گورنر پنجاب سلمان تاثیر نے کہا ہے کہ وزیر اعلیْ شہباز شریف کے طالبان کو پنجاب میں حملہ نہ کرنے کا بیان اس بات کا ثبوت ہے کہ مسلم لیگ نون پورے ملک جماعت نہیں ہے۔

ادھر شہباز شریف نے اپنے بیان کے بارے میں ایک وضاحت جاری کی ہے اور بقول ان کے بعض حلقوں نے ان کے بیان کو غلط معنی پہنانے اور اسے اپنی مرضی کا رنگ دینے کی کوشش کی ہے۔

کلِک پنجاب پر حملے نہیں کرنے چاہیں: شہباز شریف

اتوار کو لاہور میں جامعہ نعیمیہ میں ایک سیمینار سے خطاب کرتے ہوئے شہباز شریف نے کہا تھا کہ اگر طالبان کا یہ نکتہ نظر یا موقف ہے کہ وہ اغیار کے پاکستان پر تسلط اور ڈکٹیشن کے خلاف ہیں تو پھر انہیں پنجاب میں ایسی حرکتیں نہیں کرنی چاہئیں۔

گورنر پنجاب سلمان تاثیر نے وزیر اعلیْ شہبازشریف پر نکتہ چینی کرتے ہوئے کہا کہ شہبازشریف نے حملہ نہ کرنے کا بیان دیکر دہشت گردوں کے سامنے گھٹنے ٹیک دئیے ہیں اور یہ ثابت کیا ہے کہ وہ جنرل ضیاء کا اصل وارث ہیں

اتوار کو لاہور میں جامعہ نعیمیہ میں ایک سیمینار سے خطاب کرتے ہوئے شہباز شریف نے کہا تھا کہ اگر طالبان کا یہ نکتہ نظر یا موقف ہے کہ وہ اغیار کے پاکستان پر تسلط اور ڈکٹیشن کے خلاف ہیں تو پھر انہیں پنجاب میں ایسی حرکتیں نہیں کرنی چاہئیں۔

گورنر پنجاب سلمان تاثیر نے وزیر اعلیْ شہبازشریف پر نکتہ چینی کرتے ہوئے کہا کہ شہبازشریف نے حملہ نہ کرنے کا بیان دیکر دہشت گردوں کے سامنے گھٹنے ٹیک دئیے ہیں اور یہ ثابت کیا ہے کہ وہ جنرل ضیاء کا اصل وارث ہیں۔

انہوں نے کہا کہ وزیر اعلیْ کے بیان سے قائد اعظم کی روح تڑپ اٹھی ہوگی اس لیے وزیر اعلیْ شہباز شریف کو چاہئے کہ وہ اس طرح کے بیانات نہ دیں ۔ان کے بقول شہبازشریف کے بیان سے پاکستانی عوام کے جذبات مجروح ہوئے ہیں جبکہ پنجابی اس پر شرمندہ ہیں۔

گورنر کا کہنا ہے کہ گزشتہ دو برسوں میں صوبہ پنجاب میں جرائم کی شرح میں اضافہ ہوا ہے تو کیا ڈاکوں کے پاس جاکر ان سے یہ کہا جائے کہ پنجاب میں کچھ نہ کریں اور باقی پاکستان کو لوٹیں۔

انہوں نے مزید کہا کہ اگر شہبازشریف نے طالبان اور فرقہ پرست قوتوں کی حمایت کرنی ہے تو کھل بات کریں کہ وہ کس کے ساتھ ہیں۔ انہوں نے کہا کہ میں وزیر اعلیْ کو خط میں یہ لکھا تھا کہ کالعدم تنظیموں کی حمایت یا تقویت دینا انسداد دہشت گردی کی زد میں آتا ہے۔ تاہم اب شہباز شریف نے خود ہی عوام کے سامنے جواب دے دیا ہے۔

ان کا کہنا ہے کہ جب کالعدم تنظیم کو پنجاب میں پولیس سیلوٹ کرے گی تو پھر فرقہ پرستی پھیلانے کی چھوٹ دینے کی بات ہے۔ سلمان تاثیر نے کہا کہ امریکہ کی مخالفت کی باتیں کرنے والے یہ بتائیں کہ جب کارگل کا واقعہ ہوا تھا تو ان کے پاس کون بھاگ کرگیا تھا اور امریکہ سے کس نے کہا کہ انہیں بچائیں۔

گورنر پنجاب سلمان تاثیر نے کہا کہ ماڈل ٹاؤن میں جس سپیشل انوسٹی گیشن یونٹ پر حملہ ہوا ہے وہ نہ وفاقی حکومت اور نہ ہی صوبائی حکومت کے تحت کام کرتا ہے بلکہ بقول ان کے یہ ادارہ وزیر اعلیْ کے ماتحت ہے جسے میجر ریٹایرڈ مشتاق اور رانا مقبول چلا رہے ہیں۔

دوسری جانب وزیر اعلیْ پنجاب شہبازشریف نے اپنی وضاحتی بیان میں کہا کہ ان کی جامعہ نعیمیہ میں تقریر کے بعض حصوں کو سیاق وسباق سے ہٹ کر پیش کیا گیا ہے اور اس میں سے مرضی کا معنی نکالنے کی کوشش کی گئی ہے۔

شہباز شریف نے وضاحت کی ’ میں نے گفتگو صحافی حامد میر کے تقریر میں اٹھائے گئے سوالات کا جواب دیتے ہوئے کی تھی اور اسے تناظرمیں دیکھا جانا چاہئے۔وزیر اعلیْ نے کہا کہ میں نے صحافی کی تقریر کے جواب میں کہا کہ آگر آپ کی یہ بات درست ہے کہ ہم پاکستان پر اغیار کے تسلط اور ڈکٹیشن کے خلاف ہیں اور طالبان بھی ان کے خلاف ہیں تو پھر طالبان کو پنجاب پر حملے نہیں کرنے چاہئیے تھے۔‘

ان کا کہنا ہے کہ اگر پنجاب کی انتظامیہ عکسریت پسندوں کے ساتھ آہنی ہاتھوں سے نہیں نمٹ رہی تو پھر یہ دہشتگرد پنجاب اور اس کے دارالحکومت لاہور کو بار بار اپنی وحشانہ سرگرمیوں کا نشانہ کیو بنا رہے ہیں۔انہوں نے کہا کہ وقت کی ضرورت ہے کہ پاکستان کی تمام سیاسی جماعتیں اور ساست دان صوبائی اور گروہی مفادات سے بالاتر ہو کر دہشت گردی کے ناسور کا مقابلہ کریں ۔

امریکہ میں اسرائیل کے سفیر نے کہا ہے کہ دونوں ملکوں کے درمیان تعلقات بدترین بحران سے گزر رہے ہیں۔ان کا کہنا ہے کہ ایسا بحران گزشتہ پینتیس سال میں کبھی پیدا نہیں ہوا تھا۔

امریکہ اسرائیل تعلقات میں یہ کشیدگی اس وقت پیدا ہوئی جب اسرائیل نے مقبوضہ مشرقی یروشلم میں سولہ سو نئے گھروں پر مشتمل عمارتوں کی تعمیر کے منصوبے کا اعلان اس وقت کیا جب امریکی نائب صدر جو بائڈن اسرائیل کے دورے پر تھے۔

امریکہ نے اسرائیل کے اس اقدام کو امریکی اور فلسطینی رہنماؤں کی ہتک قرار دیتے ہوئے کہا کہ اسرائیلی قیادت سے بالراست بات چیت اب ’غیر یقینی‘ ہے۔

اسرائیلی وزیر اعظم نے اس سلسلے میں کہا ہے کہ نئی یہودی آبادیوں سے مشرقی یروشلم میں آباد عربوں کو کوئی ’تکلیف‘ نہیں ہو گی۔

لیکن مبصرین کا کہنا ہے کہ یہودی بستیوں کی توسیع کے منصوبے کے اعلان کے بعد امریکہ اور اسرائیل کے تعلقات میں آنے والی کشیدکی کم ہونے کی بجائے بڑھتی جا رہی ہے۔

صدر براک اوباما کے مشیر ایمونیل ایگزلروڈ نے کہا ہے کہ مشرقی یروشلم میں نئی یہودی بستیوں کی تجویز مشرقی وسطیٰ میں امن کی کوششوں کے لیے تباہ کن ہے اور امریکی نائب صدر کی موجودگی میں اس منصوبے کا اعلان امریکی کی ہتک کے مترادف ہے۔

اسرائیلی وزیر اعظم بنیامن نیتن یاہو نے اتوار کو اسرائیلی پارلیمان سے خطاب کرتے ہوئے امریکہ اسرائیل سفارتی تنازعے کا احاطہ کرتے ہوئے کہا کہ وہ توقع کرتے ہیں کہ امن بات چیت جاری رہے گی اور فلسطینی کوئی نئی شرائط نہیں لگائیں گے۔

انہوں نے کہا کہ ’گزشتہ چالیس سال میں کسی حکومت نے یروشلم کے نواح میں یہودی بستیوں کی تعمیر کو محدود نہیں کیا‘۔

انہوں نے کہا کہ ان بستیوں کو نہ تو مشرقی یروشلم میں بسنے والے عربوں کی قیمت پر تعمیر کیا جا رہا ہے اور نہ ہی ان کی تعمیر سے انہیں کوئی تکلیف پہنچے گی۔

اسی دوران یورپی یونین میں خارجہ پالیسی کے سربراہ بیرونیس ایشٹن نے جو ان دنوں مشرقِ وسطیٰ کے دورے پر ہیں کہا ہے کہ اسرائیل کے فیصلے نے فلسطینیوں سے بالراست بات چیت پر پانی پھیر دیا ہے۔

پارلیمان سے خطاب سے قبل اسرائیلی وزیراعظم نیتن یاہو نے کہا تھا کہ جس طرح ذرائع ابلاغ میں اس پورے معاملے کی کوریج ہوئی اس سے معاملات ٹھیک نہیں ہوں گے۔

انہوں نے کہا کہ معاملات کو ٹھنڈا کرنے کی کوشش کی جانی چاہیے۔انہوں نے کہا کہ ’ہم جانتے ہیں کہ ایسی صورتحال سے ٹھنڈے اور سنجیدہ انداز میں کیسے نمٹا جاتا ہے‘

ہندوستان کی ریاست راجستھان کے سوائی مدھوپور ضلع ميں ایک بس کے ندی میں گرنے کے سبب چھبیس طلبہ کے مارے جانے کی خبر ہے۔ اس کے علاوہ حادثے ميں کئی بچے زخمی بھی ہوئے ہیں۔

اطلاعات کے مطابق ہلاک ہونے والوں ميں گیارہ لڑکیاں اور پندرہ لڑکے شامل ہیں۔

حادثے میں 34 افراد زخمی ہوئے ہیں جن ميں پانچ کی حالت نازک بتائی جا رہی ہے۔ شدید زخمی افراد کو کوٹہ ہسپتال میں داخل کروا دیا گیا ہے جبکہ دیگر کو سوائی مادھوپور کے ضلع ہسپتال میں لے جایا گیا ہے۔

سوائی مادھوپور کے سینیئر پولیس اہلکار وکاس کمار نے 26 اموات کی تصدیق کی ہے۔

پولیس کے مطابق یہ حادثہ اس وقت پیش آیا جب صبح تین بجے موریل ندی پر بنے ہوئے ایک پل کو پار کرنے والی بس کے ڈرائیور نے اپنا کنٹرول کھو دیا اور بس 35 فن نیچے سوکھی ندی میں جاگری۔ اس وقت بیشتر مسافر سو رہے تھے۔

پولیس کے مطابق یہ طلبہ جھالواڑا علاقے کے ایک کالج کے تھے اور اتر پردیش ميں مذہبی مقامات کے سفر کے لیے نکلے تھے۔

ریاست اتر پردیش میں حکمراں بہوجن سماج پارٹی نے لکھنؤ ميں ایک بڑی ریلی منعقد کی ہے جس کو مہا ریلی کا نام دیا گیا ہے۔ پارٹی کے بانی کانشی رام کی سالگرہ کے موقع پر منعقد کی گئی ریلی اور تقریب کو پارٹی کی سلورجوبلی جشن کے طور پر بھی منایا جا رہا ہے۔

ریلی میں بہوجن سماج پارٹی کی سربراہ نے عوام سے خطاب کے دوران کانگریس پارٹی پر سخت نکتہ چینی کی اور اسے دلت مخالف پارٹی قرار دیا۔

لیکن ریلی پر خرچ کی گئی رقم اور کافی دنوں سے جاری تیاریوں کے سبب یہ ریلی تنازعہ کا شکار ہو گئی ہے۔

حزب اختلاف نے الزام عائد کیا ہے کہ ریلی کی تیاریوں ميں نہ صرف تمام سرکاری محکمہ جی جان سے لگا ہوا ہے بلکہ سرکاری خزانے کے کروڑوں روپے پانی کی طرح بہائے جا رہے ہیں۔

واضح رہے کہ پچھلے ہفتے ریاست کے کنڈا علاقے میں واقع ایک آشرم میں بھگدڑ مچ جانے سے متعدد افراد ہلاک ہو گئے تھے، اس وقت ریاست کی وزیر اعلی مایاوتی نے مرنے والوں کے لیے یہ کہہ کر کوئی معاوضہ دینے سے انکار کردیا تھا کہ سرکار کے اقتصادی حالات اچھے نہیں ہیں۔

بہوجن سماج پارٹی کے سینیئر ممبر بابو سنگھ کشواہا نے تمام الزامات کی تردید کرتے ہوئے کہا ہے کہ ریلی میں شرکت کرنے والوں پر خرچ ہونے والی رقم کی ذمےداری پارٹی کی ہے۔

کانگریس پارٹی نے ریلی کو سرکس قرار دیا ہے۔

ریاستی کانگریس کی صدر ریٹا بہوگڑا جوشی نے لکھنؤ میں صحافیوں سے بات چیت ميں کہا ’ ریلی کا مقصد دلتوں، غریبوں، پسماندہ اور اقلیتوں کی بہتری نہیں ہے بلکہ ریاست کے ووٹروں کو یہ پیغام دینے کی کوشش ہے کہ حالات قابو میں ہیں جبکہ پارٹی یعنی بہوجن سماج وادی پارٹی کی بنیاد کمزور پڑ چکی ہے۔‘

انتخابی جائزوں کے مطابق فرانس کے صدر نکولا سرکوزی کی جماعت کو علاقائی انتخابات میں بائیں بازو کی جماعتوں کے ہاتھوں شکست کا سامنا ہے۔

صدر سرکوزی کے 2007 میں صدر منتخب ہونے کے بعد یہ پہلا انتخابی معرکہ ہے جس میں ان کی جماعت بائیں بازو کی ہاتھوں شکست سے دوچار ہوتی نظر آتی ہے۔

انتخابی جائزوں کے مطابق سوشلسٹ جماعت کو تیس فیصد سے زائد ووٹ ملنے کی توقع ہے جبکہ صدر سرکوزی کی جماعت کو چھبیس فیصد ووٹ ملنے کی توقع ہے۔انتہائی دائیں بازو کی جماعتوں نے پچھلے انتخابات کے مقابلے اچھی کارکردگی کا مظاہرہ کر رہی ہیں اور ان کے ووٹوں کا تناسب بارہ فیصد تک ہو سکتا ہے۔

صدر سرکوزی نےممکنہ انتخابی دھچکے کو یہ کہہ مسترد کرنے کی کوشش کی ہے کہ وہ ملک میں اصلاحات کا عمل جاری رکھیں گے۔ صدر سرکوزی کے غیر مقبول ہونے کی وجہ ملک میں بڑھتی ہو ئے بے روزگاری ہے۔ فرانس میں بیروزگاری کی شرح دس فیصد تک پہنچ چکی ہے۔ بیروزگار افراد کی تعداد تیس لاکھ تک پہنچ چکی ہے۔

موجودہ انتخابی معرکہ 2012 میں ہونے والے صدراتی انتخابات سے پہلے سب سے اہم سیاسی مقابلہ ہے۔

الیکشن میں ووٹرز کے سامنے عالمی کساد بازاری اور اُس کے فرانسیسی معیشت پر اثرات کا موضوع سب سے اہم ہے۔

چین نے مغربی ممالک کی طرف سے کرنسی کی قدر میں تبدیلی کےمطالبے کو رد کرتے ہوئےامریکہ کومشورہ دیا ہے کہ اپنے حالات ٹھیک کرنے پر توجہ دے۔

امریکہ اور یورپی یونین چین پر الزام لگاتے ہیں کہ چین اپنی ملکی برآمدات کو بڑھانے کی غرض سے کرنسی کی قدر کومصنوعی طور پر کم رکھا ہوا ہے۔ امریکہ صدر براک اوباما نے چین سے کہا تھا کہ وہ اپنی کرنسی کی مالیت کا تعین حقیت پسندانہ انداز میں کرے۔

چین کے صدر وین جیاباؤ نے کہا کہ عالمی معیشت کی بحالی کو یقینی بنانے کے لیے یوان کی قدر کو مستحکم رکھنا بہت ضروری ہے۔

چین کے صدر نے سالانہ پارلیمانی اجلاس سے خطاب کے دوران امریکہ کی طرف سے تائیوان کو اربوں ڈالر کا اسلحہ بیجنے اور تبت کے جلا وطن روحانی پیشوا دلائی لامہ کی امریکہ میں آو بھگت اور صدر سے ملاقات کا ذکر کیا اور اسے غلطی قرار دیا۔

امریکہ اور یورپی یونین الزام لگاتے رہے ہیں کہ چین جان بوجھ کر یوان کی قدر کم رکھنا چاہتا ہے تاکہ برآمدات میں مسلسل اضافہ ہو۔چینی وزیر اعظم وین جیاباؤ نے کہا ہے کہ وہ اپنے ملک کے زرمبادلہ کی شرح تبدیل کرنے کے لیے دباؤ میں نہیں آئیں گے۔

امریکی نائب صدر جو بائڈن کے دورہ اسرائیل کے دوران مشرقی یورشلم میں یہودی بستیوں کی توسیع کے منصوبے کے اعلان کے بعد امریکہ اور اسرائیل کے تعلقات میں آنے والی کشیدکی کم ہونے کی بجائے بڑھتی جا رہی ہے۔

صدر براک اوباما کے مشیر ایمونیل ایگزلروڈ نے کہا ہے کہ مشرقی یروشلم میں نئی یہودی بستیوں کی تجویز مشرقی وسطیٰ میں امن کی کوششوں کے لیے تباہ کن ہے اور امریکی نائب صدر کی موجودگی میں اس منصوبے کا اعلان امریکی کی ہتک کے متراف ہے۔

اسرائیلی وزیر اعظم بینجمن نیتن یاہو نے اتوار کے روز کابینہ کے اجلاس کے دوران امریکہ اسرائیل سفارتی تنازعے کا احاطہ کرتے ہوئے کہا کہ جس طرح ذرائع ابلاغ میں کوریج ہوئی اس سے معاملات ٹھیک نہیں ہوں۔ اسرائیلی وزیر اعظم نے تجویز کیا کہ معاملات کو ٹھنڈا کرنے کی کوشش کی جانی چاہیے۔انہوں نے کہا ’ہم جانتے ہیں کہ ایسی صورتحال سے ٹھنڈے اور سنجیدہ انداز میں کیسے نمٹا جاتا ہے۔

امریکی وزیر خارجہ ہیلری کلنٹن نے اسرائیل کی سرزنش کرتے ہوئے اسرائیل کو خبردار کیا تھا کہ اس سے دونوں ملکوں کے تعلقات کشیدہ ہو سکتے ہیں۔ ہیلری کلنٹن نے کہا تھا کہ امریکہ کی ہتک کرنے کی کوشش کی گئی ہے۔

اسرائیل یہودی بستیوں میں توسیع منصوبے کے تحت 1600 نئے گھر تعمیر کرنا چاہتا ہے۔ مشرقی یورشلم پر 1967 کے قبضے کے بعد وہاں ایک سو یہودی بستیوں میں پانچ لاکھ یہودیوں کو آباد کیا گیا ہے۔عالمی دنیا مشرقی یروشلم کو مقبوضہ علاقہ تصور کرتی ہے۔ فلسطینی اسے فلسطینی ریاست کا دارالخلافہ بنانا چاہتے ہیں۔

اسرائیل کی جانب نئی بستیوں کی تعمیر کے منصوبے کے اعلان کے بعد فلسطین رہنماؤں نے بالواسطہ مذاکرت نہ کرنے کی دھمکی دی ہے۔

اسرائیلی وزیر اعظم نے تسلیم کیا ہے کہ امریکی نائب صدر کی موجودگی میں یہودی بستیوں میں توسیع کے منصوبے کا اعلان ایک جارحانہ فعل تھا لیکن انہوں نے دعویٰ کیا کہ کہ یہ کسی سوچے سمجھے منصوبے کا نتیجہ نہیں بلکہ ایک حادثہ تھا۔

نیتن یاہو نے ایک کمیٹی قائم کر رکھی ہے جو یہ پتہ لگانے کی کوشش کر رہی ہے کہ ایسے منصوبے جس کا وزیر اعظم کو بھی علم نہیں تھا اس کا اعلان امریکی نائب صدر کی اسرائیل میں موجودگی کےدوران کیبسے کیا گیا۔

یروشلم میں بی بی سی کے نامہ نگار پال وڈ کے امریکی عہدیدار یہ ماننے کے لیے تیار نہیں ہیں کہ یہودی بستیوں میں توسیع کا اعلان ایک سوچے سمجھے منصوبے کا حصہ نہیں تھا۔

اسرائیل کے کچھ سیاسی مبصروں مطابق یہودی بستیوں میں توسیع کے منصوبے کے اعلان کا مقصد نیتن یاہو کی کمزور حکومت کو دوام دینے کے لیے کیا گیا۔ نیتن یاہو کی حکومت کٹر یہودی جماعتوں کے تعاون سے قائم ہے اور جس دن انہوں نے اپنی حمایت ختم کر دی تو ان کی حکومت کا قائم رہنا ممکن نہیں ہو گا۔