابق وزیراعظم میاں محمد نواز شریف نے کہا ہے کہ غیرآئینی وغیرقانونی وزیراعظم گھما پھرا کر پرانی باتیں ہی کرتے ہیں‘ ہرروزان کی باتوں کا کیا جواب دوں؟چیف الیکشن کمشنر کی تعیناتی اور بجٹ سمیت کسی معاملے پر حکومت کو من مانی نہیں کرنے دیں گے‘ تمام ایشوز پر قومی اسمبلی میں بھرپور کردار ادا کریں گے‘حکمرانوں کو 80 اور 90ءکی دہائی کی سیاست زندہ کرکے کچھ نہیں ملے گا‘ آئندہ بھی سندھ جا کر قومی کردار ادا کرتا رہوں گا‘ ناٹو سپلائی کھولنے پر سب کی سبکی ہوگی ‘ زرداری اور گیلانی کشکول اٹھا کر جگہ جگہ بھیک مانگ رہے ہیں ‘ ایسے لوگوں سے کون معافی مانگے گا ؟ امن کی آشا اچھی بات ہے ‘بھارت سے تجارت کیلیے گنڈاسنگھ بارڈربھی کھلناچاہیے ‘پاکستان اور بھارت کو اپنے مسائل بات چیت سے حل کرنے چاہئیں ۔ان خیالات کا اظہار انہوں نے جمعہ کو قصور میں گنڈاسنگھ بارڈر پر میڈیا سے بات چیت کرتے ہوئے کیا۔نواز شریف نے کہا کہ سب سے پہلے میں نے کہاہے کہ بہاولپور صوبہ بحال ہونا چاہیے ‘سندھ کی تقسیم کی بات نہیں کریں گے ‘جنوبی پنجاب کو بھی ضرور صوبہ بننا چاہیے۔نواز شریف نے کہا ہے کہ صدر زرداری اور وزیر اعظم گیلانی نے کشکول اٹھا رکھا ہے اور جگہ جگہ بھیک مانگتے پھرتے ہیں۔ انہوں نے کہا کہ ناٹو سپلائی کھولنے سے ہم سب کی سبکی ہوگی ‘حکومت قراردادوں کو پاس کرکے ردی کی ٹوکری میں ڈال دیتی ہے یہ درست نہیں ہے ۔نواز شریف نے کہا کہ آئندہ بھی سندھ جا کر قومی کردار ادا کرتا رہوں گا‘حکومت پہلے کرنے والا کام ہمیشہ آخر میں کرتی ہے ۔انہوں نے کہا کہ زرداری اور گیلانی الیکشن کو سامنے رکھ کر بات کرتے ہیں جبکہ ہم پاکستان کو سامنے رکھ کر بات کرتے ہیں۔انہوں نے کہا کہ پاک بھارت تعلقات میں بہتری چاہتا ہوں‘ کشمیر کا مسئلہ حل ہونا دونوں ملکوں کیلیے ضروری ہے۔ مجھے پرویز مشرف اور دوسرے لوگوں کی وجہ سے دوبارہ حکومت نہیں مل سکی۔انہوں نے کہا کہ حکومت نے اب تک کچھ نہیں کیا اسے اپنی ناکامیوں کا اعتراف کرنا چاہیے وہ عوام کے زخموں پر مزید نمک نہ چھڑکیں۔

لاہور ) وزیراعظم سید یوسف رضا گیلانی نے ایک بار پھر اپوزیشن کو تحریک عدم اعتماد لانے کا چیلنج کرتے ہوئے کہا کہ اگر اپوزیشن میں ہمت ہے تو میرے خلاف تحریک عدم اعتماد پارلیمنٹ میں لائی، اگر لانگ مارچ کرنا ہے تو پارلیمنٹ سے مستعفی ہوکر عوام میں آکر مقابلہ کریں، ناٹو سپلائی پر پارلیمانی کمیٹی کی سفارشات پر کام کررہے ہیں، ناٹو سپلائی کی بحالی کا حتمی فیصلہ نہیں ہوا، اگر صوبائی حکومت لوڈ شیڈنگ پر وفاقی حکومت کے خلاف عوام کو اکسا ئے تو بغاوت کے زمرے میں آتا ہے ،لوڈ شیڈنگ پر صوبے بھی جوابدہ ہیں۔ جمعہ کے روز لاہور میں مسلم لیگ ق کے صدر چوہدری شجاعت کی رہائش گاہ پر ملاقات کے بعد میڈیا سے گفتگو کرتے ہوئے وزیر اعظم نے کہا کہ پارلیمنٹ کی کمیٹی اور قومی سلامتی کمیٹی نے اپنی اپنی سفارشات ہمیں بھجوا دی ہیں ہم ان سفارشات کی روشنی میں کام کر رہے ہیں ناٹو سپلائی کھولنے کا تاحال کوئی حتمی فیصلہ نہیں ہوا۔ انہوں نے کہا کہ صدر زرداری کو شکاگو کانفرنس میں شرکت کا غیر مشروط طور پر دعوت نامہ موصول ہوا اور انہوں نے اس دعوت نامے کو قبول کیا ہے۔ انہوں نے کہا کہ لوڈ شیڈنگ کے حوالے سے چوہدری شجاعت حسین کے فارمولے پر متفق ہیں۔ لوڈ شیڈنگ کسی ایک پارٹی کا مسئلہ نہیں ہے پورے ملک کا مسئلہ ہے ۔مسائل کو حل کرنا ہماری حکومت کی ذمہ داری اور ہمارے لیے چیلنج ہے اور اس چیلنج کو قبول کرتے ہیں۔ انہوں نے کہا کہ لوڈ شیڈنگ کے خاتمے کیلئے ہمطویل المدتی اور قلیل المدتی منصوبے بنا رہے ہیں توانائی کے بحران کے خاتمے کیلئے ہم نے ایمرجنسی سیل بنا دیا ہے اور ایک خصوصی کمیٹی بھی بنا دی ہے۔جب تک حکومت کا تسلسل رہے گا حکومت تمام بحرانوں پر قابو پالے گی ۔وزیر اعظم نے کہا کہ میں اپنے اتحادیوں کی طاقت سے آئینی طور پر منتخب وزیرعظم ہوں جب تک ہمیں پارلیمنٹ کی تائید حاصل ہے میں وزیراعظم رہوں گا ۔انہوں نے کہا کہ پاکستان کی تاریخ میں کسی بھی جمہوری حکومت کا یہ پہلا پانچواں اور تاریخی بجٹ ہے ،بجٹ پر پارٹیاں تنقید کریں ہمیں اس سے کوئی سروکار نہیں ہی، صدر نے مشترکہ اجلاس سے پانچ ویں بار خطاب کرتے ہوئے تاریخ رقم کی اور اب پانچواں بجٹ بھی ہماری حکومت کا تاریخی کام ہوگا ۔انہوں نے کہا کہ میری 5 ترجیحات ہیں جن میں بجلی کی فراہمی ‘ روزگار‘ نئے ٹیکسز نہ لگانا‘ زرعی سیکٹر اور بے نظیر انکم سپورٹ کے ذریعے عوام کو ریلیف دیا جائے۔ وزیرا عظم کا کہنا تھا کہ جمہوری انداز میں ہمیں کوئی نہیں ہٹا سکتا غیر جمہوری انداز میں پہلے حکومتوں کو ہٹایا جا رہا تھا اس کا اب ملک متحمل نہیں ہوسکتا۔وہ زمانے گزر گئے جب 58 ٹو بی کے ا ختیارات صدر کے پاس ہوتے تھے جس کے ذریعے وہ جمہوری حکومت کو غیر آئینی طریقے سے ہٹا دیتے تھے ۔اب اختیارات پارلیمنٹ کے پاس ہیں لہٰذا اگر صدر کو ہٹانا ہے تو مواخذے کے ذریعے ہٹایا جاسکتا ہے اگر وزیراعظم کو ہٹانا ہو تو اس کے لیے تحریک عدم اعتماد ہوسکتی ہے اگر کسی میں ہمت ہے تو ان کو یہ آپشن استعمال کرنا چاہیے۔ سازش کے ذریعے کسی کو اگر ہٹایا جاتا ہے تو ملک کا نقصان ہوتا ہے۔ انہوں نے کہا کہ عدالت نے کہیں بھی اپنے فیصلے میں نہیں لکھا کہ میں وزیراعظم نہیں ہوں نہ میرے اوپر کوئی اخلاقی جرم ہے نہ میرے اوپر کوئی فنانشل جرم ہی، میرے اوپر اگر جرم ہے تو وہآئین کی پاسداری کا ہے۔ آئین پر عمل کیا ہے اگر یہ جرم ہے تو میں اس کو جرم نہیں سمجھتا ۔ایک سوال پر گیلانی نے کہا کہ میرے بیٹے پر جرم ہے کہ وہ سیاست میں ہے اور جب کوئی کوئلے کا کاروبار کرتا ہے تو اس کے ہاتھ کالے ہوتے ہیں ۔ایک سوال پر وزیر اعظم نے کہا کہ اپیل کے بارے میں میری قانونی ٹیم فیصلہ کرے گی۔ اس موقع پر مسلم لیگ ق کے صدر چوہدری شجاعت حسین نے کہا کہ عدلیہ کے کسی جج نے کسی فیصلے میں نہیں لکھا کہ یوسف رضا گیلانی وزیراعظم نہیں ہیں، جو لوگ ان کو وزیراعظم نہیں مانتے اور کہتے ہیں کہ عدلیہ کا احترام کرتے ہیں انہوں نے کونسی عدلیہ کا احترام کیا ؟انہوں نے خود عدلیہ پر حملہ کیا۔ سب سے بڑے مجرم وہ خود ہیں جو عدلیہ پر حملہ کرتے ہیں ۔

کراچی)جماعت ِاسلامی سندھ کے امیراسداللہ بھٹونے کہاہے کہ پیپلز پارٹی کا4سالہ دورِ حکومت غربت ،مہنگائی،بے روزگاری ،بدامنی اور معاشی بد حالی سے عبارت ہی،وزیر اعظم فی الفور مستعفی ہوں تاکہ نئے انتخابات کی راہ ہموار ہو سکے۔ناٹو سپلائی پر امریکا سے مذاکرات پارلیمنٹ کی توہین ہی، فیصلہ قومی امنگوں کے منافی ہوگا۔10جون کو ہونے والا جلسہ اسلامی انقلاب عوام کے لیے امید کی نئی کرن ثابت ہوگا۔ان خیالات کااظہارانہوں نے ادارہ نورحق میں جماعت اسلامی ضلع شرقی کے تحت ہونے والے ورکرزکنونشن سے خطاب کرتے ہوئے کیا۔کنونشن سے جماعت اسلامی کراچی کے امیرمحمدحسین محنتی،ضلع شرقی کے امیر اسامہ رضی،سیکرٹری عبدالوہاب اور دیگر نے خطاب کیا۔اس موقع پرضلع شرقی کے نائب امراءپروفیسرشکیل صدیقی،یونس بارائی بھی موجود تھے۔کنونشن سے خطاب کرتے ہوئے اسد اللہ بھٹو نے کہا کہ موجودہ حکمران پاکستان کی تاریخ کے بدترین حکمران ثابت ہوئے ہیں،پیپلز پارٹی کا4سالہ دورِ حکومت غربت ،مہنگائی،بے روزگاری ،بدامنی اور معاشی بد حالی سے عبارت ہی،وزیر اعظم قانونی موشگافیوں اور اپیل کرنے کے بجائے فوری طورپرمستعفی ہوں تاکہ ملک میں نئے انتخابات کی راہ ہموارہو سکے۔پیپلز پارٹی ،متحدہ قومی موومنٹ اور اے این پی کی اتحادی حکومت عوامی مسائل و مشکلات کے حل میں بری طرح ناکام ثابت ہوئی ،ان کی کارکردگی سوالیہ نشان بن چکی ہی،اسی لیے یہ جماعتیں نفرتوں کی سیاست کررہی ہیںتاکہ عوام ان پرانگلی نہ اٹھا سکیں۔ ناٹو سپلائی پر امریکا سے مذاکرات پارلیمنٹ کی توہین ہی،بحالی کا فیصلہ قومی امنگوں کے منافی ہوگا،قوم اس فیصلے کوقبول نہیں کرے گی۔ ایک جانب ملک خطرات سے گھرا ہے تو دوسری جانب داخلی محاذ پر بڑے پیمانے پرفحاشی و عریانی کو فروغ دے کر ملک کی نظریاتی شناخت کو مسخ کرنے کی کوشش کی جارہی ہی،جس کی اجازت عوام نہیں دے سکتے۔ جماعت اسلامی ملک کو ایک اسلامی، خوشحال اورترقی یافتہ مملکت بنانا چاہتی ہے۔رابطہ عوام مہم در اصل عوامی بیداری کی مہم ہے۔جماعت اسلامی کے تحت10جون کو ہونے والا جلسہ اسلامی انقلاب عوام کے لیے امید کی نئی کرن ثابت ہوگا۔محمدحسین محنتی نے کہاکہ جماعت اسلامی کی تمام تر جدوجہد کا واحد مقصد اللہ کی رضاہی،ہم تعمیر کردار اور تطہیر افکار کے ذریعے پورے معاشرے کو تبدیل کرنا چاہتے ہیں تاکہ اللہ تعالیٰ راضی ہوں اور پاکستان جس مقصد کے لیے وجود میں آیاتھا وہ مقصد پورا ہو۔ آج پورا معاشرہ افراتفری اور بے یقینی کا شکار ہی،کسی کی جان و مال عزت آبرو محفوظ نہیں،ملک پر مسلط ہونے والی فوجی اور سول حکمرانوں نے پاکستان کو تباہی کے دہانے پر لاکھڑا کیا ہی،ایسے میں ضرورت اس بات کی ہے کہ ملک کی باگ ڈور ایسے افراد کے ہاتھوں میں دی جائے جو امین اور خدا خوفی رکھتے ہیں،کرپٹ اور بد عنوان عناصر پاکستان کی تقدیر نہیں بدل سکتے۔جماعت اسلامی نے بڑے پیمانے پر رابطہ عوام مہم شروع کی ہے تاکہ عوام بیدار ہوں اور ملک میں ایک حقیقی اور پائیدا ر تبدیلی آئے۔10جون کا جلسہ اسلامی انقلاب عوامی احساسات و جذبات کا ترجمان ہوگا۔اسامہ رضی نے کہا کہ پاکستان میں تبدیلی کا واحد راستہ یہ ہے کہ عوام مخلص اور دیانتدار لوگوں کو منتخب کریں،جماعت اسلامی ہی ملک کو دیانتدار قیادت فراہم کر سکتی ہے۔انہوں نے کارکنوں کو ہدایت کی کہ وہ جلسہ عام کو کامیاب بنانے کے لیے ایک ایک گھر جا کر ایک ایک فردسے رابطہ کریں اور اس جلسے کا تاریخ ساز بنانے کی جدوجہد کریں۔

اسلام آباد  )امریکی سفارت خانہ کے اہلکار مائیکل کی گاڑی کی ٹکر سے پولیس اہلکار شدید زخمی ہو گیا جبکہ امریکی سفارت خانہ کا اہلکار اپنی گاڑی چھوڑ کر فرار ہو گیا۔ پولیس اہلکار کو پولی کلینک اسپتال منتقل کردیا گیا ہے۔ تفصیلات کے مطابق امریکی سفارت خانہ کے مائیکل نامی اہلکار نے شہید ملت سیکرٹریٹ کے پاس کھڑے پولیس اہلکار کو ٹکر مار دی جس کے نتیجہ میں وہ شدید زخمی ہو گیا۔ امریکی اہلکار گاڑی چھوڑ کر موقع سے فرار ہو گیا، جبکہ زخمی پولیس اہلکار کو پولی کلینک اسپتال منتقل کر دیا گیا ہے ۔

سری نگر ) بھارتی سیکرٹری داخلہ آر کے سنگھ نے لائن اف کنٹرول کے آر پار تجارت میں حائل رکاوٹوں کو دور کرنے کا اعلان کرتے ہوئے واضح کیاہے کہ بینکنگ اور مواصلاتی سہولیات کی فراہمی کا فیصلہ پاکستان وبھارت دو طرفہ طور پرہی کر سکتے ہیں تاہم انہوں نے تازہ فروٹ کی برآمدگی پر عائد پابندی کو ختم کرنے کا اعلان کرتے ہوئے کہا کہ آر پار تجارت کے لیے چیزوں کی تعداد کو عنقریب بڑھایا جائے گا ۔ آر کے سنگھ نے پونچھ اور سری نگر میں تاجروں کو بتایا کہ بینکنگ اور مواصلاتی سہولیات کے بارے میں وہ اپنے دورہ اسلام آباد کے دوران پاکستانی حکام کے ساتھ تبادلہ کریں گے ۔

اسلام آباد) صدرزرداری نے پارلیمنٹ کا مشترکہ اجلاس 21 مئی کو شام5 بجے طلب کر لیا ہے جس سے ترک وزیراعظم رجب طیب ایردوغان خطاب کریں گے۔ صدر نے وزیراعظم کی ایڈوائس پر پارلیمنٹ کا مشترکہ اجلاس طلب کیا ہے۔

-کراچی ) جماعت اسلامی کراچی کی جانب سے اسلامک لائرز موومنٹ کراچی کے نومنتخب عہدیداروں کے اعزاز میں استقبالیہ تقریب آج شام 6 بجے ادارہ نور حق میں منعقد ہوگی۔ استقبالیے سے جماعت اسلامی کراچی کے امیر محمد حسین محنتی، اسلامک لائرز موومنٹ کراچی کے صدر عبدالوحید ایڈووکیٹ، جنرل سیکرٹری سید شاہد علی ایڈووکیٹ اور دیگر خطاب کریں گے

لاہور)دفاع پاکستان کونسل کا سربراہی اجلاس آج جماعت اسلامی کے ہیڈ کوارٹر منصورہ میں ہوگا۔ اجلاس کی صدارت کونسل کے صدر مولانا سمیع الحق کریں گے جبکہ امیر جماعت اسلامی پاکستان سید منور حسن ، جماعت الدعوة کے امیر حافظ محمدسعید سمیت کونسل میں شامل تمام جماعتوں کے سربراہ اجلاس میں شرکت کریں گے ۔ اجلاس کے بعد میڈیا بریفنگ بھی ہوگی ۔

-اسلام آباد ) مسلم لیگ (ن) نے توہین عدالت کیس میں وزیر اعظم کیخلاف فیصلہ آنے کے بعد پارلیمنٹ کے اجلاس سے کیا گیا بائیکاٹ ختم کرنے کا فیصلہ کرلیا۔اندرونی اختلافات کو بالائے طاق رکھ کر ترک وزیر اعظم کا خطاب سنیں گے۔ ذرائع کے مطابق مسلم لیگ (ن) پارلیمنٹ کے مشترکہ اجلاس میںشریک ہو گی۔لیگی ذرائع کے مطابق اعلیٰ پارٹی قیادت نے فیصلہ کیاہے کہ مسلم لیگ (ن) اور پیپلز پارٹی کے باہمی اختلافات کو بالائے طاق رکھ کر ترک وزیر اعظم کا خطاب سنا جائے گا۔

اسلام آباد ) پاکستان نے سی آئی اے آفیشل‘ کنٹریکٹرز اور سفارتکاروں کے لیے نئے قواعد و ضوابط جاری کر دیے ‘قواعد و ضوابط پاکستان اور امریکا کی ٹیکنیکل ٹیموں کے درمیان طے کیے گئے‘پاکستان اور امریکا کی ٹیکنیکل ٹیموں کی 13 ملاقاتیں ہو چکی ہیں۔ جمعہ کو نجی ٹی وی کی رپورٹ کے مطابق پاکستان نے سی آئی اے آفیشلز ‘ کنٹریکٹرز اور سفارتکاروں کیلئے نئے قواعد و ضوابط جاری کر دیے ہیں۔ قواعد کے مطابق پاکستان میں تعینات سی آئی اے آفیشلز کو اپنی شناخت لازمی ظاہر کرنا ہو گی اور سی آئی اے آفیشلز کے کوائف آئی ایس آئی کے علم میں لانا ہوں گے۔ قواعد کے مطابق پاکستان میں سفر کے لیے آفیشلز اور سفارتکاروں کو وزارت خارجہ سے نان آبجیکشن سرٹیفکیٹ (این او سی )لیناہو گا اور شناخت ظاہر نہ کرنے پر پاکستانی ادارے سیکورٹی کے ذمہ دار نہ ہوں گے۔ قواعد کے مطابق این او سی کے بغیر سفر پر ناپسندیدہ شخصیت قرار دیا جائے گا اور سفارت کار جعلی نمبر پلیٹ والی گاڑیاں بھی استعمال نہیں کر سکیں گے۔

اسلام آباد) قومی اسمبلی میں قائد حزب اختلاف چوہدری نثار علی خان نے کہا ہے کہ آصف علی زرداری کا اجمیر شریف میں سرکاری خزانے سے ایک ملین ڈالر کا عطیہ مالی بدعنوانی ہے ، ایک ایسے ملک جہاں عوام دو وقت کی باعزت روٹی کے لیے ٹھوکریں کھا رہے ہوں ، حکمران ایک ایک ڈالر کی غیر ملکی امداد کیلئے ملکی عزت و وقار کو غیر ملکی طاقتوں کے ہاتھوں نیلام کر رہے ہوں، وہاں ایک خالصتاً ذاتی دورے کے دوران قومی خزانے سے اتنی بڑی رقم کا اس طرح خرچ کر نا کسی جرم سے کم نہیں۔جمعہ کو جاری بیان میں انہوں نے کہا کہ بیرون ملک اربوں ڈالر کا کالا دھن رکھنے کے باوجود آصف علی زرداری صاحب کی سخاوت کا تمام تر بوجھ پاکستان کے غریب عوام اٹھا رہے ہیں۔ جے یو آئی ف کے اپوزیشن لیڈر ماننے یا نہ ماننے کا میری صحت پر کوئی اثر نہیں پڑتا اورنہ ہی مجھے ایسے لوگوں کی حمایت کی ضرورت ہے جو قوم کے سامنے کچھ اور کہتے ہیں اور درپردہ ایوان صدر کے مکین کی ریشہ دوانیوں میں حصہ دار بنتے ہیں۔جے یوآئی ف کے موجودہ کردار اور عمل سے مولوی مفتی محمود کی روح بے چین ہو گی۔

لاہور)امیر جماعةالدعوة پاکستان پروفیسر حافظ محمد سعید نے کہا ہے کہ ناٹو سپلائی بحال ہوئی تو روکنے کیلئے ہر ممکن کوششیں کریں گے۔ جامع مسجد القادسیہ میں خطبہ جمعہ کے دوران انہوں نے کہاکہ مکہ اور مدینہ پر ایٹم بم گرانے کی دھمکیاں دینے والوں کیلئے سپلائی بحال کرناشریعت کی روشنی میں جائز نہیں۔ لاکھوں مسلمانوں کے قاتل امریکا اور ناٹو فورسز کیلئے سپلائی کھولناانسانیت سے ہمدردی نہیں انسانیت کا قتل ہے۔انسانیت کے نام پر سپلائی کھولنے کی باتوںسے بڑا مذاق اور جہالت اور کیا ہو سکتی ہی؟علمائے کرام ا ور دینی جماعتوں کے قائدین منبرومحراب کا فریضہ سرانجام دیںاور اسلام دشمن قوتوں کے مقابلہ کیلئے قوم کو متحدو بیدار کریں۔ دفاع پاکستان کونسل کا آج (ہفتہ ) کوہونے والا سربراہی اجلاس انتہائی اہمیت کا حامل ہے۔ ناٹو سپلائی بحالی کی کوششوںکے حوالہ سے اجلاس میں اہم فیصلے کیے جائیں گے۔

اسلام آباد )آئندہ مالی سال آئی ایم ایف کو 3 ارب 9 کروڑ ڈالر کا قرض واپس کرنا ہوگا، جبکہ 24 مئی کو40 کروڑ ڈالر کی دوسری اور 29 جون کو 11 کروڑ ڈالر کی تیسری قسط اداکرنی ہوگی۔ وزارت خزانہ کے ذرائع نے نجی ٹی وی کو بتایاکہ مالی سال 14-2013 میں آئی ایم ایف کو 3 ارب 43 کروڑ ڈالر کی ادائیگی کرنی ہوگی۔ مالی سال 15- 2014 میں آئی ایم ایف کا ایک ارب 35 کروڑ ڈالر کا قرض واپس کرنا ہوگا۔ ذرائع کے مطابق اس طرح اسٹینڈ بائی پروگرام کے تحت لیے جانے والے 7 ارب 80 کروڑ ڈالر میں سے 99 کروڑ ڈالر کا قرض اسی مالی سال میں واپس کیا جائے گا ۔

-اسلام آباد  )سابق امیر جماعت اسلامی پاکستان قاضی حسین احمد کی دعوت پر ” اتحاد امت اور اسلامی یکجہتی “ کے موضوع پر کانفر نس سوموار 21 مئی کو اسلام آباد میں ہو گی ۔ ملک بھر کی مذہبی جماعتوں کی قیادت کو دعوت نامے جاری کر دیے گئے ۔ سید منور حسن ‘ مولانا فضل الرحمن ‘ علامہ ساجد میر ‘ علامہ ساجد نقوی ‘ پیر عبدالرحیم نقشبندی ‘ صاحبزادہ ابوالخیر زبیر ‘ مولانا سمیع الحق ‘حافظ سعید ‘ لیاقت بلوچ ‘ حافظ حسین احمد‘ قاری حنیف جالندھری سمیت 40 سے زائد دینی رہنما خطاب کریں گے ۔ ایک بیان میں قاضی حسین احمد نے کہا ہے کہ ملک بھر میں فرقہ وارانہ فسادات کی لہر لمحہ فکریہ ہے جس کے خاتمے کے لیے دینی قوتوں کو اپنا کردار ادا کرنا ہو گا ۔ کوئٹہ بلوچستان ‘ گلگت ‘ کراچی سمیت ملک کے مختلف علاقے فرقہ وارانہ فسادات کی زد میں ہیں، اس آگ کو ٹھنڈا کرنے اور عام مسلمانوں کو اس کا ایندھن بننے سے روکنے کے لیے دینی قیادت کی مشاورت وقت کی اہم ضرورت ہے ۔ موجودہ حالات میں اتحاد امت اور اسلامی یکجہتی کے لیے تمام مکاتب فکر کے علما کرام کو اکٹھا ہونا ہو گا ۔ انہوں نے کہا کہ کسی ایسے پلیٹ فارم کی ضرورت ہے جو قدر مشترک اور درد مشترک پر امت کو متحد کر سکے اور لادین قوتوں کی یلغار اور ملک کو اسلامی نظریہ¿ سے ہٹا کر ایک لادین ریاست میںتبدیل کرنے کی کوششوں کا مل کر مقابلہ کر سکے ۔ قاضی حسین احمد نے کہا کہ ایم ایم اے کی طرز پر منتخب انتخابی پلیٹ فارم اور دفاع پاکستان ،امریکی مداخلت ، پاکستان کے ایٹمی اثاثوں کی حفاظت اور قومی پالیسیوں اور مصلحتوں کی خاطر پلیٹ فارم کی افادیت کا اعتراف کرتے ہوئے اس بات کی ضرورت محسوس کی جا ر ہی ہے کہ باہمی فرقہ وارانہ نزاعات کو طے کرنے ، مختلف فقہی مسلکوں کو قرآن و سنت کی تعلیمات کی روشنی میں ایک دوسرے کے قریب لانے ، اسلامی نظریاتی کونسل کی سفارشات کو عملی جامہ پہنانے کے حوالے سے جدوجہد اور ہم آہنگی پیدا کرنے کے لیے ایک غیر انتخابی، علمی ، فکری اور نظریاتی محاذ بنایا جا ئے جو مسلمانوں کے دور رس مفادات اور مصلحتوں کی حفاظت کرے اور قوم کو دینی معاملات میں قابل اعتماد رہنمائی دے سکے۔انہوں نے کہا کہ یہ کانفرنس اتحاد امت اور اسلامی یکجہتی کے مقصد کے حصول کے لیے اہم سنگ میل ثا بت ہو گی۔

کراچی)سندھ ہائی کورٹ نے صوبائی حکومت کو90 دنوں کے اندر بلدیاتی انتخابات کرانے کا حکم جاری کرتے ہوئے الیکشن کمیشن کو اس بارے میں انتظامات کرنے کی ہدایت کی ہے۔سندھ ہائی کورٹ کے جسٹس فیصل عرب اور جسٹس ندیم احمد پر مشتمل بنچ نے جمعہ کو سکھر کے سابق ناظم سید ناصر شاہ کی درخواست پر یہ فیصلہ سنایا۔ اس درخواست میں پاکستان کے سابق صدر پرویز مشرف کی جانب سی2010ءمیں متعارف کرائے گئے بلدیاتی نظام کو تحلیل کرنے کے اقدام کو چیلنج کیا گیا تھا۔درخواست گزار کا مو¿قف ہے کہ بلدیاتی انتخابات کو مو¿خر رکھنا آئین کی خلاف روزری ہے۔ درخواست میں مو¿قف اختیار کیا گیا تھا کہ بلدیاتی انتخابات ملک کے آئین کے آرٹیکل 140-Aکی روح کے مطابق کرائے جائیں۔سندھ ہائی کورٹ میں سماعت کے موقع پر صوبائی حکومت نے اپنے جواب میں تسلیم کیا کہ بلدیاتی انتخابات آئینی ضرورت ہیں ان کے انعقاد کے لیے وقت درکار ہی، مگر یہ واضح نہیں کیا گیا کہ یہ وقت کتنا ہوگا۔عدالت نے اس سے اتفاق نہیں کیا اور بلدیاتی انتخابات 90 دن میں کرانے کا حکم جاری کیا۔

لاہور ) اسلامی جمعیت طلبہ پنجاب یونیورسٹی کے رہنما اویس عقیل کے قاتلوںکی عدم گرفتاری کے خلاف ناظم اعلیٰ اسلامی جمعیت طلبہ کی اپیل پر ملک بھر کے تعلیمی اداروں میں احتجاجی مظاہرہ کیا گیا۔پشاور‘کراچی‘اسلام آباد‘لاڑکانہ‘راولپنڈی، سرگودھا،مظفرآباد،فیصل آباد،گوجرانوالہ،ڈیرہ غازی خان اور حیدر آباد سمیت تمام چھوٹے بڑے شہروں میں بھر پور مظاہرے کیے گئے۔ملتان میں وائس چانسلر پنجاب یونیورسٹی مجاہد کامران کا پتلا نذر آتش کیا گیا ۔ فیصل آباد میں سرگودھا روڈ 2 گھنٹے بلاک رہی۔لاہور میں طلبہ نے مال روڈ پہ احتجاجی ریلی نکالی جس کی قیادت ناظم صوبہ پنجاب جنوبی رسل خان نے کی۔لاہور بھر کے تعلیمی اداروںکے طلبہ کی ایک بڑی تعداد جبناصر باغ پہنچی توپولیس نے طے شدہ معاملات کی خلاف ورزی کرتے ہوئے طلبہ پر ہلا بول دیا اور شدید لاٹھی چارج ،ہوئی فائرنگ اور آنسو گیس کے شیل فائر کیے جس سے کئی طلبہ زخمی ہو گئے بعد ازاں پو لیس نے طلبہ کو گرفتار کر لیا ۔اس موقع پر ناظم اعلیٰ نے میڈیا سے گفتگو کرتے ہوئے کہا کہ وائس چانسلر حقائق سے فرار اختیار کرنے کی کوشش کر رہے ہیں۔اکیڈامک اسٹاف ایسوسی ایشن کوجمعیت کے خلاف بے بنیاد پرو پیگنڈے کیلیے استعمال کیا جارہا ہے۔اساتذہ نے جامعہ پنجاب کے اندر تعلیمی عمل کا بائیکاٹ کر کے واضح کر دیا ہے کہ تعلیمی ماحول کو خراب کرنے اور طلبہ کے مستقبل کو تاریک بنانے میں بنیادی کردار اساتذہ کا ہے۔اساتذہ نے اپنے اوپر تشدد کا جھوٹا پراپیگنڈہ کیا جس کا کوئی ثبوت پیش نہیں کیا جا سکا۔ وزیر اعلیٰ کا طالبعلم کے قتل کا نوٹس نہ لینا افسوس ناک ہے۔اگر قاتلوں کو گر فتار کرنے میں حیل و حجت سے کاملیا گیا تو نتائج کی تمام تر ذمہ داری حکومت پر ہو گی۔دریں اثنا ترجمان اسلامی جمعیت طلبہ کا کہنا تھا کہ جمعیتپر بسوں کے جلائے جانے کا الزام بے بنیاد ہے۔ جھوٹے مقدمات کے ذریعے طلبہ کی آواز کو دبایا نہیں جاسکتا ۔ پولیس کے اعلیٰ حکام کو چاہییے کہ وہ اویس عقیل کے قاتلوں کو فی الفور گرفتار کرے تاکہ طلبہ کا غصہ ٹھنڈا کیا جاسکے۔

لاہور  )دفاع پاکستان کونسل کے چیئرمین اور جمعیت علمائیاسلام(س) کے سربراہ مولانا سمیع الحق نے کہا ہے کہ ناٹو سپلائی بحال نہیں ہونے دیں گی،امریکا بہت جلد ٹکرے ٹکرے ہو جائے گا، پارلیمنٹ کو ناٹو سپلائی کی بحالی کا کوئی حق نہیں‘ یہ سراسر دستور کی خلاف ورزی ہے‘ یہ حق صرف اور صرف پاکستان کے 18 کروڑ عوام کو حاصل ہے۔ دفاع پاکستان کونسل کے آج کو ہونے والے اجلاس میں شرکت کیلئے لاہور پہنچنے کے بعد میڈیا سے گفتگو کرتے ہوئے انہوں نے کہا کہ بدقسمتی سے ہمارے حزب اقتدار اور حزب اختلاف دونوں امریکا کوناراض نہیں کرسکتے اور نہ ان کے سامنے کھڑے ہونے کی جرا¿ت ہے۔ ناٹو سپلائی کھولنا سلالہ کے شہداءکے خون کے ساتھ غداری ہے ۔ دفاع پاکستان کونسل (آج) اپنے اجلاس میں حکومت کی طرف سے ناٹو سپلائی کی بحالی پر اپنے لائحہ عمل کا فیصلہ کرے گی۔

-اسلام آباد) قومی اسمبلی کی قائمہ کمیٹی برائے پورٹ اینڈ شپنگ میں چیئرمین کمیٹی نے چیئرمین این ایچ اے کی اجلاس میں عدم شرکت پر برہمی کا اظہار کرتے ہوئے آئندہ اجلاس میں شرکت نہ کرنے پر احتجاجاً مستعفی ہونے کی دھمکی دے دی۔ادھر وزیراعلیٰ بلوچستان نواب اسلم رئیسانی نے کہا کہ بلوچستان میں امن و امان کی صورتحال پر لوگوں کو گمراہ کیا جارہا ہے‘ بلوچستان کے حوالے سے این ایچ اے کی رپورٹ حقائق کے منافی ہے‘ وفاقی حکومت بلوچستان میں ترقیاتی منصوبوں کیلئے فنڈز فراہم کرے‘ این ایچ اے کو سیکورٹی فراہم کرنا صوبائی حکومت کی ذمہ داری ہے‘ وزیر اعلیٰ بلوچستان اور اراکین کمیٹی نے مطالبہ کیا کہ افغانستان میں ناٹو سپلائی کی رسد کی فراہمی گوادر پورٹ کے ذریعے کی جائے‘ سپلائی سے گوادر پورٹ سونے کی کان بن جائے گی۔جمعہ کو قومی اسمبلی کی قائمہ کمیٹی برائے پورٹ اینڈ شپنگ کا اجلاس چیئرمین کمیٹی رانا مسعودالحسن کی زیر صدارت پارلیمنٹ ہاوس میں منعقد ہوا جس میں اراکین کمیٹی سمیت وزیراعلیٰ بلوچستان نواب اسلم رئیسانی‘ چیف سیکرٹری بلوچستان اور این ایچ اے کے اعلی حکام نے شرکت کی۔ اجلاس میں این ایچ اے حکام نے کمیٹی کو بتایا کہ فنڈز کی عدم فراہمی کے باعث این ایچ اے کو مالی مشکلات کا سامنا ہے جس کی وجہ سے متعدد پروجیکٹ تاخیر کا شکار ہیں۔ اس موقع پر اراکین کمیٹی نے بلوچستان کے معاملے پر تشویش کا اظہار کرتے ہوئے حکومت سے مطالبہ کیا کہ وہ افغانستان میں ناٹو فورسز کو رسد کی فراہمی گوادر پورٹ کے ذریعے کرے۔ انہوں نے کہا کہ گوادر پورٹ پاکستان کیلئے سونے کی کان ہے جسے استعمال میں لاکر بلوچستان میں خوشحالی لائی جاسکتی ہے ۔ وزیر اعلیٰ بلوچستان نواب اسلم رئیسانی نے کہا کہ گزشتہ 4 سال سے اپنے مطالبات وفاق کے سامنے پیش کررہا ہوں لیکن ان کی کوئی شنوائی نہیں ہورہی ،سیاسی جماعتیں صرف نئے صوبے بنانے پر زور دے رہی ہیں۔ گوادر پورٹ کیلئے فنڈز کے شفاف استعمال کو یقینی بنانے کیلئے تمام متعلقہ لوگوں کو مکے لے جا کر ان سے قسم لی جاسکتی ہے۔

اسلام آباد) ناٹو سپلائی کی ممکنہ بحالی سے دہشت گردی کیخلاف جنگ میں پاکستان کو پھنسے ہوئے 40 کروڑ ڈالر ملنے کا امکان ہے جس سے مالی خسارہ کچھ کم کرنے میں مدد مل سکتی ہے۔جمعہ نجی ٹی وی کی رپورٹ میںوزارت خزانہ کے ذرائع کے حوالے سے بتایاگیاکہ دہشت گردی کے خلاف جنگ میں دفاعی تعاون پر پاکستان کے 40 کروڑ ڈالر کا چیک گزشتہ سال 2 مئی کے واقعہ کے بعد سے روکا ہوا ہے۔ ناٹو سپلائی کی بحالی کے بعد اس چیک کے جاری ہونے کا امکان ہے اور 40 کروڑ ڈالر کی رقم بیرونی ادائیگیوں میں مدد کرسکتی ہے۔دہشت گردی کیخلاف جنگ میں پاکستان نے امریکا سے 2002 سے 11 ارب 80 کروڑ ڈالر طلب کیے تھے اور اس میں سے 8 ارب 90 کروڑ ڈالر مل چکے ہیں جبکہ 2 ارب 90 کروڑ ڈالر واجب الادا ہیں۔رواں مالی سال حکومت کولیشن سپورٹ فنڈ کی مد میں 120 ارب روپے ملنے کی آس لگائے بیٹھی ہے تاہم عدم ادائیگی کی وجہ سے مالی خسارہ 4.7 فی صد سے بڑھ کر 5.1 فی صد تک پہنچنے کا خدشہ ہے۔

اسلام آباد) عدالت عظمیٰ نے اڈیالہ جیل سے لاپتا افراد کیس میں آئی ایس آئی‘ ملٹری انٹیلی جنس(ایم آئی) اور وزارت دفاع کو نوٹسز جاری کردیے ہیں۔ جمعہ کو عدالت عظمیٰ کے 3 رکنی بنچ نے چیف جسٹس افتخار محمد چوہدری کی سربراہی میں اڈیالہ جیل لاپتا افراد کیس کی سماعت کی۔ لاپتا افراد کے وکیل ایڈووکیٹ طارق اسد نے عدالت کو بتایا کہ آئی ایس آئی اور ایم آئی اڈیالہ جیل سے اٹھائے گئے قیدیوں کے خلاف آرمی ایکٹ کے تحت مقدمہ چلارہی ہے جو کہ قانون کی خلاف ورزی ہے۔ ایڈووکیٹ طارق اسد نے کہا کہ انہوں نے عبدالباسط اور عبدالماجد کی رہائی کے لیے مجاز اتھارٹی کو درخواست دی تھی جو کہ مسترد کردی گئی۔ اس موقع پر جسٹس جواد ایس خواجہ نے ریمارکس دیتے ہوئے کہا کہ رسول اکرم کے دور میں قیدیوں کے ساتھ اچھا سلوک کیاجاتا تھا۔ مجاز اتھارٹی اڈیالہ جیل قیدیوں کے خلاف قانون کے مطابق کارروائی کرے۔ عدالت غیرانسانی اور غیرقانونی سلوک کسی بھی صورت میں برداشت نہیں کرے گی۔ چیف جسٹس افتخار محمد چوہدری نے اپنے ریمارکس میں کہا کہ پہلے بھی ان قیدیوں کے ساتھ غیر انسانی سلوک کیاگیا ہے۔ ہم اپنی آنکھیں بند نہیں کرسکتے۔ اگریہ لوگ دہشتگردہیں تو ان کو پھانسی دی جائے اور اگر بے گناہ ہیں تو انہیں باعزت شہری کی طرح رہاکیاجائے۔ عدالت کو ایڈووکیٹ جنرل خیبرپختونخوا نے بتایا کہ عدالتی ہدایت کے مطابق ان قیدیوں کو بہترین علاج کی سہولیات فراہم کی جارہی ہیں جس کی وجہ سے ان کی صحت کافی حد تک بہتر ہوگئی ہے۔ ایڈووکیٹ طارق اسد نے درخواست کی کہ خفیہ اداروں کو ان قیدیوں کے خلاف آرمی ایکٹ کے تحت کارروائی سے روکا جائے اور ان کو رہاکیاجائے جس پر عدالت نے آئی ایس آئی‘ ایم آئی اور وزارت دفاع کو نوٹس جاری کرتے ہوئے 2 ہفتوں میں جواب مانگ لیا۔ عدالت نے مقدمے کی سماعت بھی 2 ہفتوں تک کے لیے ملتوی کردی ۔ڈپٹی اٹارنی جنرل ولی محمد علی زئی نے حراستی مراکز میں رکھے گئے قیدی عبدالماجد اور عبدالباسط سے متعلق رپورٹ جمع کرائی۔ خفیہ اداروں کے وکیل راجا ارشاد نے عدالت کو بتایاکہ زیر حراست قیدیوں عبدالماجد اور عبدالباسط کی حراستی مراکز سے رہائی کی درخواست مسترد کر دی گئی ہے‘ یہ دونوں قیدی سیکورٹی فورسز پر حملوں کے الزامات میں زیر حراست ہیں۔

لاہور)سیکرٹری جنرل جماعت اسلامی پاکستان لیاقت بلوچ نے امیر جماعت اسلامی لاہور امیر العظیم کے ساتھ لاہور پریس کلب میں ہنگامی پریس کانفرنس سے خطاب کرتے ہوئے کہاہے کہ اویس عقیل کا قتل پنجاب حکومت کے لیے ٹیسٹ کیس بن گیاہے ۔ حکومت اور یونیورسٹی انتظامیہ نے قاتلوں کی سرپرستی نہ چھوڑی تو مشتعل طلبا کا احتجاج پورے ملک میں پھیل جائے گا۔ انہوںنے مطالبہ کیا کہ مال روڈ پر مظاہرہ کرنے کے الزام میں گرفتار کیے گئے طلبہ کو فوری رہا کیا جائے ۔ مال روڈ پر خود ن لیگ ،پیپلز پارٹی ، تحریک انصاف سمیت متعدد سیاسی جماعتیں احتجاجی مظاہرے کرتی رہیں اور جلوس نکال چکی ہیں اور خود مال روڈ کے تاجروں نے گزشتہ دنوں لوڈشیڈنگ کے خلاف مال روڈ پر احتجاجی مظاہرہ کیا لیکن کسی کو مال روڈ پر جلسہ جلوس کی خلاف ورزی کے جرم میں گرفتار کیا گیا نہ کسی کے خلاف کوئی مقدمہ درج کیا گیا ۔ انہوں نے پرامن احتجاج کرنے والے طلبا پر پولیس کے وحشیانہ لاٹھی چارج ، آنسو گیس کی شیلنگ اور سیدھی فائرنگ کی شدید مذمت کرتے ہوئے کہاکہ پولیس مجرموں کو پناہ دیتی ہے اور بے گناہ لوگوں کو پکڑ کر حوالاتوں میں بند کر دیتی ہے ۔ لیاقت بلوچ نے کہاکہ اس وقت ملکی حالات ناٹو سپلائی کے شرمناک حکومتی فیصلے کی وجہ سے گھمبیر صورت اختیار کر چکے ہیں ۔ پوری قوم شدید کرب میں ہے اور عوام بڑی احتجاجی تحریک کے ذریعے ناٹو سپلائی کو روکنے کے لیے تیار ہو چکے ہیں ۔ ان حالات میں حکومت سوچے سمجھے منصوبے کے تحت طلبہ کی احتجاجی تحریک میں شرکت کو روکنے کے لیے اوچھے ہتھکنڈے اور مذموم سازشیں کر رہی ہے ۔ لیاقت بلوچ نے کہاکہ ہم وزیراعلیٰ پنجاب سے مطالبہ کرتے ہیں کہ وہ چیلنج سمجھتے ہوئے معصوم طالبعلم کے قتل کی شفاف اور غیر جانبدارانہ انکوائری کرائیں اور پس پردہ حقائق کو سامنے لا کر قاتلوں اور ان کے سرپرستوں کو قرار واقعی سزا دلوا کر مادر علمی کے امن و سکون کو بحال کریں تاکہ طلبہ امن وامان کے ساتھ اپنی تعلیمی سرگرمیاں جاری رکھ سکیں۔ پریس کانفرنس سے خطاب کرتے ہوئے امیر العظیم نے کہاکہ حکومتی ایجنسیوں اور انتظامیہ نے طلبہ کے پرامن احتجاج کو کچلنے کے لیے دو بسوں کو خود آگ لگائی جس کے ثبوت بہت جلد سامنے لائے جائیں گے ۔

لاہور)امیر جماعت اسلامی پاکستان سید منور حسن نے کہا ہے کہ نااہل حکمرانوں نے قومی وقار بحال اور آزاد خارجہ پالیسی اختیار کرنے کا سنہری موقع ضائع کر دیا ۔ حکمرانوں نے پاکستان کی جغرافیائی حیثیت سے فائدہ اٹھانے کے بجائے دشمن کی شرائط پر سپلائی بحال کرنے کا فیصلہ کر کے قومی مستقبل پر سوالیہ نشان لگادیاہے ۔ قوم نہیں جانتی کہ صدر زرداری بڑی مشکل سے شکاگو کانفرنس کا دعوت نامہ حاصل کر کے اس میںشرکت کے لیے کیا مقصد لے کر جا رہے ہیں ۔ملکی اقتدار پر قابض غلامان امریکا کی انجمن سے آزادی ،قومی وقار اور خود مختاری کے فیصلوں کی توقع نہیں ۔ وہ ناٹو سپلائی بحال کر کے اپنے پاوں پر کلہاڑی مار رہے ہیں ۔ اگر قوم اپنی آزادی اور سلامتی کے لیے نہ اٹھی تو غلامی کی طویل رات کو سحر کرنے میں نسلیں گزر جائیں گی۔ امریکا خطے میں موجود رہنے کے لیے صدر کرزئی سے اپنی شرائط پر تحریری معاہدے کر رہاہے اور ہماری آزادی سلب کرنے کا ناپاک منصوبہ بنارہا ہے ۔ کراچی کو ایک بار پھر آگ و خون میں نہلا یا جارہاہے۔ ان خیالات کااظہار انہوں نے جامع مسجد منصورہ میں نماز جمعہ کے بڑے اجتماع سے خطاب کرتے ہوئے کیا ۔ سید منور حسن نے کہاکہ امریکا سے تعلقات کی بحالی کا پہلا نکتہ دہشتگردی کے خلاف جنگ سے لاتعلقی اور پاکستانی حدود کے استعمال پر پابندی ہوناچاہیے تھا ۔ حکمرانوں کی کمزوری اور گھٹنے ٹیکنے کی وجہ سے اب امریکا دوبارہ اپنی شرائط پیش کررہاہے ۔اس نے حقانی نیٹ ورک کے خلاف کارروائی اور وزیرستان میں فوری آپریشن کا مطالبہ شروع کر دیا ہے ۔ صدر ان دیکھے ایجنڈے پر وزیر خارجہ کے ساتھ شکاگو کانفرنس میں شرکت کے لیے جارہے ہیں جس کا دعوت نامہ وزیراعظم کے ذریعے بڑی مشکل سے حاصل کیا گیا ہے۔ شکاگو کانفرنس کا ایجنڈا سوائے اس کے کچھ نہیں کہ پاکستان پر دباو مزید بڑھایا جائے ۔ اس سے 6 ماہ سپلائی روکے رکھنے پر معافی منگوائی جائے اور آئندہ ایسی غلطی دہرانے سے باز رہنے کی یقین دہائی لی جائے ۔ صدر کے شکاگو کانفرنس میں شرکت کے اعلان کے ساتھ ہی امریکیوں کی باچھیں کھل اٹھی ہیں ۔ دشمن کو یقین دہانی کرادی گئی ہے کہ تم بے شک پورے ملک کو سلالہ بنا دو اور 24 کے بجائے 24 ہزار لوگو ں کو گولیوں سے اڑا دو ہمیں کوئی اعتراض نہیں ۔ سید منور حسن نے کہاکہ اگر اتنی عجلت اور دشمن کی شرائط پر سپلائی بحال کرنا تھی تو پہلے اسے روکا کیوں گیا تھا؟۔ہمارے وزیر دفاع بعض اوقات ایسی بات کہہ جاتے ہیں جس پر انسان سوچ میں پڑ جاتاہے کہ اس پر ہنسا جائے یا رویا جائے ۔ کچھ عرصہ پہلے وزیر دفاع نے یہ بیان دیا تھاکہ” ناٹو سپلائی روکنا بین الاقوامی قوانین کی خلاف ورزی ہے ، پاکستان پر پابندیاں لگ سکتی ہیں “۔ پھر تو اس کو بند کرنے والوں کا محاسبہ کیا جاناچاہیے ۔ صدر ،وزیراعظم ، آرمی چیف یا وزیر دفاع جو بھی اس کو روکنے کا ذمہ دار ہے اس سے استعفیٰ طلب کیاجاناچاہیے ۔ سیدمنور حسن نے کہاکہ وزیر دفاع کے امریکی حمایت میں بیانات ان کی ذہنی غلامی کا ثبو ت ہیں ،انہوں نے یہ نہیں بتایاکہ ناٹو سپلائی بحال نہ کی گئی تو کون سے بین الاقوامی قوانین کی خلاف ورزی ہو گی ۔ وزیردفاع کو یہ بھی بتانا چاہیے کہ کسی ملک کی سرحدوں کو پامال کرنا اور شہری آبادیوں پر ڈرون حملے کرنا کون سے بین الاقوامی قوانین کے مطابق ہے ؟سید منور حسن نے کہاکہ آج کراچی میں ڈیڑھ درجن بے گناہ افراد ٹارگٹ کلنگ کا شکار ہو گئے ہیں ۔ کراچی میں قاتلوں ، ڈاکووں اور بھتہ خوروں کا راج ہے انہیں کوئی پوچھنے والا نہیں ، لوگوں کا پرندوں کی طرح شکار کیا جارہاہے ، صوبائی حکومت میں شامل جماعتیں اس قتل و غارت گری کی براہ راست ذمہ دار ہیں ۔ موجودہ حکومت کے دور میں کراچی کے عوام کو امن نصیب نہیں ہوسکتا۔سید منور حسن نے پنجاب یونیورسٹی میں جمعیت کے ناظم اویس عقیل کی شہادت اور بعد ازاں قاتلوں کی عدم گرفتاری پر احتجاج کرنے والے نوجوانوں پر پولیس تشد د او ر گرفتاریوں کی شدید مذمت کرتے ہوئے گرفتار نوجوانوں کی فوری رہائی اور اویس عقیل کے قاتلوں کی گرفتاری کا مطالبہ کیا۔

کراچی)کراچی میں ٹارگٹ کلنگ کے واقعات میں تیزی آگئی‘ حکومت اور قانون نافذ کرنے والے ادارے ناکام جبکہ عوام دہشت گردوں کے سامنے بے بس ہوگئے جمعہ کو ٹارگٹ کلنگ کے واقعات میں 15 افراد کو قتل کردیا گیا۔ لانڈھی میں 2 گروپوں میں تصادم کے نتیجے میں 4 افراد ہلاک 5 زخمی ہوگئے۔ گلشن اقبال سے بچی کی لاش ملی‘ شاہ فیصل میں متحدہ کا کارکن مارا گیا‘ سہراب گوٹھ میں ایمبولینس اور کار پر فائرنگ سے 3 افراد جاں بحق‘ لیاقت آباد سے بوری بند لاش ملی‘شاہ لطیف میں نامعلوم افراد کی فائرنگ سے ایک شخص ہلاک ہوگیا۔بلدیہ ٹاون کے علاقے میں 2 سگے بھائیوں کو گولیاں ماردی گئیں۔ آئی جی سندھ نے 24 گھنٹوں میں 18 افراد ٹارگٹ کلنگ کا اعتراف کرلیا جبکہ دیگر ذرائع کے مطابق 27 افراد ٹارگٹ کلنگ کا نشانہ بن چکے ہیں۔ تفصیلات کے مطابق شرافی گوٹھ تھانے کی حدود لانڈھی مانسہرہ کالونی میں ذاتی تنازع پر 2 گروپوں میں مسلح تصادم کے نتیجے میں 50 سالہ داوا خان ولد اول شیر، 40 سالہ سراج ولد اول شیر، 52 سالہ فضل محمد ولد اسلام جان اور حیدر ہلاک ہوگئے جبکہ امجد ولد شیر زمان‘ ذکا اللہ ولد شفیق‘ ریاست بی بی زوجہ تاج اسلام حیات محمد ولد فضل محمد‘ مسلم خان ولد غلام محمد زخمی ہوگئے۔ ذرائع کے مطابق ہلاک وزخمی ہونے والے لانڈھی مانسہرہ کالونی میں ملک معروف نامی شخص کی زمین پر فصل کی کاشت کے ٹھیکیدار تھے ۔ مانسہرہ کالونی میں بسم اللہ مسجد میں نمازجمعہ کے دوران جوتے کی چوری پر شروع ہونے والی لڑائی نے 4 افراد کی جان لے لی۔اہل محلہ کے مطابق نمازجمعہ کے دوران فاروق اورمخالفین کے بچوں میں جوتے کی چوری پر جھگڑا شروع ہوگیا جسے قریب کھڑے افراد نے ختم کرادیا۔گھر پہنچتے ہی شرافی گوٹھ تھانے کے کانسٹیبل فاروق نے طیش میں آکرمخالفین کے گھر پر حملہ کردیا جس کے نتیجے میں شرافی گوٹھ کے کانسٹیبل فاروق اور اس کے گھروالوں سمیت 6 افراد کو حراست میں لے لیا گیاہے۔ مرنے والوں میں داوا شیر اور سراج سگے بھائی تھے۔ ہلاک ہونے والوں کا تعلق پشاور سے تھا۔ اہل محلہ کے مطابق فاروق اس سے قبل بھی معمولی بات پر علاقے کے لوگوں سے جھگڑتا رہتا تھا۔واقعے کے بعد علاقے میں خوف و ہراس اور کشیدگی پھیل گئی جبکہ کاروبار بند ہوگیا۔ واقعے کے فوری بعد پولیس اور رینجرز کی بھاری نفری علاقے میں پہنچ گئی اور سرچ آپریشن شروع کردیا۔شاہ فیصل کالونی کے علاقے سیکٹر نمبر 4 میں نامعلوم ملزمان نے نوجوان کو اغوا کرنے کے بعد گولیاں مار کر ہلاک کردیا اور لاش پھینک کر فرار ہوگئے۔ نوجوان کی شناخت 26 سالہ کامران شیخ ولد عبدالغفار کے نام سے ہوئی۔ مقتول شاہ فیصل کالونی متحدہ کے یونٹ 108 کا کارکن تھا اور مکان نمبر 11/224 چنا والا روڈ شاہ فیصل کالونی نمبر 4 کا رہائشی تھا۔ ثمن آباد تھانے کی حدود فیڈرل بی ایریا کے علاقے سہراب گوٹھ کے قریب نامعلوم ملزمان نے کار اور ایمبولینس پر فائرنگ کردی، فائرنگ کے نتیجے میں35 سالہ باسط ولد حاجی عالم‘ 26 سالہ شعیب اور 28 سالہ محمد عمران جاں بحق ہوگئے جبکہ 50 سالہ خاتون زلیخا بی بی اور غلام مصطفی زخمی ہوگئے۔ مقتولین کی لاشوں کو اسپتال منتقل کردیا گیا۔ پولیس کے مطابق مقتول عبدالباسط لی مارکیٹ میں واقع ہوٹل کا مالک ہے اور لیاری آٹھ چوک کا رہائشی ہے جبکہ مقتول شعیب اس کا قریبی دوست ہے وہ بھی لیاری کا رہائشی تھا ۔ محمد عمران مجاہد ویلفیئر ٹرسٹ ایمبولینس کا ڈرائیور تھا۔ پولیس ذرائع کا کہنا ہے کہ مقتولین گزشتہ روز بلدیہ میں ہلاک ہونے والے اسلام بلوچ او ر2 سگے بھائی سعید بلوچ اور مجیب بلوچ جوکہ ایرانی بلوچ تھے ان کی لاشیں وصول کرکے جارہے تھے کہ دہشت گردوں نے ان پر حملہ کردیا پولیس وقوعہ کی مزید چھان بین کررہی ہے ۔ ذرائع نے بتایا کہ بلوچستان پنجگور سے مقتول کے لواحقین نے ہوٹل کے مالک سے التجا کی تھی کہ وہ تینوں مقتولین بھائیوں کی لاشیں وصول کرکے پنجگور پہنچادے مذکورہ تینوں مقتولین عبدالباسط کے گاہک تھے جو کہ اس کے ہوٹل میں آکر ٹھہرے تھے ۔ڈرائیور عمران کا تعلق پنجگور سے ہے جس کی لاش اسپتال سے محراب پور روانہ کی جاچکی ہے۔ لیاقت آباد کے علاقے 5 نمبر قاسم آباد ٹمبر مارکیٹ کے پاس سندھی ہوٹل کے قریب سے 22 سالہ نامعلوم نوجوان کی بوری بند لاش ملی۔ پولیس ذرائع کے مطابق مقتول کو اغوا کے بعد گولیاں مار کر ہلاک کیا گیا تاہم مقتول کی تاحال شناخت نہ ہوسکی۔بلدیہ کے علاقے مہاجر کیمپ 5-J ترک محلہ کے قریب نامعلوم افراد کی فائرنگ سے 2 سگے بھائی 30 سالہ مرید بخش اور 25 سالہ بشیر ولد امیر بخش ہلاک ہوگئے۔ مقتولین مہاجر کیمپ بلدیہ کے رہائشی تھے اور اپنی ہیئر ڈریسر کی دکان کھولنے جارہے تھے کہ راستے میں نامعلوم افراد نے فائرنگ کرکے ہلاک کردیا۔ مقتولین کا تعلق بہاولپور سے تھا۔موچکو تھانے کی حدود اتحاد ٹاون محمد خان کالونی خیر آباد چوک کے قریب نامعلوم موٹر سائیکل سوار مسلح ملزمان نے پولیس موبائل SP-7263پر فائرنگ کردی جس کے نتیجے میں 40 سالہ ہیڈ کانسٹیبل محمد خان بیلٹ نمبر (11248) اور 32 سالہ پولیس اہلکار عارف بیلٹ نمبر 6479 گولیاں لگنے سے ہلاک ہوگئے جبکہ اے ایس آئی طارق کو شدید زخمی حالت میں طبی امداد کے لیے اسپتال منتقل کردیا گیا۔ ذرائع سے پتا چلا ہے کہ پولیس موبائل پر حملہ کرنے میں لینڈ مافیا گروپ کے کارندے ملوث ہیں۔ مقتولین پولیس اہلکار بلدیہ کے رہائشی اور موچکو تھانے میں تعینات تھے۔ مقتولین کی نماز جنازہ گارڈن ایسٹ ہیڈ کوارٹر میں نماز جمعہ کے بعد ادا کردی گئی۔ نماز جنازہ میں آئی جی سندھ، ڈی آئی جی اور پانچوں اضلاع کے ایس ایس پیز سمیت پولیس افسران کی بڑی تعداد اور مقتولین کے خاندان کے افراد نے شرکت کی۔ بعد ازاں مقتولین کو مقامی قبرستان میں سپردخاک کردیا گیا۔۔گلشن اقبال تھانے کی حدود سے 8سالہ بچی فاطمہ دختراحمد علی کی 12روز پرانی لاش گلشن اقبال میں خالی پلاٹ نمبر318, 319 کی جھاڑیوں سے ملی ۔ بچی کے اغوا کا مقدمہ مبینہ ٹاون تھانے میں درج تھا۔شاہ لطیف تھانے کی حدود ریلوے لائن سبزی مارکیٹ میں مسلح ملزمان کی فائرنگ کی زد میں آکر 27سالہ صابرعلی ولد فیض اللہ ہلاک ہوگیا جس کی لاش جناح اسپتال منتقل کردی گئی۔ مقتول کی جیب سے پیسے اور موبائل فون برآمد ہوا‘ مقتول کچی آبادی شاہ لطیف کا رہائشی تھا آبائی تعلق چار سدہ سے ہے ۔دریں اثنا آئی جی سندھ سید مشتاق شاہ نے جمعہ کو اعتراف کیا ہے کہ گزشتہ 24 گھنٹوں کے دوران فائرنگ کے مختلف واقعات میں 18 افراد جاں بحق ہوچکے ہیں جبکہ دیگر ذرائع کا کہنا ہے کہ جاں بحق ہونے والے افراد کی اصل تعداد 27 ہے۔ شہر میں پرتشدد واقعات کے بڑھنے کی وجہ سے شدید خوف وہراس پھیل گیا ہے اور مارکیٹوں میں کشیدگی کے باعث بعض دکانیں بند ہونا شروع ہوگئی ہیں۔ کلری تھانے کی حدود نیازی چوک کے قریب اندھی گولی لگنے سے 27 سالہ جہانگیر بلوچ زخمی ہوگیا جسے طبی امداد کے لیے فوری طور پر سول اسپتال پہنچایا گیا۔ الآصف اسکوائر میں نامعلوم افراد کی فائرنگ سے 23 سالہ مارشل صابر ولد برکت زخمی ہوگیا جو بلدیہ کا رہائشی بتایا جاتا ہے۔ادھر ماڑی پور میں نامعلوم سمت سے آنے والی گولی سے 9 سالہ لائبہ دختر نسیم زخمی ہوگئی۔علاوہ ازیں پولیس اور رینجرز نے شہر کے مختلف علاقوں میں چھاپے مار کر 47 افراد کو حراست میں لے لیا ہے ۔ پولیس و رینجرز نے بفرزون ¾ سرجانی ¾ مواچھ گوٹھ ¾ اتحاد ٹاون ¾ خیبر چوک¾ اورنگی ¾ گلبرگ ¾ جوہر آباد ¾ طارق روڈ اور دیگر علاقوں سے حراست میں لیے گئے افراد کو پوچھ گچھ کے لیے نامعلوم مقام پر منتقل کردیا ہے ۔ ان میں سے متعدد افراد سے اسلحہ بھی برآمد ہوا ہے ۔

لزبن)براعظم افریقہ کے ملک انگولاکی سپریم کورٹ نے حکومت کی مقررکردہ چیف الیکشن کمشنرکی تقرری کوغیر قانونی قراردیتے ہوئے منسوخ کردیا ہے ، اپوزیشن نے چیف الیکشن کمشنرسوزاناانگلزکی تقرری پر اعتراض کرتے ہوئے کہاتھا کہ وہ آئینی طورپراس عہدے کی اہل نہیں کیوں کہ وہ مجسٹریٹ کی بجائے ایک جج ہیں جبکہ ان کی غیر جانبداری بھی مشکوک ہے کیوں کہ ان کاتعلق حکمران جماعت سے ہے ،حکمران جماعت نے ایک بیان میں کہا ہے کہ وہ عدالت کے فیصلے کا احترام کریگی۔

سلام آباد ) ترک وزیراعظم رجب طیب اردگان کا تین روزہ دورہ پاکستان نہ صرف ملکی سیاسی منظرنامے کو بہتر کرنے میں مددگار ثابت ہوگا بلکہ علاقائی اور بین الاقوامی امور بالخصوص نیٹو کے ساتھ تعلقات میں پاکستان کے کردار کو ہموار کرے گا۔ ترک وزیراعظم اپنے پاکستانی ہم منصب سید یوسف رضا گیلانی اور پاکستان مسلم لیگ (ن) کے صدر نواز شریف سے علیحدہ علیحدہ ملاقاتیں کریں گے ۔ نواز شریف سے ملاقات میں وزیراعلیٰ پنجاب شہباز شریف اور قومی اسمبلی میں قائد حزب اختلاف چوہدری نثار بھی شریک ہونگے۔ رجب طیب اردگان جماعت اسلامی کے امیر منور حسن اور لیاقت بلوچ سے بھی خصوصی ملاقات کریں گے۔ ترک وزیراعظم پیر کو پارلیمنٹ کے خصوصی مشترکہ اجلاس سے بھی خطاب کریں گے ۔ سفارتی ذرائع کے مطابق طیب اردگان وزیراعظم گیلانی سے ملاقات میں دونوں ممالک کے دوطرفہ تعلقات کے علاوہ افغانستان میں امن و استحکام ، نیٹو ممالک سے پاکستان کے تعلقات ، مشرق وسطیٰ کی صورتحال اور دیگر امور پر تبادلہ خیال کریں گے۔

سلام آباد) پاکستان میں تعینات امریکی سفیر کیمرون منٹر اپنی آخری اہم سفارتی ذمہ داری نبھانے کیلئے امریکا پہنچ گئے ہیں جہاں وہ وائٹ ہاؤس اور امریکی اسٹیٹ ڈپارٹمنٹ کو شکاگو میں امریکی صدر بارک اوباما کی میزبانی میں ہونیوالی نیٹو کانفرنس میں پاکستان کی شرکت کے حوالے سے رہنمائی کریں گے۔ جبکہ اس بات کا بھی امکان ہے کہ امریکی سفیر کیمرون منٹر شکاگو کانفرنس سے واپسی کے دو تین ہفتوں بعد عہدہ چھوڑدیں گے۔ سفارتی ذرائع نے جمعہ کو دی نیوز کو بتایا کہ کیمرون منٹر شکاگو کانفرنس کے دوران غیر موثر نظر آئینگے ۔ واضح رہے کہ شکاگو کانفرنس میں صدر آصف زرداری پاکستان کی نمائندگی اور وزیر خارجہ حناربانی کھر اور سیکرٹری خارجہ سید جلیل عباس جیلانی صدر کی معاونت کریں گے ۔ دوروزہ کانفرنس کا آغاز اتوار سے ہوگا اور مشاورت کے دوران کچھ اہم فیصلے بھی متوقع ہیں۔

فرینکفرٹ)جرمنی میں سرمایہ داری نظام کیخلاف بڑا احتجاجی مظاہرہ ہوا۔ پولیس نے سرمایہ دارانہ نظام کیخلاف احتجاج کرنیوالے 400افراد کو گرفتار کرلیا۔ جمعہ کو مظاہرین مظاہرہ پر پابندی کی خلاف ورزی کرتے ہوئے کفایت شعاری پالیسی پر عملدرآمد اور یوروزون میں بڑھتے ہوئے بحران پر قابو پانے کا مطالبہ کررہے تھے۔

اسلام آباد ) پاکستان میں متعین سعودی سفیر نے سعودی شاہ عبداللہ کی خدمات کی تعریف کرتے ہوئے کہا ہے کہ تمام مسلم ممالک اسلامی یکجہتی اور مسلم امہ کی خدمت کیلئے شاہ عبداللہ کی تعریف کرتے ہیں، سعودی عرب ہمیشہ سے پاکستان اور اس کے عوام کا قابل اعتماد دوست ملک رہا ہے۔ شاہ عبداللہ کی جانب سے اقتدار کے 8/ سال مکمل کرنے پر منعقدہ ایک تقریب سے خطاب کرتے ہوئے سعودی سفیر ڈاکٹر عبدالعزیز نے کہا کہ دنیا بھر میں جو بھی امن، اقدار اور یکجہتی کا حامی ہے اسے چاہئے کہ وہ سعودی عرب کا ہاتھ تھامے، ہم خدا سے دعا کرتے ہیں کہ مسلم امہ کی قیادت اور ان کی بھلائی کیلئے سعودی شاہ عبداللہ کو بہتر صحت سے نوازے۔ اپنے خطاب میں سعودی سفیر نے کہا کہ گزشتہ سات سال کے دوران ملک نے معاشی، سماجی اور تعلیمی میدان میں بہترین کارکردگی کا مظاہرہ کیا ہے یہی وجہ ہے کہ سعودی عرب G-20 تنظیم کا رکن بننے کے قابل ہوا۔ انہوں نے کہا کہ شاہ عبداللہ کی بادشاہت اور حکمرانی کی خصوصیات ہیں کہ اس میں ثقافت اور شہری معیار میں بہتری آئی۔

اسلام آباد ) آئندہ عام انتخابات میں مسلم لیگ ہم خیال کے امیدوار شیر کے انتخابی نشان پر الیکشن میں حصہ لیں گے۔ یہ بات مسلم لیگ ہم خیال کے مرکزی رہنما کبیر واسطی نے ”دی نیوز“ سے گفتگو کرتے ہوئے بتائی ہے۔ کبیر واسطی جو رائے ونڈ میں ن لیگ اور ہم خیال گروپ کے درمیان حتمی مذاکرات میں شریک تھینے کہا کہ دونوں مسلم لیگیوں کا انضمام حتمی طور پر طے پاگیا ہے تاہم مسلم لیگ ہم خیال کے ایم این ایز اور ایم پی ایز نے ڈی فکشن کلاز (پارٹی سے وفاداری تبدیل کرنا) سے بچنے کے لئے انضمام پر عملدرآمد فی الحال روک دیا ہے۔ انہوں نے کہا کہ آئندہ عام انتخابات ن لیگ اور مسلم لیگ ہم خیال ایک ہی انتخابی نشان پر الیکشن لڑیں گی۔ انہوں نے کہا کہ مجھے یقین ہے کہ اگر آئندہ الیکشن میں شاندار کامیابی کے لئے تمام مسلم لیگیوں کا اتحاد نہایت ضروری ہے۔ انہوں نے کہا کہ آئندہ الیکشن میں نواز شریف کی زیرقیادت مسلم لیگیوں کا اتحاد مطلوبہ نتائج دے گا۔ کبیر واسطی نے کہا کہ مذاکرات میں یہ طے پایا ہے کہ لیگ ہم خیال کے وہ امیدوار جن کی حمایت مسلم لیگ ن کرے گی‘ وہ علیحدہ انتخابی نشان پر الیکشن نہیں لڑسکیں گے بلکہ شیر کے انتخابی نشان پر الیکشن میں حصہ لیں گے اور جب ہم شیر کے انتخابی نشان پر انتخاب میں حصہ لیں گے تو ہم فطری طور پر مسلم لیگ ن کے امیدوار ہوں گے۔ دونوں جماعتوں کے درمیان طے پانے والے فارمولے کے مطابق ہم خیال کے وہ افراد جنہوں نے 2008ء الیکشن میں کامیابی حاصل کی ہے‘ ان کو ٹکٹ جاری کئے جائیں گے۔ علاوہ ازیں ہم خیال کے وہ امیدوار جو گزشتہ الیکشن میں دوسرے نمبر پر رہے‘ وہ بھی دونوں جماعتوں کے مشترکہ امیدوار ہوں گے۔ معاہدے کے مطابق قومی اسمبلی کی 30فیصد عام نشستوں پر مسلم لیگ ہم خیال کے ارکان دونوں جماعتوں کے مشترکہ امیدوار ہوں گے۔ یہ کل نشستوں کا 11فیصد بنتا ہے۔ صوبائی اسمبلیوں کے لئے یہی فارمولا طے پایا ہے جبکہ خواتین کی مخصوص نشستوں‘ اقلیتوں اور سینیٹ کے لئے بھی یہی تناسب طے کیا گیا ہے۔ اس طرح مسلم لیگ کا ووٹ تقسیم نہیں ہوگا جس سے دیگر سیاسی جماعتوں کو فائدہ پہنچ سکے گا۔ انہوں نے نواز شریف اور چوہدری شجاعت پر زور دیا ہے کہ وہ ایک دوسرے کے خلاف اپنے موجودہ موقف سے پیچھے ہٹ کر باہم متحد ہوکر آئندہ الیکشن میں مشترکہ قوت بنیں۔ انہوں نے کہا کہ سندھ جہاں پیپلز پارٹی کی اکثریت رہتی ہے اب نواز شریف کے دوروں سے اس صوبے میں مسلم لیگ کے لئے راستے کھلے ہیں۔ کبیر واسطی نے کہا کہ سندھ کے سابق وزیراعلیٰ ارباب غلام رحیم جو اس وقت بیرون ملک مقیم ہیں‘ الیکشن سے قبل واپس آجائیں گے اور صوبے میں لیگی امیدواروں کے الیکشن جیتنے کے لئے اپنا کردار ادا کریں گے۔ انہوں نے کہا کہ مسلم لیگ ہم خیال کے رہنما میاں عطاء مانیکا نے اپنی جماعت کے ساتھ اختلافات ختم کردیئے ہیں۔

اسلام آباد) حکومتی ترجمان نے خبر ”صدر آصف علی زرداری کا دورہ شکاگو پہلے سے طے تھا“ کو بے بنیاد اور مفروضوں پرمبنی قرار دیا ہے۔ ترجمان نے وضاحت کرتے ہوئے کہا ہے کہ صدر مملکت کا شکاگو کانفرنس میں شرکت کا فیصلہ نیٹو سیکریٹری جنرل کی طرف سے غیر مشروط دعوت نامہ ملنے کے بعد اور کابینہ کی دفاعی رابطہ کمیٹی اور کابینہ کی توثیق کے بعد ہی کیا گیا ہے۔ ترجمان نے مزید کہا کہ نیٹو نے غیر مشروط طور پر صدر کو کانفرنس میں مدعو کیا ہے اور یہ کہ قومی سلامتی کے امور سے متعلق تمام فیصلے جمہوری طریقے اور قومی وقار اولین رکھ کرکئے جائیں گے۔ ترجمان نے و اضح کیا کہ پاکستان اور نیٹو کے معاملات پر پاکستان کے فریقین سے باضابطہ مذاکرات ہر سطح پر جاری ہیں جو بھی فیصلہ کیا جائے گا وہ ان مذاکرات کی روشنی میں اور متعلقہ فورم کی منظوری کے بعد ہی کیا جائے گا۔

لاہور ) وزیر اعظم گیلانی نے چوہدری شجاعت حسین سے پون گھنٹہ ملاقات میں ملک کی تازہ ترین سیاسی صورتحال اور آئندہ کے لائحہ عمل سمیت اہم قومی امور پر تفصیل سے تبادلہ خیال کیا۔ وزیر اعظم گیلانی اور چوہدری برادران کے درمیان کچھ عرصے سے ق لیگ کے وزراء ، ارکان اور ٹکٹ ہولڈر کیلئے ترقیاتی فنڈز کی فراہمی کے مسئلہ پر تعلقات سرد مہری کا شکار تھے چوہدری برادران نے پیپلز پارٹی اور بالخصوص وزیراعظم گیلانی کا موجودہ حالات میں جس طرح کھل کر ساتھ دیا گیلانی نے شجاعت حسین کے گھر آ کر چوہدری برادران کا شکریہ ادا کیا۔ شجاعت حسین نے وزیر اعظم کو موجودہ حالات کا ڈٹ کر مقابلہ کرنے کا مشورہ دیا وزیر اعظم نے یقین دلایا کہ وفاقی بجٹ کے بعد ق لیگ کے ترقیاتی فنڈز ریلیز کر دیئے جائینگے اور آئندہ انتخابات کیلئے سیٹ ایڈجسٹمنٹ کا فارمولہ بھی طے پا جائیگا ۔ شجاعت نے وزیر اعظم کو تجویز دی کہ ہر قیمت پر لوڈ شیڈنگ کا خاتمہ کیا جائے اس کیلئے اگر پنجاب این ایف سی ایوارڈ سے اپنے بجلی گیس کے بقایا جات کی یکمشت کٹوتی کرنے پر نہ آمادہ ہو تو بھی سندھ کے پی کے اور بلوچستان کی صوبائی حکومتوں کے تعاون سے ان کی بجٹ پر کٹ لگا کر بجلی پیداوار کرنیوالی کمپنیوں کو فوری ادائیگی کرکے لوڈشیڈنگ کے عذاب سے عوام کو نجات دلائی جائے۔ ملاقات میں نئے چیف الیکشن کمشنر کے تقرر پر بھی بات ہوئی وزیر اعظم نے بتایا کہ نئے چیف الیکشن کمیشن کے تقرر کیلئے پارلیمانی کمیٹی نے پراسس شروع کر دیا ہے ، وزیر اعظم نے بتایا کہ جب میں نے اپوزیشن لیڈر سے نئے الیکشن کمشنر کیلئے نام مانگے تھے تو ن لیگ اس کا مثبت جواب دیتی تو یہ ریہرسل نہ ہوتی اور معاملہ باہمی مشاورت سے طے پا چکا ہوتاچوہدری شجاعت حسین نے کہا کہ دیر آید درست آید۔

شکاگو ) ایف بی آئی نے کہاہے کہ کل سے شکاگومیں شروع ہونیوالی نیٹو سربراہی کانفرنس کو دہشتگردی کے کسی ممکنہ خطرے کا سامنا نہیں ہے تاہم اس کے باوجود سکیورٹی فورسز انتہائی چوکنا رہیں گی ۔ ایف بی آئی کے اسپیشل ایجنٹ روس رائس نے اے ایف پی کو بتایا کہ بظاہر شکاگو کو نائن الیون واقعہ کے بعد دہشتگردی کے حملے کا بنیادی ہدف خیال کیا جارہا ہے۔رائس نے کہا کہ ایف بی آئی امریکی فوج اور دوسرے خفیہ اداروں کیساتھ ملکراس بارے میں تحقیقات کررہی ہے کہ آیا اس سربراہی اجلاس کے ضمن میں کسی حملے یا واقعہ کی منصوبہ بندی تو نہیں کی گئی ہے۔

لندن ) عالمی مارکیٹ میں خام تیل کی قیمتیں سال کی کم ترین سطح پر پہنچ گئیں۔ جمعہ کو برینٹ کروڈ آئل کے نرخ 51 سینٹ کم ہونے کے بعد 106.98 ڈالر فی بیرل ہوگئے۔ ماہرین کے مطابق یونان کے یورو زون سے نکلنے کے خطرے کے پیش نظر اور موڈیز کی جانب سے اسپین کے 16 بینکوں کی رینکنگ کم کرنے کے بعد سرمایہ کار تذبذب کا شکار ہیں ۔

اسلام آباد ) نیب نے سپریم کورٹ کی ہدایت پر ڈیڑھ ارب کی جائیداد کی خریدو فروخت اسکینڈل میں سابق سینیٹر عمار احمد خان اور سابق آئی جی پنجاب اظہر ندیم کو طلب کر لیا ہے۔ ذرائع کے مطابق اگلام گلوبل لنکس نامی فاریکس کمپنی نے سرمایہ کاری کے نام پر لوگوں سے بھاری رقوم اکٹھی کیں، بعد میں لوگوں کی رقوم ڈوب گئیں تو لاہور گلبرگ میں ”قصر ذوق“ فروخت کر کے چند لوگوں کو پیسے دے دیئے جبکہ باقی کھاتیدار محروم ہیں۔ نیب کے مطابق سابق جج ملک قیوم نے اس کیس میں 63 پلاٹ حاصل کر کے غیر قانونی فائدہ اٹھایا تھا۔ قصر ذوق اسکینڈل میں نیب نے ملک قیوم سے پلی بارگین کی اور 9 کروڑ 80 لاکھ روپے کا سودا طے پایا جس میں انہوں نے 5 کروڑ روپے واپس کر دیئے، اس کیس میں سابق سینیٹر گلزار احمد خان کا نام بھی شامل ہے جو سابق سینیٹر عمار احمد خان کے والد ہیں۔ نیب حکام نے عمار احمد خان اور سابق آئی جی اظہر ندیم کے بیانات حاصل کر لئے ہیں۔ قصر ذوق کی اصل مالیت ایک ارب روپے سے زیادہ تھی اور اسے 48 کروڑ روپے ظاہر کر کے فروخت کیا گیا۔ نیب اس فراڈ پر سابق سینیٹر عمار احمد خان کے خلاف کارروائی کر رہا ہے۔ علاوہ ازیں نیب حکام نے مختلف علاقوں میں چھاپے مار کر ریلوے کا 500 میٹرک ٹن چوری شدہ میٹریل برآمد کر لیا ہے۔ 6 افراد کو گرفتار کیا گیا ہے ان میں سکھر پولیس کا وائرلیس آپریٹر ایم سیف، ایم اسماعیل، محمد یٰسین، گل حسن، سگھر، علی احمد لاہور، باؤ سجاد اور رضوان شامل ہیں۔

سلام آباد) جونیجو دور حکومت کے قائد حزب اختلاف حاجی سیف اللہ خان نے اسپیکرقومی اسمبلی ڈاکٹرفہمیدہ مرزا اور الیکشن کمیشن آف پاکستان کو خطوط بھجوائے ہیں جن میں کہاگیا ہے کہ 26 اپریل کے سپریم کورٹ کے فیصلے کے بعد سیدیوسف رضاگیلانی کے بطور وزیراعظم سارے فیصلے اقدامات اخراجات غیرآئینی ہیں ان خطوط کے بارے میں جنگ سے خصوصی گفتگو کرتے ہوئے جونیجو دور حکومت کے قائدحزب اختلاف حاجی سیف اللہ خان نے کہاکہ آئین کے آرٹیکل 63 کے تین حصے ہیں پہلے حصے میں ارکان پارلیمنٹ کی نااہلیت کے بارے میں درج کیاگیا ہے کہ وہ کن کن وجوہات کی بنا پر مجلس شوریٰ کے نااہل ہوجائیں گے اور مذکورہ پارلیمنٹ کے انتخاب لڑنے کے لئے اہل ہوگئے۔ اور نہ ہی نااہلی کی صورت میں پارلیمنٹ کے رکن رہ سکیں گے ان میں آرٹیکل63(اے) جزو بی میں واضح طورپر لکھ دیاگیا ہے کہ اگر کوئی رکن کسی عدالت سے سزاپالے(Convict) ہوجائے تو وہ فوری طورپر پارلیمنٹ کی رکنیت سے نااہل ہوجائے گا اور پھرسزا پوری کرنے کے بعد رہا ہونے سے 5 سال کے اندر اس عہدہ کے لئے نااہل ہوگا۔ حاجی سیف اللہ خان نے مزید کہاکہ آئین کے آرٹیکل(1)-63 میں لفظ(Shall be Disqualified) لکھا ہوا ہے اور آئین میں جہاں لفظ(Shall) آجائے تو اس میں نہ تو کسی قسم کی اگر مگر کا دخل ہوتاہے اور نہ ہی کسی قسم کی صوابدید حاصل ہوتی ہے بلکہ اس پر فوری طورپر نااہلیت لاگو ہوجاتی ہے۔ اب یہاں سوال پیداہوتا ہے کہ اگرکسی رکن کی نااہلیت پرکوئی ابہام ہو یا کسی پرائیویٹ شہری کی جانب سے کسی رکن اسمبلی کی اہلیت کو چیلنج کیاجائے تو اس صورت میں آئین کے آرٹیکل 2-63 کے تحت اسپیکر کے پاس سوال اٹھانا پڑتا ہے اوراس صورت میں اسپیکر کو اختیارحاصل ہے کہ وہ اس امرکا فیصلہ کرے کہ آیا نااہل ہوچکا ہے یا نہیں۔ پاکستان کی قومی اسمبلی کے سابق قائد حزب اختلاف نے کہاکہ جہاں تک آئین کے آرٹیکل63 (1)(بی) کا تعلق ہے اس میں اگر رکن کسی عدالت سے سزایاب ہوجائے اور وہ عدالت اسپیکر کو اور الیکشن کمیشن کو اس سینیٹر کے بارے میں نہ صرف اطلاع دے بلکہ اس پر فوراً ایکشن لینے کا بھی لکھ دے اوراس امر کی ہردو کے پاس( اسپیکر الیکشن کمیشن) کے پاس تحریری اطلاع بھجوادے تو پھراس ضمن میں کوئی ابہام باقی نہیں رہتا بلکہ یہ نااہلیت فوری طورپر اس وقت لاگو ہوجاتی ہے جب اسپیکر اورالیکشن کمیشن کو متعلقہ عدالت کی جانب سے سزا کی نہ صرف اطلاع دی جائے بلکہ فوری ایکشن(Immediate Action) کے لئے لکھا جائے تو اسپیکر کے لئے لازم ہوجاتا ہے کہ وہ متعلقہ رکن کواسمبلی کی کارروائی میں حصہ لینے سے روک دے اور الیکشن کمیشن کے لئے یہ لازم ہوجاتا ہے کہ فوری طورپر اس رکن کی نشست کو خالی قراردے کر ڈی نوٹیفائی( Denotify) کردے ۔ حاجی سیف اللہ خان نے کہا اس صورتحال میں آرٹیکل 63 (2) اور 63(3) کا کوئی اطلاق جواز یااختیار اسپیکر یا الیکشن کمیشن کے پاس باقی نہیں رہتا۔ اس ضمن میں یہ وضاحت بھی ضروری ہے کہ اپیل کی میعاد کا یا اپیل کے فیصلے کا انتظار کیاجائے کیونکہ فیصلہ سنتے وقت متاثرہ فریق نے عدالت سے یہ استدعا بھی نہیں کی کہ آپ کی سزا کو معطل کردیاجائے اور وہ اپیل کرناچاہتا ہے بلکہ وہ سزا پوری کرکے کمرہ عدالت سے باہر آتے ہیں اس لئے اب وہ سزا لاگو ہوچکی ہے اور آئین کے آرٹیکل63 (1) (بی) مکمل طورپر موثر ہوچکی ہے۔ اسپیکر اور الیکشن کمیشن کی جانب سے اس ضمن میں غفلت کوتاہی آئین سے انحراف روگردانی اورفرائض منصبی سے غفلت کے مترادف ہے اور یہ ایک ایسا بحران ہے جس کا قوم کو ناقابل تلافی نقصان اٹھاناپڑے گا اوراس امرکا حساب دینا پڑے گا کہ 26 اپریل 2012ء سے لے کرآج تک غیر آئینی حکومت نے جس قدر اقدامات فیصلے اور قومی خزانہ سے اخراجات کئے ہیں ان کی کوئی قانونی حیثیت نہیں ہے اور وہ متعلقہ ذمہ داریوں سے قابل وصول ہوں گے حاجی سیف اللہ خان نے یہ وضاحت بھی کی کہ اس ضمن میں انہوں نے اسپیکرقومی اسمبلی ڈاکٹر فہمیدہ مرزا کو تفصیل کے ساتھ تمام صورتحال پرمبنی خط لکھ دیا ہے اوراس کی نقل الیکشن کمیشن آف پاکستان اسلام آباد کو بھی بھجوا دی ہے۔

واشنگٹن ) امریکا میں پاکستان کے سابق سفیر حسین حقانی نے کہاہے کہ پاکستان کو دہشت گردوں کے ٹھکانے پر حملہ اپنے مفاد میں کرنا ہوگا ،نیٹو سپلائی کی بندش سے امریکا کو کوئی فرق نہیں پڑے گا، پاکستان کو فیصلہ کرنا ہو گا کہ اسے صومالیہ بننا ہے یا بہتر ملک سلالہ واقعہ پر امریکہ کو معافی مانگنی چاہیے۔ امریکی ٹی وی سی این این کوایک انٹرویو میں حسین حقانی نے کہا کہ پاک امریکا تعلقات میں پاکستان کو بھی عملی سوچ کا مظاہرہ کرنا ہوگا،صدر زرداری نے تعاون کا ہاتھ بڑھایا ہے، امید ہے کہ نیٹو سپلائی کا معاملہ حل ہو جائے گا،شکاگوکانفرنس کے بارے میں حسین حقانی نے کہاکہ پاکستان نہیں چاہتا افغانستان مستقبل کامیکسیکوبن جائے۔سلالہ واقعہ پر امریکہ کی جانب سے معافی نہ مانگنے سے گریزپر ان کاکہناتھاکہ بات درست نہیں،حسین حقانی نے یہ بھی کہا کہ انکی زندگی کو پاکستان میں خطرہ ہے ،ان کے خلاف نفرت انگیز پروپیگنڈہ کیا جارہاہے اس لیے وہ فوری طورپرپاکستان نہیں جاسکتے۔

کراچی)آج کامران خان کے ساتھ“ میں تجزیہ کرتے ہوئے میزبان کامران خان کا کہنا تھا کہ پاکستان کے عام شہری کا اور ایک غریب آدمی کے مسائل کا تعلق ہوتا ہے مقامی حکومتوں سے جو اس حکومت کے آنے کے بعد ختم کردی گئی تھی اور پچھلے چار سال کے دوران بلدیاتی انتخابات کی تاریخیں آئیں اور گزر گئیں گو کہ آئین کے تحت حکومت پر ذمہ داری ہے کہ ملک میں بلدیاتی انتخابات کرائے جائیں لیکن حکومت سندھ اس سلسلے میں دلچسپی لیتی نظر نہیں آتی۔ کامران خان کا کہنا تھا کہ پنجاب حکومت اس فلسفے کے ہی خلاف ہے، دوسری صوبائی حکومتوں میں بھی اس حوالے سے اختلافات ہیں، سندھ میں اس حوالے سے اختلاف نہیں ہے لیکن اس کے باوجود یہاں بلدیاتی انتخابات نہیں کرائے جارہے۔کامران خان کا کہنا تھا کہ جمعہ کو سندھ ہائی کورٹ نے ایک درخواست میں فیصلہ دیتے ہوئے حکومت سندھ کو حکم دیا ہے کہ 90روز کے اندر سندھ میں بلدیاتی انتخابات کا انعقاد ہونا چاہیئے۔کامران خان کا کہنا تھا کہ سندھ ہائی کورٹ کا یہ حکم کھلبلی کا باعث بنا، جمعہ کو سندھ کے وزیر اعلیٰ سید قائم علی شاہ حکومتی اطلاع کے مطابق اپنے اتحادی پارٹیوں کے ایک اہم رہنما اور گورنر سندھ عشرت العباد سے مذاکرات کر رہے تھے، حکومت سندھ کے ترجمان نے کہا کہ اس معاملے پر انتظامات کی ضرورت ہے اور عین ممکن ہے کہ حکومت سندھ اس سلسلے میں نظر ثانی کی اپیل دائر کرے۔کامران خان کا کہنا تھا کہ اس سلسلے میں نہ حکومت سندھ تیار نظر آتی ہے بلکہ اہم بات یہ ہے کہ بلدیاتی انتخابات میں سب زیادہ اسٹیک رکھنے والی متحدہ قومی موومنٹ میں بھی بلدیاتی انتخابات کے حوالے سے کوئی تحریک نظر نہیں آتی۔ متحدہ قومی موومنٹ اس سلسلے میں کوئی پرزور، بھرپور مطالبہ کرتی نظر نہیں آتی۔ کامران خان نے نیٹو سپلائی کے حوالے سے تجزیے میں کہا کہ حکومت پاکستان نے فیصلہ کیا ہے کہ نیٹو سپلائی دوبارہ شروع کرنے کے علاوہ اس کے پاس کوئی چارہ نہیں ہے۔ وزیراعظم یوسف رضا گیلانی تقریباً دو درجن بار کہہ چکے ہیں کہ نیٹو سپلائی پارلیمنٹ کی قراردادوں اور سفارشات کے عین مطابق کھولی جائے گی لیکن اب ان کے پاس کوئی چارہ نہیں ہے کیونکہ ان سفارشات پر عمل نہیں کیا جاسکتا، امریکا نے صاف صاف حکومت پاکستان کو بتادیا ہے کہ انہیں نیٹو سپلائی کھولنی ہوگی اور پارلیمنٹ اور حکومت پاکستان کے مطالبوں کو پورا نہیں کیا جاسکتا۔انہوں نے کہا کہ اسی حوالے سے پاکستان نے امریکا سے کہہ دیا ہے کہ ہم نیٹو سپلائی کھول دیتے ہیں جس کے جواب میں صدر آصف زرداری کو شکاگو میں ہونے والی نیٹو سربراہی کانفرنس میں شرکت کا دعوت نامہ جاری کیا گیا ہے اور صدر آصف علی زرداری لندن کے راستے شکاگو جانے کیلئے روانہ بھی ہوچکے ہیں۔ کامران خان نے کہا کہ پاکستان ایک مشکل صورتحال میں پھنس گیا ہے، پاکستان کے قومی وقار اور عزت کے حوالے سے ایک بار پھر سوالات اٹھ رہے ہیں کہ آخر ایسی پوزیشن کیوں لی جاتی ہے جس پر عمل نہ کرایا جاسکے۔ کامران خان نے تجزیے میں مزید کہا کہ وزیراعظم گیلانی نے لاہور میں میڈیا کا سامنا کیا اور بارہا یہ کہا کہ ان سے مشکل سوالات پوچھے جائیں، مشکل سوال ان سے ہم پوچھ لیتے ہیں اور وہ ہے خطرناک بھیانک اعدادو شمار جن کا براہ راست تعلق ان کی حکومت کی کارکردگی سے ہے ۔ پاکستان کی معیشت جو زبوں حالی کا شکار ہے اس کے تازہ ترین اعداد و شمار ملاحظہ فرمائیے اور جواب دیجئے کہ ایسی صورتحال کیوں ہے۔ انہوں نے وزیراعظم سے کہا کہ جب آپ کی حکومت آئی تھی تو ڈالر 62روپے کی سطح پر موجود تھا لیکن آج ڈالر 92روپے کی ریکارڈ سطح کو عبور کرگیا ہے۔ اسی طرح پاکستان میں جب وزیراعظم کی حکومت آئی تھی تو پاکستان نے اپنی تاریخ میں کل قرضے 6.5کھرب روپے لیے تھے لیکن پچھلے چار برسوں کے دوران ان قرضوں کا حجم 12.83 کھرب تک پہنچ چکا ہے اس کا مطلب ہے کہ وزیراعظم گیلانی کی حکومت میں قرضوں کے حجم میں تقریباً 100فیصد اضافہ ہوا ہے۔ کامران خان نے مزید کہا کہ اس دوران روپے کی قدر میں کمی سے ڈیڑھ کھرب روپے کا نقصان ہوا ہے، توانائی کے شعبے کے نقصانات 1.3ارب روپے ہوئے ہیں۔ پاکستان میں غیرملکی سرمایہ کاری میں تیزی سے کمی ہوئی ہے ۔ انہوں نے کہا کہ یہ وہ اہم سوالات ہیں جو ہم وزیراعظم کی درخواست پر ان سے پوچھنا چاہیں گے۔ میزبان کامران خان نے تجزیے میں مزید کہا کہ کچھ عرصے پہلے کی بات ہے جناب بابر اعوان وزیر اعظم یوسف رضا گیلانی اور صدر آصف علی زرداری کی آنکھ کا تارہ لگتے تھے ایسا لگتا تھا کہ ان کا سکّہ چل رہا ہے حکومت پر عمومی طور پر خاص طور پر وزارت قانون میں۔کامران خان کا کہنا تھا کہ بابر اعوان ہر طرف چھائے ہوئے تھے اچانک قسمت نے پلٹا کھایا اور بابر اعوان زیرو ہوگئے، اب جناب بابر اعوان وہ حکومتی ہیرو مکمل طور پر زیرو نظر آتے ہیں۔ کامران خان کا کہناتھا کہ اس کی بنیادی وجہ یہ بنی کہ وہ انکاری تھے جناب اعتزاز احسن کی درخواست ماننے کے لئے کہ وزیر اعظم یوسف رضاگیلانی کے توہین عدالت کے مقدمے میں وہ گواہ کے طور پر پیش ہوں۔ممتاز ماہر قانون خالد جاوید خان نے پروگرام میں گفتگو کرتے ہوئے کہا کہ ہائی کورٹ نے شارٹ آرڈر پاس کیا ہے اس میں ہائی کورٹ نے 90دن کے اندر الیکشن کرانے کا حکم دیا ہے اس لئے گورنمنٹ کو سپریم کورٹ جاکر اسٹے آرڈر لانا ہوگا اور اگر اسٹے آرڈر نہیں ہے تو90دن کے اندر عملدرآمدکرنا ہوگا۔ خالد جاوید کا کہنا تھا کہ کچھ مسائل ضرور ہیں جو ڈیسائیڈ ہونگے اور اس کے لئے نیا قانون آنا ضروری ہے جب تک نیا قانون نہیں آجاتا الیکشن کرانا بڑا مشکل ہے۔ ان کا کہنا تھا کہ گورنمنٹ کو سپریم کورٹ جاکر جسٹیفائی کرنا ہوگا کہ 90دن میں کیوں الیکشن نہیں ہوسکتے۔ایم کیو ایم کے سینیئر رہنما رضا ہارون کا کہنا تھا کہ ہائی کورٹ کا حالیہ فیصلہ اور سپریم کورٹ کے ججمینٹس اور آبزرویشن جو اس حوالے سے ہیں وہ بالکل صحیح اور مناسب ہیں۔رضا ہارون کا کہنا تھا کہ ایم کیو ایم مطالبہ بھی کرتی ہے اور ایم کیو ایم نے ہر فورم پر اس بات کو اٹھایا ہے کہ فوراً انتخابات کراکے عوامی بلدیاتی نظام عوام کے صحیح منتخب نمائندوں کے ہاتھ میں منتقل کردیا جائے۔ رضا ہارون کا کہنا تھا کہ اس سلسلے میں ہم نے اپنی ایکسرسائز کی ہیں ایسا نہیں ہے کہ ہم نے زبانی دعوے کئے ہوں بلکہ ہم نے ایک باقاعدہ سسٹم بنایا ہے جس میں 2012کا سسٹم بنا کر 2001کی اچھی خصوصیات 1979کی اچھی خصوصیات اور دنیا بھر میں موجود کامیاب بلدیاتی نظام کی اچھی خصوصیات کو اجتماعی شکل دے کر مجتمع کرکے ہم اپنے کولیشن پارٹنرز کو بہت عرصے پہلے دے چکے ہیں۔رضا ہارون کا کہنا تھا کہ ہم سمجھتے ہیں 2012کے سسٹم کو نافذ کرکے فوراً انتخابات کرا دیئے جائیں ہم اس کے حامی ہیں۔

سلام آباد  ) وفاقی حکومت نے وزارت داخلہ کو سندھ میں پہلے سے جاری اسلحہ لائسنسوں کی چھان بین اور تجدید کی ہدایات کی ہیں جبکہ تاجروں اور صنعتکاروں کو تحفظ دینے کیلئے ماہانہ دو ہزار لائسنس جاری کئے جائینگے صوبائی حکومت اور گورنر سندھ ڈاکٹر عشرت العبادنے اس اقدام کی تائید کی ہے۔ ذرائع کے مطابق سندھ میں آئے روز بدامنی کے واقعات بالخصوص شہر قائد میں تاجروں، صنعتکاروں اور کاروباری افراد سے بھتہ وصولی، ڈکیتی، اغواء برائے تاوان اور ٹارگٹ کلنگ کے واقعات میں اضافہ کی وجہ سندھ کے تمام اسلحہ لائسنسوں کی جانچ پڑتال کی جائے گی اور غیر قانونی اسلحہ ضبط کیا جائے گا جبکہ اس اقدام کے تحت کراچی میں تاجروں اور صنعتکاروں کو اپنے تحفظ کے لئے کلوز سرکٹ کیمرے نصب کر کے مشترکہ مانٹیرنگ کا نظام تشکیل دینے کی بھی ہدایت کی گئی ہے تاکہ ایک علاقہ میں ایسا واقعہ رونما ہونے پر مارکیٹ کے دوسرے تاجروں کو بھی علم ہو جائے اور وارداتوں کو ناکام بنایا جا سکے۔ ذرائع نے مزید بتایا کہ اس ضمن میں تاجروں، صنعتکاروں اور کاروباری افراد کو ماہانہ 2 ہزار اسلحہ لائسنس جاری کئے جائیں گے۔

کراچی ) حزب اختلاف کی جماعتوں نے سندھ بھر کی خصوصاً کراچی کی انتخابی فہرستوں میں موجود مبینہ غلطیاں درست کر کے ایک ماہ میں شائع نہ کرنے پر فہرستوں کو سپریم کورٹ میں چیلنج کرنے کا فیصلہ کیا ہے جس کے لئے معروف قانون دانوں سے رابطے کئے جارہے ہیں۔ مسلم لیگ (ن) اور جماعت اسلامی سمیت جے یو آئی‘ جے یو پی‘ سنی تحریک اور دیگر جماعتوں کے رہنماؤں کا دعویٰ ہے کہ موجودہ انتخابی فہرستوں میں 15 لاکھ ووٹرز کے نام غلط پتوں پر ڈال دئیے گئے ہیں۔ ہزاروں ووٹرز کا نام ایک حلقے سے نکال کر دوسرے حلقے میں درج کر لیا گیا ہے جبکہدرجنوں ووٹرز کا نام مستقل پتے پر ڈال کر انہیں کراچی میں ووٹ ڈالنے سے محروم کرتے ہوئے ان کا نام پنجاب، کے پی کے‘ کشمیر اور بلوچستان کی ووٹرز فہرستوں میں ڈال دیا گیا ہے۔ اس ضمن میں اپوزیشن جماعتوں کے رہنماؤں محمد حسین محنتی‘ سلیم ضیاء‘ عرفان مروت‘ سنی تحریک کے مطلوب اعوان‘ مفتی عثمان یار خان نے انتخابی فہرستوں میں مبینہ غلطیاں درست کرنے کیلئے پنجاب کے الیکشن کمشنر محبوب انور سے ملاقات کی ہے۔ پنجاب کے الیکشن کمشنر محبوب انور جو کراچی میں ڈپٹی الیکشن کمشنر کے علاوہ متعدد عہدوں پر تعینات رہ چکے ہیں نے حزب اختلاف کی جماعتوں کو یقین دہانی کرائی ہے کہ جلد ہی انتخابی فہرستوں میں موجود غلطیاں درست کر لی جائیں گی۔ اس ضمن میں مسلم لیگ ن کے عرفان مروت کا کہنا ہے کہ ہمارے چار مطالبات پورے نہ کئے گئے تو ہم سپریم کورٹ سے رجوع کریں گے، جن میں ووٹرز فہرستوں میں ووٹ کا اندراج موجودہ پتے (ایڈریس) کی بنیاد پر کرنا۔ کشمیریوں کی انتخابی فہرست کو اگر کشمیری سندھ میں رہتا ہو سندھ میں واپس شامل کرانا، غلط درج شدہ ووٹرز کا اخراج شامل ہے۔ الیکشن کمیشن کے ذرائع کے مطابق ووٹر لسٹوں میں غلطیاں درست کر لی گئی ہیں اور لسٹیں چھپنے کے لئے جاچکی ہیں۔ نئی فہرستوں میں حزب اختلاف کی جماعتوں کی شکایات کا ازالہ کیا گیا ہے۔ پنجاب کے الیکشن کمشنر کے مطابق ووٹرز لسٹوں کے شائع ہونے کا ابھی وقت نہیں بتایا جا سکتا۔ ووٹرز لسٹوں کی اشاعت کے ایک ہفتے بعد ہی پتہ چل سکتا ہے کہ اپوزیشن جماعتوں کی شکایات کا کس حد تک ازالہ کیا گیا ہے۔ واضح رہے کہ سندھ ہائی کورٹ نے صوبائی حکومت کو 90 دن میں بلدیاتی انتخابات کرانے کا پابند کیا ہے۔ ووٹرز لسٹوں کا تنازع اگر حل نہیں ہوا تو پھر 90 روز میں بلدیاتی انتخاب کا معاملہ کھٹائی میں پڑ سکتا ہے۔

کراچی ) تحریک طالبان پاکستان (ٹی ٹی پی)پنجابی گروپ نے سینٹرل جیل کراچی پر حملہ کرکے خطرناک دہشت گردوں کو رہا کرانے، غیر ملکیوں اور اہم ملکی شخصیات کو اغوا کرکے قتل کرنے اور حساس تنصیبات کو نشانہ بنانے کامنصوبہ تیار کرلیا ہے۔ یہ انکشاف نیشنل کرائسس مینجمنٹ سیل (این سی ایم سی) کی جانب سے محکمہ داخلہ کو بھیجے گئے ایک خط میں کیا گیا ہے۔ ذرائع نے بتایا کہ این سی ایم سی کے ڈپٹی ڈائریکٹر محمدفضل مجید کی طرف سے محکمہ داخلہ حکومت سندھ کو بھیجے گئے مراسلے میں کراچی میں کسی بھی ممکنہ دہشت گردی سے نمٹنے کیلئے پیشگی خصوصی اقدامات کر نے کی ہدایت کی گئی ہے۔ ذرائع کا کہنا ہے کہ این سی ایم سی کو اطلاعات ملی تھیں کہ کراچی میں تخریب کاری اور دہشت گردی کے لئے چار سے پانچ دہشت گردوں پر مشتمل گروپ تشکیل دیئے گئے ہیں جو مختلف منصوبوں پر کام کریں گے۔ ذرائع نے بتایا کہ اس مقصد کے تحت پنجابی طالبان گروپ سے تعلق رکھنے والا استاد اسلم وزیرستان سے کراچی پہنچ گیا ہے جبکہ فرخ نامی دہشتگرد بھی کراچی میں مقیم ہے۔ ذرائع نے بتایا کہ خط میں کہا گیا ہے کہ مذکورہ دہشتگرد اور ان کے ساتھی کراچی سینٹرل جیل میں قید اپنے ساتھیوں کی رہائی کے لئے جیل پرحملہ بھی کرسکتے ہیں۔ نیز وہ غیر ملکی اور اہم ملکی شخصیات کو اغوا کرکے انہیں قتل کرنے کے ساتھ ساتھ اہم اور حساس تنصیبات کو دہشتگردی کا نشانہ بھی بناسکتے ہیں۔ اس ضمن میں ایڈیشنل چیف سیکریٹری داخلہ سید سہیل اکبر شاہ سے رابطہ کرنے کی کوشش کی گئی تاہم انہوں نے فون اٹینڈ نہیں کیا۔

اسلام آباد ) سپریم کورٹ کے فیصلے کے تحت وزیراعظم کو نااہل قرار دینے کے حوالے سے الیکشن کمیشن کو ریفرنس بھجوانے کیلئے سات روز باقی ہیں اور کاؤنٹ ڈاؤن شروع ہے اور آئینی ماہرین کے مطابق اسپیکر کے پاس ریفرنس بھجوانے کیلئے آخری ہفتہ باقی بچ گیا ہے اور اگر اسپیکر نے ابھی آئندہ سات روز میں ریفرنس نہ بھجوایا تو الیکشن کمیشن آف پاکستان کو ازخود کارروائی کرنے کا اختیار مل جائیگا۔ اسپیکر نے سپریم کورٹ کے فیصلے کے مطابق 25 مئی تک ریفرنس بھجوانا ہے اور اس صورت میں سپریم کورٹ کی جانب سے الیکشن کمیشن کو جو مختصر حکم نامہ کی کاپی بھجوائی گئی تھی تو الیکشن کمیشن اس آرڈر پر عمل درآمد کر کے وزیراعظم کو پانچ سال کے عرصہ کیلئے نااہل قرار دینے کے حوالے سے فیصلہ کریگا۔ سپریم کورٹ نے وزیراعظم کیخلاف توہین عدالت کے کیس میں تفصیلی فیصلہ دیتے ہوئے کہا تھا کہ توہین عدالت کی سزا کے بعد اس کی ممکنہ سزا 5 سال کے عرصے کیلئے نااہلی ہے۔ اسپیکر قومی اسمبلی نے اس معاملے میں مختلف آئینی ماہرین کے ساتھ مشاورت کا عمل شروع کر رکھا ہے اور ذرائع نے بتایا کہ ریفرنس بھجوانے کے معاملے میں اعتزاز احسن کا یہ بھی کہنا ہے کہ اس معاملے میں ریفرنس نہ ہی بھجوایا جائے اور اگر اسپیکر ریفرنس نہیں بھجواتی تو الیکشن کمیشن وزیراعظم کو نااہل قرار نہیں دے سکے گا۔

پشاور /پارہ چنار ) پشاور کے نواحی علاقہ متھرا میں تین بوری بند لاشیں برآمد کرلی گئیں۔ پولیس کے مطابق لاشیں متھرا میں ڈاگ لار کے مقام پر پھینکی گئی تھیں جنہیں مقامی افراد کی اطلاع پر پولیس نے تحویل میں لے لیا۔ تینوں نوجوانوں کی لاشوں پرتشدّد کے نشانات واضح ہیں۔ ادھر باجوڑایجنسی میں امن کمیٹی کے رضاکاروں پر نامعلوم افراد کی فائرنگ سے ایک رضاکار جاں بحق اور 2شدید زخمی ہوگئے جبکہ لوئراورکزئی ایجنسی میں سیکورٹی فورسز کی گاڑی کو حادثہ میں دو اہلکار زخمی ہوگئے۔ سکیورٹی ذرائع کے مطابق باجوڑایجنسی کی تحصیل ماموند میں امن کمیٹی کے رضاکار معمول کے گشت پر تھے کہ نامعلوم افراد نے ان پر اندھا دھند گولیاں چلادیں۔ فورسز کی گاڑی کو حادثہ لوئراورکزئی ایجنسی کے علاقہ کریز کے مقام پر پیش آیا، جہاں سڑک کی خرابی کی وجہ سے گاڑی الٹ گئی۔کوہاٹ سے نمائندہ جنگ کے مطابق پولیس تھانہ بلی ٹنگ کوہاٹ کی موبائل پردستی بم سے حملہ میں ایک حوالدار سمیت دو اہلکار زخمی ہوگئے جن کو اسپتال منتقل کردیاگیا۔ پولیس نے واقعے کے بعد علاقے میں سرچ آپریشن شروع کردیا۔ حوالدار ممتاز اورایلیٹ فورس کااہلکار عاصم شبیرزخمی ہوئے جنہیں طبی امداد کے لئے ڈویژنل ہیڈ کوارٹر اسپتال کے ڈی اے منتقل کردیاگیا۔ دھماکہ گاڑی گزرنے کے بعد ہوا اس وجہ سے زیادہ نقصان نہیں ہوا، نامعلوم افراد کے خلاف مقدمہ درج کرلیا گیا۔

اسلام آباد ) نئے وفاقی بجٹ میں سول وفوجی ملازمین کے الاؤنس و مراعات میں اضافہ کیا جائے گا۔ اس کیلئے مختلف تجاویز زیرغور ہیں۔ ذرائع کے مطابق بنیادی پے اسکیل نمبر17سے نمبر22تک کے افسروں کے یومیہ الاؤنس میں 50 فیصد اضافے کی تجویز سے بنیادی اسکیل نمبر1سے نمبر16 تک کے ماتحت اسٹاف کے ڈیلی الاؤنس کو دوسال قبل دگنا کیا گیا تھا نئے وفاقی بجٹ میں بنیادی اسکیل نمبر17 اور نمبر 18کا یومیہ الاؤنس640روپے سے بڑھا کر960 روپے کرنے کی تجویز سے اسی تناسب سے ملک کے اندر اور باہر سرکاری سفر کے دوران یومیہ الاؤنس میں اضافہ کی تجویز ہے۔ تمام ایڈہاک ریلیف الاؤنس نئی بنیادی تنخواہ میں ایڈجسٹ (ضم) ہونے کا امکان ہے۔ ہاؤس رینٹ میں 50فیصد اضافے کی تجویز ہے۔ میڈیکل بنیادی اسکیل نمبر1سے نمبر پندرہ تک میں100فیصد اضافے کا امکان ہے۔ کنوینس الاؤنس ایک سے چار تک کیلئے 50 فیصد اضافہ متوقع ہے۔

واشنگٹن) امریکا میں پاکستانی سفیر شیری رحمن نے کہا ہے کہ پاکستان سلالہ چیک پوسٹ معاملے پر امریکہ سے معافی مانگنے کے مطالبے سے دستبردار نہیں ہوا ، امریکا کو معافی مانگنا ہوگی،انہوں نے یہ بھی واضح کیا کہ کولیشن سپورٹ فنڈ کا نیٹو سپلائی بحالی اور بجٹ سے کوئی تعلق نہیں ہے،خطے کی صورت حال کے پیش نظر پاکستان کو احتیاط سے کام لینا ہوگا،امریکیٹی وی سے گفتگو کرتے ہوئے شیری رحمن نے کہا کہ امریکہ اپنے مفادات کی بات کرتا ہے اور پاکستان اپنے مفادات کی، شکاگو کانفرنس میں پاکستان کو دعوت پاک امریکہ تعلقات میں مثبت پیش رفت ہے ، شیری رحمن نے کہا کہ پاکستان ہمیشہ خطے میں اہم کردار ادا کرتا رہا ہے لہٰذا خطے کی صورت حال کے پیش نظر پاکستان کو احتیاط سے کام لینا ہوگا،دہشت گردی پاکستان کااندرونی مسئلہ ہے،پاکستان افغانستان کے معاملے میں مداخلت نہیں چاہتا، ہمیں افغانستان میں قیام امن کی کوشش تو کرنی چاہیے مگر کسی مخصوص گروپ کی حمایت نہیں کرنی چاہیے۔ان کاکہناتھا کہ پاکستان نے اس سے پہلے اتناعرصہ امریکاجیسی سپر پاورکو احتجاج ریکارڈ نہیں کرایا۔

سلام آباد) صدر آصف علی زرداری نیٹو سربراہ کانفرنس میں شرکت کے لئے شکاگو پہنچ گئے ہیں ،صدرزرداری کانفرنس میں شرکت کے علاوہ مختلف عالمی رہنماوٴں سے ملاقاتیں بھی کریں گے،وزیرخارجہ حناربانی کھراورسیکریٹری خارجہ جلیل عباس جیلانی بھی صدرکے ہمراہ ہیں۔ جمعہ کو ترجمان دفترخارجہ کے مطابق صدرزرداری 20 اور 21 مئی کو ہونے والی شکاگو میں نیٹو سربراہ کانفرنس میں شرکت کریں گے،صدر مملکت کے ہمراہ وزیرخارجہ اور سیکرٹری خارجہ بھی اس دورے پر گئے ہیں۔

کراچی) کراچی الیکٹرک سپلائی کمپنی نے جمعے کو بھی ڈیڑھ سے دو گھنٹے کی تین بار لوڈشیڈنگ کا سلسلہ جاری رکھا، جبکہ بعض علاقوں سے فالٹ کے باعث بار بار بجلی بند ہونے کی اطلاعات ملی ہیں جبکہ شہر بھر میں پانی کی سپلائی کا نظام بھی ناکارہ ہو چکا ہے اور شہر میں پانی بھی غائب ہے لوڈشیڈنگ اورپانی کی کمی سے شہری پریشان ہیں رات میں ہونے والی لوڈشیڈنگ کو لوگوں نے سب سے بڑی پریشانی قرار دیا ان کا کہنا تھا کہ نیند پوری نہ ہونے کے باعث دن میں ان کے معمولات بری طرح متاثر ہوتے ہیں لیاری، بکرا پیڑی سے لوگوں نے بتایا کہ گزشتہ48گھنٹے سے ان کے ہاں بجلی نہیں ہے ا لفلاح ایچ ملیر نزد جامعہ ملیہ کالج 5دن سے پی ایم ٹی جل جانے کی وجہ سے بجلی نہیں ہے مکینوں کا کہنا ہے کہ کے ای ایس سی نے اس علاقے میں فکسڈ میٹر لگائے ہوئے ہیں جبکہ بعض حصے میں کنڈا سسٹم ہے کے ای ایس سی پی ایم ٹی ٹھیک کرنے کیلئے ساڑھے 8لاکھ روپے واجبات کی مد میں طلب کر رہا ہے بجلی نہ ہونے سے یہاں کے مکین شدید پریشان ہیں۔

سلام آباد ) پرسوں (پیر کو) پارلیمنٹ کے مشترکہ اجلاس میں جو وزیراعظم گیلانی کی ایڈوائس پر منعقد ہو رہا ہے حکومت اور اپوزیشن ارکان ایک بار پھر آمنے سامنے ہوں گے۔ ترکی کے وزیراعظم رجب طیب اردوان کے اعزاز میں منعقد پارلیمنٹ کا خصوصی اجلاس ایک ایسے موقع پر ہو رہا ہے جب سپریم کورٹ کے فیصلے کے تحت اپوزیشن سید یوسف رضا گیلانی کو وزیراعظم ماننے کو تیار نہیں ۔ مبصرین بجا طور پر توقع کرتے ہیں کہ ترک وزیراعظم رجب طیب اردوان کی پارلیمان میں موجودگی کے دوران حزب اختلاف وزیراعظم کی آئینی حیثیت کو اس شدت کے ساتھ چیلنج نہیں کرے گی جس کا مظاہرہ 17 روز قبل کیا گیا۔ ترک وزیراعظم کے خطاب کے موقع پر وزیراعظم اور قائد حزب اختلاف چوہدری نثار علی خان کی جانب سے تشکر کا اظہار بھی اس امر کی واضح علامت بنے گا کہ بادل نخواستہ ہی سہی مگر یہ بات خلاف حقیقت نہیں ہوگی کہ حزب اختلاف نے وزیراعظم کی آئینی حیثیت تسلیم کرلی ہے۔ اس سے بڑی حقیقت یہ ہے کہ وزیراعظم کی ایڈوائس پر بلائے گئے پارلیمنٹ کے اجلاس میں اپوزیشن ارکان بھی شریک ہوں گے۔ یہ مرحلہ اپوزیشن کیلئے مشکل اور تکلیف دہ ہوگا مگر مولانا رومی نے شاید اسی موقع کیلئے یہ شعر کہا تھا ۔

لندن ) متحدہ قومی موومنٹ کے قائدالطاف حسین نے کہاہے کہ دشمنوں کی تمام ترسازشوں اور منفی پروپیگنڈوں کے باوجود ایم کیوایم کاپیغام ملک بھر کے محروم ومظلوم عوام میں پھیل رہاہے اور ملک میں فرسودہ نظام کی تبدیلی اوراپنے حقوق کے حصول کیلئے تمام قومیتوں کے حق پرست محنت کش تیزی سے ایم کیوایم کے قریب آرہے ہیں۔ انہوں نے یہ بات انٹرنیشنل سیکریٹریٹ لندن میں ایم کیوایم پی آئی اے یونٹ کے کارکنوں سے گفتگوکرتے ہوئے کہی۔ الطاف حسین نے پی آئی اے یونٹ اور یونائٹڈ ورکرز یونین کے تمام کارکنوں، عہدیداروں اورتمام حق پرست محنت کشوں کو ان کی محنت ولگن سے کام کرنے پر زبردست خراج تحسین پیش کرتے ہوئے کہاکہ ایم کیوایم کے دشمن عناصر چاہے کتنی سازشیں کرلیں وہ ایم کیوایم کے پیغام کوملک بھر میں پھیلنے سے نہیں روک سکتے کیونکہ غریب ومتوسط طبقہ کے عوام نے اچھی طرح سمجھ لیاہے کہ اگر انکی کوئی سچی ہمدرداورنمائندہ جماعت ہے تووہ ایم کیوایم ہے۔ انہوں نے پی آئی اے یونٹ کے کارکنوں سے کہاکہ وہ ثابت قدمی اورمستقل مزاجی سے تحریک کے پیغام کوپھیلاتے رہیں۔ قبل ازیں پی آئی اے یونٹ کے کارکنوں نے الطاف حسین کوبتایاکہ بعض عناصرپی آئی اے میں ایم کیو ایم لیبرڈویژن یونٹ کوصرف کراچی تک محدود سمجھتے تھے لیکن آج ملک بھرمیں پی آئی اے کے تمام اسٹیشنوں میں ایم کیوایم کے کارکنان وہمدردموجودہیں جس کاسب سے بڑاثبوت یہ ہے کہ چند ماہ قبل پی آئی اے کی سی بی اے کیلئے ہونے والے ریفرنڈم میں ایم کیوایم کی یونین یونائیٹڈ ورکرزیونین تیسرے نمبرپرآئی اوراسے کراچی سمیت چاروں صوبوں میں قائم پی آئی اے کے اسٹیشنوں سے 1800 ووٹ حاصل ہوئے اوراسے تمام قومیتوں کے محنت کشوں نے ووٹ دیئے۔

کراچی ) لانڈھی کے علاقے مانسہرہ کالونی میں مسجد سے چپل چوری کے معاملے پر دو گروہوں میں جھگڑے کے دوران فائرنگ سے باپ بیٹے سمیت 4 افراد ہلاک اور خاتون سمیت 4 زخمی ہو گئے۔ جمعہ کو شرافی گوٹھ تھانے کی حدود لانڈھی مانسہرہ کالونی میں بسم اللہ مسجد کے قریب جھگڑے کے دوران فائرنگ سے 8 افراد زخمی ہو گئے۔ جنہیں جناح اسپتال منتقل کیا گیا جہاں باپ بیٹے سمیت 4 افراد 10 سالہ حیات، اس کا باپ 52 سالہ فضل محمد‘ 35 سالہ دوا شیر اور 45 سالہ محمد سراج زخموں کی تاب نہ لاتے ہوئے ہلاک ہو گئے جبکہ 45 سالہ ریاست بی بی‘ 30 سالہ امجد‘ 22 سالہ مسلم خان اور 32 سالہ ذکاء اللہ زخمی ہو گئے۔ پولیس کے مطابق فائرنگ سے ہلاک ہونے والے حیات کی چپل جمعہ کی نماز کے دوران بسم اللہ مسجد سے چوری ہو گئی تھی۔ نماز کے بعد کسی نے اسے بتایا کہ اس کی چپل علاقے کے رہائشی فاروق کے بیٹے نے پہنی ہوئی ہے، جس پر حیات نے اپنے والد محمد فضل سے شکایت کی تو اس بات پر محمد افضل اور فاروق کے درمیان تلخ کلامی پر جھگڑا ہو گیا جس کے بعد دونوں طرف سے فائرنگ کا سلسلہ شروع ہو گیا اور مسلح تصادم شروع ہو گیا۔ دو طرفہ فائرنگ کے نتیجے میں 4 افراد ہلاک اور 4 زخمی ہو گئے۔ مقتول باپ بیٹے کا آبائی تعلق کوہاٹ سے ہے جبکہ مقتول دوا شیر اور محمد سراج کا تعلق مردان سے تھا۔ پولیس کے مطابق دونوں گروہوں کے درمیان ایک پلاٹ پر قبضے کا معاملہ بھی چل رہا تھا۔ واقعے کے بعد علاقے میں خوف وہراس پھیل گیا اور دکانیں بند ہو گئیں۔ مقتول دوا شیر سات بچوں کا باپ تھا جبکہ محمد سراج کے چھ بچے تھے۔ واقعے کی اطلاع ملنے پر پولیس اور رینجرز کی بھاری نفری موقع پر پہنچ گئی اور حالات پر قابو پایا۔ پولیس نے سات مشتبہ افراد کو گرفتار کیا ہے تاہم مسلح افراد فرار ہو گئے۔ پولیس کے مطابق واقعے کی مزید تفتیش جاری ہے۔

سلام آباد/لاہور )وفاقی وزیر داخلہ رحمان ملک کی ہدایت پر وفاقی پولیس نے پرانی انکوائری کھول دی اورشریف برادران کے خلاف سپریم کورٹ حملہ کیس کی دوبارہ تفتیش شروع کر دی، جبکہ رحمن ملک نے انکوائری مکمل نہ کرنے کا سخت نوٹس لیتے ہوئے چیف کمشنر اور ڈپٹی کمشنر کو واقعے کی مکمل رپورٹ پیش کرنے کی ہدایت کردی اورایس ایس پی ملک یوسف کوتفتیشی افسر مقررکر دیا گیا، جبکہ اس حوالے سے شریف برادران کو نوٹس جاری کر دیئے گئے۔ 7دن میں بیان داخل کرانے کی مہلت دی گئی ہے۔ میڈیا رپورٹس کے مطابق وزارت داخلہ سے جاری ایک ہدایت نامہ ایس ایس پی ملک یوسف کو موصول ہوا جس میں شریف برادران کیخلاف سپریم کورٹ حملہ کیس کی دوبارہ تفتیش شروع کرنے کی ہدایت کی گئی ہے تاہم ایس ایس پی نے اپنے جوابی خط میں وزارت داخلہ سے کہا ہے کہ شریف برادران کیخلاف سپریم کورٹ حملہ کیس کے ٹھوس شواہد موجود نہیں ۔ تاہم اس کے باوجود انہوں نے وزارت داخلہ کی ہدایت پر سپریم کورٹ حملہ کے حوالے سے تفتیش شروع کردی ۔انہوں نے مسلم لیگ (ن) کے صدر میاں نواز شریف اور وزیراعلیٰ پنجاب میاں شہباز شریف کوبھی نوٹس بھجوا دیئے ہیں ۔ ذرائع کے مطابق ایوان وزیراعلی کو نوٹس موصول ہو گیا ہے ۔نوٹس میں کہا گیا ہے کہ آپکے بیرون ملک ہونے کی وجہ سے سپریم کورٹ حملہ کیس کی تحقیقات مکمل نہیں کی جاسکی تھیں اسلئے دوبارہ تحقیقات شرو ع کی گئی ہیں ۔میڈیارپورٹس کے مطابق شریف برادران سے کہا گیا ہے کہ وہ سات روز میں بیان ریکارڈ کرائیں اور اگر چاہیں تو پنجاب ہاؤس میں بھی بیان ریکارڈ کرایا جاسکتا ہے۔ذرائع کے مطابق شریف برادران کے خلاف سپریم کورٹ حملہ کیس کی تفتیش کا فیصلہ وزیر داخلہ رحمن ملک کی ہدایت پر کیا گیا ہے۔

اسلام آباد ) شریف برادران کے خلاف کرپشن کے مقدمات اب کھولنا پیپلز پارٹی کی پرانی حکمت عملی کا حصہ ہے کہ نواز لیگ پر درست موقع پر چوٹ ماری جائے تاکہ اس کی قیادت کو نقصان پہنچایا جا سکے اور ووٹروں پر اثر ڈالا جا سکے تاکہ آئندہ عام انتخابات میں حکمران اتحاد کو فائدہ ہو۔ 7/ جون 2011ء کو ایک اہم صدارتی مشیر نے دی نیوز کو اس حوالے سے معلومات دی تھیں اور 8/ جون کے دی نیوز میں یہ خبر شایع ہوئی تھی کہ شریف برادران کیخلاف زیر التواء کرپشن کے مقدمات بحال کیے جائیں گے اور یہ کام عام انتخابات سے چند ماہ قبل کیا جائے گا تاکہ اپوزیشن کو سیاسی لحاظ سے نقصان پہنچایا جا سکے۔ صدارتی مشیر نے بتایا تھا کہ موجودہ حکومت گزشتہ چار سال سے جان بوجھ کر شریف برادران کے خلاف ان مقدمات پر آنکھیں بند کیے ہوئے ہے اور مقدمات دوبارہ کھولنے کیلئے درست وقت کا انتظار کیا جا رہا ہے۔ نیب نے اب اعلان کیا ہے کہ وہ شریف برادران کیخلاف منی لانڈرنگ کیس کی تحقیقات کرے گی؛ یہ ادارہ حکمرانوں کے کنٹرول میں ہے اور گزشتہ چار سال سے حکمرانوں کے اشاروں پر ناچ رہا ہے۔ 11/ اکتوبر 2011ء کو اس وقت کے اہم ترین صدارتی مشیر بابر اعوان نے بھی دی نیوز سے بات چیت کرتے ہوئے کہا تھا کہ نیب صدر زرداری کے حکم پر شریف برادران کے خلاف کرپشن کے مقدمات پر کارروائی نہیں کر رہا۔

واشنگٹن) امریکی اخبار لاس اینجلس ٹائمزنے انکشاف کیا ہے کہ امریکا نے سلالہ حملے پر پاکستان سے معافی مانگنے کا ارادہ کئی بار کیا لیکن امریکی انتظامیہ میں اختلافات کی وجہ سے معاملہ کھٹائی میں پڑگیا، ہلیری کلنٹن کی قیادت میں معافی کیلئے پاکستان جانے والے مشن کو آدھے راستے سے واپس بلایا گیا تھا۔امریکی اخبار وال اسٹریٹ جرنل کی رپورٹ کے مطابق سلالہ حملے پر معافی کی حمایت کرنے والے کہتے ہیں کہ یہ پاکستان سے تعلقات بہتر بنانے کا بہترین طریقہ ہے جبکہ اس خیال کی مخالفت کرنیوالے کہتے ہیں کہ اس طرح امریکہ کی پوزیشن کمزور ہو گی جبکہ امریکہ دہشتگردوں کے خاتمے کیلئے پاکستان پر دباؤبرقرار رکھنا چاہتا ہے۔امریکی فوج کے مطابق پاکستان سے فوری معافی اپنی غلطی تسلیم کرنے کے مترادف ہو گی۔رپورٹ کے مطابق پینٹاگون نے حملے میں شہید ہونیوالے فوجیوں کے اہلخانہ کو معاوضہ دینے کی پیش کش کی تھی لیکن پاکستان نے معافی کے بغیر معاوضے کی پیشکش کو مسترد کردیا،اخبار کی رپورٹ میں یہ انکشاف بھی کیاگیا کہ سلالہ حملے پر پینٹاگون کی تحقیقاتی رپورٹ جاری ہونے سے پہلے اس میں معافی مانگنے کا فیصلہ کیا گیا تھا جس کا ڈرافٹ بھی تیار تھالیکن لیون پنیٹا سمیت امریکی انتظامیہ کے بعض افسران نے اس میں تبدیلی کی اور لفظ” اپالوجائز “کو”ڈیپ ریگریٹ“ سے تبدیل کردیا گیا۔

-کراچی ) آئندہ صوبائی بجٹ میںعوام کی فلاح و بہبود کے لیے ترقیاتی کاموں خاص طور پر پینے کے پانی کی فراہمی‘ روڈ نیٹ ورک کے میگا پروجیکٹس پر فوکس کیاجائے گا۔ گزشتہ روز گورنر ہاوس میں گورنر سندھ ڈاکٹر عشرت العباد خان اور وزیراعلیٰ سندھ سید قائم علی شاہ کی صدارت میں منعقدہ اعلیٰ سطح کے اجلاس میں آئندہ مالی سال کے بجٹ پر غور کیا گیا۔ اجلاس میں صوبائی وزیر خزانہ سید مراد علی شاہ‘ صوبائی وزرا رضا ہارون‘ ڈاکٹر صغیر احمد‘ سید سردار احمد‘ سیکرٹری خزانہ نویدکامران‘ پرنسپل سیکرٹری ڈاکٹر نوشاد شیخ اور دیگر اعلیٰ حکام نے شرکت کی۔ کراچی شہر کو فراہمی آب اور نکاسی آب کے عظیم منصوبوں کے فور (K-IV) اور ایس تھری کے لیے صوبائی بجٹ میں صوبے کے حصے کی رقم مختص کی جارہی ہے۔ اجلاس میں بتایا گیا کہ صوبائی بجٹ میں تعلیم‘ صحت اور انفرااسٹرکچر ڈیولپمنٹ کے لیے ترجیحی بنیادوں پر کام پر زور دیا جائے گا۔ صوبے بھر میں ان شعبوں میں جاری منصوبوں کی تکمیل پر بھی خصوصی توجہ دی جائے گی جبکہ صوبے میں روڈ نیٹ ورک کو جدید خطوط پر استوار کرنے کے لیے بھی رقم کا اہتمام کیا جارہا ہے۔ مجموعی طور پر بجٹ عام آدمی کے معیار زندگی میں بہتری لانے اور اس کو فائدہ پہنچانے کا سبب بنے

کوئٹہ ) وزیر اعلیٰ بلوچستان نواب اسلم رئیسانی نے کہا ہے کہ میں چار سال سے اسلام آباد کے چکر لگا لگا کر تھک گیا ہوں ، اسلام آباد میں والے ہماری بات سمجھتے نہیں یا سمجھنا نہیں چاہتے ، حکومت اور اپوزیشن عوامی مشکلات کو پس پشت ڈال کر نئے صوبوں پر لڑ رہی ہے ، این ایچ اے گوادر کو ملانے والی شاہراہوں کی تکمیل میں غیر سنجیدہ ہے ، پورٹ آف سنگاپور کے ساتھ معاہدے پر نظر ثانی کی جائے ۔ جمعہ کو یہاں میڈیا سے گفتگو کرتے ہوئے وزیراعلیٰ بلوچستان نے کہاکہ گوادر پورٹ کی دیکھ بھال کیلئے کیے جانے والے معاہدے پر نظر ثانی کی جانی چاہئے جبکہ پورٹ آف سنگا پور کے ساتھ بھی جو معاہدہ ہوا ہے اس پر نظر ثانی کی جانی چاہئے ۔ا نہوں نے کہا کہ نیشنل ہائی وے حکام کام کرنا نہیں چاہتے، محض امن و امان کے نام پر صوبے کو بدنام کر رہے ہیں ۔ این ایچ اے گوادر کو ملانے والی شاہراہوں کی تکمیل میں غیر سنجیدہ ہے ۔

اسلام آباد ) جوڈیشل کمیشن آف پاکستان نے لاہور ہائی کورٹ کے چیف جسٹس شیخ عظمت سعید کو سپریم کورٹ کا جج جبکہ لاہور ہائی کورٹ کے سینئر جج عمر عطا بندیال کو ہائی کورٹ کا چیف جسٹس بنانے کی سفارش کی ہے۔ اجلاس میں سندھ ہائی کورٹ کے ججوں کی تعیناتی کے حوالے سے معاملے کو2 جون تک موخر کر دیا گیا ہے۔ جوڈیشل کمیشن کا اجلاس چیف جسٹس افتخار محمد چوہدری کی سربراہی میں منعقد ہوا جس میں سپریم کورٹ کے سینئر جج صاحبان اٹارنی جنرل، ڈاکٹر خالد رانجھا، وزیر قانون اور دیگر ممبران نے شرکت کی۔ جوڈیشل کمیشن نے اپنی سفارشات تیار کر کے پارلیمانی کمیٹی کو بھجوا دی ہے۔ سپریم کورٹ میں جسٹس شیخ عظمت سعید کی تعیناتی کے بعد ججز کی آئینی 17آسامیاں پُر ہو گئی ہیں اور بار کے مطالبے پر جوڈیشل کمیشن نے ایڈہاک ججز کی بجائے ایک مستقل آسامی کو پُر کر کے سپریم کورٹ میں ججوں کی تعداد کو مکمل کر دیا ہے۔

سلام آباد ) سپریم کورٹ نے فیڈرل ڈائریکٹوریٹ آف ایجوکیشن کے ڈی جی کے عہدے پر اہم سیاسی شخصیت کے قریبی تھرڈ ڈویژن بی اے پاس شخص کی سیاسی بنیادوں پر خلاف قانون تقرری کا سخت نوٹس لیا ہے۔ دوران سماعت عدالت نے ڈی جی عاطف کیانی کو ہٹانے اور کسی اہل شخص کی تعیناتی کی ہدایت کی ہے جبکہ عدالت نے اس غیرقانونی تقرری کا دفاع کرنے پر سیکرٹری کیپٹل ایڈمنسٹریشن (کیڈ) امتیاز عنایت الٰہی کی سخت سرزنش کی اور ان کو ہدایت کی ہے کہ وہ نئے اہل مستقل ڈی جی کیلئے عمل شروع کر دیں اور 10 دن بعد عدالت کو اس بارے میں آگاہ کیا جائے۔ اگر میرٹ پر نئے ڈی جی کا تقرر نہ کیا گیا تو عدالت اس عمل کو دیکھے گی۔ دریں اثناء اے پی پی کے مطابق وزارت کیپٹل ایڈمنسٹریشن اینڈ ڈویلپمنٹ نے عاطف محمود کیانی سے نظامت تعلیمات کے ڈائریکٹر جنرل کے عہدے کا اضافی چارج واپس لے لیا۔ نوٹیفکیشن کے مطابق پرائیویٹ ایجوکیشنل انسٹی ٹیوشنز ریگولیٹری اتھارٹی (پیرا) کے ڈائریکٹر جنرل عاطف محمود کیانی جن کے پاس وفاقی نظامت تعلیمات کے ڈائریکٹر جنرل کا اضافی چارج تھا، وہ واپس لے لیا گیا ہے۔نمائندہ جنگ کے مطابق عدالت کو سیکرٹری کیڈ نے یقین دہانی کرائی کہ وہ نئے مستقل ڈی جی کی تقرری کیلئے فوری عمل شروع کر دیں گے اور نئے ڈی جی کی تقرری کیلئے جن اہل لوگوں کے نام وزیراعظم کو بھجوائیں گے، ان میں درخواست گزار پی ایچ ڈی کی حامل خاتون افسر شہناز اے ریاض کا نام بھی شامل ہوگا۔ دوران سماعت چیف جسٹس نے کہا کہ ملک میں نظام تعلیم کے ساتھ یہ سلوک ہو رہا ہے ایک تھرڈ ڈویژن شخص راجہ عاطف کیانی کو ڈی جی نظامت تعلیمات بنایا ہوا ہے اور وہ بھی 11 ماہ سے کنٹریکٹ پر ہے جس کی قانون میں کوئی گنجائش نہیں کیونکہ سیکرٹری بھی کسی شخص کو تین ماہ سے زیادہ کنٹریکٹ نہیں دے سکتا۔ چیف جسٹس نے امتیاز عنایت الٰہی سے کہا کہ آپ کو تو اس شخص کا دفاع نہیں کرنا چاہئے تھا۔ چیف جسٹس کی سربراہی میں جسٹس جواد ایس خواجہ اور جسٹس خلجی عارف حسین پر مشتمل تین رکنی بنچ نے کیس کی سماعت کی۔ عدالت نے ریکارڈ سے یہ جائزہ لیا کہ موجودہ ڈی جی راجہ عاطف کیانی تھرڈ ڈویژن بی اے پاس ہیں اور درخواست گزار پی ایچ ڈی ہیں جس کا حق مارا گیا ہے اور راجہ عاطف کیانی کی سیاسی بنیادوں پر تقرری ہوئی ہے تو چیف جسٹس نے کہا کہ یہ شخص تو ڈی جی کے عہدے کا اہل ہی نہیں ہے۔ چیف جسٹس نے کہا کہ یہ شخص ڈی جی کیلئے اہل نہیں ہے اس کو فوری ہٹائیں۔ کیا ہمارے ملک میں تعلیم کے ساتھ ایسا سلوک کیا جاتا ہے۔ آپ لوگ قوم کے بچوں کیساتھ کیا سلوک کر رہے ہو۔ یہاں اہل لوگوں کو آنا چاہئے کیا آپ کو یہ علم نہیں تھا کہ ڈی جی صرف تھرڈ ڈویژن پاس ہے۔ سیکرٹری کیڈ نے کہا کہ میں ابھی آیا ہوں مجھے اس بارے میں علم نہیں تھا۔ جسٹس خواجہ نے کہا کہ جب آپ کو علم ہوا تو پھر آپ نے اس کو کیوں نہیں ہٹایا۔ آپ کو تو چاہئے تھا کہ اس کو باہر نکال دیتے لیکن آپ دفاع کر رہے ہو۔ یہاں ہم آپ یا وزیراعظم کوئی بھی قانون سے بالاتر نہیں ہے۔ ڈی جی راجہ عاطف کیانی نے عدالت کے استفسار پر بتایا کہ اس کا پرائیویٹ اسکولوں میں بھی حصہ ہے اور وہ ان میں حصہ دار ہے تو عدالت نے اس بات پر بھی سخت ناراضی کا اظہار کیا۔ چیف جسٹس نے کہا کہ ہم اس طریقہ کار کا بھی جائزہ لیں گے جس کے تحت یہ نیا ڈی جی تعینات کریں گے کہ کیا انہوں نے نئے ڈی جی کی تعیناتی قانون کے مطابق کی ہے یا نہیں۔

قصور)مسلم لیگ ن کے صدر نواز شریف نے کہا ہے کہ غیر آئینی وزیراعظم کو چیف الیکشن کمشنر کے تقرر اور بجٹ میں من مانی نہیں کرنے دیں گے، تمام ایشوز پر قومی اسمبلی میں بھرپور کردار ادا کریں گے۔ انہوں نے کہا کہ نیٹو سپلائی کھولنے پر سب کی سبکی ہوگی، زرداری اور گیلانی کشکول اٹھا کر جگہ جگہ بھیک مانگ رہے ہیں، ایسے لوگوں سے کون معافی مانگے گا۔ انہوں نے مزید کہا کہ بھارت سے تجارت کیلئے گنڈا سنگھ بارڈر بھی کھلنا چاہیے، امن کی آشا اچھی بات ہے، یہ عمل آگے بڑھنا چاہیے اس سے دونوں ممالک کو فائدہ ہوگا۔ وہ جمعہ کو یہاں گنڈاسنگھ بارڈر پر صحافیوں سے بات کر رہے تھے۔ نواز شریف نے کہا کہ وزیراعظم ہر روز گھما پھرا کر پرانی باتیں کرتے ہیں، ان کی باتوں کا کیا جواب دوں۔؟، حکومت قراردادوں کو پاس کرکے ردی کی ٹوکری میں ڈال دیتی ہے یہ درست نہیں۔ نواز شریف نے کہا کہ حکومت کو اپنی ناکامیوں کا اعتراف کر لینا چاہیے، زرداری اور گیلانی الیکشن کو سامنے رکھ کر بات کرتے ہیں جبکہ ہم پاکستان کو سامنے رکھ کر بات کرتے ہیں ،حکمرانوں کو ذاتی مفادات اور ہمیں پاکستان عزیز ہے، موجودہ حکومت کو عوام کے مسائل کا ادراک نہیں ہے، ہم نے کبھی سیاسی پوائنٹ اسکورنگ نہیں کی، ہمیشہ ملکی مفاد کو مدنظر رکھ کر بات کی ہے۔

لاہور) وزیراعظم یوسف رضا گیلانی نے کہا ہے کہ مسلم لیگ ن لانگ مارچ کرنا چاہتی ہے تو پہلے اسمبلیوں سے استعفے دے اور حقیقی اپوزیشن بنے، کوئی صدر کو یا مجھے غیر جمہوری انداز سے نہیں ہٹاسکتا،کسی میں ہمت اور جرأت ہے تو صدر کیخلاف مواخذے اور میرے خلاف عدم اعتماد کی تحریک لائی جائیں،کسی کے کہنے سے کوئی آیا نہ جائیگا، پنجاب حکومت لوگوں کو وفاق کیخلاف نہ اکسائے۔ وہ جمعہ کو یہاں مسلم لیگ ق کے صدر چوہدری شجاعت حسین، سینئر وفاقی وزیر چوہدری پرویز الہٰی سے ملاقات کے بعد صحافیوں سے گفتگو کررہے تھے جبکہ اس موقع پر راجہ پرویز اشرف، چوہدری وجاہت حسین اور دیگر موجود تھے۔وزیراعظم نے کہا کہ نیٹو سپلائی کی بحالی کا حتمی فیصلہ نہیں ہوا، صدر کی شکاگو کانفرنس میں شرکت غیر مشروط ہے، آئندہ بجٹ میں کوئی نیا ٹیکس نہیں لگایا جائیگا۔انہوں نے کہا کہ ہماری پہلی جمہوری حکومت ہے جو پانچواں بجٹ پیش کر رہی ہے کچھ لوگ سینیٹ کے الیکشن رکوانے میں ناکامی کے بعد اب بجٹ رکوانے کیلئے لانگ مارچ کرنے کی دھمکی دے رہے ہیں، ن لیگ لانگ مارچ کرسکتی ہے نہ کریگی اس وقت سب حکومت میں شامل ہیں کون کس کیخلاف لانگ مارچ کریگا، ن لیگ بھی حکومت میں ہے۔ انہوں نے کہا کہ توانائی بحران لوڈ شیڈنگ اور بیروزگاری کا خاتمہ حکومت کی اولین ترجیحات ہیں اس حوالے سے حکومت مختلف منصوبوں پر عمل کر رہی ہے ہماری حکومت نے 3ہزار میگا واٹ بجلی نیشنل گرڈ میں شامل کی صوبوں کے بجلی پیدا کرنے پر کوئی پابندی نہیں ہے جو لوگ یہ کہتے کہ اب تک بجلی پیدا کرنے میں وفاقی حکومت نے کوئی کام نہیں کیا وہ بتائیں کہ صوبوں نے اب تک کتنے واٹ بجلی پیدا کی ہے۔ انہوں نے کہا لوڈ شیڈنگ کے خاتمے کیلئے شجاعت حسین کے فارمولے سے مکمل اتفاق کرتا ہوں بجلی بحران کے خاتمے کیلئے اسپیشل کمیٹی کا اجلاس روزانہ ہوگا۔ ایک سوال پر انہوں نے کہا میرے بیٹے پر الزام اس لئے ہے کہ وہ سیاست میں ہے اس موقع پر چوہدری شجاعت نے کہا کہ جو وزیر اعظم کو نہیں مانتے وہ عدلیہ کے فیصلوں کا کیا احترام کریں گے سپریم کورٹ پر حملہ کرنے والے عدلیہ کے مجرم ہیں۔

کراچی ) شہر قائد کراچی میں دہشت اور بربریت میں بتدریج اضافہ ہوتا جارہا ہے اور جمعہ کو ایمبولینس اور مقتول کے لواحقین پر فائرنگ اور ٹارگٹ کلنگ کے دیگر واقعات میں مزید 9 / افراد جاں بحق جبکہ بیٹوں کی لاشیں وصول کرنے کیلئے سرد خانے جانے والی ماں زلیخا بی بی اور ایک شخص زخمی ہوگئے۔ لیاقت آباد میں 26 سالہ نامعلوم فرد کی بوری بند لاش برآمد ہوئی۔ تفصیلات کے مطابق سہراب گوٹھ ایدھی سرد خانے کے قریب ایمبولینس اور کار پر نامعلوم مسلح موٹر سائیکل سواروں کی فائرنگ سے 3 افراد ہلاک جبکہ دو زخمی ہوئے۔ پولیس کے مطابق اس ماہ کی 13 اور 16 تاریخ کو سعید آباد تھانے کی حدود میں قتل ہونے والے تین بھائیوں اسلام بلوچ، سعید اور مجیب کی ماں زلیخا بی بی لیاری کے رہائشی عبدالباسط، شعیب اور اپنی بیٹی اور بہن کے ساتھ اپنے بیٹوں کی لاشیں وصول کرنے ایدھی سرد خانے جارہی تھی کہ نامعلوم موٹر سائیکل سواروں نے ایمبولینس اور کار پر اندھا دھند فائرنگ کر دی جس کے نتیجے میں 35 سالہ عبدالباسط ولد محمد عالم، 25 سالہ شعیب ولد محمد شریف اور ایمبولینس ڈرائیور محمد عمران ہلاک جبکہ زلیخا بی بی اور نجی ایمبولینس سروس کا چیئرمین زخمی ہوگئے۔ پولیس کے مطابق عبدالباسط لیاری کے علاقے آٹھ چوک کا رہائشی اور جالاوان ہوٹل کا مالک ہے جبکہ شعیب اس کا دوست ہے۔ دونوں زلیخا کے کہنے پر اس کے ساتھ اس کے بیٹوں کی لاشیں وصول کرنے جارہے تھے جبکہ ہلاک ہونے والے ایمبولینس ڈرائیور محمد عمران کا تعلق سندھ کے علاقے سہراب پور سے ہے۔ پولیس کے مطابق زلیخا کا آبائی تعلق بلوچستان سے ہے اور وہ بیٹوں کی لاشوں کو وصول کر کے انہیں بلوچستان لیکر جانا چاہتی تھی اس لئے وہ عبدالباسط اور شعیب کو اپنے ساتھ لیکر گئی تھی۔ واقعے میں زلیخا کی بیٹی اور بہن معجزانہ طور پر بچ گئیں اور انہیں کوئی نقصان نہیں پہنچا۔ سمن آباد پولیس نے ہلاک ہونے والے عبدالباسط پر محمد عالم کے بڑے بھائی عبدالمالک ولد محمد عالم کی مدعیت میں مقدمہ درج کر لیا ہے۔ شاہ فیصل کالونی میں نامعلوم موٹر سائیکل سواروں کی فائرنگ سے 25 سالہ عمران ولد غفار ہلاک ہوگیا۔ پولیس کے مطابق مقتول شاہ فیصل کالونی نمبر 4 گلی نمبر 4 عثمان مسجد کے پاس کھڑا تھا کہ اس دوران نامعلوم موٹر سائیکل سواروں کی فائرنگ سے ہلاک ہوگیا۔ مقتول کو 3 گولیاں لگیں۔ پولیس کے مطابق مقتول گلی نمبر 4 کا ہی رہائشی اور ایم کیو ایم یونٹ 108 کا کارکن تھا۔ واقعے کے بعد نامعلوم افراد نے فائرنگ کر کے علاقہ بند کروا دیا۔ شیر شاہ میں نامعلوم افراد کی فائرنگ سے 40 سالہ سوزوکی ڈرائیور غلام خان ولد بخت خان ہلاک ہوگیا۔ پولیس کے مطابق مقتول لیاری ایکسپریس وے کے قریب شاہجہان ہوٹل کے پاس واقع سوزوکی اڈے پر بیٹھا تھا کہ نامعلوم افراد کی فائرنگ کا شکار ہوگیا۔ مقتول سہراب گوٹھ کے علاقے نیو سبزی منڈی کا رہائشی اور صوبہ خیبر پختونخوا کا رہائشی تھا۔ بلدیہ میں نامعلوم افراد کی فائرنگ سے 2 بھائی ہلاک ہوگئے۔ پولیس کے مطابق 25 سالہ مرید حسین ولد امیر بخش اور 30 سالہ بشیر احمد ولد امیر بخش کو انجام کالونی جام نگر میں فائرنگ کر کے ہلاک کیا گیا۔ مقتول نادیہ مسجد جام نگر کے رہائشی تھے۔ شاہ لطیف ٹاؤن میں نامعلوم افراد کی فائرنگ سے 27 سالہ صابر علی ولد فضل اللہ ہلاک ہوگیا۔ پولیس کے مطابق مقتول کو سیکٹر 16-B شاہ لطیف ٹاؤن کے قریب فائرنگ کا نشانہ بنایا گیا۔ مقتول چار سدہ کا رہائشی ہے۔ پولیس کے مطابق واقعہ ذاتی دشمنی کا شاخسانہ لگتا ہے۔ لیاقت آباد تھانے کی حدود ٹمبر مارکیٹ نزد مکان نمبر 266 سے ہاتھ پاؤں بندھی بوری بند لاش برآمد ہوئی۔پولیس کے مطابق مقتول کو سر پر گولی مار کر ہلاک کیا گیا۔

واشنگٹن)امریکی ایوان نمائندگان نے642.5ارب ڈالرکا دفاعی بجٹ منظور کرلیا ، پاکستان کی امداد میں کٹوتی کا بل بھاری اکثریت سے مسترد کر دیا، تاہم اتحادی معاونت فنڈ کی مد میں دی جانے والی 65کروڑ ڈالر کی امداد کو نیٹو سپلائی کی بحالی سے مشروط کرتے ہوئے پاکستان سے دہشت گردی کے خلاف مزید اقدامات اٹھانے کا مطالبہ کر دیا ہے۔ غیر ملکی خبررسا ں ادارے کے مطابق امریکی ایوان نمائندگان نے ڈیفنس اتھارائزیشن ترمیمی بل کو اکثریت سے منظورکر لیا ہے جس کے مطابق پاکستان کو دی جانیوالی امداد نیٹو سپلائی سے مشروط کردی گئی ہے، بل میں سفارش کی گئی ہے کہ نیٹو سپلائی کی بحالی، اورراستے کھولے جانے تک کولیشن سپورٹ فنڈ کوروک لیا جائے، سپلائی روٹ کھلنے پروزیردفاع ایوان کو رپورٹ کے ذریعے سپلائی کی بحالی کیلئے پاکستانی اقدامات سے آگاہ کریں گے،امریکی وزیردفاع گزشتہ سال سے اب تک نیٹو سپلائی کے حوالے سے اخراجات سے بھی آگاہ کریں گے۔بل میں کہاگیا ہے کہ پاکستان حقانی نیٹ ورک اور دھماکا خیز مواد کے حوالے سے اقدامات کرے۔ بل کو سینیٹ میں پیش کیاجائیگا اور صدراوباما کے دستخط کے بعد یہ باقاعدہ قانون بن جائیگا۔اس سے پہلے کانگریس نے پاکستان کی امداد میں کٹوتی کا بل مسترد کر دیا۔ "پاکستان ٹیرر اکاوٴنٹیبلٹی ایکٹ 2012" کے نام سے بل کو "ڈانا روہرا بیکر "نے ایوان میں پیش کیا تھا۔335 ارکان نے بل کی مخالفت جبکہ 84حمایت میں ووٹ دیا ، بل میں تجویز کیا گیا تھا کہ ہر امریکی کی ہلاکت کے بدلے پاکستان کو دی جانے والی امداد سے پانچ کروڑ ڈالر کی کٹوتی کی جائے ۔

اسلام آباد ) میمو عدالتی کمیشن نے منصور اعجاز کے بلیک بیری، ای میل فرانزک تجزیاتی رپورٹ، تحریری نوٹس اور بلیک بیری اسکرین شاٹس کو ریکارڈ کا حصہ بناتے ہوئے اجلاس کی باضابطہ کارروائی ختم کر دی جبکہ سیکرٹری خارجہ کو امریکا میں پاکستانی سفارتخانہ میں خفیہ فنڈز کے استعمال کی تفصیلات چیمبر میں پیش کرنے کی ہدایت کی ہے۔ کمیشن 10 جون تک اپنی رپورٹ سپریم کورٹ میں پیش کر دیگا۔ جمعہ کو عدالتی کمیشن کا اجلاس چیف جسٹس بلوچستان ہائیکورٹ جسٹس قاضی فائز عیسیٰ کی سربراہی میں اسلام آباد ہائیکورٹ میں منعقد ہوا۔ تین رکنی کمیشن میں سندھ ہائیکورٹ کے چیف جسٹس مشیر عالم اور چیف جسٹس اسلام آباد ہائی کورٹ اقبال حمید الرحمن بھی شامل ہیں۔ امریکہ میں سابق پاکستانی سفیر حسین حقانی کے وکلاء کمیشن میں پیش نہیں ہوئے۔ سیکرٹری کمیشن راجہ جواد عباس نے منصور اعجاز کے بلیک بیری اور ای میل فرانزک کی رپورٹ پیش کرتے ہوئے کمیشن کو بتایا کہ ماہرین مارک ڈنشا اور سالمنڈ نے جدید مشینری کے ذریعے 8 گھنٹوں میں ڈیوائسز کا معائنہ کیا۔ منصور اعجاز نے اپنا لیپ ٹاپ اور بلیک بیری 10 مئی کو میرے حوالے کر دیئے تھے اور فرانزک معائنہ کے دوران انہوں نے کسی قسم کی کوئی مداخلت نہیں کی۔ اجلاس کی کارروائی کے دوران اکرم شیخ ایڈووکیٹ نے کہا کہ فرانزک ٹیسٹ کے بعد منصور اعجاز کے شواہد کی تصدیق ہو گئی ہے۔ انہوں نے کہا کہ میرے علم کے مطابق امریکہ میں پاکستانی سفارتخانے میں 2 ملین ڈالر سالانہ سیکرٹ فنڈ مختص ہے اور حسین حقانی نے 7 ملین ڈالر اس فنڈ سے استعمال کئے۔ اکرم شیخ نے کہا کہ حسین حقانی ہارلن المسن اور ڈیوڈ فرم کو ماہانہ بالترتیب 25 ہزار اور 5 ہزار ڈالر اس فنڈ سے دیتے رہے حالانکہ وہ رجسٹرڈ لابسٹ بھی نہیں ہیں۔ انہوں نے مزید کہا کہ حسین حقانی آخری دلائل تک انکار کرتے رہے جبکہ آزاد ماہرین نے منصور اعجاز کی الیکٹرانک شہادتوں کی تصدیق کر دی ہے اور ان کا ایک دعویٰ بھی غلط ثابت نہیں ہوا۔ انہوں نے کمیشن سے استدعا کی کہ اس سارے عمل پر اٹھنے والے اخراجات حسین حقانی سے وصول کئے جائیں۔ اکرم شیخ نے کہا کہ حسین حقانی نے خفیہ فنڈز کا بے دریغ استعمال کیا جو قوم کا پیسہ تھا۔ انہوں نے کہا کہ سپریم کورٹ اصغر خان کیس میں عوام کے 14 کروڑ روپے کے استعمال کا معاملہ دیکھ رہی ہے جبکہ یہ 7 ملین ڈالر کا معاملہ ہے۔ اس کی بھی تحقیقات ہونی چاہئیں۔ اس پر جسٹس قاضی فائز عیسیٰ نے کہا کہ کمیشن کا مینڈیٹ محدود ہے۔ ڈپٹی اٹارنی جنرل طارق محمود جہانگیری کے اعتراض پر جسٹس قاضی فائز عیسیٰ نے کہا کہ انہوں نے حقانی پر الزام لگایا ہے حکومت پر نہیں، اکرم شیخ ایڈووکیٹ نے کہا کہ استثنیٰ یا استحقاق کسی ادارے کے سربراہ کو حاصل ہوتا ہے۔ بطور سفیر حسین حقانی دفتر خارجہ کے سربراہ نہیں تھے۔ قبل ازیں ڈپٹی اٹارنی جنرل اور منصور اعجاز کے وکیل اکرم شیخ نے سیکرٹری میمو کمیشن راجہ جواد عباس سے سوالات بھی کئے۔ ڈی اے جی طارق محمود جہانگیری نے سیکرٹری کمیشن سے استفسار کیا کہ آپ نے کن بنیادوں پر فرانزک ماہرین کا تعین کیا، سیکرٹری کمیشن نے بتایا کہ اس کمپنی ”سسٹم ٹیکنالوجی کنسلٹنٹ“ کی ساکھ اچھی تھی۔ انہوں نے معاوضہ بھی معقول حاصل کیا۔ ڈپٹی اٹارنی جنرل طارق محمود جہانگیری کے فرانزک ماہرین کی قابلیت بارے سوال پر سربراہ کمیشن جسٹس قاضی فائز عیسیٰ نے کہا کہ آپ پہلے نشاندہی کر دیتے تو ہم ماہرین سے ڈگریاں بھی لے لیتے، اس موقع پر ایسے سوالات کا جواز نہیں بنتا۔ اکرم شیخ نے کمیشن کو بتایا کہ میڈیا رپورٹس کے مطابق حسین حقانی اور ان کے وکلاء نے کمیشن کا بائیکاٹ کر رکھا ہے جس پر سربراہ کمیشن جسٹس قاضی فائز عیسیٰ نے کہا کہ ان کی جانب سے کسی قسم کی کوئی تحریری درخواست کمیشن کو نہیں ملی۔ استفسار کرنے پر کمیشن کو بتایا گیا کہ سیکرٹری خارجہ بیرون ملک ہونے کی وجہ سے پیش نہیں ہوئے جس پر کمیشن نے اجلاس کی کارروائی باضابطہ طور پر ختم کرتے ہوئے سیکرٹری خارجہ کو ہدایت کی کہ وہ وطن واپسی پر امریکہ میں پاکستانی سفارتخانہ میں استعمال ہونے والے خفیہ فنڈز کا مکمل ریکارڈ چیمبر میں پیش کریں، کمیشن نے اپنے احکامات میں کہا ہے کہ جن فریقین کو نقول کی ضرورت ہو وہ کمیشن کو درخواست دیکر حاصل کر سکتے ہیں۔

اسلام آباد ) پاکستان نے نرم ابتداء کا آغاز کرتے ہوئے افغانستان میں سفارتی مشنز اور نان نیٹو سامان کی ترسیل کی اجازت دے دی ہے اور امریکی سفارتخانے کے 4 / کنٹینرز طورخم کے راستے افغانستان پہنچ گئے ہیں جس میں سفارتخانے کیلئے اسٹیشنری کمپیوٹرز ، پرنٹرز اور دیگر دفتری سامان شامل ہے ۔ تاہم کابل میں امریکی سفارتخانے نے سفارتی سامان موصول ہونے کی تصدیق سے گریز کیا ۔ دوسری جانب ایک عہدیدار نے اے ایف پی کو بتایا کہ کنٹینرز کی درست تعداد نہیں بتائی جاسکتی تاہم چند روز میں مزید کنٹینرز افغانستان جائیں گے جبکہ ٹی وی رپورٹ کے مطابق اسلام آباد میں امریکی سفارتخانے نے اس امر کی تصدیق کی ہے کہ کنٹینرز نیٹو سے تعلق نہیں رکھتے اور ان میں صرف سفارتخانے کا سامان ہے۔ حکام کا کہنا تھا کہ سفارتی سامان کے 300 ٹرک پاکستان میں پھنسے ہوئے ہیں اور ان میں سے صرف 4 بحال ہوئے ہیں۔علاوہ ازیں ماریانہ بابر کے مطابق صدر مملکت آصف علی زرداری شکاگو میں ہونے والی نیٹو کانفرنس میں نیٹو سپلائی بحال کرنے کا باضابطہ اعلان کریں گے ، شکاگو روانہ ہونے سے قبل اعلیٰ پی پی پی قیادت کے ساتھ ہونیوالے اجلاسوں میں صدر زرداری کو مشورہ دیا گیا کہ نیٹو سپلائی کی بحالی کا باضابطہ اعلان نیٹو کانفرنس سے خطاب کے دوران کیا جائے۔ صدر زرداری کی طرف سے شکاگو میں ممکنہ اعلان کے پیچھے (اگر دو طرفہ مذاکرات کامیاب ہوگئے اور ان میں بروقت اتفاق ہوگیا) یہ نظریہ کارفرما ہے کہ اس سے صدر کو اس وقت جب ساری دُنیا کی نظریں پاکستانی رہنما پر جمی ہونگی بین الاقوامی سطح پر اہمیت حاصل گی۔ دوسرا یہ کہ اس سے مذہبی گروپوں اور نواز شریف کی جانب سے اندرونی محاذ پر مخالفت میں کمی آئے گی۔ حکام نے دی نیوز کو بتایا کہ ”صدر کی طرف سے دو طرفہ ملاقاتوں کی درخواست کی گئی ۔ ان ملاقاتوں کا فیصلہ آخری لمحات میں ہوگا، اس لئے یہ کہنا قبل از وقت ہوگا کہ کس سے ملاقات ہوگی لیکن سربراہی کانفرنس میں صدر کو نیٹو سربراہان ریاست و حکومت سے رسمی ملاقاتوں اور عشائیے میں ملنے کا موقع ملے گا“۔ سربراہی کانفرنس میں صدر زرداری کو فرانس کے نومنتخب صدر فرانسوا اولاند سے بھی پہلی مرتبہ ملنے کا موقع ملے گا۔ گزشتہ روز مذہبی جماعتوں کی طرف سے حکومت کے نیٹو سپلائی بحالی کے اصولی فیصلے کیخلاف کوئی بڑی ریلی دیکھنے میں نہیں آئی اور لگتا ہے دفاع پاکستان والوں کو ان کے خالقوں نے چپ کرا دیا ہے۔ جب صدر زرداری دُنیا کے طاقتور ترین رہنماؤں کے ساتھ کندھا ملا کر کھڑے ہوں گے اسی وقت ملک میں پارلیمنٹ کے مشترکہ اجلاس سے ترک وزیراعظم طیب ایردوان خطاب کر رہے ہوں گے۔ دلچسپ امر یہ ہے کہ دی نیوز کو معلوم ہوا ہے صدر زرداری نیٹو سپلائی بحالی اور نیٹو سربراہی کانفرنس میں شرکت کا فیصلہ اپنی حکومت کی طرف سے اس حوالے سے پیشرفت کرنے میں ناکامی کے بعد کیا۔ شیری رحمن کو اسلام آباد طلب کرنے اور شکاگو کانفرنس میں شرکت کا دعوت نامہ ملنے سے قبل اسلام آباد اور واشنگٹن کے درمیان تنازعات کا معمول سے ہٹ کر حل تجویز کرنے کے بعد انہوں نے معاملات اپنے ہاتھ میں لے لئے اور کامیاب رہے۔ دلچسپ بات یہ ہے کہ جب دی نیوز نے قبل ازیں وزیر خارجہ حنا ربانی کھر کے آفس سے ایک ملاقات کیلئے رابطہ کیا تو بتایا گیا کہ اگلے ہفتے وہ غیر ملکی دورے پر ہوں گی اور یہ واقعہ کابینہ کی دفاعی کمیٹی اور کابینہ اجلاسوں سے بہت پہلے کا ہے جن کے دوران زمینی راستے سے سپلائی کھولنے کا عندیہ دیا گیا تھا اور جس کے بعد نیٹو نے صدر کو مدعو کیا۔ اس لئے شکاگو کا دعوت نامہ کوئی حیران کن یا اچانک نہیں بلکہ مئی کے ابتداء میں مغربی سفارتی حلقے زرداری کے شکاگو کے ممکنہ دورے کے بارے میں باتیں کر رہے تھے۔ دوسری جانب اے ایف پی کے مطابق کابل میں امریکی سفارتخانے کیلئے سامان لیکر 4کنٹینرز پاکستان سے طورخم بارڈر کے راستے افغانستان پہنچ گئے، کابل میں امریکی سفارتخانے تصدیق سے انکار کیا ہے جبکہ ایک عہدیدار نے نام ظاہر نہ کرنیکی شرط پر بتایا کہ کنٹینرز کی صحیح تعداد کے بارے میں نہیں بتا سکتا تاہم آئندہ آنیوالے دنوں میں مزید کنٹینرز بھی جائینگے، یہ تمام سفارتی شپمنٹ ہے۔ ادھر ٹی وی رپورٹ کے مطابق اسلام آباد میں امریکی سفارتخانے نے اس امر کی تصدیق کی ہے۔ حکام نے بتایا کہ کنٹینرز نیٹو سے تعلق نہیں رکھتے اور ان میں صرف سفارتخانے کا سامان ہے جس میں کمپیوٹراور دفتری سامان شامل ہے۔ حکام کا کہنا تھا کہ سفارتی سامان کے 300ٹرک پاکستان میں پھنسے ہوئے ہیں اور ان میں سے صرف 4بحال ہوئے ہیں۔

کراچی )سندھ ہائیکورٹ کے مسٹر جسٹس فیصل عرب اور مسٹر جسٹس ندیم اختر پر مشتمل ڈویژن بنچ نے غیر معینہ مدت تک بلدیاتی الیکشن نہ کرانے کیخلاف ناصر حسین شاہ کی آئینی درخواست منظور کرلی اور سندھ حکومت کو حکم دیا ہے کہ 90 روز میں بلدیاتی انتخابات کرائے جائیں۔ عدالت نے چیف الیکشن کمشنر کو ہدایت کی ہے کہ انتخابات کا شیڈول جاری کیا جائے۔ عدالت نے مختصر فیصلہ جاری کرتے ہوئے کہا ہے کہ تفصیلی فیصلہ بعد میں دیا جائیگا۔ دوسری جانب صوبائی وزیراطلاعات شازیہ مری کا کہنا ہے کہ حکومت سندھ اپنے اتحادیوں کی مشاورت سے سندھ ہائیکورٹ کے اس فیصلے کیخلاف اپیل دائر کریگی، جبکہ متحدہ قومی موومنٹ کی رابطہ کمیٹی نے سندھ میں90دن میں بلدیاتی انتخابات کرانے کے سندھ ہائیکورٹ کے فیصلے کا زبردست خیرمقدم کیا ہے اور بلدیاتی انتخابات کوسندھ خصوصاً عوام کی خوشحالی اورترقی کیلئے خوش آئندقراردیاہے۔ تفصیلات کے مطابق سندھ ہائیکورٹ میں درخواست گزار کی جانب سے بیرسٹر شبیر شاہ ایڈووکیٹ نے اپنے دلائل میں موقف اختیار کیا کہ بلدیاتی الیکشن کا غیر معینہ عرصہ تک ملتوی ہونا آئین کے آرٹیکل 140A، 32، 17 کی خلاف ورزی ہے الیکشن نہ کرانا پولیٹکل جسٹس کے بھی خلاف ہے۔ انہوں نے کہا کہ 2009ء میں ناظمین کو ہٹاکر گورنر سندھ نے آرڈیننس کے ذریعہ ایڈمنسٹریٹر مقرر کئے اور 60 دن کے اندر الیکشن کرانے کا عندیہ دیا تھا لیکن الیکشن کی تاریخ میں 120 دن، 200 دن کا اضافہ کیا گیا اور صوبائی اسمبلی نے فیصلہ دیا تھا کہ فی الحال الیکشن نہیں کرائے جاسکتے۔ بیرسٹر شبیر شاہ کے ساتھ رانا اکرام اللہ ایڈووکیٹ بھی پیش ہوئے جبکہ حکومت سندھ نے یہ موقف اختیار کیا کہ متعدد علاقوں میں سیلاب سے لوگ متاثر ہوئے تھے اس لئے انتخابات میں تاخیر ہوئی ہے۔ بیرسٹر شبیر شاہ نے کہا کہ حکومت بلدیاتی انتخابات کرانا نہیں چاہتی جبکہ ضمنی الیکشن کرائے جارہے ہیں۔ دریں اثناء اپنے ایک بیان میں رابطہ کمیٹی نے کہاکہ بلدیاتی نظام نہ صرف جمہوریت کی مضبوطی وخوبصورتی کیلئے کارگرثابت ہوتے ہیں بلکہ عوام کی ترقی وخوشحالی کی ضمانت بھی ہوتے ہیں جہاں منتخب عوامی نمائندے عوام کے مسائل ترجیحی بنیادوں پرحل کرسکتے ہیں۔ رابطہ کمیٹی نے کہاکہ آئین و قانون کے مطابق ہر حکومت مقررہ وقت پربلدیاتی انتخابات کرانے کی پابندہے تاہم صوبے میں بلدیاتی نظام نہ ہونیکی وجہ سے عوام کوپریشانی و مشکلات کاسامناہے اور ان کے مسائل میں دن بہ دن اضافہ ہورہاہے۔ علاوہ ازیں جمعہ کو گورنر سندھ اور وزیراعلیٰ سندھ کی ملاقات سے قبل صحافیوں سے گفتگو کرتے ہوئے شازیہ مری نے کہا کہ وزیراعلیٰ سندھ قائم علی شاہ ‘گورنر سندھ ڈاکٹر عشرت العباد خان سے ملاقات کرنے جارہے ہیں،ملاقات میں سندھ ہائیکورٹ کے فیصلے کیخلاف کے امکان پر غور کیا جاسکتا ہے، ہم ہائیکورٹ کے فیصلے کے قانونی نکات کو بھی دیکھ رہے ہیں۔انہوں نے کہا کہ بلدیاتی انتخابات سے پہلے اتحادی جماعتوں کے مابین نئے بلدیاتی نظام پر اتفاق ضروری ہے، سپریم کورٹ کے احکامات کی روشنی میں انتخابی فہرستوں کی تکمیل بھی لازمی ہے اور یہ دونوں کام 90 دنوں میں نہیں ہوسکتے لہذا بلدیاتی انتخابات 90 دنوں میں کرانا مشکل ہے، ہم اتحادیوں کی مشاورت سے سندھ ہائیکورٹ کے فیصلے کیخلاف اپیل کرینگے۔ دریں اثناء ”جنگ“ کو معتبر ذرائع سے معلوم ہوا ہے کہ گورنر سندھ اور وزیراعلیٰ سندھ کی گورنر ہاوٴس میں ہونے والی ملاقات میں سندھ ہائیکورٹ کے فیصلے پر غور کیا گیا۔ اس ملاقات میں پیپلز پارٹی سے تعلق رکھنے والے وزیر خزانہ سید مراد علی شاہ، متحدہ قومی موومنٹ (ایم کیو ایم) سے تعلق رکھنے والے صوبائی وزراء سید سردار احمد، رضا ہارون اور ڈاکٹر صغیر احمد، سیکریٹری محکمہ خزانہ نوید کامران، گورنر کے پرنسپل سیکریٹری ڈاکٹر نوشاد شیخ اور دیگر حکام نے شرکت کی۔ ذرائع کے مطابق ایم کیو ایم کے رہنماوٴں نے اس بات پر زور دیا کہ بلدیاتی انتخابات نہ صرف جلد منعقد ہوں بلکہ نئے بلدیاتی نظام سے متعلق سندھ اسمبلی سے جلد قانون سازی بھی کرائی جائے۔ سندھ ہائیکورٹ کے فیصلے کیخلاف اپیل دائر کرنے کے معاملے پر ایم کیو ایم کے رہنماوٴں نے اس بات پر بھی زور دیا کہ اپیل میں بلدیاتی انتخابات کے انعقاد کیلئے سپریم کورٹ کو آگاہ کیا جائے۔ دریں اثناء فون پر گفتگو کرتے ہوئے آغا سراج درانی نے، جو اجلاس میں شریک نہیں تھے، کہا کہ نئے بلدیاتی نظام پر اتحادیوں سے مشاورت جاری ہے، ہم سندھ ہائیکورٹ کے فیصلے کیخلاف سپریم کورٹ میں اپیل دائر کرینگے۔ ذرائع نے یہ بھی بتایا ہے کہ گورنر ہاوٴس میں ہونے والے اجلاس میں کراچی اور حیدرآباد کے بلدیاتی اداروں کو فنڈز کی فوری فراہمی کا معاملہ بھی زیر غور آیا۔ اجلاس کے بارے میں گورنر ہاوٴس سے جاری کردہ پریس ریلیز میں کہا گیا ہے کہ اجلاس میں اس بات پر اتفاق کیا گیا کہ آئندہ صوبائی بجٹ میں عوام کی فلاح و بہبود کیلئے ترقیاتی کاموں خاص طور پر پینے کے پانی کی فراہمی، روڈ نیٹ ورک کے میگا پروجیکٹس پر فوکس کیا جائیگا۔ گورنر ہاوٴس میں گورنر سندھ ڈاکٹر عشرت العباد خان اور وزیراعلیٰ سندھ سید قائم علی شاہ کی صدارت میں منعقدہ اعلیٰ سطح کے اجلاس میں آئندہ مالی سال کے لئے بجٹ پر غور کیا گیا۔ کراچی شہر کو فراہمی آب اور نکاسی آب کے عظیم تر منصوبوں کے فور (K-IV) اور ایس تھری کے لئے صوبائی بجٹ میں صوبے کے حصے کی رقم مختص کی جارہی ہے۔ اجلاس میں بتایا گیا کہ صوبائی بجٹ میں تعلیم، صحت اور انفرااسٹرکچر ڈیولپمنٹ کے لئے ترجیحی بنیادوں پر کام پر زور دیا جائے گا۔ صوبے بھر میں ان شعبوں میں جاری منصوبوں کی تکمیل پر بھی خصوصی توجہ دی جائے گی جبکہ صوبے میں روڈ نیٹ ورک کو جدید خطوط پر استوار کرنے کے لئے بھی رقم کا اہتمام کیا جارہا ہے۔ مجموعی طور پر بجٹ عام آدمی کے معیار زندگی میں بہتری لانے اور اس کو فائدہ پہنچانے کا سبب بنے گا۔